چیخیش 25
25
خیمه اوچون هدئیّهلر
1سونرا رب موسا ائله دانیشیب ددی: 2«ائسرایئل اؤولادلارینا دِه کی، منه بئر هدئیّه گتئرسئنلر. گؤیلو ائستهیَن هر بئر آدامدان، منئم هدئیّهمی قبول ادئن. 3اونلاردان قبول ادهجیئنئز هدئیّهلر بودور: قیزیل، گوموش، بورونج، 4لاجورد، ارغوانی و قیرمیزی پارچا، نازئک کتان، کچی توکو، 5قیرمیزی بویانمیش قوچ دَرئلری، سو ائتی دَرئلری، اَقاقئیا آغاجی، 6چیراق اوچون یاغ، مسح یاغی اوچون اَدوئیّهلر و عطئرلی بوخور اوچون عطرئیّاتلار، 7اِفودلا دؤشلویون اوستونه تاخیلان دامارلی عقئق و ساغاناق داشلاری.
8منئم اوچون موقدّس مکان دوزَلتسئنلر کی، آرالاریندا ساکئن اولوم. 9موقدّس مکانی و اونون بوتون لوازئماتینی گؤرستدئیئم نومونهلره گؤره دوزَلدئن.
عهد ساندیغی
10قوی اَقاقئیا آغاجیندان بئر ساندیق دوزَلتسئنلر: اوزونلوغو ائکی قولآچ یاریم#25:10 تقرئبن ۷۰ سانتئمتر، اِنی قولآچ یاریم، بویو قولآچ یاریم اولسون. 11اونو ائچهرئدن و چؤلدن خالئص قیزیللا اؤرت؛ چَرچئوهسئنه قیزیل قالئب قوی. 12ساندیق اوچون دؤرد تؤکمه قیزیل حالقا دوزَلت و اونلاری اونون دؤرد آیاغینا قوی. ائکی حالقانی بئر یانینا، ائکی حالقانی دا او بئری یانینا بَرکئت. 13اَقاقئیا آغاجیندان دئرکلر دوزَلت. اوستونو اؤرت. 14ساندیغی داشیماق اوچون دئرکلری ساندیغین یانلارینداکی حالقالارا کچئرت. 15دئرکلر ساندیغین حالقالاریندا قالیب اورادان آیریلماسینلار؛ 16سنه ورهجیئم شهادت لؤوحهلرئنی ساندیغین ائچئنه قوی.
17خالئص قیزیلدان کفّاره قاپاغینی دوزَلت. قوی اوزونلوغو ائکی قولآچ یاریم، اِنی ده قولآچ یاریم اولسون. 18کفّاره قاپاغینین هر ائکی اوجو اوچون، یاستیلانمیش قیزیلدان ائکی کَرّوب دوزَلت. 19بئر کَرّوب قاپاغین بئر اوجوندا دوزَلت، او بئرئسئنی ده او بئری اوجوندا؛ کفّاره قاپاغینین ائکی اوجوندا اولان کَرّوبلار اونونلا بئر حئصّه حالیندا اولسون. 20کَرّوبلار یوخاری طرف آچیلمیش قانادلاری ائله کفّاره قاپاغینی اؤرتسونلر. کَرّوبلارین اوزلری بئربئرئنئن موقابئلئنده قاپاغا طرف اولسون. 21کفّاره قاپاغینی ساندیغین اوستونه قوی؛ سنه ورهجیئم شهادت لؤوحهلرئنی ساندیغین ائچئنه قوی. 22اورادا کفّاره قاپاغینین اوستونده، شهادت ساندیغینین اوستوندهکی ائکی کَرّوب آراسیندا سنئنله گؤروشهجیم و ائسرایئل اؤولادلاری اوچون سنه امر ادهجیئم هر شیی دئیهجیم.
تقدئس چؤرکلری اوچون مئزئن قورولوشو
23اَقاقئیا آغاجیندان بئر مئز دوزَلت: اوزونلوغو ائکی قولآچ#25:23 بئر قولآچ تقرئبن ۴۵ سانتئمتر، اِنی بئر قولآچ، بویو دا قولآچ یاریم اولسون. 24اونو خالئص قیزیللا اؤرت. اطرافینا قیزیل قالئب قوی. 25اطرافیندا، بئر اوووج اِنئنده، یان لؤوحهلر دوزَلت. یان لؤوحهلرئن اطرافینا دا قیزیل حاشئیه قوی. 26مئز اوچون دؤرد قیزیل حالقا دوزَلت، حالقالاری اونون دؤرد آیاغینداکی دؤرد کونجونه بَرکئت. 27حالقالار یان لؤوحهلره یاخین اولوب مئزی آپاران دئرَکلرئن کچدئیی یرلر اولسونلار. 28دئرَکلری اَقاقئیا آغاجیندان دوزَلت و اونلاری قیزیللا اؤرت؛ مئز اونلارین واسئطهسیائله آپاریلسین. 29مئز اوچون خالئص قیزیلدان سئنیلر و نئمچهلر، مایِع تقدئملری اوچون ده سَهَنگ و قابلاری دوزَلت. 30همئشه منئم حوضورومدا مئزئن اوستونه تقدئس چؤرکلری قوی.
قیزیل چیراقدان
31خالئص قیزیلدان بئر چیراقدان دوزَلت. بو چیراقدان، اونون پایا و مئلهسی یاستیلانمیش قیزیلدان اولمالیدیر؛ پئیالالاری، قؤنچهلری، و گوللری اونونلا بئر حئصّهدن اولسون. 32چیراقدانین یانلاریندان آلتی شاخه، اونون بئر یانیندان اوچ شاخه، او بئری یانیندان دا اوچ شاخه چیخسین. 33بئر شاخهده بادام چئچهیئنه بَنزهر اوچ پئیالا، بئر قؤنچه، و بئر گول اولسون. او بئرئسئنده ده بادام چئچهیئنه بَنزهر اوچ پئیالا، بئر قؤنچه، و بئر گول اولسون. چیراقداندان چیخان بوتون آلتی شاخهیه بله اولسون. 34چیراقدانین مئلهسئنده بادام چئچهیئنه بَنزهر دؤرد پئیالا، قؤنچهلر و گوللر اولسون؛ 35چیراقدانین مئلهسئندن چیخان شاخهلرئن بئرئنجی جوتونون آلتیندا بئر قؤنچه اولسون، چیراقدانین مئلهسئندن چیخان شاخهلرئن ائکئنجی جوتونون آلتیندا بئر قؤنچه، و چیراقدانین مئلهسئندن چیخان شاخهلرئن اوچونجو جوتونون آلتیندا بئر قؤنچه اولسون. چیراقداندان چیخان بوتون آلتی شاخهیه بله اولسون. 36قؤنچهلری و شاخهلری اونونلا بئر حئصّهدن اولسونلار؛ هامیسی یاستیلانمیش خالئص قیزیلدان اولسونلار. 37اونون اوچون یدّی چیراق دوزَلت و چیراقلاری اونون اوستونه قوی کی، قاباق طرفئنه ائشیق سالسین. 38پئلته ماشالاری و سئنیلری ده خالئص قیزیلدان اولسون. 39چیراقدان و اونون بوتون بو لوازئماتی بئر تالانت#25:39 تقرئبن ۵/۳۴ کئلو خالئص قیزیلدان دوزَلدئلسئن. 40بونلارین هامیسینی داغدا سنه گؤرسدئلن نومونهیه موطابئق دوزَلت.»
Currently Selected:
چیخیش 25: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
