ᒞᓐ 8

ᒋᓴᔅ ᐁᑮᐱ ᐃᔑᐎᑕᐎᓐᒡ ᐃᑴᐗᓐ ᒋᐅᓇᔓᐙᓈᒡ

1ᒋᓴᔅ ᐃᑕᔥ ᑮᐃᔖ ᐋᓬᐃᑉ Olive ᐱᑾᑎᓈᕽ᙮ 2ᐐᐸ ᑭᑭᔐᑉ ᒦᓇᐙ ᑮᐲᔖ ᑭᒋᐊᓇᒥᐁᐎᑲᒥᑯᕽ᙮ ᑲᑭᓇ ᑕᔥ ᐃᐃ ᐯᒫᑎᓯᓂᒡ ᐅᑮᐱᓈᓯᑖᑰᐞ᙮ ᐊᒦᑕᔥ ᑳᐃᔑᐅᓇᐱᒡ ᐁᑭᑭᓄᐊᒪᐙᒡ᙮ 3ᐃᑭ ᑕᔥ ᑳᑭᑭᓄᐊᒫᑫᐙᒡ ᐃᓈᑯᓂᑫᐎᓐ, ᐯᕒᐊᓰᒃ Pharisees ᑲᔦ, ᐅᑮᐱ ᐃᔑᐎᑕᐙᐙᓐ ᐃᑴᐗᓐ ᐁᑮᐅᒋᐅᑖᐱᓈᐙᒡ ᒣᒀ ᐱᔑᒀᑎᓯᐎᓂᕽ ᐁᐐᒌᐙᓂᒡ ᐃᓂᓂᐗᓐ ᑳᐅᓈᐯᒥᓯᓂᒃ᙮ ᐃᐃᒫᔥ ᓈᐗᔭᐄ ᐅᑮᐅᔑᑳᐸᐎᐋᐙᓐ᙮ 4ᒦᔥ ᐃᐌ ᑳᐃᑭᑐᐙᒡ: ᐅᑭᑭᓄᐊᒫᑫ! ᐗᐊ ᐃᑴ ᑮᒥᑎᓈ ᐱᔑᒀᑎᓯᐎᓂᕽ᙮ ᑮᒥᑲᐙ ᒣᒀ ᐁᐃᔑᒋᑫᒡ ᐁᑮᐐᒌᐙᒡ ᐃᓂᓂᐗᓐ ᑳᐅᓈᐯᒥᓯᒃ᙮ 5#Lev 20.10; Deut 22.22-24. ᒨᓯᔅ Moses ᓂᑮᐃᓈᑯᓂᑯᓈᓐ ᐗᐊ ᑎᓄ ᒋᓂᓯᐸᐲᒶᓯᓇᐃᓐᒡ᙮ ᐋᓃᓐ ᐃᑕᔥ ᑮᓐ ᐁᑭᑐᔭᓐ? 6ᐅᐅᐌᔥ ᐌᒋ ᐃᓈᐙᒡ, ᐁᐐᑲᑴᑲᔥᑭᐋᐙᒡ ᒋᐗᓂᑮᔗᓂᒡ, ᐁᐐᐅᑎᓇᒧᐙᒡ ᑫᐅᒋᑎᐹᑯᓈᐙᒡ ᒋᓴᓲᓐ᙮ ᒋᓴᔅ ᐃᑕᔥ ᑮᓇᐗᑭᑳᐸᐎ, ᐅᓂᓐᒡ ᐁᑮᐅᔑᐲᐃᑳᑫᒡ ᐃᒫ ᒥᑕᑲᒥᒃ᙮ 7ᑫᔮᐱ ᑕᔥ ᐁᑲᑴᒋᒥᑯᒡ ᑮᑕᔓᑳᐸᐎ, ᒦ ᐃᐌ ᐁᑮᐃᓈᒡ: ᐊᐎᔭ ᑮᓇᐙ ᐁᑳ ᐐᑳ ᒣᒋ ᐃᔑᒋᑫᓯᑴᓐ ᒫᓄ ᒦᐗᐊ ᓃᑳᓐ ᐅᑲᐱᒶᓯᓇᐋᓐ, ᐅᑮᐃᓈᐞ᙮ 8ᒦᓇᐙ ᑮᓇᐗᑭᑳᐸᐎ ᐁᑮᐅᔑᐲᐃᑫᒡ ᒥᑕᑲᒥᒃ᙮ 9ᐃᑭ ᑕᔥ ᐊᐲ ᑳᓅᑕᐙᐙᒡ ᑮᓂᐅᒋᒫᒫᒑᐗᒃ ᐁᔑᐯᐯᔑᑯᐙᒡ, ᓂᑕᒻ ᑳᑫᑌᔮᑎᓯᐙᒡ ᐲᓂᔥ ᐁᑮᒑᑭᒫᒑᐙᒡ᙮ ᐲᓂᔥ ᒋᓴᔅ ᑮᒥᒋᐯᔑᑯ, ᐃᓂ ᑲᔦ ᐃᑴᐗᓐ ᐃᐃᒫ ᐁᓃᐸᐎᓂᒡ᙮ 10ᒋᓴᔅ ᐁᑕᔓᑳᐸᐎᒡ ᐅᑮᐃᓈᓐ ᐃᓂ ᐃᑴᐗᓐ: ᐋᑎ ᐊᐸᓐ ᐃᑭ ᑳᐐᑎᐹᑯᓂᒀᐸᓐ? ᑳᐐᓐ ᐃᓇᔥ ᐊᐎᔭ ᓂᐳᐎᓂᕽ ᑭᑲᐃᓇᑭᒥᑯᓰ?

11ᒦᔥ ᑳᐃᑯᒡ ᐃᓂ ᐃᑴᐗᓐ: ᑳᐐᓐ ᐊᐎᔭ᙮

ᒋᓴᔅ ᐃᑕᔥ ᐅᐌ ᑮᐃᑭᑐ: ᑳᐐᓐ ᑕᔥ ᑫᓃᓐ ᑭᑲᐃᓇᑭᒥᓯᓅᓐ᙮ ᐊᓂᒫᒑᓐ, ᐅᑮᐃᓈᓐ᙮ ᑫᑯ ᒦᓇᐙ ᐐᑳ ᒪᒋ ᐃᔑᒋᑫᑫᓐ᙮]#7.53—8.11 ᐅᓄ ᐅᔑᐲᐃᑲᓀᓴᓐ 7.53 ᐲᓂᔥ ᐌᑎ 8.11 ᓃᐱᐗᐞ ᑫᑌᐅᔑᐲᐃᑲᓂᕽ ᑳᐐᓐ ᑮᑕᑯᐲᐃᑳᑌᓯᓅᓇᓐ᙮

ᒋᓴᔅ ᑳᐱᐙᓭᔥᑲᐙᒡ ᐊᑮᕽ ᑳᐊᔮᓂᒡ

12 # Mat 5.14; John 9.5. ᒋᓴᔅ ᒦᓇᐙ ᐅᑮᑲᓅᓈᐞ: ᓃᓐ ᑳᐱᐙᓭᔥᑲᐗᒀ ᐊᑮᕽ ᑳᐊᔮᐙᒡ᙮ ᐊᐊ ᑕᔥ ᑫᐱᒥᓂᔕᐅᒡ ᑳᐐᓐ ᑲᔥᑮᑎᐱᑲᓄᕽ ᑕᐱᒧᓭᓰ, ᑮᐃᑭᑐ᙮ ᐅᑲᐊᔮᓐ ᐙᓭᔮ ᑌᐺ ᑫᐅᒋᐱᒫᑎᓯᓈᓂᐗᕽ, ᑮᐃᑭᑐ᙮

13 # John 5.31. ᐯᕒᐊᓰᒃ Pharisees ᐃᑕᔥ ᐅᑮᐃᓈᐙᓐ: ᑮᓐ ᑳᑎᐹᒋᑎᓱᔭᓐ, ᑳᐐᓐ ᑕᐅᒋᑭᑫᒋᑳᑌᓯᓅᓐ ᐁᑌᐺᔭᓐ᙮

14ᒋᓴᔅ ᐃᑕᔥ ᐅᐅᐌ ᐅᑮᐃᓈᐞ: ᐋᓇᐐᓐ ᓃᓐ ᓂᑎᐹᒋᑎᔅ, ᐁᓂᐌᒃ ᐃᑕᔥ ᑌᐺᒪᑲᓐ ᓂᑎᐹᒋᒧᐎᓐ᙮ ᐋᓃᔥ ᓂᑭᑫᑖᓐ ᐯᒥᐅᒌᔮᓐ ᒦᓇᐙ ᑲᔦ ᐁᔖᔮᓐ᙮ ᑮᓇᐙ ᑳᐐᓐ ᑭᑖᐐᑕᓰᓈᐙ ᐌᒌᔮᓐ ᒦᓇᐙ ᑲᔦ ᐁᔖᔮᓐ᙮ 15ᐃᓂᓃᐎ ᐃᓀᑕᒧᐎᓂᕽ ᐃᑕᔥ ᑮᓇᐙ ᑭᐐᐅᒋᑎᐹᑯᓂᐌᒻ᙮ ᑳᐐᓐ ᓃᓐ ᐊᐎᔭ ᓂᐐᑎᐹᑯᓈᓰ᙮ 16ᑮᔥᐱᓐ ᐃᑕᔥ ᓃᓐ ᑎᐹᑯᓂᐌᔮᐹᓐ, ᑖᑌᐺᒪᑲᓐ ᑫᔑᑎᐹᑯᓂᐌᔮᓐ, ᐋᓃᔥ ᑳᐐᓐ ᓂᐯᔑᑯᓰ᙮ ᓂᐐᒌᐎᒃ ᐊᐊᐌ ᐌᔫᓯᒪᒃ ᑳᑮᐱ ᐃᔑᓂᔕᐅᒡ᙮ 17ᒦᔥ ᐅᐌ ᐁᔑᐲᐃᑳᑌᒃ ᑭᑑᓇᔓᐌᐎᓂᐙᕽ,#8.17 ᑭᑑᓇᔓᐌᐎᓂᐙᕽ: ᐙᐸᑕᓐ Deut. 19.15᙮ ᑕᑌᐺᑕᐙᐗᒃ ᐁᓈᒋᒧᐙᒡ ᓃᔑᓐ ᐃᓂᓂᐗᒃ ᐯᔑᑾᓐ ᑮᐃᓈᒋᒧᐙᒡ᙮ 18ᓃᓐ ᐯᔑᒃ ᑳᑎᐹᒋᑎᓱᔮᓐ, ᒦᓇᐙ ᐌᔫᓯᒥᓐᒡ ᑳᑮᐱ ᐃᔑᓂᔕᐅᒡ ᑫᐐᓐ ᓂᑎᐹᒋᒥᒃ, ᑮᐃᑭᑐ᙮

19ᐅᑮᐃᑰᐞ ᐃᑕᔥ ᐅᐅᐌᓂᐗᐞ: ᐋᓃᓐ ᐊᐊ ᐌᔫᓯᒪᒡ?

ᒋᓴᔅ ᐃᑕᔥ ᐅᑮᓇᑴᑕᐙᐞ: ᑳᐐᓐ ᑭᑭᑫᓂᒥᓰᒻ, ᑳᐐᓐ ᑲᔦ ᑭᑭᑫᓂᒫᓯᐙᐙ ᐊ ᐌᔫᓯᒪᒃ᙮ ᑮᔥᐱᓐ ᑮᑭᑫᓂᒥᐌᑯᐸᓀᓐ, ᓅᔅ ᑲᔦ ᑭᑖᑕᑯ ᑮᑭᑫᓂᒫᐙ, ᐅᑮᐃᓈᐞ᙮

20ᒦᐗᓐ ᐅᓄᐌᓂᐗᓐ ᑲᑭᓇ ᑳᑮᑕᔑᑭᑭᓄᐊᒫᑫᒡ ᐃᐃᒫ ᐁᐊᔮᒡ ᑭᒋᐊᓇᒥᐁᐎᑲᒥᑯᕽ᙮ ᐯᔓ ᓇᐃᑖᒃ ᑮᐊᔮ ᐃᒫ ᔔᓂᔮᓴᒃ ᑳᑕᔑᐸᑭᑎᓂᑣ᙮ ᑳᐐᓐ ᒪᔑ ᐅᑮᐅᒋᐅᑎᑎᓂᑯᓰᓐ ᐊᐎᔭᓐ᙮ ᑳᐐᓐ ᒪᔑ ᑮᐅᒋᒋᓭᓯᓂᓂ ᐃᐃ ᒋᔑᐌᐱᓯᒡ᙮

ᓃᓐ ᐌᑎ ᐁᔖᔮᓐ ᑳᐐᓐ ᑭᑲᑮᐃᔖᓰᒻ ᐁᑮᐃᓈᒡ

21ᒋᓴᔅ ᒦᓇᐙ ᐅᑮᐃᓈᐞ: ᓂᒫᒑ, ᑭᑲᓇᓈᑐᓇᐎᒻ᙮ ᔑᑾ ᑭᑲᑭᑭᓂᐳᒻ ᐃᓂ ᑭᒪᒋᒋᑫᐎᓂᐙᓐ᙮ ᔑᑾ ᐌᑎ ᐁᔖᔮᓐ ᑳᐐᓐ ᑭᑲᑲᔥᑭᑑᓰᓈᐙ ᒋᐲᔖᔦᒃ᙮

22ᑮᐃᑭᑐᐗᒃ ᐃᑕᔥ ᓃᑳᓂᓰᐎ ᒎᐗᒃ: ᐐᓂᓯᑎᓱ ᒫᐐᓐ ᑳᐅᒋ ᐃᑭᑐᒡ: ᐌᑎ ᐁᔖᔮᓐ ᑳᐐᓐ ᑭᑲᑲᔥᑭᑑᓰᓈᐙ ᒋᐲᔖᔦᒃ᙮

23ᒋᓴᔅ ᐃᑕᔥ ᐅᐌ ᑮᐃᑭᑐ: ᐅᐅᒫ ᓃᓴᔭᐄᕽ ᑮᓇᐙ ᑭᑑᒌᒻ, ᐅᑮᐃᓈᐞ᙮ ᓃᓐ ᐃᑕᔥ ᐃᔥᐱᒥᕽ ᓂᑮᐱᐅᒌ᙮ ᑮᓇᐙ ᑕᔥ ᐐᓐ ᐊᑮᕽ ᑭᑑᒋᑎᐯᑖᑯᓯᒻ, ᐅᑮᐃᓈᐞ᙮ ᑳᐐᓐ ᓃᓐ ᐊᑮᕽ ᓂᑑᒋᑎᐯᑖᑯᓯᓰ᙮ 24ᒦ ᐅᐌ ᑳᐅᒋ ᐃᓂᓇᑰᒃ, ᑭᑲᑭᑭᓂᐳᒻ ᑭᒪᒋᒋᑫᐎᓂᐙᓐ᙮ ᑮᔥᐱᓐ ᐁᑳ ᑌᐺᔦᑕᓯᐌᒃ ᓃᓐ ᐊᐊᐌ ᒪᔮ ᐁᑎᓄᐎᔮᓐ,#8.24 ᓃᓐ ᐊᐊᐌ ᒪᔮ ᐁᑎᓄᐎᔮᓐ: ᑭᔐᒪᓂᑑ ᑮᐃᔑᓂᑳᓂᑎᓱᑯᐸᓐ ᒣᐎᔕ, ᓃᓐ ᓴ ᐊᐊ ᓂᑎᓄᐤ ᑳᑎᓄᐎᔮᓐ᙮ ᒦ ᒫᐐᓐ ᐅᐅ ᑲᔦ ᐁᑭᑑᒪᑲᒃ, ᓃᓐ ᐊᐊ ᒨᔕᒃ ᐊᐸᓀ ᑳᐱᒫᑎᓯᒡ᙮ ᒦᑕᔥ ᒋᓴᔅ ᑳᑮᐅᒋ ᐃᔑᓂᑳᓂᑎᓱᒡ ᑫᐐᓐ ᓃᓐ ᐊᐊᐌ ᑳᑎᓄᐎᔮᓐ᙮ ᐙᐸᑕᓐ Ex. 3.14᙮ ᑭᑲᑭᑭᓂᐳᒻ ᑭᒪᒋᒋᑫᐎᓂᐙᓐ᙮

25ᒦᔥ ᐃᐃ ᑳᐃᓈᐙᒡ: ᐊᐌᓀᓐ ᐊᐊ ᐁᑎᓄᐎᔭᓐ?

ᒋᓴᔅ ᐃᑕᔥ ᐅᐅᐌ ᑮᐃᑭᑐ: ᒦ ᐊᐌ ᐯᔑᑾᓐ ᑳᑮᐱᐐᑕᒪᐎᓇᑰᒃ ᐁᑎᓄᐎᔮᓐ, ᑖᐱᔥᑰ ᑳᑮᐱ ᐃᔑᒫᒌᐐᑕᒪᐎᓇᑰᒃ᙮ 26ᓃᐱᐗᐞ ᑫᑰᓐ ᓂᑕᔮᓐ ᒋᐃᓂᓇᑰᒃ ᑲᔦ ᒋᐅᒋᑎᐹᑯᓂᓇᑰᒃ᙮ ᐊᐊᐌ ᑳᐱ ᐃᔑᓂᔕᐅᒡ ᑌᐺᐎᓂᐎ᙮ ᒦ ᐊᐌ ᑳᔑᓅᑕᐗᒃ ᐁᑕ ᓂᐐᑕᒪᐙᒃ ᐅᒫ ᐊᑮᕽ ᑳᐊᔮᐙᒡ, ᑮᐃᑭᑐ᙮

27ᑳᐐᓐ ᐃᑕᔥ ᐅᑮᓂᓯᑐᑕᐙᓯᐙᐙᓐ ᐁᑎᐹᒋᒫᓂᒡ ᐌᔫᓯᒥᒥᓐᒡ, ᐊᐊ ᑳᐱ ᐃᔑᓂᔕᐅᒡ ᐁᑭᑐᒡ᙮ 28ᒦᔥ ᐃᐃ ᑳᐅᒋ ᐃᑭᑐᒡ: ᐹᒫ ᐊᐲ ᑮᐅᐹᑯᓂᒣᒃ#8.28 ᐊᐲ ᑮᐅᐹᑯᓂᒣᒃ: ᐙᐸᑕᓐ 3.14᙮ ᐃᓂᓂ ᐅᑯᓯᓴᓐ, ᒦ ᐃ ᐊᐲ ᑫᑭᑫᓂᒥᔦᒃ ᓃᓐ ᐊᐊᐌ ᒪᔮ ᐁᑎᓄᐎᔮᓐ᙮ ᑭᑲᑭᑫᓂᒥᒻ ᐃᑕᔥ ᓃᓐ ᐁᓀᑕᒫᓐ ᑫᑰᓐ ᐁᐅᒋ ᐃᔑᒋᑫᓯᐙᓐ; ᑳᔑᑭᑭᓄᐊᒪᐎᒡ ᐅᔕ ᐁᑕ ᐌᔫᓯᒥᓐᒡ, ᒦ ᐃ ᐁᑭᑐᐗᒃ᙮ 29ᐊᐊ ᑳᑮᐱ ᐃᔑᓂᔕᐅᒡ ᓂᐐᒌᐎᒃ᙮ ᑳᐐᓐ ᑕᔥ ᓂᐯᔑᑯᓰ, ᑳᐐᓐ ᐐᑳ ᓂᓇᑲᓂᑯᓰ᙮ ᐋᓃᔥ ᒨᔕᒃ ᓂᑑᑕᒧᐙᓐ ᐃᐃᐌ ᑳᒥᓍᐸᑕᕽ, ᐅᑮᐃᓈᐞ᙮

30ᐅᐌᓂ ᑕᔥ ᒋᓴᔅ ᐁᐃᔑᑲᑭᑐᒡ, ᓃᐱᐗᐞ ᐊᐎᔭᐞ ᑳᑮᓅᑖᑯᒡ ᐅᑮᑌᐺᔦᓂᒥᑰᐞ᙮

ᐅᐐᓈᐞ ᐊᐌᓀᓇᓐ ᑌᐯᓂᑎᓱᓂᒡ, ᐊᐌᓀᓇᓐ ᑲᔦ ᑳᑎᐯᓂᒫᑲᓂᐎᓂᒡ

31ᐅᑮᐃᓈᐞ ᐃᐃ ᒎᐗᐞ ᑳᑌᐺᔦᓂᒥᑯᒡ: ᑮᔥᐱᓐ ᐃᐌ ᐊᓂᑑᑕᒣᒃ ᓂᑭᑭᓄᐊᒫᑫᐎᓐ, ᒦ ᐃᐌ ᑌᐺ ᑭᑲᐅᑭᑭᓄᐊᒪᐙᑲᓂᒥᓂᓂᒻ᙮ 32ᑭᑲᑭᑫᑖᓈᐙ ᑕᔥ ᐃᐃ ᑌᐺᐎᓐ, ᑌᐺᐎᓐ ᐃᑕᔥ ᑭᑲᐸᑭᑎᓂᑯᒻ ᑫᔮᐱ ᒋᑎᐯᓂᒫᑲᓂᐎᓯᐌᒃ, ᐅᑮᐃᓈᐞ᙮

33 # Mat 3.9; Luke 3.8. ᐅᐅᐌᔥ ᐅᑮᓇᑴᑖᑰᐞ: ᓃᓇᐎᓐᑦ ᐁᐸᕒᐊᐋᒥᕽ Abraham ᓂᑑᑕᑳᓀᓯᒥᓐ᙮ ᑳᐐᓐ ᐐᑳ ᐊᐎᔭ ᓂᑮᐸᑭᑎᓈᓯᐙᓈᓐ ᒋᑎᐯᓂᒥᔭᒥᓐᒡ᙮ ᐋᓃᔥ ᑮᓐ ᐁᔑᔮᕽ, ᑭᑲᐸᑭᑎᓂᑰᒻ ᒋᑎᐯᓂᒫᑲᓂᐎᓯᐌᒃ? ᐅᑮᐃᑰᐞ᙮

34ᒋᓴᔅ ᑕᔥ ᐅᑮᐃᓈᐞ: ᑌᐺᒪᑲᓐ ᐅᐅ ᑳᐃᓂᓇᑰᒃ, ᐊᐎᔭ ᐁᒪᒋ ᐃᔑᒋᑫᒡ ᐅᑎᐯᓂᒥᑯᓐ ᐃᐃ ᒪᒋᒋᑫᐎᓐ᙮ 35ᑳᐐᓐ ᐊᐎᔭ ᐊᓄᑮᐋᑲᓐ ᐊᐸᓀ ᑕᑎᐯᑖᑯᓯᓰ ᐃᐃᒫ ᐅᐙᑳᐃᑲᓂᓃᕽ ᐃᓂ ᑳᑎᐯᓂᒥᑯᒡ᙮ ᐊᐊᐌ ᐐᓐ ᐅᑯᓯᓯᒫ ᐱᔑᔑᒃ ᑕᑎᐯᑖᑯᓯ ᐅᑌᑌᓐ ᐅᐙᑳᐃᑲᓂᓃᕽ᙮ 36ᑮᔥᐱᓐ ᐃᑕᔥ ᑭᔐᒪᓂᑑ ᐅᑯᓯᓴᓐ ᐸᑭᑎᓂᓀᒃ ᐅᒋ ᐃᐌ ᑳᐐᑲᑴᑎᐯᓂᒥᑯᔦᒃ, ᒦᑕᔥ ᐃᐃ ᑌᐺ ᑫᐃᔑᓈᑯᓯᔦᒃ ᑖᐱᔥᑰ ᐊᐎᔭ ᑳᑎᐯᓂᒥᑯᓯᒃ ᐊᐎᔭᓐ᙮ 37ᑭᑭᑫᓂᒥᓂᓂᒻ ᐁᐸᕒᐊᐋᒥᕽ ᐁᐅᑕᑳᓀᓯᔦᒃ᙮ ᑭᑮᓇᓈᑐᓈᓈᐙ ᑕᔥ ᐁᐐᓂᔑᔦᒃ, ᐋᓃᔥ ᓂᑭᑭᓄᐃᑫᐎᓇᓐ ᑳᐐᓐ ᑭᐐᐅᑖᐱᓇᓰᓈᐙ᙮ 38ᐃᓂᐌᓂᐗᓐ ᓃᓂᑯ ᑳᑮᐙᐸᑕᒧᐗᒃ ᓅᔅ ᐁᑮᐐᒌᐗᒃ, ᒦ ᐅᐌ ᑌᐹᑐᑕᒫᓐ᙮ ᑫᑮᓇᐙ ᑕᔥ ᑰᓯᐙ ᑳᑮᐃᔑᓅᑕᐌᒃ ᑭᑎᔑᒋᑫᒻ, ᐅᑮᐃᓈᐞ᙮

39ᐅᑮᓇᑴᑖᑰᐞ ᐃᑕᔥ: ᐁᐸᕒᐊᐋᒻ ᓂᑑᔫᓯᒥᓐ ᑳᐅᑕᑳᓀᓯᔮᕽ᙮

ᒋᓴᔅ ᐃᑕᔥ ᐅᑮᐃᓈᐞ: ᑮᔥᐱᓐ ᑌᐺ ᐁᐸᕒᐊᐋᒻ ᐌᔫᓯᐌᑴᓐ, ᑭᑖᑮᓈᐱᑑᑖᒻ ᐊᐊ ᐁᐸᕒᐊᐋᒻ ᑲᑭᓇ ᑳᑮᐃᔑᒋᑫᒡ᙮ 40ᓅᑯᒻ ᐃᑕᔥ ᐙᐃᔑᒋᑫᔦᒃ ᑭᑲᑴᓂᔑᒻ, ᓃᓐ ᑳᑮᐐᑕᒪᐎᓇᑰᒃ ᐁᑕ ᑌᐺᐎᓐ ᑳᑮᐃᔑᓅᑕᐗᒃ ᑭᔐᒪᓂᑑ᙮ ᑳᐐᓐ ᐐᓐ ᐁᐸᕒᐊᐋᒻ ᐅᑮᑑᑕᓰᓐ ᐅᐅᐌ ᑳᐃᔑᒋᑫᔦᒃ᙮ 41ᐃᐃᐌᔥ ᑭᑎᔑᒋᑫᒻ ᑮᓇᐙ ᐱᑯ ᑰᓯᐙ ᑳᑑᑕᕽ, ᐅᑮᐃᓈᐞ᙮

ᐅᐅᐌᔥ ᑮᐃᑭᑐᐗᒃ: ᑳᐐᓐ ᐐᓐ ᓃᓇᐎᓐᑦ ᐃᐃᒫ ᐱᑾᑑᔖᓂᐎᐎᓂᕽ ᓂᑮᐅᒋᓂᑖᐎᑭᓰᒥᓐ᙮ ᐯᔑᑯ ᐊᐊᐌ ᓅᓯᓈᓐ, ᒦ ᐊᐌ ᐁᑕ ᑭᔐᒪᓂᑑ, ᑮᐃᑭᑐᐗᒃ᙮ ᑌᐺ ᐱᑯ ᓂᑑᑯᓯᓯᒥᑯᓈᓐ᙮

42ᒋᓴᔅ ᐃᐃᐌ ᐅᑮᐃᓈᐞ: ᑮᔥᐱᓐ ᑭᔐᒪᓂᑑ ᑮᐅᔾᐆᓯᔦᑭᐸᓐ ᑭᑖᑮᓵᑭᐃᒻ, ᐋᓃᔥ ᑭᔐᒪᓂᑑᕽ ᓂᑮᐱᐅᒌ, ᒦᔥ ᓅᑯᒻ ᐅᐅᒫ ᑳᐅᒋᐊᔮᔮᓐ᙮ ᑳᐐᓐ ᓃᓐ ᐁᓀᑕᒫᓐ ᓂᑮᐱᐅᒋᐲᔖᓰ᙮ ᐐᓐ ᓂᑮᐱ ᐃᔑᓂᔕᐅᒃ᙮ 43ᐌᑯᓀᓐ ᐃᑕᔥ ᐃᐌ ᑳᐅᒋᓂᓯᑐᑕᓯᐌᒃ ᓂᑎᐹᒋᒧᐎᓐ? ᑳᐐᓐ ᑭᐐᐱᓯᑕᓰᓈᐙ ᐃᓂ ᓂᑎᑭᑐᐎᓇᓐ, ᒦ ᐃ ᐌᒋᓂᓯᑐᑕᓯᐌᒃ᙮ 44ᑮᓇᐙ ᑭᑑᒋᑎᐯᑖᑯᓯᒻ ᐊᐊ ᑰᓯᐙ ᑳᐃᔑᐊᔮᒡ, ᐊᒦ ᐗᐊ ᒪᒋᐊᔭᐋ᙮ ᐃᐃᐌ ᑳᐐᑑᑕᕽ, ᒦᔥ ᑫᑮᓇᐙ ᐙᑑᑕᒣᒃ᙮ ᐌᔥᑲᒡ ᐱᔑᔑᒃ ᑮᐱᐅᒋᓂᑖᓂᔑᐌᔥᑭ᙮ ᑳᐐᓐ ᐐᑳ ᑌᐺᐎᓐ ᐅᑮᐱᐐᒋᑑᓰᓐ, ᐋᓃᔥ ᑳᐐᓐ ᑲᓇᑫ ᑫᑰᓐ ᑌᐺᐎᓐ ᐅᑭᑭᔥᑲᓰᓐ᙮ ᐊᐲ ᐁᐐᑮᐗᓂᒧᒡ, ᒦ ᐱᑯ ᐁᑕ ᐁᑑᑕᕽ ᐃᐃᐌ ᑳᐃᓈᑎᓯᒡ᙮ ᐋᓃᔥ ᐱᔑᔑᒃ ᑲᑮᓇᐎᔥᑭ᙮ ᐅᑑᑌᑌᒥᑯᓐ ᑲᑭᓇ ᑮᐗᓂᒧᐎᓐ᙮ 45ᓃᓐ ᐃᑕᔥ ᑮᑮᑭᑐᔮᓐ ᐁᑌᐺᔮᓐ, ᐊᒦ ᐃᐌ ᑳᐐᐅᒋᑌᐺᑕᐎᓯᐌᒃ᙮ 46ᐊᐌᓀᓐ ᐃᑕᔥ ᑳᑕᔑᔦᒃ ᑫᑎᐹᒋᒥᒡ ᑭᑮᒪᒋᒋᑫ ᒋᑮᐃᔑᐸᓐ? ᑮᔥᐱᓐ ᑕᔥ ᑎᔦᐺᐙᓀᓐ, ᐌᑯᓀᓐ ᑕᔥ ᐃᐃ ᐌᒋᑌᐺᑕᐎᓯᐌᒃ? 47ᑭᔐᒪᓂᑑᕽ ᑳᐅᒌᒡ ᐅᐱᓯᑖᓇᓐ ᑭᔐᒪᓂᑑᓐ ᐅᑎᑭᑐᐎᓂᓂ᙮ ᑮᓇᐙ ᑕᔥ ᐐᓐ ᐌᒋᐱᓯᑕᓯᐌᒃ, ᐋᓃᔥ ᑭᔐᒪᓂᑑᕽ ᑳᐐᓐ ᑭᑑᒋᑎᐯᑖᑯᓯᓰᒻ, ᐅᑮᐃᓈᐞ᙮

ᐊᐗᔑᒣ ᓇ ᑭᑭᒋ ᐃᓀᑖᑯᔅ ᐊᐲᒡ ᐁᐸᕒᐊᐋᒻ ᐁᑮᐃᓂᓐᒡ ᒋᓴᔅ

48ᐅᑮᑲᑴᒋᒫᐙᓐ ᑕᔥ ᐃᑭ ᒎᐗᒃ: ᑳᐐᓐ ᐃᓇ ᑾᔭᒃ ᓂᑎᑭᑐᓰᒥᓐ ᐁᓴᒣᕒᐃᔮᐎᓂᓃᐎᔭᓐ#8.48 ᐁᓴᒣᕒᐃᔮᐎᓂᓃᐎᔭᓐ: ᐙᐸᑕᓐ 4.4,9᙮ Samaritan ᑲᔦ ᐁᑭᑭᔥᑲᐗᒡ ᒪᒋᐊᒑᒃ?#8.48 ᐁᑭᑭᔥᑲᐗᒡ ᒪᒋᐊᒑᒃ: ᐙᐸᑕᓐ 7.20᙮ ᐅᑮᐃᑰᐞ᙮

49ᒋᓴᔅ ᐅᑮᐃᓈᐞ: ᑳᐐᓐ, ᑳᐐᓐ ᓂᑕᔮᐙᓰ ᒪᒋᐊᒑᒃ᙮ ᓂᑭᒋ ᐃᓀᓂᒫ ᐊ ᓅᔅ; ᑮᓇᐙ ᑕᔥ ᐊᓅᒋᑯ ᑭᑎᔑᒻ᙮ 50ᑳᐐᓐ ᓃᓐ ᑎᐱᓇᐌ ᓂᓇᑐᓀᐊᓰᓐ ᓂᑭᒋ ᐃᓀᑖᑯᓯᐎᓐ᙮ ᐊᔮ ᐊᐌ ᐁᑐᓀᐊᕽ ᐃᐃᐌ ᑳᑭᒋ ᐃᓀᑖᑯᓯᔮᓐ, ᑲᔦ ᑾᔭᒃ ᐁᓈᑯᓂᐌᒡ᙮ 51ᑌᐺᒪᑲᓐ ᐅᐌ ᑳᐐᑕᒪᐎᓇᑰᒃ: ᑮᔥᐱᓐ ᐊᐎᔭ ᑑᑕᕽ ᐃᓂ ᓂᑭᑭᓄᐃᑫᐎᓇᓐ, ᑳᐐᓐ ᐐᑳ ᑕᓂᐳᓰ᙮

52ᒦᓇᐙ ᐅᑮᓇᑴᑖᑰᐞ ᐃᓂ ᒎᐗᐞ: ᒦᑕᔥ ᐃᐃ ᐁᑭᑫᑕᒫᕽ ᐁᐊᔮᐗᒡ ᒪᒋᐊᒑᒃ, ᑮᐃᑭᑐᐗᐞ᙮ ᐁᐸᕒᐊᐋᒻ Abraham ᑮᓂᐳ, ᑲᔦ ᑭᔐᒪᓂᑑ ᐅᑎᐹᒋᒧᐎᓂᓃᒪᐞ ᑮᓂᐳᐗᐞ᙮ ᑮᓐ ᑕᔥ ᐐᓐ ᑭᑎᑭᑦ: ᑮᔥᐱᓐ ᐊᐎᔭ ᑲᓇᐌᑕᕽ ᓂᑭᑭᓄᐃᑫᐎᓇᓐ, ᑳᐐᓐ ᐐᑳ ᑕᓂᐳᓰ᙮ 53ᐊᐗᔑᒣ ᓇᔥ ᑮᓐ ᑭᑭᒋ ᐃᓀᑖᑯᔅ ᐊᐲᒡ ᐊᐊ ᓅᓯᓈᐸᓐ ᐁᐸᕒᐊᐋᒻ ᑳᑮᓂᐳᒡ, ᑲᔦ ᑭᔐᒪᓂᑑ ᐅᑎᐹᒋᒧᐎᓂᓃᒪᐞ ᑳᑮᓂᐳᓂᒡ? ᐊᐌᓀᔥ ᑮᓐ ᐁᓀᓂᑎᓱᔭᓐ? ᐅᑮᐃᑰᐞ᙮

54ᒋᓴᔅ ᐅᑮᓇᑴᑕᐙᐞ: ᑮᔥᐱᓐ ᓃᓐ ᑭᒋ ᐃᓇᑭᑎᓱᔮᐹᓐ ᑳᐐᓐ ᑫᑰᓐ ᑖᐃᓈᐸᑕᓯᓅᓐ ᓂᑭᒋ ᐃᓇᑭᒥᑰᐎᓐ᙮ ᓅᔅ ᐃᑕᔥ ᐊᐊ ᑳᑭᒋ ᐃᓇᑭᒥᒡ, ᒦ ᐊᐌ ᑳᐃᓀᒃ ᓂᑭᔐᒪᓂᑑᒥᓈᓐ᙮ 55ᑳᐐᓐ ᐐᑳ ᑭᑑᒋᑭᑫᓂᒫᓯᐙᐙ᙮ ᓃᓐ ᑕᔥ ᐐᓐ ᓂᑭᑫᓂᒫ᙮ ᑮᔥᐱᓐ ᑳᐐᓐ ᓂᑭᑫᓂᒫᓰ ᐃᑭᑐᔮᐹᓐ ᓂᑲᒥᒋᑮᐗᓂᒻ ᑖᐱᔥᑰ ᑮᓇᐙ ᑳᐃᔑᒋᑫᔦᒃ᙮ ᑌᐺ ᑕᔥ ᓃᓐ ᓂᑭᑫᓂᒫ ᑲᔦ ᓂᑲᓇᐌᑕᒧᐙᓇᓐ ᐅᑎᑭᑐᐎᓇᓐ᙮ 56ᐊᐊ ᑕᔥ ᐁᐸᕒᐊᐋᒻ ᑰᓯᐙᐸᓐ ᑮᒌᑫᑕᒻ ᐱᒌᓇᒃ ᐁᐐᐙᐸᑕᕽ ᓂᑮᔑᑳᒻ ᐊᐲ ᑫᑕᑶᔑᓄᐗᒃ᙮ ᑌᐺ ᐅᑮᓃᑳᓂᐙᐸᑖᓐ, ᑮᒥᓉᑕᒻ ᐃᑕᔥ, ᐅᑮᐃᓈᐞ᙮

57ᐅᐅᐌᔥ ᐅᑮᐃᑰᐞ ᒎᐗᐞ: ᑳᐐᓐ ᐄᑐᒃ ᒪᔑ ᓈᓂᒥᑕᓇ ᑭᑕᓱᐱᐴᓉᓰ᙮ ᐋᑎ ᑕᔥ ᐃᓈ ᑫᑮᐅᓵᐸᒪᑎᐸᓐ ᐁᐸᕒᐊᐋᒻ? ᐅᑮᐃᑰᐞ᙮

58ᒋᓴᔅ ᑕᔥ ᑮᐃᑭᑐ: ᓂᑌᐺ ᐁᐐᑕᒪᐎᓇᑰᒃ: ᒋᑆ ᐊᔮᒡ ᐁᐸᕒᐊᐋᒻ, ᐋᔕ ᐅᐅ ᑳᑎᓄᐎᔮᓐ ᓂᑮᑎᓄᐤ,#8.58 ᐋᔕ ᐅᐅ ᑳᑎᓄᐎᔮᓐ ᓂᑮᑎᓄᐤ: ᐙᐸᑕᓐ 8.24᙮ ᑮᐃᑭᑐ᙮

59ᐅᑮᐅᑖᐱᓈᐙᐞ ᐃᑕᔥ ᐊᓯᓃᐞ ᐃᑭ ᒎᐗᒃ ᐁᐐᐸᐲᒶᓯᓇᐋᐙᒡ᙮ ᒋᓴᔅ ᐃᑕᔥ ᑮᑕᐸᓰ ᐁᑮᐊᓂᐅᒋᒫᒑᒡ ᐃᐃᒫ ᑭᒋᐊᓇᒥᐁᐎᑲᒥᑯᕽ ᐅᒋ᙮

Currently Selected:

ᒞᓐ 8: OJBS

Highlight

Copy