Luk 3
3
Zãa Da'ilɛna waasokpaa
(Mat 3.1-17; Maa 1.1-11; Zãa 1.19-28)
1Sezaa Tibelia kpalablea wɛ̃̀ gɛ̃odeu Pɔ̃nsi Pilati mɛ́ Yude busu gbɛ̃zɔ̃ɔ ũ, Helodi lɛ́ kible Galile, aà dãuna Filipi lɛ́ kible Itule busu ń Takɔni busuowa, mɛ́ Lisania lɛ́ kible Abilɛni busuwa. 2Anasi ń Kaaifao mɛ́ sa'onkiaɔ ũ. Gɔɔ bee ɔ̃ Lua yã'ò Zakali nɛ Zãaɛ gbáau. 3Ɔ̃ à fɛ̀lɛ àlɛ bɛbɛ Yuudɛ̃ baale ń baalao pii, àlɛ waasokɛ gbɛ̃́ɔnɛ. A ònɛ́ aa nɔsɛlilɛ aa da'ilɛkɛ, Lua i ń duuna kɛ̃má. 4Màa a kɛ̃a ãnabi Isaia lá guu à mɛ̀:
Ma! Wàlɛ kpawakɛ gbáau,
wàlɛ mɛ, à zɛkɛkɛ Diiɛ,
à zɛwɛwɛnaɔ pooɛ̀ susu.
5Guzulɛ pii a tata,
gbɛ̀ lɛsĩɔ ń sĩ̀sĩɔ daaĩ pii.
Zɛ́ koleaɔ poo susu,
zɛ́ tòũtoũɔ daaĩ,
6gbɛ̃pii i e lá Lua ì ń suaba.#Isa 40.3-5
7Bila ìɔ mɔ aà kĩi da'ilɛkɛi, ɔ̃ ì onɛ́: Gbɛ̃nazĩn piligonaɔ! Demɛ lɛdàwá à baasi pɔkũma pɔ Lua a bɔbɔmáɛi? 8À nɔsɛlilɛa yã kɛ, wi dɔ̃ kɛ́ a lilɛ. Kɛ́ Ablahaũ dɛ á dezi ũ, ásu dilɛ bee mɛ́ a á bɔo. Malɛ oɛ́, Lua a fɔ̃ gbɛɛ beeɔ kɛ Ablahaũ buiɔ ũ. 9Mɔo dilɛa líɔzi kɔ̀. Lí pɔ lɛ́ nɛ maa io, wa zɔ̃ wà zu tɛ́uɛ.
10Bila aà là: Tó màaɛ, wá kɛ kpelewa ni? 11A wèmá à mɛ̀: Gbɛ̃́ pɔ ula vĩ mɛn pla, aà ado kpa gbɛ̃́ pɔ vĩowa. Gbɛ̃́ pɔ pɔblea vĩ, aà kɛ màa lɔ. 12Ɔsinaɔ mɔ̀ da'ilɛkɛi, ɔ̃ aa aà là aa mɛ̀: Mɛtulu, wá kɛ kpelewa ni? 13A wèmá à mɛ̀: Ásuli ɔ̃a simá dɛ lá wa dìlɛlao. 14Sosaɔ aà là aa mɛ̀: Wapiɔ sɔ̃ wá kɛa ni? A ònɛ́: Ásuli gbãamɔ gbɛ̃́ɔnɛ à ń bleo. Àli zɛ ń fĩa pɔ wì boɛ́o.
15Gbɛ̃́ɔ pɔna lɛ́ dɛdɛ. Gbɛ̃pii lɛ́ laasookɛ a nɔ̀sɛ guu Zãa yãwa, tó aɔ dɛ Mɛsi ũ. 16Zãa ònɛ́ pii à mɛ̀: Mi á da'ilɛkɛ ń íoɛ, ãma gbɛ̃e lɛ́ mɔ́, aà iko dɛmala, mi ka mà aà sabala bɔbɔɛ̀o. Ɔ̃mɛ a á da'ilɛkɛ ń Lua Nisĩnao ń tɛ́o.#Zĩn 2.3-4 17A gbaana kũa à pɔ fãò, i pɔwɛna ká a dɔ̃u, i a sào ká tɛ́ gasai guu. 18Zãa baonakpaanɛ́ guu, à nàɛmá ń yãpãleɔ dasi. 19Kɛ́ à yã pɔ ki Helodi kɛ̀ a dãuna na Helodia yãmusu ń vãi pɔ a kɛ̀ɔ bɔ̀ɛ̀ gupuau pii, 20ɔ̃ Helodi ɛ̀a à yãvãikɛ̀ lɔ, à Zãa dà kpɛ́u.
21Kɛ́ Zãa lɛ́ gbɛ̃́ɔ da'ilɛkɛ pii, à Yesu da'ilɛkɛ̀ sɔ̃. Gɔɔ pɔ Yesu lɛ́ wabikɛ, luabɛ wɛ̃̀aa, 22ɔ̃ Lua Nisĩna sù lan felenawa à dìɛ̀. Ɔ̃ wà yã'o mà, à bɔ̀ luabɛ à mɛ̀: Ma Nɛn n ũ, má yenzi, ma pɔ kɛ̀ma na.#Soũ 2.7; Isa 42.1
Yesu buibɔkĩi
(Mat 1.1-17)
23Gɔɔ pɔ Yesu a zĩ dàalɛ, a wɛ̃̀ baakwi taa vĩ. Wàlɛ e Yosɛfu nɛɛ.
Yosɛfu sɔ̃ Heli nɛɛ,
24Heli sɔ̃ Mata nɛɛ,
Mata sɔ̃ Levi nɛɛ,
Levi sɔ̃ Mɛlɛki nɛɛ,
Mɛlɛki sɔ̃ Yana nɛɛ,
25Yana sɔ̃ Yosɛfu nɛɛ,
Yosɛfu sɔ̃ Matatia nɛɛ,
Matatia sɔ̃ Amɔsi nɛɛ,
Amɔsi sɔ̃ Nauũ nɛɛ,
Nauũ sɔ̃ Ɛsɛli nɛɛ,
Ɛsɛli sɔ̃ Nage nɛɛ,
26Nage sɔ̃ Maatu nɛɛ,
Maatu sɔ̃ Matatia nɛɛ,
Matatia sɔ̃ Sɛmɛi nɛɛ,
Sɛmɛi sɔ̃ Yosɛku nɛɛ,
Yosɛku sɔ̃ Yoda nɛɛ,
Yoda sɔ̃ Yohanani nɛɛ,
27Yohanani sɔ̃ Lesa nɛɛ,
Lesa sɔ̃ Zolobabɛli nɛɛ,
Zolobabɛli sɔ̃ Salatiɛli nɛɛ,
Salatiɛli sɔ̃ Nɛli nɛɛ,
Nɛli sɔ̃ Mɛlɛki nɛɛ,
28Mɛlɛki sɔ̃ Adi nɛɛ,
Adi sɔ̃ Kosaũ nɛɛ,
Kosaũ sɔ̃ Ɛlɛmadaũ nɛɛ,
Ɛlɛmadaũ sɔ̃ Ɛɛ nɛɛ,
Ɛɛ sɔ̃ Yozue nɛɛ,
29Yozue sɔ̃ Ɛliɛzɛɛ nɛɛ,
Ɛliɛzɛɛ sɔ̃ Yoliũ nɛɛ,
Yoliũ sɔ̃ Mata nɛɛ,
Mata sɔ̃ Levi nɛɛ,
Levi sɔ̃ Simɛɔ nɛɛ,
30Simɛɔ sɔ̃ Yuda nɛɛ,
Yuda sɔ̃ Yosɛfu nɛɛ,
Yosɛfu sɔ̃ Yonaũ nɛɛ,
Yonaũ sɔ̃ Ɛliakiũ nɛɛ,
Ɛliakiũ sɔ̃ Mɛlɛa nɛɛ,
31Mɛlɛa sɔ̃ Mɛna nɛɛ,
Mɛna sɔ̃ Matata nɛɛ,
Matata sɔ̃ Natã nɛɛ,
Natã sɔ̃ Davidi nɛɛ,
Davidi sɔ̃ Yɛse nɛɛ,
32Yɛse sɔ̃ Ɔbɛdi nɛɛ,
Ɔbɛdi sɔ̃ Bɔazu nɛɛ,
Bɔazu sɔ̃ Salamɔ nɛɛ,
Salamɔ sɔ̃ Naasɔ̃ nɛɛ,
Naasɔ̃ sɔ̃ Aminadabu nɛɛ,
33Aminadabu sɔ̃ Adami nɛɛ,
Adami sɔ̃ Aani nɛɛ,
Aani sɔ̃ Ɛsɛlɔũ nɛɛ,
Ɛsɛlɔũ sɔ̃ Pɛlɛzi nɛɛ,
Pɛlɛzi sɔ̃ Yuda nɛɛ,
Yuda sɔ̃ Yakɔbu nɛɛ,
34Yakɔbu sɔ̃ Izaaki nɛɛ,
Izaaki sɔ̃ Ablahaũ nɛɛ,
Ablahaũ sɔ̃ Tela nɛɛ,
Tela sɔ̃ Nakɔɔ nɛɛ,
Nakɔɔ sɔ̃ Selugi nɛɛ,
35Selugi sɔ̃ Leu nɛɛ,
Leu sɔ̃ Pɛlɛgi nɛɛ,
Pɛlɛgi sɔ̃ Hɛbɛlu nɛɛ,
Hɛbɛlu sɔ̃ Sela nɛɛ,
Sela sɔ̃ Kena nɛɛ,
36Kena sɔ̃ Aapasa nɛɛ,
Aapasa sɔ̃ Sɛũ nɛɛ,
Sɛũ sɔ̃ Nɔee nɛɛ,
Nɔee sɔ̃ Lemɛki nɛɛ,
Lemɛki sɔ̃ Mɛtusela nɛɛ,
37Mɛtusela sɔ̃ Ɛnɔki nɛɛ,
Ɛnɔki sɔ̃ Yɛlɛdi nɛɛ,
Yɛlɛdi sɔ̃ Maalalɛli nɛɛ,
Maalalɛli sɔ̃ Kena nɛɛ,
Kena sɔ̃ Ɛnɔsi nɛɛ,
38Ɛnɔsi sɔ̃ Sɛti nɛɛ,
Sɛti sɔ̃ Adamu nɛɛ,
Adamu sɔ̃ Lua nɛɛ.
Currently Selected:
Luk 3: Boo2024
Highlight
Share
Copy
Want to have your highlights saved across all your devices? Sign up or sign in
Boko Bible © SIM International, 2024.
