Juan 19

1Inya pepakua neng Pilato i Jesus at pepabarug neng latiku. 2Ginawa lang koronang suksuk ding sundalus at pinutung de king buntuk nang Jesus. At pepasuluran deng imalan a kule ubi. 3Lepitan de at ngara, Luid ya ing Ari da ring Judio! At kaybat penampaling de.

4Linual yang pasibayu i Pilato at sinabi na karing tau, Iyarap ke kekayu ban abalu yu king e ku manakit nanumang kasalanan keya. 5At linual ya i Jesus a ating koronang suksuk at makaimalan yang kule ubi. Sinabi nang Pilato karela, Oyni ing tau!

6Panakit da kang Jesus ding pamuntuk da ring pari at ding guardia, sinabi rang masikan, Ipaku me king krus! Ipaku me king krus!

Nganang Pilato karela, Kuanan ye at ikayung mipaku king krus uling ala kung akakit a kasalanan na.

7Ngarang mekibat ding Judio, Atin keng kautusan at agpang king kautusan a iti kailangan yang mate uling pakilala na king Anak ne ning Dios.

8Lalu yang mitakutan i Pilato inyang dimdam na la deting amanu. 9Linub yang pasibayu king palasyu at kitnan ne i Jesus, Nu ka tau?

Oneng e ne pekibatan Jesus. 10Nganang Pilato, E ka bisang maniabi kanaku? E mu wari balu king atin kung upayang ipabulus da ka at upayang ipapaku da ka king krus?

11 # Kab 6:3. Mekibat ya i Jesus, Atin kang upaya kanaku uling iti binie na keka ning Dios. Inya lalung mabayat ing kasalanan na nitang menganiaya kanaku keka.

12Inyang dimdam nang Pilato iti, pigkapilitan neng ipabulus i Jesus. Oneng ngarang kinulisak ding Judio, Nung ibulus me ing taung yan, e na ka kakaluguran ning Emperador!#19:12 O kaya: Ceasar. Ing ninumang gagawang ari king sarili na, kalaban ne ning Emperador!

13Panamdam nang Pilato kaniti, liwal ne i Jesus. At linukluk ya king piukuman, king lugal a mayayaus Dalan a Batu. (Gabbatha king salitang Hebreo.) 14Kanita aldo na ning Pamagsadia para king Pamaglagpus, at mag-a-alas dosi na ning kaugtuan aldo. Nganang Pilato karing Judio, Oyni ing kekayung Ari!

15Oneng kilisak da, Paten ya! Paten ya! Ipaku ya king krus!

Nganang kinutang Pilato karela, Ipapaku ke king krus ing kekayung Ari?

Mekibat la ding pamuntuk da ring pari, Ala keng ari nung e mu ing Emperador!

16Kanita binie na neng Pilato karela i Jesus ba reng ipaku king krus.

Ing Pangapaku nang Jesus king Krus

(Mateo 27:32-44; Marcos 15:21-32; Lucas 23:26-43)

Inya kinua re i Jesus. 17Linual yang mamusan king krus na papunta king lugal a mayayaus Lugal ning Bungu. (Golgota king salitang Hebreo.) 18Karin de pinaku king krus. Kayagnan na lang pinaku da ring adua katau; mingatba la keya. Makalibutad ya karela i Jesus. 19Sinulat neng Pilato ing metung a kapabaluan at pepabili ne king krus. Iti ya ing makasulat: I Jesus ning Nazaret, ing Ari da ring Judio. 20Dakal la karing Judio ding mekabasa keting kapabaluan uling ing lugal nung nu ya mipaku i Jesus malapit ya king siudad at misulat ya iti karing amanung Hebreo, Latin, at Griego. 21Inya sinabi da ring pamuntuk da ring pari kang Pilato, Ing isulat mu e Ing Ari da ring Judio. nune, Sinabi na ning taung iti, Aku ing Ari da ring Judio.

22Mekibat ya i Pilato, Ing sinulat ku, sinulat ku.

23Inyang apaku da ne ding sundalus king krus i Jesus, kinua ra ing imalan na at piparti-parti da ring apat a sundalus. Kinua ria naman ing tunika nang Jesus; iti ala yang tai at megawa yang une manibat babo angga lalam. 24#Dalit 22:18.Ngarang misabisabi ding sundalus, E ta ya gigisian iti, nune mipagsapalaran tamu ban abalu tamu nung ninung manikua kaniti. Milyari iti ban matupad ing sasabian na ning Kasulatan,

Piparti-parti ra ing susulud ku,

at pipagsapalaran da ing imalan ku.

Makanyan ing depat da ring sundalus.

25Makatalakad ya lele na ning krus nang Jesus i ima na at ing babaing kapatad nang ima na at i Mariang asawa nang Clopas at i Maria Magdalena. 26Panakit nang Jesus kang ima na at king pakamalan nang alagad a makatalakad karin, sinabi na kang ima na, Babae,#19:26 BABAE: katumbas ne ning amanung Lady king Inglis. oyan ing anak mo.

27At ngana king alagad, Oyan i ima mo. At manibat na kanita inampun na ne ning alagad king pibalebale na.

Ing Pangamate nang Jesus

(Mateo 27:45-56; Marcos 15:33-41; Lucas 23:44-49)

28 # Dalit 69:21; 22:15. Kaybat na nita, balu nang Jesus king meganap na ing sablang bage at ban matupad ya ing kasulatan, sinabi na, Mau ku.

29Ating pitsil karin a mitmung alak a maslam. Sinoso re king alak ing metung a espongha at kaybat inasta re king sanga na ning tanaman a hisopo at tinutuk de king asbuk nang Jesus. 30Inyang asipsip nang Jesus ing alak a maslam, sinabi na, Meyari na!

Kaybat diku ne ing buntuk na at mete ya.

Tindus de Katalindikingan i Jesus

31Aldo ning Pamagsadia kanita. Ban e la manatili king krus ding bangke king Aldo ning Sabbath (ing Sabbath a ita pamagselebra yang e karaniwan), inawad da ring Judio kang Pilato king paklian da la puad ding mipaku king krus at ilako la karin ding bangke. 32Inya dinatang la ding sundalus at pikli da la ring puad da retang aduang kayagnan nang mipakung Jesus. 33Inyang linapit la kang Jesus, e da la pikli ding puad na uling ikit dang mete ne. 34Oneng tindus ne katalindikingan ning metung karing sundalus at biglang linual ing daya ampon danum. ( 35Ing menakit kaniti ya ing patutu; tutu ing sasabian na at balu na king katutuan ing sasabian na ban maniwala kayu.) 36#Exo 12:46; Bilang 9:12; Dalit 34:20.Mepalyari iti ban matupad ing sasabian na ning kasulatan, Alang mapakli metung man karing butul na. 37#Zac 12:10; Kap 1:7.At sasabian na naman ning aliwang kasulatan, Lawan de ring tau itang tindus da.

Ing Pangakutkut nang Jesus

(Mateo 27:57-61; Marcos 15:42-47; Lucas 23:50-56)

38Kaybat na nita, i Jose ning Arimatea pekisabi ne kang Pilato ing bangke nang Jesus. (I Jose metung yang alagad nang Jesus, oneng makalihim mu uli na ning takut na karing Judio.) At peintulutan neng Pilato. Inya meko ya at kinua ne ing bangke nang Jesus. 39#Jn 3:1, 2.Tinuki ya keya i Nicodemo; magdala yang pisamut a mira at aksibal#19:39 MIRA AT AKSIBAL: sangkap king pamagbalsamu king metung a bangke. at titimbang maygit apat apulung kilu. (I Nicodemo ya itang mekikit misan a bengi kang Jesus.) 40Kinua re ing bangke nang Jesus at kayabe ning pisamut a mira at aksibal binalut de king telang pamburul. Makayagpang iti king kaugalian da ring Judio king pamangutkut. 41Ating mulahan king lugal nung nu re pinaku i Jesus at karin ating bayung kutkutan a e pa megamit. 42Anti na ning aldo ne kanita ning Pamagsadia da ring Judio at uling malapit ne man iting kutkutan, karin de kitkut i Jesus.

Currently Selected:

Juan 19: PmPV

Highlight

Copy