Daa 36

Esau buiɔ

(1 Lad 1.34-37)

1Esau pɔ wì mɛ lɔ Ɛdɔũ buiɔ yãn kɛ: 2Esau Kanaa nɔɛɔ sɛ̀, Iti bui Eloni nɛ Ada ń Hivi bui Ana nɛ Ɔhɔlibama, Zibɛɔ̃ tɔũnao. 3À Isimaɛla nɛ Basɛma, Nɛbaio dãe sɛ̀ lɔ. 4Ada Ɛlifaza ìaanɔ, mɛ́ Basɛma Leuɛli ì. 5Ɔhɔlibama Yeusi ń Yalaũo ń Kolao ì. Esau nɛgɔ̃ɛ pɔ wà ń í Kanaa busuuɔn we.

6Esau a naɔ sɛ̀lɛ ń a nɛgɔ̃ɛɔ ń a nɛnɔɛɔ ń a bɛdeɔ pii ń a pɔtuoɔ ń a aizɛɛ pɔ a è Kanaa busuuɔ pii, ɔ̃ à gɛ̀ Sei busuu, à zãkũ̀ ń a dãuna Yakɔbuo, 7asa an aizɛɛ zɔ̃ɔ yã mɛ́ tò aa fɔ̃ aaɔ ku ń kɔ̃oo. Busu pɔ aa kuu i mɔmáo, kɛ́ an pɔɔ dasi yãi. 8Esau zɔ̃̀lɛ Sei busu gbɛsĩsĩde pɔ wì mɛ tia Ɛdɔũ guu.

9Esau pɔ dɛ Ɛdɔũɔ dezi sɛ̃ia ũ buiɔn kɛ: 10Esau nɛgɔ̃ɛɔ tɔ́ɔn kɛ: Ada nɛ Ɛlifaza ń Basɛma nɛ Leuɛlio. 11Ɛlifaza nɛgɔ̃ɛɔ tɔ́ɔn kɛ: Temani, Omaa, Zefo, Gataũ, Kenazi. 12Ɛlifaza nɔ pɔ i mɛsɛdilɛɛ̀o tɔ́n Timina. Ɔ̃mɛ Amalɛki ìaanɔ. Esau na Ada tɔũnaɔn we. 13Leuɛli nɛgɔ̃ɛɔ tɔ́ɔn kɛ: Naata, Zela, Sãma, Miza. Esau na Basɛma tɔũnaɔn we. 14Esau na Ɔhɔlibama nɛgɔ̃ɛɔ tɔ́ɔn kɛ: Yeusi, Yalaũ, Kola.

15Esau bui dezikaauɔ tɔ́ɔn kɛ: Esau nɛgɔ̃ɛ sɛ̃ia Ɛlifaza bui dezikaauɔ tɔ́ɔn kɛ: Temani, Omaa, Zefo, Kenazi, 16Kola, Gataũ, Amalɛki. Ɛlifaza bui dezikaauɔ, Ada tɔũnaɔn we. Aa ku Ɛdɔũ busuuɛ. 17Esau nɛ Leuɛli bui dezikaauɔ Naata, Zela, Sãma ń Mizao. Leuɛli bui dezikaauɔ, Basɛma tɔũnaɔn we. Aa ku Ɛdɔũ busuuɛ. 18Esau na Ɔhɔlibama bui dɔaanaɔ tɔ́ɔn kɛ: Yeusi, Yalaũ, Kola. Ana nɛ Ɔhɔlibama tɔũnaɔn we. 19Esau pɔ wì mɛ lɔ Ɛdɔũ nɛgɔ̃ɛɔn we, aà bui dɔaanaɔnɛ.

Sei buiɔ

(1 Lad 1.38-42)

20Sei, Oli bui pɔ ku Ɛdɔũ busuu za káau nɛgɔ̃ɛɔ tɔ́ɔn kɛ: Lotani, Sobala, Zibɛɔ̃, Ana, 21Disɔ̃, Ezɛɛ, Disã. 22Lotani nɛgɔ̃ɛɔn Oli ń Emaũo ũ. Lotani dãe tɔ́n Timina. 23Sobala nɛgɔ̃ɛɔ tɔ́ɔn kɛ: Alavã, Manaata, Ebali, Sefo, Onaũ. 24Zibɛɔ̃ nɛgɔ̃ɛɔ tɔ́ɔn kɛ: Aia ń Anao. Anapi mɛ́ bɔ̀ nibɔna wãawa gbáau gɔɔ pɔ àlɛ a mae zaa'ĩnaɔ dã́. 25Ana nɛgɔ̃ɛ tɔ́ɔn Disɔ̃, aà nɛnɔɛ tɔ́n Ɔhɔlibama. 26Disɔ̃ nɛgɔ̃ɛɔ tɔ́ɔn kɛ: Ɛmadã, Ɛsebã, Ilana, Kelana. 27Ezɛɛ nɛgɔ̃ɛɔ tɔ́ɔn kɛ: Bilana, Zaavã, Akana. 28Disã nɛgɔ̃ɛɔn Uzu ń Alanao ũ. 29Oli bui dezikaauɔ tɔ́ɔn kɛ: Lotani, Sobala, Zibɛɔ̃, Ana, 30Disɔ̃, Ezɛɛ, Disã. Oli bui dezikaauɔ ń ń bui pɔ ku Sei busuuɔn we.

31Kia pɔ kpalablè Ɛdɔũ busuu Isaili kiaɔ ãaɔ tɔ́ɔn kɛ: 32Bɛɔɔ nɛ Bɛla, Dinaba gbɛ̃́ mɛ́ kpalablè Ɛdɔũ káau. 33Kɛ́ à gà, ɔ̃ Zela nɛ Yobaba, Bɔzɛla gbɛ̃́ zɔ̃̀lɛ aà gbɛu. 34Kɛ́ à gà, ɔ̃ Temani busu gbɛ̃́ Usaũ zɔ̃̀lɛ aà gbɛu. 35Kɛ́ à gà, ɔ̃ Bedada nɛ Adada, Aviti gbɛ̃́ zɔ̃̀lɛ aà gbɛu. Ɔ̃mɛ zĩblè Madiãɔwa Mɔabu busuu. 36Kɛ́ à gà, ɔ̃ Maseleka gbɛ̃́ Samala zɔ̃̀lɛ aà gbɛu. 37Kɛ́ à gà, ɔ̃ Leobo pɔ ku Uflata saɛ gbɛ̃́ Saulu zɔ̃̀lɛ aà gbɛu. 38Kɛ́ à gà, ɔ̃ Akaboo nɛ Baalanana zɔ̃̀lɛ aà gbɛu. 39Kɛ́ à gà, ɔ̃ Pau gbɛ̃́ Adada zɔ̃̀lɛ aà gbɛu. Aà na tɔ́n Mɛtabɛli, Malɛdi nɛɛ, Mɛzaaba tɔũnaɛ.

40Tɔ́ pɔ wa kpà Esau bui dezikaauɔnɛ ń ń buiɔ ń ń busuɔn kɛ: Timina, Alava, Yɛtɛti, 41Ɔhɔlibama, Ela, Pinɔ, 42Kenazi, Temani, Mibizaa, 43Magadiɛ, Ilaũ. Ɛdɔũɔ dezikaauɔ tɔ́ɔn we wɛ̃lɛ ń wɛ̃lɛo busu pɔ aa zɔ̃̀lɛu. Esau pɔ Ɛdɔũɔ dezi sɛ̃ia ũ buiɔn we.

Currently Selected:

Daa 36: Boo2024

Highlight

Copy