1 Tesalonika ne Téé-cookg'ai sa
Téé-cookg'ai sa
Tesalonika ba kò x'áé-dxoom Roma ne di me e, Maketonia koe hàna ba. Paulo ba kò gaa koe xgaa-xgaa, ẽem ko Filipi koe guu ka, si kò kereke sa gaa koe tshoa-tshoase (Tseè 17: 1-9).
Káí ne qhàò zi di ne kò Juta ne di cauan koe tcãàn tcáóa hãa, a kò Paulom di xgaa-xgaan komsana, igaba ne kò Juta ne tshoa-tshoa a tauan tcãà a ne a ntcoeku. Paulo ba kò Tesalonika koe chùia tcg'òóè, a ba a Berea koe qõò (Tseè 17: 10). Gaa koem kò hànaa, a síí Korinta koe tcãà, kam kò Paulo ba gam ka c'ẽem Timoteom koe tchõàn kóḿ, Tesalonika koe hànas kerekes di téé-q'ooan ka.
Tc'ãà dis tcgãyas Paulom di sa kò Tesalonika ne góá mááèa hãa, gaa koe hãa ne dtcòm̀-kg'ao nes gha ghùi-ghui tcáó, a sa a ntcàm̀ ne ka. Gane di dtcòm̀an hẽé naka ncàm̀kuan hẽéthẽé di tchõà nem ko qãè-tcaoa máá. Tc'ẽe-tc'ẽesekagu nem ko, kg'õès ẽem kò gane cgoa hãa x'aè kam kò kg'õè sa, a ba a kò nxãaska Kreste ba gha n-cáḿa hàà di zi tẽè zi ẽe kò ghùièa hãa zi xo̱a. C'ẽes tẽè sa kòo máá: “Dtcòm̀-kg'aom ncẽe kò Krestem hàà tama cookg'ai koe x'óóa hãa ba gha kháé chõò tama kg'õèan úúa?” témé sa. Si kò c'ẽes tẽè sa máá: “N-cáḿa ba gha Kreste ba gaicara ka̱bise a hàà?” témé. Paulo ba kò ncẽem x'aè ba séè a bìrí ne, nqooa hãase méé ne tséé sa, nqòò sa úúa hãase Kreste ba gha ka̱bise a hàà di sa.
Qaa-qaa sa kg'uia ne:
- ncàm̀ku
- Jeso ba ko gaicara ka̱bise a hàà (1: 10; 3: 13; 4: 13--5: 11)
Tcgãyas q'oo koe hàna zi:
- Qãè-tcaoa-máákuan hẽé naka dqo̱m̀kuan hẽéthẽé e (1--3)
- Nqari ba ko qãè-tcaokagus kg'õè sa (4: 1-12)
- Xgaa-xgaan Krestem di hààn di i (4: 13--5: 11)
- Còo di ghùi-ghui-tcáókua ne (5: 12-28)
Currently Selected:
1 Tesalonika ne Téé-cookg'ai sa: NNT
Highlight
Share
Copy
Want to have your highlights saved across all your devices? Sign up or sign in
© 2012 The Bible Society of Botswana