Zãa 20

Yesu vua

(Mat 28.1-10; Maa 16.1-8; Luk 24.1-12)

1Ãsɔ̃anɛnzĩ guluuluui Maliama Madelɛni gɛ̀ mia kĩi, ɔ̃ a lè gbɛ goa mia'ɛ lɛ́. 2Ɔ̃ à baalɛ̀ gɛ̀ Simɔ Piɛɛ kĩi ń iwaɔ do pɔ Yesu yeaazipio, a ònɛ́: Wà Dii bɔ̀ miau, wi dɔ̃ gu pɔ wà aà dìlɛuo. 3Ɔ̃ Piɛɛ ń iwaɔ dopio fɛ̀lɛ aa gɛ̀ mia kĩi. 4An gbɛ̃ɔn pla mpii aalɛ baalɛ sãnu, ɔ̃ iwapi ba na dɛ̀ Piɛɛla, à kà mia kĩi káau. 5Kɛ́ à wɛkpàlɛu, ɔ̃ à baabaa pɔlɛɔ è kalɛa, ãma i gɛ̃uo. 6Kɛ́ Simɔ Piɛɛ kà aà gbɛa, ɔ̃ à gɛ̃̀ miau. À baabaa pɔlɛpiɔ è kalɛa 7ń zwãa pɔ wa fĩ̀ aà miwao. Zwãapi pɛakɔ̃wa ń pɔlɛpiɔo, a kooa dilɛa adoɛ. 8Ɔ̃ iwa pɔ kà mia kĩi káaupi gɛ̃̀ sɔ̃. A è, ɔ̃ à aà vua sì. 9E tia aai yã pɔ wa kɛ̃̀ wà mɛ̀, a bɔ gau, mi dɔ̃o. 10Ɔ̃ iwa gbɛ̃ɔn plapiɔ ɛ̀a tà bɛ.

11Maliama zɛ mia'ɛ kpɛɛlɛ, àlɛ ɔɔlɔ. Lá àlɛ ɔɔlɔ màa, à wɛkpàlɛ mia'ɛu. 12Ɔ̃ à malaikaɔ è gbɛ̃ɔn pla zɔ̃lɛa gu pɔ wà Yesu gɛ dìlɛu yãa. Ado ku mizĩ, ado gbázĩ. Aa ula puaɔ daa. 13Ɔ̃ aa aà là aa mɛ̀: Bɔmɛ n le, nlɛ ɔɔlɔi? A wèmá à mɛ̀: Wà ma Dii sɛ̀ wà tàòɛ, má dɔ̃ gu pɔ wà aà dìlɛuo. 14Kɛ́ à bee ò, à lìli, ɔ̃ à Yesu è zɛa, ãma i dɔ̃ Yesu no. 15Yesu aà là à mɛ̀: Bɔyãi nlɛ ɔɔlɔi? Dé nlɛ wɛɛlɛi? Maliama lɛ́ e kaadeɛ, ɔ̃ a òɛ̀: Mae, tó mmɛ n aà sɛ̀ n bɔò, omɛɛ gu pɔ n aà dìlɛu, mí gɛ mà aà sɛ́. 16Yesu òɛ̀: Maliama! À aɛdɔ̀wà, ɔ̃ a òɛ̀ ń hɛbɛluyão: Labuni! (Bee mɛ̀ mɛtulu.) 17Yesu òɛ̀: Nsu ɔkãao, mi ta ma Mae kĩi yãao. Gɛ ǹ o ma gbɛ̃́ɔnɛ, malɛ tá ma Mae ń ń Maeo kĩi, ma Lua ń ń Luao kĩi. 18Ɔ̃ Maliama Madelɛni gɛ̀ à a baokpà aà iwaɔnɛ à mɛ̀: Ma Dii è. Ɔ̃ à yã pɔ a òɛ ònɛ́.

Yesu azĩa ɔlɔa a iwaɔnɛ

(Mat 28.16-20; Maa 16.9-18; Luk 24.36-49)

19Ãsɔ̃anɛna bee oosi, aà iwaɔ kãaaa kpɛ́ guu, aa gbatàńlɛ aa kilidàu, kɛ́ aalɛ vĩakɛ Yudaɔnɛ yãi. Ɔ̃ Yesu mɔ̀, à zɛ̀ ń guu, a ònɛ́: Àɔ ku aafia! 20Kɛ́ a ò màa, ɔ̃ à a ɔɔ ɔlɔ̀nɛ́ ń a gbãtɛ̃ɛo. Kɛ́ iwapiɔ Dii è, an pɔ kɛ̀ na. 21Yesu ɛ̀a ònɛ́: Á kua aɔ na! Lá ma Mae ma zĩ, malɛ á zĩ sɔ̃ɛ. 22Kɛ́ a ò màa, à ĩanapɛ̀má à mɛ̀: À Lua Nisĩna sí. 23Tó a gbɛ̃́ɔ duunaɔ kɛ̃̀má, à kɛ̃̀mán we. Tó i kɛ̃má sɔ̃o, a kɛ̃máo.

24Gɔɔ pɔ Yesu mɔ̀, aà iwa gbɛ̃ɔn kuɛplaɔ do Toma pɔ wì mɛ Sìa kuńnɔo. 25Ɔ̃ aà iwa kĩniɔ òɛ̀: Wa Dii è. Ɔ̃ a ònɛ́: Tó mi kusagbɛ e aà ɔ#Soũ 22.17 guu ma ɔtona pɛ̀uo, mɛ́ mi ɔpɛ aà gbãtɛ̃ɛuo, má sío.

26A gɔɔ la aà iwaɔ ku kpɛ́u lɔ, Toma kuńnɔ sa. Aa gbatàńlɛ aa kilidàu, ɔ̃ Yesu mɔ̀ zɛ̀ ń guu à mɛ̀: Àɔ ku aafia! 27Ɔ̃ a ò Tomaɛ: Ǹ n ɔtona pɛ ma ɔ guu la ǹ gwa, ní ɔkã ma gbãtɛ̃ɛwa. Nsu seakɛ lɔo, ǹ a yãsi. 28Toma òɛ̀: Ma Dii, ma Lua. 29Yesu òɛ̀: Kɛ́ n ma e yãi ɔ̃ n yãpi sìi. Baaadeɔn gbɛ̃́ pɔ aa yãpi sì ma esaiɔ ũ.

30Yesu dabudabu pãleɔ kɛ̀ dasi a iwaɔ wáa, wi kɛ̃ taalaɛ bee guuo. 31Ãma wà yãɛ beeɔ kɛ̃̀, kɛ́ à Yesu sí Lua Nɛ Mɛsi ũ, í wɛ̃ni e aà naaikɛa yãi.

Currently Selected:

Zãa 20: Boo2024

Highlight

Copy