Zlr 23

Mtatá Sara markwa Abraham

1Dərmək nda hisambsak ndəfáŋ mida na ima Sara. Tsaya gwagwata ima Sara nda hafu. 2Ka mtutá Sara ma Kiriyatʼarba, tsaya Hevruŋ ma haɗika Kanʼana. Ka taw Abraham ta ghəŋ ta ghəŋa Sara, ka tawamtá tsi.

3Ka sliʼaftá Abraham ma tsa vla mbla markwa taŋ ya da gwaɗa nda zwana Het, kaʼa mantsa: 4« Wana ka mayəm yu ta nzaku mataba ghuni, tsaɗifwa tsa da kaghuni ŋa ŋa ɗa ta vla kulu, ka paɗamta yu ta markwa ini, ka kliŋta yu ta mbla ni diʼiŋ ta wa ira ɗa, » kaʼa. 5Ka zwana Het nda Abraham mantsa: 6« Faŋna fa ta sləməŋ mghama ɗa! Mndu dagala fa Lazglafta kagha mataba ŋni, paɗam paɗa ta markwa ghuni ma ŋərma vli ya mataba kuluha ŋni, haɗ mndu mataba aŋni dzaʼa kwalaghutá vlaghatá vla kulu ŋa paɗamtá mbla markwa ghuni wa, » ka həŋ.

7Ka sliʼaftá Abraham ka tsəlɓata ta kəma la Het, mnduha ma tsa haɗik ya. 8Kaʼa nda həŋ mantsa: « Ka ɗvaf ɗva kuni ta paɗamta ɗa ta markwa ini diʼiŋ ta wa ira ɗa katsi, fihawa fa ta sləməŋ, kdəkwa kdək ndəɓanawa ndəɓa ta dzvu ka ŋa ɗa, ta Ghefruŋ zwaŋa Tsuhar. 9Ka vlihata tsi ta galigha Makpela, ta nzakway ka ŋa ni, ta wa vwaha ni ya. Ka skwaɗipta tsi manda ya ta raku ta wa ira ghuni, kada nzakwa tsa kulu ya ka ŋa ɗa, » kaʼa.

10Tsaw, ta nzaku Ghefruŋ hada ma tsa fitik ya mataba la Het. Ka Ghefruŋ mnda la Het nda Abraham ta snay sləməŋa la Het, inda gwal ta lagha tskavata ta wa tgha tsa luwa ya mantsa: 11« Mantsa a mghama ɗa wa! Fiha fa ta sləməŋ. Ta vlagha vla yu ta tsa vwah ya nda tsa galigha ya tani, ta vlagha vla yu. Ta vlagha vla yu ta wa ira la ini. Paɗam paɗa ta markwa ghuni, » kaʼa.

12Ka tsəlɓata Abraham ta kəma mnduha ta tsa haɗik ya. 13Kaʼa nda Ghefruŋ ta snay sləməŋa inda mnduha tsa haɗik ya mantsa: « Kdəkkdək! Fiha fa ta sləməŋ! Ta vlagha vla yu ta tseda tsa vwah ya, zlghaf zlgha ka dzaʼa yu paɗamtá markwa ini, » kaʼa. 14Ka Ghefruŋ nda Abraham mantsa: 15« Rvera ɗa, sniha sna ɓa! Vwah ta maga sulay fwaɗ dərmək tseda ni ná, sana wu tsaya mataba u nda kagha na? La paɗamtá markwa ghuni, » kaʼa. 16Ka tsuʼaftá Abraham ta gwaɗa Ghefruŋ. Ka granaftá#23:16 Ta grə nda gra lu ta tsedi ka skwa skwa skwi ghalya. Abraham ta Ghefruŋ ta tsa tsedi mna tsi ta snay sləməŋa zwana Het ya. Sulay fwaɗ dərmək manda va ya snu lu ta skwaptá skwi.

17Mantsa tama, tsa vwaha Ghefruŋ ma Makpela ndusa nda Mamre ya, nda tsa galigha mida ya guli, nda inda fuha ma huɗa kuraghuta tsa vwah ya, 18ka vlaŋtá lu ta Abraham, ka nzaku tsi ka ŋa ni ta wa ira la Het inda gwal ta lagha da tskavata ta wi tgha luwa ni.

19Tahula tsa, ka paɗamtá Abraham ta Sara markwa taŋ, ma tsa galigha ma tsa vwah ma Makpela ndusa nda Mamre ta hgə lu ka Hevruŋ, ta haɗika Kanʼana ya. 20Tsa vwah ya nda tsa galigha mida ya tani, nzəgla a ka ŋa la Het wu nuna nda dzrafta taŋ ka ŋa Abraham ka vla kulu, ŋa laviŋta ni ta paɗa mnduha ni.

Currently Selected:

Zlr 23: xed

Highlight

Copy