Popular Bible Verses from Juan 19

Share

Inyang asipsip nang Jesus ing alak a maslam, sinabi na, Meyari na! Kaybat diku ne ing buntuk na at mete ya.

Kaybat na nita, balu nang Jesus king meganap na ing sablang bage at ban matupad ya ing kasulatan, sinabi na, Mau ku.

Panakit nang Jesus kang ima na at king pakamalan nang alagad a makatalakad karin, sinabi na kang ima na, Babae, oyan ing anak mo. At ngana king alagad, Oyan i ima mo. At manibat na kanita inampun na ne ning alagad king pibalebale na.

Inyang linapit la kang Jesus, e da la pikli ding puad na uling ikit dang mete ne. Oneng tindus ne katalindikingan ning metung karing sundalus at biglang linual ing daya ampon danum. (

Mepalyari iti ban matupad ing sasabian na ning kasulatan, Alang mapakli metung man karing butul na. At sasabian na naman ning aliwang kasulatan, Lawan de ring tau itang tindus da.

Linual yang mamusan king krus na papunta king lugal a mayayaus Lugal ning Bungu. (Golgota king salitang Hebreo.)

Ginawa lang koronang suksuk ding sundalus at pinutung de king buntuk nang Jesus. At pepasuluran deng imalan a kule ubi.