Maalahkaai 4
4
KaaTipenciketc Okiishikanom Kaawiihpiishitakohshink
1Miihsh o'o ehkitotc kaaMaawaci mashkawisiitc kaaTipenciketc, “Tepwe hsa taocihcihse i'i ci‑ishi kiishikahk ishkotenk kaawii inentaakwahk. Mii 'i ahpii ciankwaahkisowaatc iki kaakihci inenintisowaatc, kaamaci'ishiwepisiwaatc kaye taapishkoo mashkohsiwan kaakishaahtapaahkitekin. Kaawiin tahsh aapiinc iko takihkentaakosihsiiwak. 2Kiinawaa tahsh wiin kaakohtaanenimiyek taapishkoo kiisihs kaapi moohka'ank kaashi saakaahsiketc, mii 'iwe keishi waapantamek nimpimaaci'iwewin kaashi ayaayek keonci antawi'ikooyek. Miitahsh i'i kiiaapa'okoyek kika mocihkentaanaawaa taapishkoo pishihkiinhsak kaapapaa ishpi kwaashkwaniwaatc ehpi saakisi'intwaa kaashi aataahkonikaniwiwaatc. 3Kiishikahk hsa 'i ahpii ishihcikeyaan, kika shaakooci'aawaak hsa iki kaamaci'ishiwepisiwaatc, mii hsa keinenimekwaa taapishkoo kaatahtahkohkaatamek pinkwii,” ihkito kaaMaawaci mashkawisiitc kaaTipenciketc.
4“Maamihkawinotamok hsa kaakii ishi kihkino'amaaketc Moosihs (Moses) nintanohkii'aakan. Ini kaye onahshowewinan, inaahkonikewinan kaye kaakii miinakipan weti kihci waciink Saainai (Sinai) ecikaatenik, kahkina pemaatisinitc Isriyala' (Israel) cina'ihtaminitc.”
5 #
Mat 11.14; 17.10-13; Mrk 9.11-13; Luk 1.17; Jhn 1.21. “I'i tahsh cipwaa ocihcihsenik kaaTipenciketc okiishikanom kaawiih kihci ishiwepahk, kaawiih kohtaanentaakwahk kiishikahk, ninka ishinisha'waa hsa kaashi ayaayek ninTipaacimowininiim Ilaaica (Elijah). 6Miitahsh a'awe kekashki'aatc otetemaa' cimino wiiciiwaanitc oniicaanihsini, oniicaanihsimaa' kaye cimino wiiciiwaanitc oteteni. Kiishpin o'owe ishihsehsinokipan nintaakiih piishaa cikii nihshiwanaacihtooyaampaan kitahkiimiwaa,” ihkito kaaTipenciketc.
Currently Selected:
Maalahkaai 4: OJBR
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Roman Script) © 2008 Canadian Bible Society