'Anga'anga 1

Te tuatua nō runga i te Vaerua Tapu

1 # Luk 1.1-4 I tātā ana au i tāku puka mua, e Teōphilo, nō runga i te au mea katoa tā Iēsū i rave ra ē tāna i 'āpi'i ra mei te 'akamata'anga mai, 2e tae rava atu ki te rā i rave'ia atu ei aia ki runga, i muri ake i tāna 'iku'iku'anga nā roto i te Vaerua Tapu ki te au 'āpōsetolo tāna i 'iki ra. 3Kua 'akaāri 'oki aia i aia 'ua'orāi i te ora'anga ki a rātou i muri ake i tōna mamae'anga nā roto i te au 'akapāpū'anga 'ēkōkōkore 'e mānganui. E 'ā nga'uru 'oki ōna rā i te 'ākara'anga'ia e rātou ē te tuatua'anga atu ki a rātou nō te bāsileia o te Atua. 4#Luk 24.49Ē, i tōna no'o'anga ki a rātou ra, kua ako atura aia i a rātou, “Auraka e 'akaruke i a Iērūsalēma, e tāpapa rā i tā te Metua kōreromotu ra, tāku i 'akakite atu ki a kōtou na. 5#Māt 3.11; Mār 1.8; Luk 3.16; Ioa 1.33Nā Ioane 'oki i bāpetīto ki te vai, kāre rā e roa atu ana ka bāpetīto'ia mai kōtou ki te Vaerua Tapu.”

Tō Iēsū 'aere'anga ki runga

6I a rātou i putuputu ra, kua ui maira te au 'āpōsetolo ki a Iēsū, nā kō maira, “E te 'Atu, ko tēia āinei te tuātau ka 'aka'oki mai ei koe i te 'akatere'anga ki a Īserā'ela?”

7Kua pa'u atura aia ki a rātou, “Kāre ia i 'ākono'ia kia kite kōtou i te tuātau ē i te 'ati'anga tā te Metua i 'akataka ma tōna 'ua'orāi tika'anga. 8#Māt 28.19; Mār 16.15; Luk 24.47,48Ka rauka rā i a kōtou tēta'i mana kia tae mai te Vaerua Tapu ki runga a'o i a kōtou, ē ka riro kōtou 'ei au kite nōku i Iērūsalēma nei, ē i Iūdea katoa e pini 'ua ake, ē i Sāmāria, e tae 'ua atu ki te 'openga o te 'enua ra.”

9 # Mār 16.19; Luk 24.50,51 E oti akera aia i te tuatua i te reira, i tō rātou 'ākara'anga atu, kua rave'ia atura aia ki runga, ē kua 'akangaro i'ora tēta'i tiao i aia mei tō rātou mata.

10Ē tei tō rātou tīroi'anga atu ki runga i te rangi, i aia i 'aere atura ki runga ra, inā, tē tū 'ua maira 'e tokorua tangata i vaitata ki a rātou ma te kāka'u teatea, 11ko tei tuatua mai ē, “E te au tangata Galilea nei, 'e a'a kōtou i tū 'ua ai i te 'ākara tāmou'anga atu ki runga i te rangi? Ko Iēsū nei rāi tei rave'ia ake nei ki runga i te rangi mei konei i a kōtou nei, ka 'oki mai ia i taua tū rāi mei tā kōtou i kite atu i aia i te 'aere'anga atu ki runga i te rangi ra.”

Te 'iki'anga i tēta'i mono nō Iūda

12I reira, kua 'oki maira te au 'āpōsetolo ki Iērūsalēma mei te maunga mai i tuatua'ia ra ē ko Ōliveta tei vaitata 'ua ki Iērūsalēma, mei te 'āpa maire te mamao.#1.12 Eleni mei te 'aerenga Sābati ra te mamao 13#Māt 10.2-4; Mār 3.16-19; Luk 6.14-16E tomo atura rātou ki roto i te 'ōire, kua 'aere atura rātou ki te pi'a i runga, te ngā'i i no'o'ia e rātou ra: koia 'oki, ko Pētero ē Ioane ē Iākōbo ē Ānēderea, ko Philipa ē Toma, ko Baratolomea ē Mātaio, ko Iākōbo te tamaiti a Ālephaia ra, ē Simona te Māro'iro'i, ē ko Iūda te tamaiti a Iākōbo ra. 14Kua tāmou mārie atura rātou katoa i te pure'anga ma te ngākau 'okota'i; ē pērā katoa tēta'i au va'ine, ē ko Māria te metua va'ine o Iēsū, ē tōna 'ai taeake ra.

15Ē i te reira au rā, kua tū akera a Pētero ki runga i rotopū i te au taeake ra (mei te ta'i 'ānere ē rua nga'uru pa'a tangata i te putuputu'anga mai), ē kua nā kō akera, 16“E tama mā, e te au taeake nei, kia tupu te tuatua i tātā'ia ra e tikāi, tā te Vaerua Tapu i 'akakite takere mai nā roto i te va'a o Dāvida nō runga i a Iūda, ko tei riro 'ei arataki i te aronga i 'opu i a Iēsū ra. 17Ko ia katoa tēta'i o tātou nei, ē kua rauka katoa i aia tēia tao'onga nei.”

18 # Māt 27.3-8 (Ko taua tangata ra, kua 'oko mai ia i tēta'i kāinga ki te tūtaki o tāna 'anga'anga tikakore ra; kua topa atura aia, mata ki raro; nga'ā atura tōna kōpū i rotopū, pururū atura tōna ngākau katoa ki va'o. 19Ē kua kite atura 'oki tō Iērūsalēma rava rāi; ē, nō te reira ra, i tapa'ia mai ei taua kāinga ra i tō rātou 'ua'orāi reo ē, ko Ākeledama, koia 'oki, Te Kāingā Toto.)

20 # a: Sal 69.25; b: Sal 109.8 “Kua tātā'ia 'oki ki roto i te puka Salamo ra ē,

‘Kia riro tōna kāinga i te tane'a,

ē auraka rava 'e tangata e no'o ki reira.’

Ē pērā katoa 'oki,

‘Kia riro 'oki tōna tao'onga ki tēta'i kē.’

21 # a: Māt 3.16; Mār 1.9; Luk 3.21; b: Mār 16.19; Luk 24.51 “Ē tēianei, 'e au tangata tei konei tei kāpiti katoa mai ki a tātou i te tuātau katoa i no'o ei te 'Atu ra ko Iēsū i rotopū i a tātou nei, 22mei tōna bāpetīto'anga'ia mai rāi e Ioane, e tae rava mai nei ki te rā i rave'ia atu ei aia ki runga mei konei atu i a tātou nei. Kia riro tēta'i o rātou, ē ko tātou katoa nei 'oki, 'ei kite i tōna tū'aka'ou'anga e tikāi.”

23Ē kua 'akataka atura rātou i e tokorua, ko Iōsēpha tēta'i tei tapa'ia ko Bārasaba (ko Iūseto katoa tēta'i ingoa nōna ra), ē ko Matatia 'oki tēta'i. 24Kua pure i'ora rātou, nā kō atura, “E te 'Atu, ko koe tei kite i te ngākau o te tangata rava rāi, ka 'akaāri mai koe i tā'au i 'iki i ēia nei puke tangata, 25kia rave katoa mai aia i te ngā'i o tēianei tao'onga 'āpōsetolo i topa i a Iūda nō tāna 'ara, kia 'aere atu aia ki tōna 'ua'orāi ngā'i.” 26Kua tuku atura rātou i te kērero, riro atura te kērero ki a Matatia; ē kua kāpiti katoa'ia maira aia ki te au 'āpōsetolo tino nga'uru mā ta'i ra.

Currently Selected:

'Anga'anga 1: CIMRNT

Highlight

Copy