Zlr 50

Paɗamtá Yakubu

1Ka zləmbaftá Yusufu ta kuma da ni, ka taw ka brusay. 2« Masanavawa masa ta rɗi ta da ɗa ŋa payanata, » ka Yusufu nda kwalvaha ni ta nzakway ka duhturha, ka masanavatá həŋ ta rɗi ta Israʼila. 3Fitik fwaɗ mbsak za tsa mnduha ya, kabga ta zay masa tsa rɗi ta fitik ŋa payanata. Fitik ndəfáŋ mbsak za la Masar guli ta taway. 4Luta tsa fitikha kəl lu ka taway ya, ka Yusufu nda gwal ga Firʼawna mantsa: « Ka ta zɗaɗiŋ zɗa kuni ta huɗi katsi, kdəkwakdək mnanawa ma sləməŋ ma sləməŋ ta Firʼawna kazlay na: 5“Ma kɗaku tsi mtuta, ka da ɗa famtá iʼi da waɗata na: Ngha, wana yu dzaʼa mtaku, ka lamta ka ta iʼi ma kulu ya lanap yu ta ghəŋa ɗa ta haɗika Kanʼana, hada dzaʼa lamta ka ta iʼi, kaʼa. Ta kumay ndanana ta ŋlu ŋa dzaʼa lamtá da ɗa, ŋa vrakta ɗa,” » kaʼa. 6Ka vlatá Firʼawna ta zlgha wa ni: « La! ka lamta ka ta da gha manda ya fam tsi ta kagha da waɗana ta, » kaʼa. 7Ka laf Yusufu da lamtá da ni. Ka sliʼaftá inda kwalvaha Firʼawna, nda la galata mnduha ma həga ga taŋ, nda inda la galata mnduha ta haɗika Masar kawadaga nda tsi. 8Ka laf inda gwal ga Yusufu nda zwana ma ni, nda gwal ma həga ga da ni mista ni. Zwani kweŋkweŋ, nda rina fisik, nda slaha yeya zlana həŋ ta haɗika Guseŋ. 9Ka sliʼadaftá gwal nda mwata plis, nda gwal ta plisha guli mista Yusufu. Sliʼa sliʼa mnduha katakata mista ni.

10Ka ɓhadaghatá həŋ da sana vli ta hgə lu ka Gureŋʼatat#50:10 Gureŋʼatat nda gwaɗa Hebru ná, tsaya blikwa teki., ta ɓla Yardeŋ. Ka hlaftá həŋ ta wi ka taw, ka ŋa ɗa ghəŋ katakata. Ka tawamtá Yusufu ta da ni ka fitik ndəfáŋ. 11Nghanata la Kanʼana ta tsa haɗik ya, ta tsa tawa Gureŋʼatat ya, blikwa teki ya, ka həŋ mantsa: « Nana na taw dagala ta slanaghatá la Masar, » ka həŋ. Tsaya kəl lu ka hga tsa vli ta ɓla Yardeŋ ya ka Abelʼmisrayim#50:11 Abelʼmisrayim nda gwaɗa Hebru ná, tsaya tawa la Masar..

12Mantsa magata zwana Yakubu manda ya mnana da taŋ ta həŋ. 13Ka klaghatá zwana ni ta haɗika Kanʼana, ka lamta ma galigha ma vwaha Makpela, ya skwa Abraham da Ghefruŋ mnda la Het mbəŋ nda Mamre, ŋa nzakwa tsa kulu ya ka ŋa ni. 14Tahula lamta Yusufu ta da ni, ka vraghutá tsi kawadaga nda zwana ma ni da Masar, nda inda gwal ta lafi da paɗa da ni tani.

Ksanamta Yusufu ta ŋuɗuf ta zwana ma ni

15Nghanata zwana ma ni ma Yusufu ná, nda mta da taŋ, ka həŋ mantsa: « Zlah dzaʼa husaŋ husa ŋni ta Yusufu, kwalaghuta a ta plaŋnamtá inda tsa ghwaɗaka skwiha magana ŋni ya wu, » ka həŋ. 16Ka həŋ tsəghanaftá lwi ta Yusufu mantsa: « Ma kɗaku da gha ka mtuta na, wya kaʼa mnata: 17“Ka kuni dzaʼazlay nda Yusufu na: Kdəkkdək plinis pla ta ghwaɗaka skwi maga gha zwana ma gha, kabga gagha ga həŋ ta dmaku.” Ndanana ná, ta ndəɓa dzvu ŋni da kagha, pliŋnis pla ta dmakwa ŋni, aŋni ta nzakway ka kwalvaha Lazglafta turtuk nda da gha, » ka həŋ. Snaŋta Yusufu ta tsa gwaɗa ya, ka taw tsi ta taw. 18Ka sliʼaftá zwana ma ni ka ghəŋa taŋ guli, ka lagha zləmbata ta kəma ni, ka həŋ mantsa: « Wana ŋni, nda nza ŋni ka vuʼa gha, » ka həŋ. 19Ka Yusufu nda həŋ mantsa: « Ma zləŋ kuni ɗekɗek, ma vla Lazglafta yu ra? 20Kaghuni, si ndanaŋ ndana kaghuni ta magihatá ghwaɗaka skwi. Ama ka kumaftá Lazglafta ta mbəɗanafta ka skwi ɗina, ŋa hɗamtá na skwi ta magaku gita na, ŋa nzulanatá hafa ndəghata mnduha. 21Ndanana, ma zləŋ kuni ɗekɗek, dzaʼa ŋaghuna ŋa yu, nda kaghuni nda zighiha ghuni tani, » kaʼa. Ka ksanatá tsi ta ŋuɗuf ta həŋ, ka ufanaftá vgha ta həŋ.

Mtakwa Yusufu

22Mantsa ya tama, ka nzatá Yusufu kawadaga nda gwal ga da ni ma Masar. Ka zatá Yusufu ta imi dərmək nda ghwaŋ. 23Nda ngha Yusufu ta yayatá lu ta zwana Ifrayim ha zigha papah. Zwana Mahir ta nzakway ka zwaŋa Mənase ná, yaya ta karama#50:23 Yayata ta karam nda gwaɗa Hebru: Tsaya gla zwaŋa mndu. Yusufu lu ta həŋ. 24Ka Yusufu nda zwana ma ni mantsa: « Dzaʼa mtaku yu. Lazglafta dzaʼa kata kaghuni kahwathwata, dzaʼa sliʼaghunaf sliʼa ma Masar, ŋa hlay ni ta kaghuni ta haɗik ya waɗana tsi ta vlaŋtá i Abraham, nda Izak, nda Yakubu. 25Baɗ da laghunafta Lazglafta ta hul, ka kliŋta kuni ta ghudzifha ɗa. Waɗihawa waɗa, » ka Yusufu nda zwana Israʼila. 26Dərmək nda ghwaŋ ima Yusufu ta mtutá tsi, ka masanavatá lu ta rɗi ŋa payanata, ka tapamta lu ma akwati ma Masar.

Currently Selected:

Zlr 50: xed

Highlight

Copy