چیخیش 17
17
قایادان چیخان سو
1ائسرایئللیلرئن بوتون جاماعاتی سئن صحراسیندان یولا دوشدولر و ربّئن بویوردوغونا گؤره کؤچوردولر. اونلار رِفئدئمده دوشَرگه سالدیلار. اورادا خالقا ائچمهلی سو یوخ ائدی. 2اونا گؤره ده خالق موسا ائله داعوا ادئب بله ددئلر: «بئزه ائچمهیه سو ور.» موسا اونلارا ددی: «نئیه منئمله داعوا ادئرسئنئز؟ نه اوچون ربّی ائمتاحانا چکئرسئنئز؟» 3آمّا خالق اورادا سوسوز اولموشدو. اونا گؤره ده موسانین الئندن دیئنئب ددئلر: «نئیه، بئزی مئصئردن چیخارتدین کی، بئزی، اوغوللاریمیزی و حیوانلاریمیزی دا سوسوزلوقدان اؤلدورهسن؟» 4اوندا موسا ربّه فریاد ادئب ددی: «من بو خالقلا نه ادئم؟ بئر آز دا کچسه، منی داشا باساجاقلار.» 5رب موسایا ددی: «خالقین موقابئلئنه چیخ. اؤزونله بئر نچه ائسرایئل آغساقّالی گؤتور. نئل چایینا ووردوغون دَیَنَکی اَلئنه آلیب ائرهلی گت. 6اورادا، خورِبدهکی قایانین اوستونده، من سنئن قاباغیندا دایاناجاغام. ضربه ائله قایایا وور و اورادان خالق اوچون ائچمهلی سو چیخاجاق.» موسا دا ائسرایئل آغساقّاللارینین گؤزو قاباغیندا بونو اتدی. 7موسا او یره مَسّا#17:7 «مَسّا» - عئبرانی دئلئنده یعنی «ائمتاحان اتمک» و مِرئبا#17:7 «مِرئبا» - عئبرانی دئلئنده یعنی «داعوا» آدینی وردی، چونکی اورادا ائسرایئل اؤولادلاری داعوا اتمئشدئلر و «گؤرهسن رب آرامیزدادیر، یا یوخ؟» دیئب، ربّی ائمتاحان اتمئشدئلر.
عَمالِقلئلرله دؤیوش
8بوندان سونرا عَمالِقلئلر گلئب، رِفئدئمده ائسرایئل اؤولادلاری ائله دؤیوشدولر. 9موسا یوشَعه ددی: «بئزئم اوچون آدام سِچ، گت عَمالِقلئلرله دؤیوش. صاباح من الئمده تارینین دَیَنَکی ائله تپهنئن باشیندا دایاناجاغام.» 10یوشَع ده موسانین ددئیی کئمی اتدی و گدئب عَمالِقلئلرله دؤیوشدو. آمّا موسا، هارون و خور تپهنئن باشینا چیخدیلار. 11موسا الئنی قالدیراندا ائسرایئل قالئب گلئردی، الئنی اِندئرهنده عَمالِق قالئب گلئردی. 12لاکئن موسانین اَللری یورولوردو. اونا گؤره ده بئر داش گؤتوروب اونون آلتینا قویدولار. موسا داشین اوستونده اوتوردو. الئنئن بئرئندن هارون، او بئرئسئندن ده خور یاپیشدی. بلهجه موسانین اَللری گون باتاناجاق مؤحکم قالدی. 13یوشَع عَمالِق خالقینی قیلینجدان کچئردئب قیردی.
14رب موسایا ددی: «بونو خاطئره اولاراق کئتابا یاز، یوشَعئن قولاغینا چاتدیر کی، من عَمالِقئن آدینی کامئل بئر شَکئلده یر اوزوندن سئلهجیم.»
15موسا بئر قوربانگاه دوزَلدئب آدینی یَهوِهنئسّی#17:15 «یَهوِهنئسّی» - عئبرانی دئلئنده یعنی «رب بایراغیمدیر» قویدو. 16و ددی: «اَللر ربّئن تختئنه طرف قالدیریلدی. رب نسئلدن-نسئله عَمالِقلئلرئن ضئدّئنه دؤیوشهجکدئر.»
Currently Selected:
چیخیش 17: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
