یارادیلیش 36
36
عئسونون نسلی
1عئسونون، یعنی اِدومون تارئخچه‌سی بله‌دئر: 2عئسو کَنَعان قیزلاریندان خئتلی اِلونون قیزی عادانی، خئولی صئب‌عونون قیزی آنانین قیزی اوهولئبامانی، 3هم ده ائسماعئلئن قیزی، نِبایوتون باجیسی باسمَتی آرواد آلدی. 4عادا عئسویا اِلئفازی دوغدو، باسمَت ده رِعواِلی دوغدو. 5اوهولئباما یِعوشو، یالامی و قورَخی دوغدو؛ عئسونون کَنَعان تورپاغیندا دوغولان اوغوللاری بونلاردیر.
6عئسو آروادلارینی، اوغوللارینی، قیزلارینی، اِوئنده‌کی آداملارین هامیسینی، سورولرئنی، بوتون حیوانلارینی و کَنَعان تورپاغیندا قازاندیغی بوتون وار-دؤولتی گؤتوروب، قارداشی یعقوبون یانیندان آیری بئر تورپاغا گتدی. 7چونکی املاکلاری چوخ اولدوغونا گؤره، بئرلئکده یاشایا بئلمه‌دئلر؛ سورولری چوخ اولدوغو اوچون قالدیقلاری تورپاغا سیغمیردیلار. 8عئسو، یعنی اِدوم سِعئر داغیندا ساکئن اولدو.
9اِدوملولارین اجدادی عئسونون، سِعئر داغینداکی تارئخچه‌سی بله‌دئر: 10عئسونون اوغوللارینین آدلاری بله‌دئر: عئسونون آروادی عادانین اوغلو اِلئفاز، عئسونون آروادی باسمَتئن اوغلو رِعواِل. 11اِلئفازین اوغوللاری: تِمان، عومار، صئفوا، قاتام و قِناز. 12تئمه‌ناع عئسونون اوغلو اِلئفازین جارئیه‌سی ائدی. او، اِلئفازا عَمالِقی دوغدو. عئسونون آروادی عادانین نوه‌لری بونلاردیر. 13رِعواِلئن اوغوللاری بونلاردیر: نَخَت، زِرَخ، شامّا و مئزّا؛ بونلار عئسونون آروادی باسمَتئن نوه‌لرئدئر. 14عئسونون آروادی اوهولئبامانین اوغوللاری بونلاردیر. اوهولئبامان صئب‌عونون نوه‌سی و آنانین قیزی ائدی: او، عئسویا یِعوشو، یالامی و قورَخی دوغدو.
15عئسو اوغوللارینین باشچیلاری بونلاردیر: عئسونون ائلک اوغلو اِلئفازین اوغوللاری: باشچی تِمان، باشچی عومار، باشچی صئفوا، باشچی قِناز، 16باشچی قورَخ، باشچی قَعتام، باشچی عَمالِق. اِدوم تورپاغیندا اِلئفازدان اولان باشچیلار بونلاردیر؛ اونلار عادانین نوه‌لرئدئر. 17عئسونون اوغلو رِعواِلئن اوغوللاری بونلاردیر: باشچی نَخَت، باشچی زِرَخ، باشچی شامّا، باشچی مئزّا. اِدوم تورپاغیندا رِعواِلدن اولان باشچیلار بونلاردیر؛ اونلار عئسونون آروادی باسمَتئن نوه‌لرئدئر. 18عئسونون آروادی اوهولئبامانین اوغوللاری بونلاردیر: باشچی یِعوش، باشچی یالام، باشچی قورَخ؛ اونلار عئسونون آروادی آنا قیزی اوهولئبامانین نسلئندن اولان باشچیلاردیر. 19بونلار عئسونون، یعنی اِدومون اوغوللاریدیر، بونلار دا اونلارین باشچیلاری‌دیر.
سِعئرئن نسلی
20اؤلکه‌ده یاشایان خورلو سِعئرئن اوغوللاری بونلاردیر: لوتان، شوبال، صئب‌عون، آنا، 21دئشون، اِسِر و دئشان. اِدوم تورپاغیندا باشچیلیق ادن خورلو سِعئرئن اوغوللاری بونلاردیر.
22لوتانین اوغوللاری حوری و هِمام، لوتانین باجیسی تئمه‌ناع. 23شوبالین اوغوللاری بونلاردیر: اَلوان، مانه‌خَت، عِبال، شِفو و اونام. 24صئب‌عونون اوغوللاری بونلاردیر: آیّا و آنا؛ بو اِله او آنادیر کی، آتاسی صئب‌عونون اِششَکلرئنی اوتارارکن، چؤلده‌کی ائستی بولاقلاری تاپدی. 25آنانین اؤولادلاری بونلاردیر: دئشون و آنانین قیزی اوهولئباما. 26دئشونون اوغوللاری بونلاردیر: خِمدان، اِشبان، یئتران و کِران. 27اِسِرئن اوغوللاری بونلاردیر: بئلهان، زَعه‌وان و اَقان. 28دئشانین اوغوللاری بونلاردیر: عوص و اَران.
29خورلولاردان اولان باشچیلار بونلاردیر: باشچی لوتان، باشچی شوبال، باشچی صئب‌عون، باشچی آنا، 30باشچی دئشون، باشچی اِسِر، باشچی دئشان؛ سِعئر تورپاغیندا قبئله‌لرئنه گؤره خورلو باشچیلار بونلاردیر.
اِدومون پادشاهلاری و باشچیلاری
31ائسرایئللی‌لره بئر کس پادشاهلیق اتمه‌دن قاباق، اِدوم اؤلکه‌سئنده پادشاهلیق ادن آداملار بونلاردیر: 32اِدومدا بِعورون اوغلو بِلَع پادشاه اولدو. اونون شهری دئنهابا ائدی. 33بِلَع اؤلدو و اونون یرئنه زِرَخ اوغلو بوصرالی یوباب پادشاه اولدو. 34یوباب اؤلدو و اونون یرئنه تِمانلی‌لارین تورپاغیندان اولان خوشام پادشاه اولدو. 35خوشام اؤلدو و اونون یرئنه بِدَد اوغلو حَدَد پادشاه اولدو کی، موآب چؤلونده مئدیانلی‌لاری قیرمیشدی. اونون شهری عَوئت ائدی. 36حَدَد اؤلدو و اونون یرئنه ماسرِقادان اولان ساملا پادشاه اولدو. 37ساملا اؤلدو و یرئنه شاول پادشاه اولدو. شاول فَرات چایی قیراغیندا اولان رِخوبوتدان ائدی. 38شاول اؤلدو و اونون یرئنه آکبورون اوغلو بَعَل‌خانان پادشاه اولدو. 39آکبورون اوغلو بَعَل‌خانان اؤلدو و اونون یرئنه هَدَر پادشاه اولدو. اونون شهری پاعو ائدی. اونون آروادینین آدی مِزاحاب قیزی مَترِد قیزی مِحِته‌بِل ائدی.
40عئسونون نسلئندن اولان باشچیلارین قبئله‌لرئنه و یِرلرئنه گؤره آدلاری بله‌دئر: باشچی تئمه‌ناع، باشچی عَلوا، باشچی یِتِت، 41باشچی اوهولئباما، باشچی اِلا، باشچی پئنون، 42باشچی قِناز، باشچی تِمان، باشچی مئبسار، 43باشچی ماگدی‌اِل، باشچی ائرام؛ صاحئب اولدوقلاری اؤلکه‌ده یاشادیقلاری یِرلره گؤره اِدوم باشچیلاری بونلاردیر. عئسو دا اِدوملولارین جدّی‌دئر.
Currently Selected:
یارادیلیش 36: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
