ᒞᓐ 19

1ᒦᑕᔥ ᑮᐊᓅᑮ ᐹᐃᓬᐊᑦ Pilate ᒋᐃᔑᐎᓂᒥᓐᒡ ᒋᓴᓲᓐ ᒋᐸᐸᔕᔐᐃᑲᓂᐎᓂᒡ᙮ 2ᔑᒫᑲᓂᔕᒃ ᐃᑕᔥ ᐅᑮᑕᑎᐸᓂᓈᓈᐙᓐ ᑭᒋᐅᑳᐎᒥᓇᑲᔒᐗᑎᑾᓇᓐ, ᐁᑮᐅᒋᐅᔑᑑᐙᒡ ᐸᓯᑴᐱᓱᐙᓄᒀᓐ᙮ ᐅᑮᐱᑖᓄᒀᓀᐋᐙᓐ ᒋᓴᓲᓐ᙮ ᒦᑕᔥ ᑳᐃᔑᐱᒋᑯᓇᔦᐋᐙᒡ ᐁᒪᑲᑌᒥᔅᒀᓂᒃ ᐁᑭᓉᑲᓂᓂᒃ ᑭᒋᐅᑭᒫᕽ ᒋᐃᔑᓈᑯᓯᓂᒡ᙮ 3ᐅᑮᓈᓈᓯᑲᐙᐙᓐ ᑕᔥ ᐁᑮᐃᓈᐙᒡ: ᑭᒋᐴᔔ ᑮᓐ ᐅᑭᒋᐅᑭᒫᒥᐙᓐ ᒎᐗᒃ! ᐅᑮᐊᔨᓈᐙᓐ᙮ ᐁᑮᐸᐸᓰᑴᑲᓈᒫᐙᒡ ᑲᔦ᙮

4ᒦᓇᐙ ᑕᔥ ᐊᐊ ᐹᐃᓬᐊᑦ ᑮᓵᑲᐊᒻ ᐁᑮᑲᓅᓈᒡ ᐃᐃᒫ ᑳᐃᔑᒫᒪᐌᓄᓂᒡ: ᐃᓇᔥᑫ ᓴ, ᒦᓇᐙ ᑭᑲᓵᑭᓰᑕᒪᐎᓂᓂᒻ, ᒋᑭᑫᓂᒣᒃ ᐁᑳ ᐁᒥᑲᒧᐙᓯᐗᒃ ᑫᑰᓐ ᒋᐅᒋᓂᓯᑎᐸᓐ, ᐅᑮᐃᓈᐞ᙮ 5ᒦᑕᔥ ᑳᐃᔑᓵᑲᐊᕽ ᒋᓴᔅ ᐁᑭᑭᔥᑲᕽ ᐃᐃᐌ ᐅᑳᐎᒥᓇᑭᔒᐙᓄᒀᓐ ᑲᔦ ᑳᒪᑲᑌᒥᔅᒀᓂᒃ ᐁᑭᓉᑲᓂᓂᒃ᙮ ᐊᒦᔥ ᐃᐃᐌ ᑳᐃᑭᑐᒡ ᐹᐃᓬᐊᑦ: ᐃᓇ ᐗᐊ ᐃᓂᓂ!

6ᐊᐲ ᑕᔥ ᑭᒋᐊᓇᒥᐁᐎᑭᒫᒃ ᑲᔦ ᑲᓇᐌᒋᑫᐎ ᔑᒫᑲᓂᔕᒃ ᐁᐙᐸᒫᐙᒡ ᒋᓴᓲᓐ, ᑮᔖᑯᐌᐗᒃ: ᐊᑯᓴᑲᐅ ᐋᔑᑌᔮᑎᑯᕽ! ᐊᑯᓴᑲᐅ! ᑮᐃᑭᑐᐗᒃ᙮

ᐹᐃᓬᐊᑦ ᐃᑕᔥ ᑮᐃᑭᑐ: ᑮᓇᐙ ᑯ ᐃᔑᐎᓂᒃ, ᐊᐎᐊᑯᓴᑲᐅᒃ᙮ ᓃᓐ ᐐᓐ ᑳᐐᓐ ᓂᒥᑲᒧᐙᓰᓐ ᑫᐅᒋᑮᔖᑯᓂᑲᓂᐎᒡ ᒋᐅᒋᓂᓯᓐᒡ, ᐅᑮᐃᓈᐞ᙮

7ᑮᓇᑴᑕᒨᒃ ᐃᑕᔥ ᐃᑭ ᑳᒫᒪᐌᓄᐙᒡ: ᓃᓇᐎᓐᑦ ᓂᑕᔮᒥᓐ ᐃᐃᐌ ᐅᓇᔓᐌᐎᓐ᙮ ᐃᓇᑌ ᐱᑯ ᒋᓂᓯᓐᒡ, ᐋᓃᔥ ᑭᔐᒪᓂᑑ ᐅᑯᓯᓴᓐ ᑮᐃᔑᓂᑳᓂᑎᓱ,#19.7 ᓂᑕᔮᒥᓐ ᐅᓇᔓᐌᐎᓐ: ᐙᐸᑕᓐ Lev. 24.16᙮ ᑭᔐᒪᓂᑑ ᐅᑯᓯᓴᓐ ᑮᐃᔑᓂᑳᓂᑎᓱ: ᐙᐸᑕᓐ John 10.33-36᙮ ᐅᑮᐃᓈᐙᓐ᙮

8ᐊᐲ ᑕᔥ ᐹᐃᓬᐊᑦ ᑳᓅᑕᕽ ᐅᐅᐌ ᐃᑭᑐᐎᓐ, ᐊᐗᔑᒣ ᑮᑭᒋᓭᑭᓯ᙮ 9ᒦᓇᐙ ᑮᐲᑎᑫ ᐅᑎᐹᑯᓂᑫᐎᑲᒥᑯᕽ ᐁᑮᑲᓅᓈᒡ ᒋᓴᓲᓐ: ᐋᑎ ᐌᒌᔭᓐ? ᐅᑮᐃᓈᓐ᙮

ᑳᐐᓐ ᑕᔥ ᑫᑰᓐ ᐅᑮᐃᑯᓰᓐ᙮ 10ᐹᐃᓬᐊᑦ ᐃᑕᔥ ᑮᐃᑭᑐ: ᑳᐐᓐ ᐃᓇ ᑭᐐᑲᓅᔑᓰ? ᑳᐐᓐ ᐃᓇᔥ ᑭᑭᑫᑕᓰᓐ ᒋᑲᔥᑭᑑᔮᓐ ᒋᐸᑭᑎᓂᓈᓐ ᑲᔦ ᒋᑲᔥᑭᑑᔮᓐ ᒋᐊᑯᓴᑲᐅᑰᔭᓐ ᐋᔑᑌᔮᑎᑯᕽ? ᐅᑮᐃᓈᓐ᙮

11ᒦᑕᔥ ᑳᐃᔑᓇᑴᑖᑯᒡ: ᑳᐐᓐ ᑭᑖᑲᔥᑭᑑᓰᓐ ᑫᑰᓐ ᒋᑑᑕᐎᔭᓐ, ᒦ ᐁᑕ ᐃᔥᐱᒥᕽ ᐅᒋᒦᓂᑰᔭᓐ᙮ ᒦᑕᔥ ᐅᐅᐌᓂ ᐅᒋ ᑳᑮᐸᑭᑎᓇᒪᐎᒃ ᐊᐊ ᐃᓂᓂ ᒋᑎᐹᑯᓂᑰᔮᓐ, ᓇᐗᒡ ᒦ ᐊᐌᑎ ᐃᓀᑖᑯᓯ ᐁᑭᑭᓯᒡ ᐃᐃ ᒪᒋᑑᑕᒧᐎᓐ, ᐅᑮᐃᑰᓐ ᒋᓴᓲᓐ᙮

12ᒦᑕᔥ ᐁᑮᓅᑕᕽ ᐊᐊ ᐹᐃᓬᐊᑦ, ᐅᑖᓇᑮᑲᑴᒥᑳᓐ ᑫᔑᐸᑭᑎᓈᒡ ᒋᓴᓲᓐ᙮ ᒎᐗᒃ ᐃᑕᔥ ᑳᑮᐹᑏᓄᐙᒡ ᑮᔖᑯᐌᐗᒃ: ᑮᔥᐱᓐ ᐸᑭᑎᓇᒡ ᐊᐊ ᐃᓂᓂ ᑳᐐᓐ ᑭᐐᒥᓉᓂᒫᓰ ᒫᐗᒡ ᑭᒋᑯᑭᒫ᙮ ᑲᑭᓇ ᐊᐎᔭ ᑳᐃᑎᓱᒡ ᐐᓐ ᐁᑭᒋᐅᑭᒫᐎᒡ ᐁᐃᑎᓱᒡ, ᐅᑖᓇᐌᓂᒫᓐ ᐃᓂ ᒫᐗᒡ ᑭᒋᐅᑭᒫᓐ᙮

13ᐊᐲᔥ ᐊᐊ ᐹᐃᓬᐊᑦ ᑳᓅᑕᕽ ᑳᐃᑭᑐᓂᒡ, ᐅᑮᓵᑭᓯᐋᓐ ᒦᓇᐙ ᒋᓴᓲᓐ᙮ ᐊᒦᔥ ᑳᐃᔑᐅᓇᐱᒡ ᐅᑎᐹᑯᓂᑫᐗᐱᐎᓂᕽ ᐃᐃᒫ ᑳᐊᔮᓂᒃ, ᑳᐊᓯᓃᐙᐱᑲᒃ ᑳᐃᔑᓂᑳᑌᒃ᙮ ᐊᒦ ᐃᐌ ᐄᐸᕒᐆ Hebrew ᑳᐃᔑᑮᔗᒪᑲᒃ, ᑳᐸᑖ Gabbatha᙮ 14ᒦ ᐃᐌ ᐊᐲ ᑫᑳ ᐁᐋᐱᑕᑮᔑᑲᒃ, ᐁᑮᐃᔑᑮᔑᑲᒃ ᐁᐗᐌᔑᒋᑫᐙᒡ ᐁᐐᐱᒫᒋᐃᑰᐎ ᐐᑾᑎᕽ᙮ ᒦᔥ ᐅᐌ ᐹᐃᓬᐊᑦ ᐅᑮᐃᓈᐞ ᒎᐗᐞ: ᐗᐊ ᑭᑭᒋᐅᑭᒫᒥᐙ!

15ᑮᔖᑯᐌᐗᐞ ᐃᑕᔥ: ᐃᑯᒋ ᐌᑎ ᒫᒌᔥ! ᐊᐎᓂᔑ! ᐋᔑᑌᔮᑎᑯᕽ ᒋᐊᑯᓴᑲᐗᒡ!

ᐹᐃᓬᐊᑦ ᐃᑕᔥ ᑮᐃᑭᑐ: ᓂᑲᐊᑯᓴᑲᐙ ᓇ ᑭᑭᒋᐅᑭᒫᒥᐙ?

ᑭᒋᐊᓇᒥᐁᐎᑭᒫᒃ ᐃᑕᔥ ᐅᑮᓇᑴᑕᐙᐙᓐ: ᑳᐐᓐ ᐊᐎᔭ ᓂᑭᒋᐅᑭᒫᒥᓈᓐ ᓂᑕᔮᐙᓯᐙᓈᓐ, ᒦ ᐁᑕ ᒫᐗᒡ ᑭᒋᐅᑭᒫ᙮

16ᒦᑕᔥ ᑫᑲᐲ ᐹᐃᓬᐊᑦ ᑳᐃᔑᐸᑭᑎᓇᒪᐙᒡ ᒋᐊᑯᓴᑲᐙᓂᒡ ᒋᓴᓲᓐ᙮

ᐁᑮᐊᑯᓴᑲᐅᓐᒡ ᒋᓴᔅ ᐋᔑᑌᔮᑎᑯᕽ

(Matthew 27.32-34; Mark 15.21-32; Luke 23.26-43)

ᔑᒫᑲᓂᔕᒃ ᐃᑕᔥ ᐅᑮᒫᒌᓈᐙᓐ ᒋᓴᓲᓐ, 17ᐐᓐ ᐁᑮᐱᒥᓂᑫᑕᒫᓱᓂᒡ ᐅᑖᔑᑌᔮᑎᑯᒥᓂ,#19.17 ᐅᑖᔑᑌᔮᑎᑯᒥᓂ: ᒦ ᓴ ᑲᑭᓇ ᐊᐎᔭ ᑳᑮᐃᓈᑯᓂᓐᒡ ᒋᓂᓯᓐᒡ ᑳᑑᑕᐎᓐᒡ ᒋᐃᔑᐗᓀᒡ ᐅᑖᔑᑌᔮᑎᑯᒪᓐ ᒋᐃᔑᐎᓈᒡ ᐋᑎ ᐙᑕᔑ ᐊᑯᓴᑲᐅᓐᒡ᙮ ᑳᑮᐱᒥᑖᑾᑰᒋᓂᓂᒡ ᐁᑕ ᑳᑮᐱᒥᐗᓀᐃᓐᒡ᙮ ᐁᑮᐊᓂᓵᑲᐊᒥᓂᒡ ᐆᑌᓈᕽ, ᐲᓂᔥ ᐁᑮᐊᓂ ᐃᔖᒡ ᐌᑎ ᐅᑎᒀᓂᑫᑲᓂᑳᕽ ᑳᐃᔑᓂᑳᑌᓂᒃ ᐱᑾᑎᓈ, ᒦ ᐃᐌ ᒎᐗᒃ ᑳᐃᔑᑮᔗᐙᒡ ᑳᓬᑲᑖ Golgotha᙮ 18ᐊᒦᑕᔥ ᐌᑎ ᑳᑕᔑᐊᑯᓴᑲᐙᐙᒡ ᒋᓴᓲᓐ ᐋᔑᑌᔮᑎᑯᕽ᙮ ᑕᑯ ᐊᔑᒡ ᓃᔑᓐ ᐃᓂᓂᐗᐞ ᐅᑮᓴᑲᐙᐙᐞ᙮ ᑴᑴᒃ ᐃᓇᑫ ᑮᐊᑰᒋᓅᐞ ᑳᐃᔑᐸᑕᑭᓱᓂᒡ ᐋᔑᑌᔮᑎᑰᐞ᙮ ᒋᓴᔅ ᐃᑕᔥ ᓇᓴᐗᔭᐄ ᐃᒫ ᑮᐊᑰᒋᓐ᙮ 19ᐹᐃᓬᐊᑦ Pilate ᑕᔥ ᐅᑮᐅᔑᐲᐋᓐ ᑭᑭᓇᐙᐸᒋᑲᓐ᙮ ᑮᐊᓅᑮ ᒋᐊᒋᑳᑌᓂᒃ ᐃᒫ ᐋᔑᑌᔮᑎᑯᕽ᙮ ᒦᔥ ᐃᐌ ᑳᐃᔑᐲᐃᑳᑌᒃ: ᒋᓴᔅ ᓈᓴᕒᐃᑎᕽ Nazareth ᐌᒌᒡ, ᒎᐗᒃ ᐅᑭᒋᐅᑭᒫᒥᐙᓐ᙮ 20ᐅᐅ ᑭᑭᓇᐙᐸᒋᑲᓐ ᐅᑮᐊᓇᒥᑑᓈᐙ ᓃᐱᐗᐞ ᐊᐎᔭ, ᐋᓃᔥ ᐯᔓ ᐃᒫ ᐆᑌᓈᕽ ᑮᐊᔮ ᒋᓴᔅ ᐁᑮᑕᔑᐊᑯᓴᑲᐃᑲᓂᐎᒡ᙮ ᒦᑕᔥ ᐃᐌ ᓂᔀᔭᒃ ᐁᐃᔑᑮᔗᕽ ᑮᐃᔑᐲᐃᑳᑌ ᑭᑭᓇᐙᐸᒋᑲᓐ, ᐄᐸᕒᐆ Hebrew, ᓬᐋᑎᓐ Latin, ᑲᕒᐄᒃ Greek ᑳᐊᔨᔑᑮᔗᕽ ᑮᐃᔑᐲᐃᑳᑌ᙮ 21ᐅᑭᒋᐊᓇᒥᐁᐎᑭᒫᒥᐙᐞ ᐃᑕᔥ ᐃᑭ ᒎᐗᒃ ᐅᑮᑲᓅᓈᓂ ᐹᐃᓬᐊᑑᓐ: ᑫᑯ ᐐᓐ ᐃᔑᐲᐊᑫᓐ, ᒎᐗᒃ ᐅᑭᒋᐅᑭᒫᒥᐙᓐ! ᐅᐌ ᐐᓐ ᐃᔑᐲᐊᓐ: ᐗᐊ ᑳᐃᑭᑐᒡ, ᓃᓐ ᒎᐗᒃ ᐅᑭᒋᐅᑭᒫᒥᐙᓐ, ᒦ ᐃᐌ ᐃᔑᐲᐊᓐ, ᐅᑮᐃᑰᐞ᙮

22ᐹᐃᓬᐊᑦ ᑕᔥ ᐅᑮᓇᑴᑕᐙᐞ: ᐃᐃᐌ ᑳᑮᐅᔑᐲᐊᒫᓐ, ᐋᓃᔥ ᐃᓈ ᓂᑮᐅᔑᐲᐋᓐ, ᐅᑮᐃᓈᐞ᙮

23ᔑᒫᑲᓂᔕᒃ ᐃᑕᔥ ᐊᐲ ᑳᐃᔥᒀᐊᑯᓴᑲᐙᐙᒡ ᒋᓴᓲᓐ, ᐅᑮᐅᑖᐱᓈᓈᐙᓐ ᐃᓂ ᒋᓴᓲᓐ ᐅᑭᑭᔥᑭᑲᓂᓂ ᐃᒫ ᑳᔭᑌᓂᑭᓐ᙮ ᐅᑮᓃᐎᑑᓈᐙᓐ ᑕᔥ ᑌᑕᒃ ᐯᐸᑮ ᒋᐊᔮᐙᒡ ᐃᑭ ᔑᒫᑲᓂᔕᒃ ᐁᑮᓃᐎᐙᒡ᙮ ᑕᑯᔥ ᑲᔦ ᑮᐊᔮᓂ ᑳᑮᓈᐱᔥᑲᒥᓂᒡ᙮ ᒥᒋᐯᔑᑾᓐ ᑮᐅᔑᒋᑳᑌ ᒥᓯᐌ ᐲᓂᔥ ᒥᔕᑳᒣᔩᒃ᙮ ᑳᐐᓐ ᑮᓃᔓᒀᑌᓯᓅᓐ᙮ 24#Psa 22.19. ᒦ ᐃᐌ ᑳᐃᔑᑲᓅᓂᑎᐙᑦ ᔑᒫᑲᓂᔕᒃ: ᑳᐐᓐ ᑭᑲᐲᑯᐱᑑᓰᒥᓐ, ᒥᒋᔑᓇᐎᐌᐱᓂᑫᑖ, ᐊᐌᓀᓐ ᑫᐊᔮᒡ, ᑮᐃᑭᑐᐗᒃ᙮ ᒦ ᐃᐌ ᑳᐃᔑᐌᐸᒃ ᒋᑎᐱᓭᒃ ᐃᐃ ᑭᒋᐅᔑᐲᐃᑫᐎᓐ ᑳᐃᑭᑑᒪᑲᒃ:

ᑮᓀᓈᐎᓇᒫᑎᐗᒃ ᐃᓂ ᓂᑭᑭᔥᑭᑲᓇᓐ

ᑲᔦ ᑳᑮᓈᐱᔥᑲᒫᓐ ᑮᐅᒋᔑᓇᐎᐌᐱᓂᑫᐗᒃ,

ᐃᑭᑑᒪᑲᓐ᙮ ᒦ ᐃᐌ ᑌᐺ ᔑᒫᑲᓂᔕᒃ ᑮᐃᔑᒋᑫᐗᒃ᙮

25ᐃᒫ ᑕᔥ ᐅᑖᔑᑌᔮᑎᑯᒥᕽ ᒋᓴᔅ, ᒌᑲᔭᐄ ᑮᓃᐸᐎᐗᓐ ᐅᒫᒫᓐ, ᑲᔦ ᐅᒫᒫᓐ ᐐᒋᑴᓂ ᑮᑕᑯᓃᐸᐎᐗᓐ᙮ ᔑᑾ ᒣᕒᐃ Mary ᑲᓬᐆᐸᔅ Clopas ᐐᐗᓐ, ᑲᔦ ᑯᑕᒃ ᒣᕒᐃ ᒫᑲᑕᓬᐋᕽ#19.25 ᒫᑲᑕᓬᐊ ᓴ ᐆᑌᓇ ᑳᑮᐊᔮᒃ ᓂᑳᐲᐊᓄᕽ ᐃᓇᑫᑳᒻ ᑳᓬᐊᓬᐄᐎ ᓵᑲᐃᑲᓃᕽ᙮ Magdala ᑳᐅᒌᒡ, ᑮᐊᔑᒋᑳᐸᐎᐗᒃ᙮ 26ᒋᓴᔅ ᐅᑮᐙᐸᒫᓐ ᐃᓂ ᐅᒫᒫᓐ ᑲᔦ ᐃᓂ ᐯᔑᒃ ᐅᑭᑭᓄᐊᒪᐙᑲᓇᓐ ᒫᐗᒡ ᑳᓵᑭᐋᒡ ᐁᒌᑭᑳᐸᐎᓂᒡ ᐃᐃᒫ᙮ ᒦᑕᔥ ᑳᐃᔑᑲᓅᓈᒡ ᐃᓂ ᐅᒫᒫᓐ: ᓂᒫᒫ! ᐅᑮᐃᓈᓐ, ᑭᑯᓯᔅ ᐗᐊ᙮ 27ᔑᑾ ᐅᑮᑲᓅᓈᓐ ᐅᑭᑭᓄᐊᒪᐙᑲᓇᓐ: ᐗᐊ ᑭᒫᒫ, ᐅᑮᐃᓈᓐ᙮ ᒦᑕᔥ ᐃᒫ ᐊᐸᓂᑯ ᐗᐊ ᑭᑭᓄᐊᒪᐙᑲᓐ ᐅᑮᐃᔑᐎᓈᓐ ᐐᓐ ᑳᐃᔑᑖᒡ ᐁᑮᑕᔑᑲᓇᐌᓂᒫᒡ ᐃᓂ ᐅᒫᒫᓂ ᒋᓴᓲᓐ᙮

ᐁᑮᓂᐳᒡ ᒋᓴᔅ

(Matthew 27.45-56; Mark 15.33-41; Luke 23.44-49)

28 # Psa 69.22; 22.16. ᒋᓴᔅ ᑕᔥ ᐅᑮᑭᑫᑖᓐ ᐋᔕ ᑲᑭᓇ ᑫᑰᓐ ᐁᑮᔑᒋᑳᑌᓂᒃ, ᒦᔥ ᒋᑎᐱᓭᒃ ᐃᐃ ᑭᒋᐅᔑᐲᐃᑫᐎᓐ ᑮᐅᒋ ᐃᑭᑐ: ᓂᓅᑌᐐᒥᓂᑴ᙮

29ᑮᐊᑌ ᐃᒫ ᐅᓈᑲᓐ ᐁᒨᔥᑭᓀᐲᒃ ᑳᐌᑕᑭᑌᒃ ᔔᒥᓈᐳ᙮ ᐃᔅᑲᐃᐹᓐ ᐃᑕᔥ ᑮᒉᑭᐱᓂᑳᑌ ᔔᒥᓈᐳᕽ, ᒦᑕᔥ ᐅᑮᐊᑑᓈᐙᓐ ᐋᓂᑲᐗᔥᒀᑎᑯᕽ, ᐃᓴᑉ#19.29 ᒦᓴᐃᐌ ᐃᓴᑉ hyssop ᑎᓄᐙᑎᒃ ᑳᑮᐋᐸᑕᒃ ᑮᑭᒋ ᐃᓇᑲᒥᑲᒃ, ᒥᔅᑸᕽ ᐁᑮᐃᔑ ᒉᑭᐲᓂᑳᑌᒃ, ᒦᑕᔥ ᑳᐃᔑ ᓯᓶᐲᑭᐌᐱᓇᒪᐎᑣ ᐊᐎᔭᒃ᙮ ᐙᐸᑕᓐ Hebrews 9.19᙮ hyssop ᐁᐃᔑᓂᑳᑌᒃ, ᐁᑮᓃᒫᑾᐊᒪᐙᐙᒡ ᐃᑕᔥ ᐅᑑᓂᓃᕽ ᒋᓴᓲᓐ ᐁᒥᓇᐋᐙᒡ᙮ 30ᐊᐲ ᑕᔥ ᑳᑮᒥᓂᑴᒡ, ᒦ ᐃᐌ ᑳᐃᑭᑐᒡ: ᐋᔕ ᑲᑭᓇ ᑮᔑᓭ!

ᑮᐊᒋᑕᐎᑴᓂ ᑕᔥ, ᐊᒦ ᑯ ᐁᑮᓂᐳᒡ᙮

ᔑᒫᑲᓂᔥ ᐁᑮᐸᔑᐸᐙᒡ ᒋᓴᓲᓐ ᐅᐱᒣᓇᐤ

31ᒎᐗᒃ ᑳᓃᑳᓂᓯᐙᒡ ᐅᑮᑲᑴᒋᒫᐙᓐ ᐹᐃᓬᐊᑑᓐ Pilate ᒋᐴᑯᑳᑌᑲᓈᒥᒥᒡ#19.31 ᒋᐴᑯᑳᑌᑲᓈᒥᒥᓐᒡ: ᓂᑯᑎᕽ ᐊᐎᔭ ᓴ ᑮᐊᑯᓴᑲᐅᓐᒡ ᑮᐴᑯᑳᑌᑲᓈᒫ ᒋᑭᑖᑕᐹᐱᓀᒡ᙮ ᐃᐃ ᑳᑮᐊᑯᓴᑲᐃᑲᓂᐎᓂᒡ, ᑲᔦ ᒋᐅᒋᐅᑖᐱᓂᑳᑌᓂᑭᓐ ᐋᔑᑌᔮᑎᑯᕽ ᐐᔭᐎᓂ᙮ ᒦ ᐅᐌ ᑳᑮᐅᒋᑲᑴᒋᒫᐙᒡ, ᐁᑮᐸᑴᔑᑲᓂᑮᔑᑲᒃ ᐁᑮᐃᔑᑮᔑᑲᒃ ᐁᑮᐗᐌᔑᒋᑫᐙᒡ ᐁᐐᐊᓉᐲᐎ ᑮᔑᑲᓂᓂᒃ᙮ ᐋᓃᔥ ᑳᐐᓐ ᑮᐃᓀᑕᓰᐗᒃ ᑫᔮᐱ ᒋᐊᑰᑌᓂᑭᓐ ᐁᐐᐊᓉᐲᐎ ᑮᔑᑲᓂᓂᒃ, ᐋᓃᔥ ᐋᐱᒋ ᑮᑭᒋ ᐃᓀᑖᑾᓐ ᐃᐃ ᑳᐐᐊᓉᐲᐎ ᑮᔑᑲᒃ᙮#19.31 ᒣᒥᑕᑫ ᓴ ᑯ ᑮᐐᑭᒋ ᐃᓀᑖᑾᓐ ᐃᐃ ᑳᑮᐐᐊᓉᐲᐎ ᑮᔑᑲᒃ, ᐋᓃᔥ ᒦ ᐃ ᐊᐲ ᑳᒫᑕᑲᒪᑲᒃ ᑳᑮ ᐱᒫᒋᐃᑰᐎ ᐐᑾᑎᕽ᙮ 32ᒦᑕᔥ ᐃᐃᐌ ᑳᑮᐅᒋ ᐃᔖᐙᒡ ᔑᒫᑲᓂᔕᒃ ᐁᑮᐊᐎᐴᑯᑳᑌᐙᐙᒡ ᐃᓂ ᓂᑕᒻ ᑲᔦ ᐃᓂ ᑯᑕᒃ ᑳᑮᑕᑯ ᐊᑯᓴᑲᐅᑰᒫᓂᒡ ᒋᓴᓲᓐ᙮ 33ᐊᐲ ᑕᔥ ᐐᓐ ᐌᑎᓵᐙᒡ ᒋᓴᓲᓐ ᐅᑮᐙᐸᒫᐙᓐ ᐋᔕ ᐁᑮᓂᐳᓂᒡ᙮ ᒦᐃ ᑳᐐᓐ ᐅᑮᐴᑯᑳᑌᐙᓯᐙᐙᓐ᙮ 34ᐯᔑᒃ ᐃᑕᔥ ᐃᑭ ᔑᒫᑲᓂᔕᒃ, ᐸᔑᐸᐃᑲᓐ ᐅᑮᐸᔑᐸᐙᓐ ᒋᓴᓲᓐ ᐅᐱᒣᓇᐤ᙮ ᔐᒫᒃ ᑮᐅᒋᓵᑭᒋᒋᐗᓐ ᓂᐱ ᑲᔦ ᒥᔅᑶ᙮ 35ᐊᐊ ᑕᔥ ᑳᑮᐙᐸᑕᕽ ᐅᑮᑎᐹᑐᑖᓐ, ᑫᑮᓇᐙ ᑕᔥ ᒋᐅᒋᐅᑌᐺᑕᒧᐎᓂᔦᒃ᙮ ᑌᐺᒪᑲᓂᓂ ᐅᑎᐹᒋᒧᐎᓐ᙮ ᐅᑭᑫᑖᓐ ᐃᑯ ᐁᑌᐺᒡ᙮ 36#Ex 12.46; Num 9.12; Psa 34.21. ᐅᐅ ᑮᐅᒋ ᐃᔑᒋᑫᐋ ᒋᓴᔅ ᒋᑎᐱᓭᒃ ᐃᐃᐌ ᑭᒋᐅᔑᐲᐃᑫᐎᓐ ᑳᐃᔑᐲᐃᑳᑌᒃ: ᑳᐐᓐ ᐊᐙᒡ ᐯᔑᒃ ᐅᑲᓐ ᒋᐲᑯᓂᑳᑌᓂᒃ, ᐃᑭᑑᒪᑲᓐ᙮ 37#Zech 12.10; Rev 1.7. ᒦᓇᐙ ᑕᔥ ᑯᑕᒃ ᑭᒋᐅᔑᐲᐃᑫᐎᓐ ᐃᑭᑑᒪᑲᓐ: ᐅᑲᑲᓇᐙᐸᒫᐙᓐ ᐃᓂ ᑳᑮᐸᔑᐸᐙᐙᒡ᙮

ᐁᑮᓇᐃᓂᓐᒡ ᒋᓴᔅ

(Matthew 27.57-61; Mark 15.42-47; Luke 23.50-56)

38ᑲᑭᓇ ᑳᐃᔥᒀᐃᔑᓭᒃ ᐅᐅ, ᑮᐃᔖ ᒎᓴᑉ Joseph, ᒦ ᐌᑎ ᐁᕒᐊᒪᑏᔭ Arimathea ᐆᑌᓈᕽ ᑳᑮᐅᒌᒡ᙮ ᒦᐗᓂᓂ ᐯᔑᒃ ᒋᓴᔅ ᑳᑮᐱᒥᓂᔕᐅᑯᒡ᙮ ᑮᒨᒡ ᐃᑕᔥ ᑮᐱᒥᓂᔕᐃᑫ ᒎᓴᑉ, ᐁᑮᑯᓵᒡ ᐅᓃᑳᓂᓰᐎ ᒎᐗᐞ᙮ ᒦ ᐗᐊ ᐅᑮᐊᐎᑲᑴᒋᒫᓐ ᐹᐃᓬᐊᑑᓐ Pilate ᐁᐐᐅᑖᐱᓇᕽ ᐐᔭᐎᓂ ᒋᓴᓲᓐ᙮ ᐁᐊᐞ ᑭᑲᐅᑖᐱᓈᓐ, ᐅᑮᐃᑰᓐ᙮ ᒦᑕᔥ ᑳᐃᔑ ᐃᔖᒡ ᒎᓴᑉ ᐁᑮᐊᐎᐅᑖᐱᓇᕽ ᐃᐃ ᐐᔭᐎᓂ ᐁᑮᐊᓂᒫᒌᑑᒡ᙮ 39#John 3.1-2. ᑮᐲᔖ ᑫᐐᓐ ᓂᑲᑏᒪᔅ Nicodemus, ᐊᐊ ᓂᑕᒻ ᐁᑎᐱᑲᓂᓂᒃ ᑳᑮᐊᑕᐙᐸᒫᒡ ᒋᓴᓲᓐ᙮ ᐅᑮᐲᑑᓐ ᑳᒥᓄᒫᑾᓂᓂᑭᓐ#19.39 ᑳᒥᓄᒫᑾᑭᓂᓂᑭᓐ: ᐅᑮᐃᓍᑖᓈᐙᓐ ᐐᐸ ᒋᓂᔑᐗᓈᑕᓂᓂᒃ ᐐᔭᐤ᙮᙮ ᒪᕒ myrrh#19.39 ᒪᕒ myrrh ᒦ ᓴ ᐃ ᑳᐃᒋᑳᑌᒃ ᒥᓈᑾᐅᓐ ᑳᐅᒌᒃ ᒥᑎᑯᐱᑮᕽ᙮, ᐋᓬᐆᔅ aloes#19.39 ᐋᓬᐆᔅ aloes ᒦ ᓴ ᐃ ᑳᒥᓄᒫᑾᒃ ᑳᐅᒋᐅᔑᒋᑳᑌᒃ ᐊᓃᐲᔑᕽ᙮ ᑳᑭᓂᑲᐎᓂᑳᑌᑭᓐ ᑮᑎᓄᐗᓐ, ᒫᑭᔖ ᓂᑯᑣᒃ ᑕᓱᑯᓯᑾᓐ ᒥᓂᒃ᙮ 40ᒦᑕᔥ ᐅᑯ ᓃᔑᓐ ᐅᑮᐅᑖᐱᓈᓈᐙ ᐐᔭᐎᓂ ᒋᓴᓲᓐ, ᐁᑮᑎᑎᐯᔩᑭᓇᒧᐙᒡ ᐙᐱᔥᑮᑭᓐ, ᑕᑯ ᐃ ᑳᒥᓄᒫᑾᓂᓂᒃ ᐁᑮᒪᔥᑭᑮᐎᑑᐙᒡ᙮ ᒦ ᐃ ᑳᐃᔑᒋᑫᐙᒡ ᒎᐗᒃ ᐁᓇᐃᓇᒧᐙᒡ ᒦᔭᐤ᙮ 41ᐃᐃᒫ ᑳᑮᑕᔑᓂᓯᓐᒡ ᒋᓴᔅ, ᐯᔓ ᐃᒫ ᑮᐊᔮ ᑭᑎᑫᐎᓐ᙮ ᐃᐃᒫᔥ ᑭᑎᑫᐎᓂᕽ ᐐᐹᐱᑯᑳᓐ ᑎᓄ ᑳᔑᓇᐃᓂᑎᕽ ᑮᐊᔮ, ᐁᑳ ᐐᑳ ᒪᔑ ᐊᐎᔭ ᐃᒫ ᐁᑮᓇᐃᓈᓯᐎᓐᒡ᙮ 42ᒦ ᐃᒫ ᑳᐃᔑᓇᐃᓯᑑᐙᒡ ᒋᓴᓲᓐ ᐐᔭᐎᓂ, ᐋᓃᔥ ᐋᔕ ᑮᐃᔑᑮᔑᑲᓐ ᒋᑆ ᐊᓉᐲᐎ ᑮᔑᑲᒃ,#19.42 ᐊᓉᐲᐎ ᑮᔑᑲᒃ: ᑮᐸᑭᔑᒧᕽ ᒦᓴ ᐁᒫᒋᓭᒃ ᐊᓉᐲᐎ ᑮᔑᑲᒃ᙮ ᐙᐸᑕᓐ ᑲᔦ 5.10᙮ ᑲᔦ ᑮᐯᔓᐗᓐ ᐃᐃ ᑳᔑᓇᐃᓂᑎᕽ ᐃᐃᒫ ᑳᑮᑕᔑᓂᐳᓂᒡ᙮

Currently Selected:

ᒞᓐ 19: OJBS

Highlight

Copy