یارادیلیش 35

یعقوبون بِیت‌ائله قاییتماسی

1تاری یعقوبا ددی: «قالخیب بِیت‌ائله گت و اورادا قال. اورادا تارییا بئر قوربانگاه دوزَلت، او تارییا کی، قارداشین عئسونون اَلئندن قاچاندا سنه نظر سالدی.» 2یعقوب عایئله‌سئنه و اونونلا اولانلارین هامیسینا ددی: «یانینیزدا اولان اؤزگه بوت آللاهلارینی آتین و اؤزونوزو پاک ادئب، پالتارلارینیزی دَیئشئن. 3قالخیب بِیت‌ائله گدک. اورادا بئر قوربانگاه دوزَ‌لده‌جیم، او تارییا کی، دردلی گونومده منه جاواب وردی و گتدئیئم یولدا منئمله اولدو.» 4اونلار یانلاریندا اولان بوتون اؤزگه بوت آللاهلارینی و قولاقلارینداکی گوشوارالاری یعقوبا وردئلر. یعقوب بونلاری شِکِم یاخینلیغیندا اولان چؤل پوسته‌سی آغاجین آلتیندا باسدیردی. 5اونلار یولا دوشدولر. تاری اطراف شهرلرئن ساکئنلرئنی دهشته سالمیشدی و بونا گؤره ده اونلار یعقوبون اوغوللارینی تعقئب اتمه‌دئلر.

6یعقوب یانینداکی بوتون آداملارلا بئرلئکده کَنَعان تورپاغیندا اولان لوزا، یعنی بِیت‌ائله گلدی. 7اورادا بئر قوربانگاه دوزَ‌لدئب، او یِرئن آدینی ائل‌بِیت‌ائل#35‏:7 «ائل‌بِیت‌ائل» - عئبرانی دئلئنده «بِیت‌ائلئن تاریسی» قویدو، چونکی قارداشینین اَلئندن قاچاندا تاری اؤزونو اورادا یعقوبا ظاهئر اتمئشدی.

8رئبقانین دایه‌سی دِبورا اؤلدو. او، بِیت‌ائلئن آشاغیسیندا اولان پالیدین آلتیندا باسدیریلدی. اورانین آدی اَلّون‌باکوت#35‏:8 «اَلّون‌باکوت» - عئبرانی دئلئنده «آغلاما پالیدی» قویولدو. 9یعقوب پَدّان‌اَرامدان قاییداندا تاری گئنه یعقوبا گؤروندو و اونا برکت وردی. 10تاری اونا ددی: «سنئن آدین یعقوبدور. آرتیق آدین یعقوب چاغیریلمایاجاق، بوندان سونرا آدین ائسرایئل#35‏:10 «ائسرایئل» - عئبرانی دئلئنده یعنی «تاری ائله گوله‌شئر.» اولاجاقدیر.» تاری اونون آدینی ائسرایئل قویدو 11و اونا ددی: «قادئری‌موطلق تاری منم. قوی نسلئن آرتیب چوخالسین. سندن بئر مئلّت و مئلّتلر ییغینی حاصئل اولاجاق، سنئن نسلئندن پادشاهلار چیخاجاق. 12ائبراهئمه و ائسحاقا وردئیئم تورپاغی سنه وره‌جیم. سندن سونرا دا اونو سنئن نسلئنه وره‌جیم.» 13تاری یعقوبلا دانیشدیغی یرده اونون یانیندان یوخاری چکئلدی. 14یعقوب تارینین اونونلا دانیشدیغی یرده بئر داش سوتونو قویدو، اوستونه تؤکمه‌لئک تقدئمی سَپدی و سونرا اوستونه زیتون یاغی تؤکدو. 15یعقوب تارینین اونونلا دانیشدیغی یِرئن آدینی بِیت‌ائل قویدو.

راحئلئن و ائسحاقین اؤلومو

16اونلار بِیت‌ائلدن یولا دوشدولر. اِفراتا چاتانا یاخین راحئلئن اوشاق دوغما واختی یِتئشدی. راحئل دوغارکن چوخ آغری چکدی. 17دوغوش زامانی آغری چکنده ماما اونا ددی: «قورخما، گئنه ده بئر اوغلون اولدو.» 18او، اؤلوم آیاغیندا جان وِرَرکَن اوغلونون آدینی بِن‌اونی#35‏:18 «بِن‌اونی» - عئبرانی دئلئنده «کَدَرئمئن اوغلو» قویدو، آمّا آتاسی اونون آدینی بِنیامئن#35‏:18 «بِنیامئن» - عئبرانی دئلئنده «صاغ اَلئمئن اوغلو» و یا «جنوب اوغلو» قویدو. 19راحئل اؤلدو و اِفراتا، یعنی بیت‌لِحِمه گدن یولدا باسدیریلدی. 20یعقوب اونون قبئری اوستونه بئر سوتون قویدو. او بو گونه قدر راحئلئن قبئر سوتونودور.

21ائسرایئل گئنه کؤچدو و عِدِر قولّه‌سئنئن او بئری طرفئنده چادیر قوردو. 22ائسرایئل بو اؤلکه‌ده یاشایارکن، رِعوبئن گدئب آتاسینین جارئیه‌سی بئلحا ائله یاتدی. ائسرایئل بونو اشئتدی.

23یعقوبون اون ائکی اوغلو وار ائدی. لئیه‌نئن اوغوللاری: یعقوبون ائلک اوغلو رِعوبئن، شمعون، لاوی، یهودا، یئسّاکار و زِبولون. 24راحئلئن اوغوللاری: یوسئف و بنیامئن. 25راحئلئن کنئزی بئلحا‌نین اوغوللاری: دان و نَفتالی. 26لئیه‌نئن کنئزی زئلپانین اوغوللاری: جاد و آشِر. یعقوبون پَدّان‌اَرامدا دوغولان اوغوللاری بونلاردیر.

27یعقوب قئریَت‌اَربَعده، یعنی خِبروندا اولان مَمرِه‌یه، آتاسی ائسحاقین یانینا گلدی. ائبراهئم و ائسحاق مَمرِه‌ده قرئب ائدئلر. 28ائسحاق یوز هشتاد ائل عؤمور سوردو. 29او، قوجالیب یاشلی اولاراق آخیر نَفَسئنی چکدی و اؤلوب خالقینا قوشولدو. اوغوللاری عئسو و یعقوب اونو باسدیردیلار.

Currently Selected:

یارادیلیش 35: موقدس کتاب

Highlight

Copy