Zlr 8
8
Saba Nuhu ma kwambalu
1Ka havaptá Lazglafta ka Nuhu, nda inda nimtak, nda inda rini kawadaga nda tsi ma tsa mghama kwambalu ya. Ka viygiŋtá tsi ta falak ta haɗik, ka swiʼaku tsa imi ya. 2Ka nuʼuwaghutá dzuɓayha drəf ma haɗik nda ghurumha saba imi ta luwa tani. Ka tsaɗaghutá imi. 3Ka htaku swiʼakwa tsa ima ya makiʼamakiʼa ta haɗik. Ma kɗavakta fitik dərmək nda hutaf mbsak, ka zlraftá tsi ta htaku. 4Baɗu maghwaŋpəɗ ndəfáŋa fitik ma tila mandəfáŋ ka sladatá tsa kwambalu ya ta sana ghwá ma Ararat. 5Ka htaku swiʼakwa tsa ima ya ha ka lab ta tila maghwaŋ. Baɗu taŋtaŋa fitik ma tila maghwaŋ zlra bɗəma ghwáha ta nghaku. 6Ta mafwaɗ mbsaka fitik tahula tsa, ka guniŋtá Nuhu ta rwiɗ tsaf tsi ta tsa kwambalu ya. 7Ka zlidiŋta tsi ta zarakataghuvi dzibil, ka laghu tsi ndaravata, lapha vrakha, lapha vrakha, ha ka swiʼatá imi ta haɗik. 8Tahula tsa, ka zlidiŋtá tsi ta ghərbuʼ ŋa tsatsay ka swiʼavaghur swiʼavaghuwa a tsa ima ya ta haɗik. 9Laba tsa ghərbuʼ ya, mutsaf a ta vli ŋa tsukwatá wu, kabga ta dagala imi ta inda ghəŋa haɗik, ka vraktá tsi slanaghata Nuhu ma tsa kwambalu ya, ka fadapta tsi ta dzva ni ka tsuʼadamta. 10Tahula tsa, ka zəglatá tsi ta fitik ndəfáŋ, ka zliglidiŋtá tsi ta tsa ghərbuʼ ya ma kwambalu, ka sab tsi ka laghwi. 11Ta fitik hawu, ka vraktá tsa ghərbuʼ ya slanaghata nda tsatá ɗata sluhwa zaytuŋ ma wi. Tsaya kəl Nuhu ka grafta kazlay swiʼavaghu swiʼa imi ta haɗik kəʼa. 12Ka zəglatá Nuhu guli ta fitik ndəfáŋ, ka zliglidiŋtá tsi ta tsa ghərbuʼ ya. Laghwa tsa ghərbuʼ ya, vərgladagha a wa. 13Baɗu ma taŋtaŋa fitik ma tila mataŋtaŋ ma magatá imi Nuhu mkuʼ dərmək nda turtuk swiʼavaghuta imi ta haɗik, ka guniŋtá Nuhu ta ghəŋa tsa kwambalu ya. Ta nghagapta tsi, nda sala vli ta ghəŋa haɗik. 14Tahula magatá fitik hisambsak ndəfáŋ mida ma tila mahis, heleleʼ ghwalatá vli ta haɗik.
15Ka Lazglafta nda Nuhu mantsa: 16« Sab sa ma kwambalu, kagha nda markwa ghuni, nda zwana gha tani, nda ghwaʼalha gha tani kawadaga nda kagha. 17Zliŋ zla guli ta inda skwi nda hafu mida kawadaga nda kagha: Ta ɗyakha nda zarakha tani, nda rini nda nimtakha, nda inda skwiha ta mbaɗa nda huɗi ta haɗik. Zliŋ zla ta həŋ kawadaga nda kagha, ka dzaʼa həŋ yafta, ka ndəghanafta həŋ ta haɗik, ka nuta həŋ tusak, » kaʼa. 18Ka sab Nuhu nda zwana ni, nda markwa taŋ, nda ghwaʼalha ni kawadaga nda tsi. 19Inda rini, nda nimtak tani, nda ɗyakha nda zarakha, nda inda skwiha ta mbaɗa nda huɗi ta haɗik, inda taŋ nda mndəra taŋ kavghakavgha, ka sliʼagaptá həŋ demdem ma tsa kwambalu ya.
20Lagha Nuhu ka dzihwanaftá gwir ta Yawe, ka kasaʼatá tsi mataba inda mndəra rini kul tsaɗ lu, nda mndəra ɗyakha nda zarakha kul tsaɗ lu, ka vlata ŋa pla ghəŋ ŋa dray tsuh tsuh ta gwir. 21Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa. 22Zlrafta daga ndana ha ka kɗatá haɗik, dzaʼa mamu dəwiŋ nda fwak, dzaʼa mamu mazlam nda kayaghu, dzaʼa mamu vya nda ghalam, dzaʼa mamu gifitik nda rviɗik, ŋwayuta a tsa skwiha ya ɗekɗek wa, » kaʼa.
Currently Selected:
Zlr 8: xed
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.