چیخیش 36
36
1بِصه‌لِل، اوهولئیاب و هر باجاریقلی کی، رب موقدّس یرئن بئنا ائشئنی اتمک اوچون اونلارا بو ائشی باجارماق اوچون حئکمت و فراست ورئب، گرک رَبّین بوتون اونلارا امر اتدئیی کئمی ائشله‌سئنلر.»
2موسا بِصه‌لِلی، اوهولئیابی و بوتون اورَکلری حئکمتله دولو آداملاری چاغیردی؛ یعنی ربّئن اونلارین اورَکلرئنه حئکمت قویدوغو آداملاری، اورَکدن بو ائشی گؤرمک ائسته‌ینلرئن هامیسینی. 3اونلار بوتون او هدئیّه‌لری کی، ائسرایئل اؤولادلاری اونلاری موقدّس یرئن بئنا ائشئنی گؤرمک اوچون گتئرمئشدئلر، موسانین یانیندان گؤتوردولر. ائسرایئل اؤولادلاری هر سحر اؤز گؤیلو ائله تقدئملر گتئرمیه داوام ورئردئلر. 4او واخت موقدّس یرئن بئناسی ائله مشغول اولان بوتون حئکمتلی صَنَتکارلار هر ائشئندن اَل چکئب، 5موسانین یانینا گلدئلر و اونا ددئلر: «خالق ربّئن امر اتدئیی بئنا ائشی اوچون لازیم اولاندان داها چوخ شی گتئرئب.» 6موسا امر وردی و دوشَرگه‌ده اعلان اتدئردی کی، نه کئشی، نه ده آرواد موقدّس یر اوچون داها هدئیّه گتئرمه‌سئن. بله‌جه خالقین چوخ هدئیّه گتئرمه‌سئنه مانع اولدو. 7چونکی بوتون ائشی گؤرمک اوچون لازیم اولان مئقداردان داها دا آرتیق وار ائدی.
ربّئن خیمه‌سئنئن دوزَ‌لدئلمه‌سی
8ائشی گؤرمک اوچون اورَکلری حئکمتله دولو بوتون آداملار، خیمه‌نی اون پرده‌دن دوزَلتدئلر. پرده‌لری نفئس توخونموش نازئک کتاندان، لاجورد، ارغوانی و قیرمیزی پارچادان دوزَلتدئلر، اوستونو ده کَرّوبلار شَکلئنده ناخیشلا دوزَلتدئلر. 9هر پرده‌نئن اوزونلوغو ائیئرمی سکّئز قول‌آچ#36:9 تقرئبن ۶/۱۲ متر، اِنی ده دؤرد قول‌آچ#36:9 تقرئبن ۸/۱ متر ائدی. بوتون پرده‌لر همن اؤلچوده ائدی. 10بِصه‌لِل پرده‌لرئن بِشئنی بئربئرئنه بئرلَشدئردی. او بئری بِشئنی ده بئربئرئنه بئرلَشدئردی. 11بئر بئرلَشمه‌نئن اوجوندا اولان پرده‌نئن قیراغیندا لاجورد ائلمه‌لر دوزَلتدی؛ او بئری بئرلَشمه‌نئن اوج پرده‌سئنئن قیراغیندا دا بئربئرئنئن موقابئلئنده اولاراق، همن شکئلده ائلمه‌لر دوزَلتدی. 12بئر پرده‌یه اَلّی ائلمه، او بئری بئرلَشمه‌ده‌کی پرده‌نئن قیراغیندا دا، اَلّی ائلمه بئربئرئنئن موقابئلئنده دوزَلتدی. 13قیزیلدان اَلّی گئره دوزَلتدی، گئره‌لرله پرده‌لری بَرکئتدی و چادیری بئرلَشدئردی. بله‌جه، خیمه بوتؤو اولدو.
14خیمه‌نی اؤرتَن چادیر اوچون کچی توکوندن اون بئر پرده دوزَلتدی. 15هر پرده‌نئن اوزونلوغو اوتوز قول‌آچ#36:15 تقرئبن ۵/۱۳ متر، اِنی ده دؤرد قول‌آچ ائدی. اون بئر پرده بئر اؤلچوده ائدی. 16بش پرده‌نی آیریجا، آلتی پرده‌نی ده آیریجا بئتئشدئردی. 17بئر بئرلَشمه‌نئن قیراق پرده‌سئنئن قیراغیندا اَلّی ائلمه، او بئری بئرلَشمه‌نئن قیراق پرده‌سئنئن قیراغیندا دا اَلّی ائلمه دوزَلتدی. 18چادیری بئرلَشدئرئب بوتؤو اتمک اوچون بورونجدن اَلّی گئره دوزَلتدی. 19چادیر اوچون قیرمیزی بویانمیش قوچ دَرئلرئندن بئر اؤرتوک و اونون اوستونده سو ائتی دَرئلرئندن آیری بئر اؤرتوک دوزَلتدی. 20خیمه اوچون اَقاقئیا آغاجیندان دئک دوران چَرچئوه‌لر دوزَلتدی. 21هر چَرچئوه‌نئن اوزونلوغو اون قول‌آچ#36:21 تقرئبن ۵/۴ متر، اِنی ده قول‌آچ یاریم#36:21 تقرئبن ۷۰ سانتئمتر ائدی. 22هر چَرچئوه‌نئن اوستونده ائکی بئربئرئنه باغلانان گئره وار ائدی؛ خیمه‌نئن بوتون چَرچئوه‌لرئنی بله دوزَلتدی. 23خیمه اوچون چَرچئوه‌لر دوزَلتدی؛ جنوب طرفی اوچون ائیئرمی چَرچئوه 24و اونلارین آلتیندا قویولاجاق قیرخ گوموش آلتلیق دوزَلتدی؛ هر چَرچئوه‌نئن آلتیندا ائکی گئره‌سی اوچون ائکی آلتلیق دوزَ‌لدئلدی. 25خیمه‌نئن ائکئنجی طرفی اوچون، شئمال سمتئنده ائیئرمی چَرچئوه 26و قیرخ گوموش آلتلیق، هر چَرچئوه‌نئن آلتیندا ائکی آلتلیق، او بئرئسئنئن آلتیندا دا ائکی آلتلیق دوزَلتدی. 27خیمه‌نئن قربه طرف اولان آرخاسی اوچون آلتی چَرچئوه دوزَلتدی. 28آمّا خیمه‌نئن آرخا کونجلری اوچون ائکی چَرچئوه دوزَلتدی؛ 29بونلار آشاغیدا ائکی قات اولوب یوخاریدا بئرئنجی حالقایا تاخیلدیلار؛ هر ائکی کونج اوچون اله ائکی چَرچئوه دوزَلتدی. 30بو سکّئز چَرچئوه اوچون اون آلتی گوموش آلتلیق، هر چَرچئوه‌نئن آلتیندا دا ائکی آلتلیق دوزَ‌لدئلدی.
31اَقاقئیا آغاجیندان دئرَکلر دوزَلتدی: بش دئرَک خیمه‌نئن بئر طرفئندهکی چَرچئوه‌لر اوچون، 32بش دئرَک ده خیمه‌نئن قربه طرف اولان آرخا طرفئندهکی چَرچئوه‌لر اوچون دوزَ‌لدئلدی. 33چَرچئوه‌لرئن اورتاسیندان بئر اوجدان او بئری اوجا قدر اوزانان اورتا دئرَک دوزَلتدی. 34چَرچئوه‌لری قیزیللا اؤرتدو؛ دئرَکلرئن کچدئیی حالقالارینی قیزیلدان دوزَلتدی؛ دئرَکلری ده قیزیللا اؤرتدو.
35پرده‌نی لاجورد، ارغوانی و قیرمیزی پارچا و نفئس توخونولموش نازئک کتاندان، اوستونو ده کَرّوبلار شَکلئنده ناخیشلا دوزَلتدی. 36اونون اوچون اَقاقئیا آغاجیندان دؤرد سوتون دوزَلتدی و اونلاری قیزیللا اؤرتدو، اوستونده قیزیل قولّابلاری قویدو؛ اونلار اوچون دؤرد گوموش آلتلیق تؤکدو. 37چادیرین گئرئشی اوچون آراکَسمه‌نی لاجورد، ارغوانی و قیرمیزی پارچا و نفئس توخونموش نازئک کتاندان ناخیش تئکمه‌‌سی ائله دوزَلتدی. 38اونون بش سوتون و قولّابلارینی دا دوزَلتدی؛ یوخاریلارینی و گئره‌لرئنی قیزیللا اؤرتدو؛ آمّا اونلارین بش آلتلیغی بورونجدن ائدی.
Currently Selected:
چیخیش 36: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
