Zãa 19

1Ɔ̃ Pilati mɛ̀ wà Yesu sɛ́ wà gbɛ̃ ń flaalao. 2Ɔ̃ sosaɔ lɛ̀ fùa tã̀ wa kpàɛ̀, aa gomusu tɛ̃a dàɛ̀. 3Aalɛ sɔ̃aazi dodo aalɛ mɛ: Fɔ Yudaɔ kia! Ɔ̃ aalɛ aà sãnkɛkɛ.

4Pilati ɛ̀a bɔ̀ lɔ, ɔ̃ a ò bilaɛ: À gwa, malɛ bɔɛ́aanɔ bàasi la, kɛ́ àɔ dɔ̃ mi yãe ewào. 5A yãi Yesu bɔ̀ bàasi lɛ̀fua kpaa ń gomusu tɛ̃ao daa. Ɔ̃ Pilati ònɛ́: Gɔ̃ɛpi kɛ! 6Kɛ́ sa'onkiaɔ ń dɔaiɔ aà è, aa wiilɛ̀ aa mɛ̀: Ǹ aà pá líwa! Ǹ aà pá líwa! Ɔ̃ Pilati ònɛ́: À aà sɛ à gɛ pai líwa ázĩa, asa mi yãe ewào. 7Yuda gbãadepiɔ wèwà aa mɛ̀: Wá ikoyã vĩ, mɛ́ ikoyãpi mɛ̀ sema aà ga, kɛ́ à azĩa dìlɛ Lua Nɛ ũ yãi.

8Kɛ́ Pilati yãpi mà, aà vĩa kã̀fĩ. 9À ɛ̀a gɛ̃̀ ń Yesuo a bɛ lɔ, ɔ̃ à aà là à mɛ̀: N bɔ má ni? Yesu i wewào, 10ɔ̃ Pilati òɛ̀: Ńyɔ̃ yã'omɛɛo le? Ń dɔ̃ kɛ́ má n gbaɛa iko vĩ, mɛ́ má n paaliwa iko vĩ lɔo le? 11Yesu wèwà à mɛ̀: Ń ikoe vĩao, sema pɔ Lua kpàma baasio. A yãi tò gbɛ̃́ pɔ ma kpama duuna mɛ́ zɔ̃ɔ. 12Za gɔɔ bee Pilati lɛ́ zɛwɛɛlɛ à aà gbaɛ, ɔ̃ Yuda gbãadeɔ wiilɛ̀ aa mɛ̀: Tó n gbɛ̃́pi gbàɛ, Sezaa gbɛ̃nan n ũo. Gbɛ̃́ pɔ azĩa dìlɛ kia gɔ̃̀ Sezaa ibɛɛ ũɛ. 13Kɛ́ Pilati yã bee mà, à mɛ̀ wà bɔ ń Yesuo bàasi. Ɔ̃ à zɔ̃̀lɛ a gĩ́naa, gu pɔ wì mɛ gbɛ̀ gusalalaa. (Ń hɛbɛluyão sɔ̃ Gabata.) 14A gudɔa mɛ́ Gɛ̃amusu dikpɛ ũ. Kɛ́ ĩatɛ̃ kà minanguo, ɔ̃ Pilati ò Yuda gbãadepiɔnɛ: Á kia kɛ́. 15Ɔ̃ aalɛ wiilɛ aalɛ mɛ: Ǹ aà dɛ. Ǹ aà dɛ. Ǹ aà pá líwa. Pilati ònɛ́: Má á kia pá líwa yã? Sa'onkiaɔ mɛ̀: Wá kia vĩo, Sezaa baasio. 16Ɔ̃ Pilati Yesu kpàmá aa pá líwa. Ɔ̃ aa aà sɛ̀ gɛ̀ò.

Yesu gaa

(Mat 27.32-56; Maa 15.21-41; Luk 23.26-49)

17Yesu bɔ̀ wɛ̃lɛ guu a azĩa lipãakɔ̃a sɛa, à gɛ̀ò gu pɔ wì mɛ Mitɔɔnagu. (Ń hɛbɛluyão wì mɛ Gɔgɔta.) 18We wà Yesu pàu líwa ń gbɛ̃ɔn pla pãleɔ, gbɛ̃do ɔplaai, gbɛ̃do ɔzɛɛi, ɔ̃ Yesu ku ń zãnguo. 19Pilati lakɛ̃̀ a nà Yesu lipãakɔ̃apiwa. Yã pɔ a kɛ̃̀pin kɛ:

Yesu Nazalɛti, Yudaɔ kia.

20Yudaɔ lápi kyokɛ̀ dasi, asa gu pɔ wà Yesu pàu líwapi zã̀ ń wɛ̃lɛoo. Wa kɛ̃̀ lápiwa ń hɛbɛluyão ń lomayão ń gɛlɛkiyãoɛ. 21Ɔ̃ Yuda sa'onkiaɔ ò Pilatiɛ: Nsu kɛ̃ Yudaɔ kiao, ãma kɛ̃ aapi mɛ́ ò Yudaɔ kian a ũ. 22Pilati mɛ̀: Yã pɔ má kɛ̃̀ má kɛ̃̀ɛ.

23Kɛ́ sosaɔ Yesu pà líwa wà làa, ɔ̃ aa aà pɔkasaɔ sɛ̀lɛ aa kpaalɛ̀ lɛɛ siiɔ̃ baade miwa. Aa aà ulatao pɔ wa tã̀ namisai za musu e zĩlɛ sɛ̀ lɔ, 24ɔ̃ aa òkɔ̃ɛ: Wásu ulapi paapaao. Wà tɛlɛpa gbɛ̃́ pɔ a gɔ̃ɛ̀. Aa bee kɛ̀ kɛ́ yã pɔ wa kɛ̃̀ɛ bee paɛ, wà mɛ̀:

Wà ma pɔkasaɔ kpaalɛ̀kɔ̃ɛ,

wà tɛlɛpà ma ula yãmusu.#Soũ 22.19

Bee yãi sosaɔ kɛ̀i màa.

25Yesu da ń aà da dãunao ń Kolopa na Maliamao ń Maliama Madelɛnio ku lí pɔ wà Yesu pàwà saɛ. 26Kɛ́ Yesu a da è ń a iwa pɔ á yeaazio zɛ aà saɛ, a ò a daɛ: N nɛn kɛ! 27Ɔ̃ a ò iwapiɛ: N dan kɛ! Za zĩ́ bee ɔ̃ iwapi aà sɛ̀ tàò a bɛ.

28Bee gbɛa Yesu dɔ̃ apii pà. Kɛ́ yã pɔ kɛ̃a e pa ɔ̃ à mɛ̀: Imi lɛ́ ma dɛ. 29Lo ku we, vɛ̃ɛ kũma ka a pai. Ɔ̃ wà sao kpàlɛ vɛ̃ɛpiu wa pɛ̀ lía, wa dà Yesuɛ a lɛ́u.#Soũ 69.22 30Kɛ́ à vɛ̃ɛpi mì à mɛ̀: Apii pà. Ɔ̃ à a mi pɛ̀lɛ à kɛ̀sai.

Yesu zɔ̃a ń sɔ̃nao

31Ãsɔ̃ada oosiɛ, kãmabogɔɔ ye daalɛi, Yudaɔ ye gɛɔ gɔ̃ líwa e kãmabogɔɔzĩo, asa kãmabogɔɔpiá gɔɔ zɔ̃ɔɛ. Ɔ̃ aa gɛ̀, aa wabikɛ̀ Pilatiwa wà ń gbá ɛ'ɛ, wi ń bua. 32Ɔ̃ sosaɔ gɛ̀ aa gbɛ̃́ sɛ̃ia pɔ wa pà líwa ń Yesuo gbá ɛ̀'ɛ ń a plaade pɔo lɔ. 33Kɛ́ aa kà Yesu kĩi, aa è à gà kɔ̀, ɔ̃ aai aà gbá ɛ'ɛo. 34Ɔ̃ sosaɔ do Yesu zɔ̃̀ ń sɔ̃nao a gbãtɛ̃ɛu. Wegɔ̃ɔ au ń ío bɔ̀lɛ. 35Gbɛ̃́ pɔ wɛsì yãpilɛ mɛ́ yãpi ò. Aà seeladekɛ sĩana vĩ, mɛ́ a dɔ̃̀ sĩana álɛ o, kɛ́ apiɔ sɔ̃ à Yesu naaikɛ. 36Yã beeɔ kɛ̀ kɛ́ yã pɔ kɛ̃aɛ bee paɛ wà mɛ̀:

Aà wáe a ɛo.#Bɔa 12.46; Soũ 34.21

37Wa kɛ̃̀ lɔ wà mɛ̀:

Aa wɛsi gbɛ̃́ pɔ aa zɔ̃̀ aa dɛ̀lɛ.#Zkl 12.10

Yesu vĩa

(Mat 27.57-61; Maa 15.42-47; Luk 23.50-56)

38Bee gbɛa Alimate gbɛ̃́ Yosɛfu gɛ̀ à wabikɛ̀ Pilatiwa aà a gba zɛ́ à Yesu gɛ bua. Yesu iwaɛ asii guu, kɛ́ àlɛ vĩakɛ Yuda gbãadeɔnɛ yãi. Pilati wèi, ɔ̃ à gɛ̀ à aà gɛ bùa. 39Nikodɛũ pɔ gɛ̀ Yesu kĩi gwãasĩna#Zãa 3.1-2 gɛ̀ sɔ̃ ń li'ɔo ń ɛsɛ gĩnanao yãalɛa, a gbia kà kilo baakwi taawa. 40Ɔ̃ aa Yesu gɛ sɛ̀ aa baabaa pɔlɛɔ fĩ̀wà ń ɛsɛ gĩnanapio, lá Yudaɔ ì gɛ kpɛla ń fɛlɛkaayã guuwa. 41Kaa ku gu pɔ wà Yesu pàu líwapiu. Gbɛ'ɛ pɔ wa sɔ mia ũ ku kaapiu, wi gbɛ̃e dau yãao. 42Wekĩi aa Yesu dàu, kɛ́ a zã̀ńnɔo, mɛ́ oosi lɛ́ kɛ, Yudaɔ kãmabogɔɔ lɛ́ ká yãi.

Currently Selected:

Zãa 19: Boo2024

Highlight

Copy