Daa 31

1Yakɔbu yã pɔ Labã nɛɔ lɛ́ o mà aa mɛ̀: Yakɔbu wá mae pɔɔ sìwà pii. Wá mae aizɛɛ mɛ́ aà kà ɔdawa. 2Yakɔbu dɔ̃̀ Labã wɛ́wa, kɛ́ a yã kuwà lan yãawa lɔo. 3Ɔ̃ Dii òɛ̀: Ɛa ǹ ta n dezi busuu n daɛɔ bɛ, míɔ kunnɔ. 4Ɔ̃ Yakɔbu Lasɛli ń Leao sìsi aa mɔ a pɔɔ kĩi sɛ̃u. 5A ònɛ́: Má dɔ̃̀ á mae wɛ́wa kɛ́ ma yã kuwà lan yãawa lɔo. Ń beeo ma mae Lua kumanɔ. 6Á dɔ̃ ázĩawa kɛ́ ma zĩkɛ̀ á maeɛ ma gbãapualɛuɛ. 7Á mae ɔ̃nɔkɛ̀mɛɛ à ma asea lìlɛ gɛ̃n kwi, ãma Lua i to ma kɛ̃são. 8Tó à mɛ̀ sã baebaeɔ mɛ́ ma baa ũ, ɔ̃ sãpiɔ ìɔ nɛ baebaeɔ i. Tó à mɛ̀ a kãyãalɛɔ mɛ́ ma baa ũ, ɔ̃ sãpiɔ ìɔ nɛ kãyãalɛɔ i. 9Lua á mae sãɔ sìwà a kpàa.

10Gɔɔ pɔ bleɔ lɛ́ kpawa'o, ma nana'ò, ɔ̃ nanapiu má è blesana pɔ lɛ́ kpawa'oɔá ble kãyãalɛɔnɛ ń a baebaeɔ ń a biliɔ. 11Ɔ̃ Lua Malaika òmɛɛ nanapiu: Yakɔbu! Ɔ̃ ma mɛ̀: Má kɛ́! 12À mɛ̀: Wɛzu ǹ gwa. Blesana pɔ aalɛ kpawa'oɔ pii blè kãyãalɛɔnɛ ń a baebaeɔ ń a biliɔ. Ma yã pɔ Labã kɛ̀nɛ è pii. 13Mamɛ má Lua ũ. Ma bɔ ma mɔma Bɛtɛli, gu pɔ n gbɛpɛ̀lɛu n nisikàwà n lɛkɛ̀a.#Daa 28.18-22 Tiasa fɛlɛ ǹ bɔ busuɛ beeu, ní tá n bɛ busuu. 14Ɔ̃ Lasɛli ń Leao òɛ̀: Wá tubi vĩ wá mae bɛ lɔe? 15I wá dilɛ nibɔɔ ũ nolo? À wá yiama, ɔ̃ à a ɔ̃a blè pii. 16Aizɛɛ pɔ Lua sì wá maewa gɔ̃̀ wá pɔ ũ piiɛ ń wá nɛɔ. Yã pɔ Lua ònɛ kɛ pii sa.

17Ɔ̃ Yakɔbu fɛ̀lɛ, à a nɛɔ ń a naɔ dì yiongoɔ kpɛ. 18À a pɔtuoɔ ń aizɛɛ pɔ a è Mɛsɔpɔtamiɔ sɛ̀lɛ pii, ɔ̃ à dàò zɛ́u, àlɛ tá a mae bɛ Kanaa busuu. 19Kɛ́ Labã gɛ̀ a sãɔ kãkɛ̃ɛlɛi, ɔ̃ Lasɛli aà tãaɔ#31.19 Tãapiɔá lí pɔ wa ã̀ lan gbɛ̃nazĩnawaɔnɛ sɛ̀ kpãi aà kpɛ. 20Yakɔbu sɔ̃ à ɔ̃nɔkɛ̀ Sili bui Labãɛ, i lɛzawào. 21À fɛ̀lɛ baalɛ̀ ń a pɔɔ pii, à bùa Uflatawa, ɔ̃ à mipɛ̀ Galada gbɛsĩsĩɔwa.

Labã pɛlɛa Yakɔbuzi

22A gɔɔ aaɔ̃dezĩ wa ò Labãɛ Yakɔbu baalɛ̀. 23À a gbɛ̃́ɔ nàaa, ɔ̃ à pɛ̀lɛaazi. À taa'ò gɔɔ sopla, ɔ̃ à aà lè Galada busu gusĩsĩdeu. 24Ɔ̃ Lua bɔ̀ à mɔ̀wà gwã nana guu a òɛ̀: Laaika yã pɔ ńyɔ̃ o Yakɔbuɛzi.

25Labã Yakɔbu bòo lè kpaa Galada busu gusĩsĩdeu, ɔ̃ à bookpà we ń a gbɛ̃́ɔ sɔ̃. 26Ɔ̃ Labã gɛ̀ a ò Yakɔbuɛ: Bɔyãi n ɔ̃nɔkɛ̀mɛɛ, n ma nɛɔ sɛ̀lɛ n taò lan zĩ̀zɔɔwai? 27Bɔyãi n ɔ̃nɔkɛ̀mɛɛ n wolɛ kpãi, ni lɛzaao ni? Dɔ̃ ma gɛ zɛinɛ ń pɔnakɛao ń lɛsiao ń gãao ń mɔɔnao. 28Ni to ma lɛzà ma nɛɔ ń ma tɔũnaɔwao. N dɔɔsaiyã kɛ̀. 29Ma gbãa kà mà yãkɛɛ́, ɔ̃ n mae Lua yã'òmɛɛ gwã à mɛ̀ mà laaika yã pɔ má onɛi. 30Nlɛ tá we sa, kɛ́ nlɛ n mae bɛ bɛɛkɛ yãi. Bɔyãi n ma tãaɔ sɛ̀ kpãii? 31Yakɔbu wèwà à mɛ̀: Malɛ vĩakɛ, malɛ e ńyɔ̃ n nɛɔ siaɛ. 32Gbɛ̃́ pɔ n n tãaɔ èwà, wà ade dɛ. Ma pɔɔ gwagwa wá gbɛ̃́ɔ wáa. Tó n n pɔ è, sɛ́. Yakɔbu sɔ̃ a dɔ̃ kɛ́ Lasɛli Labã pɔ sɛ̀ kpãio.

33Labã gɛ̃̀ Yakɔbu zwãakpɛu, à gɛ̃̀ Lea kpɛ́u, à gɛ̃̀ zɔnɔɛ gbɛ̃ɔn plapiɔ kpɛ́u, i pɔe eo. Kɛ́ à bɔ̀ Lea kpɛ́u, à gɛ̃̀ Lasɛli kpɛ́u. 34Lasɛli tãapiɔ sɛ̀ a ùlɛ yiongo gaaĩbɔɔuɛ, ɔ̃ à zɔ̃̀lɛwà. Labã aà kpɛ yɔ̀ɛ pii, i pɔe eo. 35Lasɛli ò a maeɛ: Baa, nsu to n pɔ pamazio, asa mi e ma fɛlɛo, kɛ́ má ɔkũa yãiɛ. Beewa Labã a tãaɔ wɛ̀ɛlɛ, i eo.

36Ɔ̃ Yakɔbu pɔ pà, à zɔadɔ̀ Labãwa à mɛ̀: Bɔ́ dàa má kɛ̀i? Bɔ́ duuna má kɛ̀ ɔ̃ n pɛlɛmazi wãawãa kɛ́wai? 37N ma pɔɔ yɔ̀ɛ pii, n n bɛpɔɔ è wea? Bɔò gupuau ma gbɛ̃́ɔ ń n gbɛ̃́ɔ wáa, aai yãnakpa gbɛ̃́ pɔ à yã nawa. 38Gwa, ma kɛ n bɛ wɛ̃̀ baoɛ. N sãɔ ń n bleɔ aai nɔbɔlɛo, mɛ́ mi n sãe soo. 39Mili suma ń pɔ pɔ wài kũ̀oo, mi a fĩabonɛ mazĩawaɛ. Ni pɔ pɔ wà a kpãi'ò gwã ge fãanɛ fĩa laaɛ. 40Ĩatɛ̃ ì ma lɛ fãanɛ, ĩana ì ma dɛ gwã, mi itɛ̃kɛ. 41Màa ma kɛ n bɛ e wɛ̃̀ bao. Wɛ̃̀ gɛ̃o mɛndosai ma zĩkɛ̀nɛ n nɛnɔɛ gbɛ̃ɔn plaɔ yãi. Ma wɛ̃̀ soolo kɛ̀ n kpàsa yãmusu. N ma asea lìlɛ gɛ̃n kwi. 42Mɛ́ i kɛ ma dezi Ablahaũ Lua pɔ ma mae Izaaki aà vĩa vĩ zɛ̀manɔ baasio, dɔ̃ n ma gbaɛ ɔgii. Lua zĩ pɔ má kɛ̀ ń taasio è, ɔ̃ à zɛ̀manɔ gĩa gwã.

43Ɔ̃ Labã wè Yakɔbuwa à mɛ̀: Nɔɛɛ beeɔá ma nɛɔnɛ. Nɛɛ beeɔá ma tɔũnaɔnɛ. Pɔtuoɛ beeɔá ma pɔtuoɔnɛ. Pɔ pɔ ń è la pii ma pɔɛ. Bɔ́ má kɛ ma nɛnɔɛɔ ń nɛ pɔ aa ìɔnɛ gbãi? 44To wà lɛdoũkɛ, iɔ dɛ seela ũ wá zãnguo. 45Ɔ̃ Yakɔbu gbɛ sɛ̀ a pɛ̀lɛ yãpi dɔngubɔ ũ. 46A ò a gbɛ̃́ɔnɛ aa gbɛɔ sɛlɛ, ɔ̃ aa sɛ̀lɛ aa a zɛdɔ̀, ɔ̃ aa pɔblè a saɛ. 47Ɔ̃ Labã tɔkpà gbɛzɛpiɛ Yegaa Saaduta.#31.47 Bee mɛ̀ gbɛ̀ seelade ń siliyão Yakɔbu tɔkpàɛ̀ Galɛdi.#31.47 Bee mɛ̀ gbɛ̀ seelade ń hɛbɛluyão 48Labã mɛ̀: Gbɛzɛɛ bee mɛ́ seela ũ wá zãnguo gbã. Bee yãi wà tɔkpàiɛ̀ Galɛdi. 49Ɔ̃ wì mɛ lɔ Mizipa,#31.49 Bee mɛ̀ gudɔ̃akĩi asa Labã mɛ̀: Dii wá dɔ̃́a wá kɛ̃akɔ̃wa gbɛa, kɛ́ wásu wàɔ zakɔ̃uo. 50Tó n ĩadà ma nɛnɔɛɔwa ge tó n nɔ pãleɔ sɛ̀ lɔ, baa tó wá ku kɔ̃ kĩio, ǹyɔ̃ dɔ̃ sãasã kɛ́ Lua mɛ́ wá yãpi seelade ũ. 51Ɔ̃ Labã òɛ̀ lɔ: Zɛɛ bee gwa ń gbɛ pɔ má pɛ̀lɛ wá zãnguoo. 52Aɔ dɛ seela ũ kɛ́ masu mà a baa vĩ mà mɔma ń nɔsɛpãleoo, mpi sɔ̃, nsu ǹ a baa vĩ ǹ mɔa ń nɔsɛpãleoo. 53Ablahaũ ń Nakɔɔo ń n maeo Lua mɛ́ a yãgɔ̃gɔ̃wɛ̃ɛ. Ɔ̃ Yakɔbu lɛgbɛ̃̀ ń Lua pɔ a mae Izaaki aà vĩa vĩ tɔ́o. 54À sa'ò gusĩsĩdeu we, ɔ̃ à a gbɛ̃́ɔ sìsi aa pɔble. Kɛ́ aa pɔblè, ɔ̃ aa ì we.

Currently Selected:

Daa 31: Boo2024

Highlight

Copy