یارادیلیش 15
15
تارینین اَبراملا عهدی
1بئر مودّت سونرا اَبراما رؤیادا ربّئن بو سؤزو نازئل اولدو: «ای اَبرام، قورخما. سنئن قالخانین منم. اَجرئن چوخ بؤیوک اولاجاق.» 2اَبرام ددی: «ای پروردئگار رب، منه نه وره‌جکسن؟ منئم اؤولادیم یوخدور، اِوئمئن وارئثی بو دَمَشقلی اِلئعِزِردئر.» 3اَبرام سؤزونه داوام وردی: «سن منه اؤولاد ورمه‌دئیئن اوچون، باخ، اِوئمده دوغولان نؤکر منئم وارئثئمدئر.» 4او واخت اونا ربّئن بو سؤزو نازئل اولدو: «او سنئن وارئثئن اولمایاجاق، اؤز بِلئندن گلن اؤولادین، سنئن وارئثئن اولاجاقدیر.» 5رب اونو اشئیه چیخاردیب ددی: «گؤیه باخ، اگر اوراداکی اولدوزلاری سایا بئلرسن، سای.» گئنه ددی: «نسلئن او قدر اولاجاق.» 6اَبرام ربّه ائمان گتئردی و رب بونو اونا صالحلئک سایدی.
7رب اَبراما ددی: «من او ربّم کی، سنی کَلدانی‌لرئن اور شهرئندن چیخارتدیم کی، بو تورپاغی سنه مئراث ورئم.» 8اَبرام سوروشدو: «یا پروردئگار رب، نجه بئلئم کی، اونو مئراث آلاجاغام؟» 9رب اونا ددی: «منئم اوچون بئر اوچ یاشلی ائنَک، بئر اوچ یاشلی کِچی، بئر اوچ یاشلی قوچ، هم ده بئر قومرو و بئر گؤیرچئن بالاسی گتئر.» 10اَبرام بونلارین هامیسینی گؤتوروب کسدی و ائکی بؤلدو، هر قئسمتی او بئرئنئن موقابئلئنه قویدو، آمّا قوشلاری کسمه‌دی. 11کَرکَسلر لِشلرئن اوستونه اوچوب گلدئلر، آمّا اَبرام اونلاری قوودو.
12گونش باتان واخت اَبراما آغیر یوخو گلدی. بئردن اونون اوستونه دهشت و آغیر قارانلیق دوشدو. 13رب اَبراما ددی: «یقئن بئل کی، نسلئن یاد اؤلکه‌ده قرئب اولاجاق، و دؤرد یوز ائل اورادا اولان مئلّته قوللوق اده‌جک و اونلارا ظولم ادئله‌جکدئر. 14لاکئن اونلارین قوللوق اده‌جکلری خالقی جزالاندیراجاغام. سونراسی اونلار بؤیوک ثروتله اورادان چیخاجاقلار. 15آمّا سن آراملیق ائچئنده آتالارینین یانینا گده‌جکسن؛ یاخشی بئر عؤمور سورندن سونرا باسدیریلاجاقسان. 16سونرا سنئن دؤردونجو نسلئن بورایا قاییداجاق، چونکی اِمورلولارین گوناهی حله کامئل حدّئنه چاتماییب.»
17گونش باتیب قارانلیق دوشَنده، باخ، توستو چیخان بئر تندئر و آلوولانان مشعل گؤرونوب پارچالانمیش حیوانلارین آراسیندان کچدی. 18او گون رب اَبراملا عهد باغلاییب ددی: «بو تورپاقلاری کی، مئصئر چاییندان بؤیوک چای فَراتا قدر اوزانیب؛ 19قِنلی‌لرئن، قِنئزلی‌لرئن، قَدمونلولارین، 20خئتلی‌لرئن، پِرئزلئلرئن، رِفالی‌لارین، 21اِمورلولارین، کَنَعانلی‌لارین، گئرگاشلی‌لارین و یِبوسلولارین تورپاغینی من سنئن نسلئنه ورئرم.»
Currently Selected:
یارادیلیش 15: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
