مَلاکی 3

گله‌جکده گلن اِلچی

1«باخ، من اؤز اِلچئمی گؤندَ‌رئرم. او، حوضورومدا یول حاضیرلایاجاق. آختاردیغینیز پروردئگار قَفلَتَن اؤز معبدئنه گله‌جک. گؤرمک آرزوسوندا اولدوغونوز عهد اِلچئسی گله‌جک.» قوشونلار ربّی بویورور. 2«لاکئن اونون گله‌جیی گونه کئم تاب گتئره بئلر؟ ظوهور ادنده کئم داوام گتئره بئلر؟ چونکی او، اَرئدئجئنئن اودو، یویونچونون صابونو کئمی اولاجاق. 3او، گوموش اَرئدئب تمئزله‌یَن آدام کئمی رفتار اده‌جک: لاوئلی‌لری صافلاشدیریب قیزیل و گوموشو تمئزله‌یَن کئمی تمئزلَیه‌جک. اِله کی، صالحلئکله ربّه قوربانلار گتئرسئنلر. 4او واخت یهودانین و اورشلئمئن قوربانلاری اوّلکی واختلار کئمی، کچمئش ائل‌لرده اولدوغو کئمی ربّه خوش گله‌جک. 5من جزا ورمک اوچون سئزه یاخینلاشاجاغام. اووسونچولارین، زئناکارلارین، یالاندان آند ائچَنلرئن، و او آداملارین ضئدّئنه کی، موزدورون، دول آروادین، یِتئمئن و قرئبئن حاقّینی تاپدالاییرلار-یعنی مندن قورخمایانلارین ضئدّئنه تزلئکله شهادت وره‌جیم.» قوشونلار ربّی بله دیئر.

اوندا-بئرلری اوغورلایانلاری مزمّت

6«من ربّم و هچ واخت دَیئشمه‌رم. سئز بونون اوچون محو اولمادینیز، ای یعقوب اؤولادلاری! 7آتالارینیزین دؤوروندن بَری قایدالاریمدان دؤندونوز و اونلارا عمل اتمه‌دئنئز. منه طرف دؤنون، من ده سئزه طرف دؤنه‌رم.» قوشونلار ربّی بویورور. «سئز ”نجه دؤنَک؟“ دیئب سوروشورسونوز. 8ائنسان دا مگر تاریدان اوغورلایار؟ سئز آمّا مندن اوغورلاییرسینیز. ”سندن نه‌یی اوغورلاییریق؟“ دیئب سوروشورسونوز. اوندا-بئرلری و تقدئملری اوغورلاییرسینیز. 9سئز، بوتون مئلّتئنئز لعنت آلتینداسینیز. چونکی مندن اوغورلاییرسینیز. 10بوتون اوندا-بئرلرئنئزی آنبارا گتئرئن کی، معبدئمده ارزاق اولسون.» قوشونلار ربّی دیئر: «سئز بونونلا منی ائمتاحان ادئن. گؤره‌جکسئنئز کی، گؤیلرئن پنجره‌لرئنی سئزه آچاجاغام، اوستونوزه احتئیاجلارینیزدان دا چوخ برکت یاغدیراجاغام. 11چَیئرتکه‌لری #3‏:11 و یا یئیَنلری. اَکئنلرئنئزی یِمَیه قویمایاجاغام، زَمئده مِینه‌یئنئز محصولسوز قالمایاجاق.» قوشونلار ربّی دیئر. 12«بوتون مئلّتلر سئزی بختور سایاجاق. چونکی اؤلکه‌نئز گؤزل بئر یِر اولاجاقدیر.» قوشونلار ربّی بویورور.

13«منئم ضئدّئمه یاوا سؤزلر دِدئنئز.» رب بویورور، لاکئن سئز «سنئن ضئدّئنه نه ددئک؟» دیئب سوروشورسونوز. 14سئز دِدئنئز: «تارییا خئدمت اتمک فایداسیزدیر. قوشونلار ربّئن امرئنی یرئنه یتئرمَکله، اونون حوضوروندا یاس ائچئنده گَزمَکله بئزه نه خیئر اولدو؟ 15آمّا ائندی بئز مغرورلاری بختور ساییریق. پئسلئک ادنلر ائشلرئنده اوغور قازا‌‌نیرلار، تارینی ائمتاحانا چکئرلر ده، لاکئن جزادان قاچیرلار.»

16او زامان ربدن قورخانلار بئربئرلری ائله دانیشدیلار. رب بو سؤزلره قولاق آسیب اشئتدی. ربدن قورخوب آدینا حؤرمت ادنلر اوچون اونون قاباغیندا بئر یادداش کئتابی یازیلدی. 17قوشونلار ربّی دیئر: «اؤز مخصوص خالقیمی اورتایا چیخارتدیغیم گون، اونلار منئم اولاجاقلار. بئر آتا اؤزونه خئدمت ادن اوغلونا نجه رحم ادئر، من ده اونلارا اِله رحم اده‌جیم. 18او زامان سئز صالحله پئس آدام آراسینداکی فرقی، تارییا قوللوق ادنله اتمه‌یَنئن آراسینداکی فرقی گئنه گؤره‌جکسئنئز.»

Currently Selected:

مَلاکی 3: موقدس کتاب

Highlight

Copy