ᒞᓐ 10

ᒋᓴᔅ ᐁᑮᐋᐌᒋᑳᑫᒡ ᐅᑲᓇᐎᒫᓇᒑᓂᔑᐌᓐ

1ᒦᑕᔥ ᑳᐃᑭᑐᒡ: ᑌᐺᐎᓂᐗᓐ ᐅᐌ ᑳᐐᑕᒪᐎᓇᑰᒃ: ᐊᐎᔭ ᐁᑳ ᑳᐲᑎᑫᓯᒃ ᐁᐃᔑ ᐃᔥᒀᑌᒥᐗᓂᓂᒃ ᐊᓯᓃᐎᐙᑳᔮᐱᑭᓯᒋᑲᓐ ᒫᓇᒑᓂᔕᐞ ᑳᔑᐲᓱᓂᒡ, ᐸᑳᓐ ᐃᑕᔥ ᑳᐅᒋᐹᔑᑖᑕᐌᒡ, ᒦ ᐗᐊ ᑮᒨᒋᔥᑮᐎᓂᓂ ᑯᒫ ᐅᒪᑲᑗ᙮ 2ᐊᐊ ᑕᔥ ᐃᔥᒀᑌᒥᕽ ᑳᐅᒋᐲᑎᑫᒡ, ᒦ ᐗᐊ ᐅᑲᓇᐎᒫᓇᒑᓂᔑᐌ᙮ 3ᐐᓐ ᑳᐹᑭᑌᓇᒫᑯᒡ ᐃᓂ ᐅᑲᓇᐎᔥᒀᑕᐌᓐ, ᔑᑾ ᐁᔑᐯᐯᔑᑯᓂᒡ ᐁᐃᔑᓂᑳᓱᓂᒡ ᐅᑎᔑᐊᑐᒫᐞ ᐐᓐ ᑎᐱᓇᐌ ᐅᒫᓇᒑᓂᔑᒪᐞ᙮ ᐅᓅᑖᑰᐞ ᐃᑕᔥ ᑳᐃᓂᑖᑯᓯᒡ᙮ ᒦᔥ ᐃᐃ ᐁᔑᓵᑭᓯᐋᒡ᙮ 4ᐊᐲ ᑕᔥ ᓯᔮᑭᓯᐋᒡ, ᐊᓂᓃᑳᓂ ᐃᔖ᙮ ᒦᔥ ᐁᓂᐱᒥᓂᔕᐅᑯᒡ ᐅᒫᓇᒑᓂᔑᒪᐞ, ᐐᓐ ᐁᓂᓯᑐᑖᑯᒡ ᐁᓂᑖᑯᓯᒡ ᐊᐊ ᑳᑲᓇᐌᓂᒫᒡ᙮ 5ᐸᑳᓐ ᐊᐎᔭᓐ ᑳᐐᓐ ᐅᐐᐱᒥᓂᔕᐙᓯᐙᐙᓐ, ᑕᐸᓰᐗᒃ ᐃᑕᔥ, ᐋᓃᔥ ᐅᐸᑳᓂᑕᐙᐙᓐ ᐁᓂᑖᑯᓯᓂᒡ, ᑮᐃᑭᑐ᙮

6ᒦ ᐅᐌ ᐋᐌᒋᑲᓐ ᒋᓴᔅ ᑳᑮᐐᑕᒪᐙᒡ᙮ ᑳᐐᓐ ᑕᔥ ᐅᑮᓂᓯᑐᑖᑯᓰᐞ ᐌᑯᓀᓐ ᑳᑮᐐᑕᒪᐙᒡ᙮

ᑳᑾᔭᑯᑲᓇᐌᓂᒫᒡ ᒫᓇᒑᓂᔕᐞ ᐁᐃᔑᓂᑳᓂᑎᓱᒡ ᒋᓴᔅ

7ᒦᑕᔥ ᐃ ᒦᓇᐙ ᑳᐃᔑᐐᑕᒪᐙᒡ ᒋᓴᔅ᙮ ᑌᐺᐎᓂᐗᓐ ᐅᐌ ᑳᐐᑕᒪᐎᓇᑰᒃ: ᓃᓐ ᐃᐌ ᐅᑎᔥᒀᑌᒥᐙ ᒫᓇᒑᓂᔕᒃ᙮ 8ᑲᑭᓇ ᐃᑭ ᑳᑮᐱᐊᔮᐙᒡ ᒋᑆ ᐊᔮᔮᓐ, ᐅᑮᒨᒋᔥᑲᒃ, ᐅᒪᑲᑗᔥᑲᒃ ᑮᑎᓄᐎᐗᒃ᙮ ᒫᓇᒑᓂᔕᒃ ᐃᑕᔥ ᑳᐐᓐ ᐅᑮᐱᓯᑕᐙᓯᐙᐙᐞ᙮ 9ᓃᓐ ᐃᔥᒀᑌᒻ᙮ ᑮᔥᐱᓐ ᓃᓐ ᐊᐎᔭ ᐅᒋᐲᑎᑫᒡ, ᒦ ᐊᐌ ᑫᐱᒫᑎᓯᒡ᙮ ᑕᐲᑎᑫ ᒦᓇᐙ ᑕᓵᑲᐊᒻ᙮ ᐅᑲᒥᑳᓐ ᐃᑕᔥ ᑫᐅᑕᒋᑫᒡ᙮ 10ᐊᐊ ᑕᔥ ᐅᑭᒨᑎᔥᒃ, ᐊᒦ ᐁᑕ ᐅ ᐌᒋᐲᔖᒡ, ᐁᐐᑭᒨᑎᒡ, ᐁᐐᓂᔑᐌᒡ, ᐁᐐᐱᓂᔑᐗᓈᒋᐃᐌᒡ ᑲᔦ᙮ ᓃᓐ ᐃᑕᔥ ᓂᑮᐱᐊᔮ ᒋᐅᒋᐊᔮᔦᒃ ᐱᒫᑎᓯᐎᓐ, ᒋᐅᒋᐌᓅᒋᐊᔮᔦᒃ ᐃᑕᔥ ᑲᔦ᙮

11ᓃᓐ ᐊᐊ ᑳᑾᔭᑯᑲᓇᐌᓂᒫᒡ ᐅᒫᓇᒑᓂᔑᒪᐞ᙮ ᐊᐊ ᑾᔭᒃ ᑳᑲᓇᐎᒫᓇᒑᓂᔑᐌᒡ ᑳᐐᓐ ᐃᑯᑕᓄ ᐗᓂᑑᒡ ᐅᐱᒫᑎᓯᐎᓐ ᒋᐱᒫᒋᐋᒡ ᐅᒫᓇᒑᓂᔑᒪᐞ᙮ 12ᐊᐊ ᑕᔥ ᑳᒥᒋᐊᓄᑮᒡ, ᐁᑳ ᑳᑎᓄᐎᓯᒃ ᒋᐅᑲᓇᐎᒫᓇᒑᓂᔑᐌᐎᒡ, ᐁᑳ ᐐᓐ ᐁᑎᐱᓇᐌᐎᓯᓯᒃ ᐃᐃ ᒫᓇᒑᓂᔕᐞ, ᐁᐙᐸᒫᒡ ᒪᐄᑲᓇᓐ ᐁᐲᒋᐸᑑᓂᒡ, ᐊᒦ ᐁᔑᑕᐸᓰᒡ, ᐊᒦ ᐁᔑᓇᑲᒋᐸᐋᒡ ᐃᐃ ᒫᓇᒑᓂᔕᐞ᙮ ᒦᔥ ᐊᐊ ᒪᐄᑲᓐ ᐁᔑᑳᒋᑎᓈᒡ ᐃᐃ ᒫᓇᒑᓂᔕᐞ ᐁᐅᒻᐺᓂᔕᐙᒡ᙮ 13ᐊᐌ ᑳᒥᑕᓄᑮᒡ, ᒦ ᐁᔑᒫᒌᐸᐃᐌᒡ᙮ ᑳᐐᓐ ᐌᐌᓂ ᐅᓈᑲᑕᐌᓂᒫᓰᐞ, ᐋᓃᔥ ᒥᒋᐊᓄᑮ᙮ 14ᓃᓐ ᑕᔥ ᑾᔭᒃ ᑳᑲᓇᐎᒫᓇᒑᓂᔑᐌᒡ᙮ ᓂᑭᑫᓂᒫᒃ ᓂᒫᓇᒑᓂᔑᒪᒃ, ᑲᔦ ᓂᑭᑫᓂᒥᑰᒃ ᐃᑭ ᑳᐊᔮᐗᒀ, 15#Mat 11.27; Luke 10.22. ᑖᐱᔥᑰ ᑳᔑᑭᑫᓂᒥᒡ ᐊᐊ ᓂᑌᑌ, ᑲᔦ ᓃᓐ ᑕᔥ ᑳᔑᑭᑫᓂᒪᒃ ᓂᑌᑌ᙮ ᑲᔦ ᓂᑎᓀᑕᒻ ᑳᐐᓐ ᐃᑯᑕᓄ ᐗᓂᑑᔮᓐ ᓂᐱᒫᑎᓯᐎᓐ ᒋᐅᒋᐱᒫᑎᓯᐙᒡ ᓂᒫᓇᒑᓂᔑᒪᒃ᙮ 16ᐊᔮᐗᒃ ᐃᑕᔥ ᑯᑕᒃ ᒫᓇᒑᓂᔕᒃ ᑳᑎᐯᓂᒪᒀ, ᐅᐅᒫ ᑳᐊᔮᓯᒀ ᐙᑳᔮᐱᑭᓯᒋᑲᓂᕽ ᑳᔑᑲᓇᐌᓂᒥᑣ ᒫᓇᒑᓂᔕᒃ᙮ ᒦᐗᒃ ᐅᑯᐌᓂᐗᒃ ᑲᔦ ᓂᑲᐲᓈᒃ, ᓂᑲᐱᓯᑖᑰᒃ ᐁᓉᐗᒃ᙮ ᒫᒪᐤ ᐃᑕᔥ ᑕᒥᒋᐯᔑᑴᐙᓇᑭᓯᐗᒃ, ᔑᑾ ᑕᒥᒋᐯᔑᑯᐗᓐ ᐃᓂ ᑫᑲᓇᐌᓂᒥᑯᐙᒡ᙮

17ᒦ ᐅᐌ ᐌᒋᓵᑭᐃᒡ ᓂᑌᑌ, ᐋᓃᔥ ᓂᑎᓀᑕᒻ ᐁᐐᐸᑭᑎᓇᒫᓐ ᓂᐱᒫᑎᓯᐎᓐ, ᒦᓇᐙᔥ ᐁᐐᑮᐌᐱᒫᑎᓯᔮᓐ᙮ 18ᑳᐐᓐ ᐊᐎᔭ ᐅᑲᑲᔥᑭᑑᓰᓐ ᒋᐅᑖᐱᓇᒪᐎᒡ ᓂᐱᒫᑎᓯᐎᓐ᙮ ᓃᓐ ᐋᓃᔥ ᐁᐃᓀᑕᒫᓐ ᐃᑯ ᓂᐸᑭᑎᓈᓐ᙮ ᓂᑕᔮᓐ ᐃᑕᔥ ᑲᔥᑭᐁᐎᓯᐎᓐ ᒋᐸᑭᑎᓇᒫᓐ, ᔑᑾᔥ ᓂᑕᔮᓐ ᑲᔥᑭᐁᐎᓯᐎᓐ ᒦᓇᐙ ᒋᑮᐌᐱᒫᑎᓯᔮᓐ᙮ ᒦ ᐅᐌ ᑳᑮᐃᔑᑲᓅᔑᒡ ᐊᐊ ᓂᑌᑌ ᒋᑑᑕᒫᓐ, ᑮᐃᑭᑐ᙮

19ᒦ ᒦᓇᐙ ᐯᐸᑳᓐ ᑮᐊᔨᓀᓂᑎᐗᒃ ᐃᑭ ᒎᐗᒃ, ᐅᓄᐌᓂᐗᓐ ᑳᑮᐃᑭᑐᓂᒡ ᒋᓴᓲᓐ᙮ 20ᓃᐱᐗᐞ ᐃᑕᔥ ᑮᐃᑭᑐᐗᒃ: ᐅᑭᑭᔥᑲᐙᓐ ᒪᒋᐊᒑᑾᓐ, ᑮᐗᔥᑴᔦᑕᒻ!#10.20 ᐅᑭᑭᔥᑲᐙᓐ ᒪᒋᐊᒑᑾᓐ, ᑮᐗᔥᑴᔦᑕᒻ: ᐙᐸᑕᓐ 7.20᙮ ᐅᑮᐃᓈᐙᓐ᙮ ᐋᓃᔛᓐ ᐌᒋᐱᓯᑕᐌᒃ? ᑮᐃᑭᑐᐗᒃ᙮

21ᑯᑕᒃ ᐃᑕᔥ ᑲᔦ ᑮᐃᑭᑐᐗᒃ: ᑳᐐᓐ ᐃᐃ ᑖᐃᓂᑖᑯᓯᓰ ᐊᐎᔭ ᒪᒋᐊᒑᑾᓐ ᑳᐊᔮᐙᒡ! ᐋᓃᓐ ᐅᐅ ᑫᑮᐃᔑᑲᔥᑭᑑᐸᓐ ᒪᒋᐊᒑᒃ ᒋᐙᐱᐋᒡ ᐃᓂ ᑳᐙᐱᓯᓂᒃ? ᑮᐃᑭᑐᐗᒃ᙮

ᐁᑮᐋᓇᐌᓂᒫᐙᒡ ᒋᓴᓲᓐ

22ᑮᐱᐴᓐ ᐃᐌ ᐊᐲ᙮ ᑮᐐᑾᑎᐗᑲᒥᑭᓯᓈᓂᐗᓐ#10.22 ᑮᐐᑾᑎᐗᑲᒥᑭᓯᓈᓂᐗᓐ: ᒦ ᓴ ᐅᐌᓂ ᓃᔣᓱ ᑮᔑᒃ ᑳᑮᐃᔑ ᓂᑖ ᐐᑾᑎᐗᑲᒥᑭᓯᐙᒡ, ᐃᑯᒋ ᑯ ᒥᑖᓱ ᑮᐃᓇᑭᓱᓂᒡ ᑎᓭᐸᕒ December ᑮᓯᓲᓐ, ᐅᑖᓈᕽ ᐁᑮᒫᒥᑲᐎᐙᒡ ᑳᑮ ᑮᐌᐅᔑᒋᑳᑌᓂᑯᐸᓀᓐ ᑭᒋᐊᓇᒥᐁᐎᑲᒥᒃ ᑮ ᐃᔥᒀ ᓂᔑᐗᓈᒋᒋᑳᑌᓂᑯᐸᓀᓐ᙮ ᓅᑯᒻ ᐃᑕᔥ ᑳᑮᔑᑲᒃ ᒎᐗᒃ ᐅᑎᔑᑮᔗᐎᓂᐙᕽ ᐋᓇᑲ Hanukkah ᐅᑎᔑᓂᑳᑖᓈᐙ᙮ ᐃᑕᔥ ᐃᐃᒫ ᒉᕒᐆᓴᓬᐊᒥᕽ Jerusalem, ᒎᐗᒃ ᐁᒫᒥᑲᐎᓄᑕᒧᐙᒡ ᑳᑮᐅᓈᐱᑭᓯᑑᐙᑯᐸᓀᓐ ᐃᐃ ᑭᒋᐊᓇᒥᐁᐎᑲᒥᒃ ᑭᔐᒪᓂᑑᓐ ᒋᑎᐯᑕᒥᓂᒡ᙮ 23ᒋᓴᔅ ᐃᑕᔥ ᑮᐱᒧᓭ ᐃᒫ ᔂᓬᐊᒪᓐ Solomon ᐅᑕᐱᓇᐗᑭᒋᑲᓂᕽ ᐁᔑᐐᑌᒃ ᑭᒋᐊᓇᒥᐁᐎᑲᒥᑯᕽ ᑳᑮᐊᔮᓂᒃ᙮ 24ᒎᐗᒃ ᐃᑕᔥ ᑮᐱᐙᑳᑳᐸᐎᐃᑎᐗᒃ ᐃᐃᒫ ᐁᔑᐊᔮᓂᒡ ᐁᐱᑲᑴᒋᒫᐙᒡ: ᐋᓃᓐ ᒥᓂᒃ ᑫᔮᐱ ᑫᐗᐙᓀᑕᒥᐃᔮᕽ? ᑾᔭᒃ ᐐᑕᒪᐎᔑᓈᒻ! ᑌᐺ ᓇ ᑮᓐ ᐊᐊ ᑭᑖᐤ ᑭᔐᒪᓂᑑᓐ ᑳᑮᐅᓀᓂᒥᑯᒡ ᒋᐱᒫᒋᐃᐌᒡ? ᐅᑮᐃᓈᐙᓐ᙮

25ᒋᓴᔅ ᐅᑮᓇᑴᑕᐙᐞ: ᐋᔕ ᐅᔕ ᑭᑮᐐᑕᒪᐎᓂᓂᒻ᙮ ᑳᐐᓐ ᑕᔥ ᑭᑮᐐᑌᐺᑕᐎᓰᒻ᙮ ᐃᓂ ᐊᓄᑮᐎᓇᓐ ᑳᑮᑑᑕᒫᓐ ᓂᑌᑌ ᑳᑮᐃᔑᑲᓅᔑᒡ, ᐊᒦᐗᓐ ᐅᓄ ᑳᑎᐹᒋᒥᑯᔮᓐ ᐁᑌᐺᐎᓂᐎᔮᓐ᙮ 26ᑳᐐᓐ ᑕᔥ ᑭᐐᑌᐺᑕᐎᓰᒻ, ᐋᓃᔥ ᑳᐐᓐ ᑮᓇᐙ ᑭᑎᓄᐎᓰᒻ ᓂᒫᓇᒑᓂᔑᒪᒃ᙮ 27ᐃᓇᔥᑫ ᓂᒫᓇᒑᓂᔑᒪᒃ ᐅᐱᓯᑖᓈᐙ ᓂᑎᓉᐎᓐ, ᑲᔦ ᓂᑭᑫᓂᒫᒃ, ᑲᔦ ᓂᐱᒥᐐᒌᐎᑰᒃ᙮ 28ᓂᒦᓈᒃ ᐃᐌ ᐐᑳ ᑫᐃᔥᒀᓭᓯᓂᓂᒃ ᐱᒫᑎᓯᐎᓐ᙮ ᑳᐐᓐ ᐐᑳ ᑕᓂᐳᓰᐗᒃ᙮ ᑳᐐᓐ ᐊᐎᔭ ᐅᑖᑲᔥᑭᑑᓰᓐ ᒋᒪᑲᒥᒡ ᐁᑲᓇᐌᓂᒥᒪᒃ᙮ 29ᔑᑾ ᐊᐌ ᓂᑌᑌ ᑳᑮᒦᔑᒡ ᓂᒫᓇᒑᓂᔑᒪᐞ, ᒦ ᐊᐌ ᐊᐗᔑᒣ ᒣᔥᑲᐌᑖᑯᓯᒡ ᐊᐲᒡ ᐐᓐ ᑲᑭᓇ ᑫᑰᓐ, ᑲᔦ ᑳᐐᓐ ᐊᐎᔭ ᐅᑲᑲᔥᑭᑑᓰᓐ ᒋᐅᑖᐱᓇᒪᐙᒡ ᓂᑌᑌᓐ ᐁᑲᓇᐌᓂᒫᓂᒡ᙮ 30ᓃᓐ ᑲᔦ ᓂᑌᑌ ᒦ ᐁᔑᐯᔑᑴᑖᑯᓯᔮᕽ, ᑮᐃᑭᑐ᙮

31ᒎᐗᒃ ᐃᑕᔥ ᒦᓇᐙ ᐅᑮᐅᑖᐱᓈᐙᐞ ᐊᓯᓃᐞ ᐁᐐᐸᐲᒶᓯᓇᐋᐙᒡ ᐁᐐᓂᓵᐙᒡ᙮ 32ᒋᓴᔅ ᐃᑕᔥ ᐅᑮᐃᓈᐞ: ᓃᐱᐗᐞ ᒥᓄᐊᓄᑮᐎᓇᓐ ᑭᑮᐙᐸᒥᒻ ᐁᑮᐃᔑᒋᑫᔮᓐ, ᓂᑌᑌ ᑳᑮᒦᔑᒡ ᐃᓂ ᒋᑑᑕᒫᓐ᙮ ᐌᑯᓀᔥ ᐅᓄ ᐙᐅᒋᐱᒶᓯᓇᐃᔦᒃ? ᐅᑮᐃᓈᐞ᙮

33 # Lev 24.16. ᒦᔥ ᒎᐗᒃ ᐅᑮᐃᓈᐙᓐ: ᑳᐐᓐ ᐐᓐ ᒥᓄᐊᓄᑮᐎᓇᓐ ᑳᐐᐅᒋᐱᒶᓯᓇᐃᑰᔭᓐ, ᐅᑮᐃᓈᐙᓐ, ᐁᐹᐱᓄᑕᐗᒡ ᐅᔕ ᑭᔐᒪᓂᑑ ᐌᒋᑑᑖᑰᔭᓐ᙮ ᑮᓐ ᐋᓃᔥ ᐁᒥᒋ ᐃᓂᓂᓃᐎᔭᓐ, ᓃᓐ ᑭᔐᒪᓂᑑ ᑭᑎᑭᑦ, ᐅᑮᐃᓈᐙᓐ᙮

34 # Psa 82.6. ᒋᓴᔅ ᐅᑮᐃᓈᐞ: ᑳᐐᓐ ᐃᓇ ᐃᓇᑌᓯᓅᓐ ᐃᒫ ᑮᓇᐙ ᑭᑑᓇᔓᐌᐎᓂᐙᕽ,#10.34 ᑭᑑᓇᔓᐌᐎᓂᐙᕽ: ᐅᓇᔓᐌᐎᓐ ᐅᑮᐃᔑᓂᑳᑖᓈᐙ ᑲᑭᓇ ᑫᑌᒪᓯᓇᐃᑲᓂᕽ ᑳᑮᐃᔑᐲᐃᑳᑌᓂᑭᓐ, ᒣᒥᑕᑫ ᑯ ᐃᓂ ᓈᓇᓐ ᒨᓯᓲᓐ ᑳᑮᐅᔑᐲᐃᑫᓂᒡ ᒪᓯᓇᐃᑲᓇᓐ᙮ ᐙᐸᑕᓐ 5.46; 7.19᙮ ᑭᔐᒪᓂᑑ ᐁᑮᐃᑭᑐᒡ, ᑭᒪᓂᑑᐎᒻ? 35ᑳᐐᓐ ᐅᔕ ᐐᑳ ᑕᐴᓂᑌᐺᐎᓂᐗᓯᓅᓐ ᐃᐌ ᑭᒋᐅᔑᐲᐃᑫᐎᓐ᙮ ᐃᑭᐌᓂᐗᒃ ᐃᑕᔥ ᑭᔐᒪᓂᑑᓐ ᐅᑎᑭᑐᐎᓂᓂ ᑳᐅᑎᓯᑯᐙᒡ, ᑭᒪᓂᑑᐎᒻ ᑮᐃᓈᐗᒃ᙮ 36ᓃᓐ ᐊᐊ ᑳᑮᐅᓀᓂᒥᑯᒡ ᐃᓂ ᐌᑌᑌᒥᒥᓐᒡ, ᑲᔦᔥ ᐊᐊ ᐁᑮᐲᒋᓂᔕᐅᑯᒡ ᐅᐅᒫ ᐊᑮᕽ᙮ ᑭᑎᔑᒻ ᐃᓇ ᑕᔥ, ᑭᐹᐱᓄᑕᐙ ᑭᔐᒪᓂᑑ, ᐃᐃᐌ ᐁᑮᐃᑭᑐᔮᓐ, ᑭᔐᒪᓂᑑ ᐅᑯᓯᓴᓐ ᓂᑖᐤ? 37ᑮᔥᐱᓐ ᐁᑳ ᐁᑑᑕᓯᐙᓀᓐ ᐅᑕᓄᑮᐎᓇᓐ ᓂᑌᑌ ᑳᔑᐊᑕᐌᓂᒥᒡ ᒋᑑᑕᒫᓐ, ᐊᒦ ᐃᐌ ᒋᐃᔑᓈᑾᒃ ᒋᑌᐺᑕᐎᓯᐌᒃ᙮ 38ᑮᔥᐱᓐ ᑕᔥ ᑌᐺ ᐁᑑᑕᒧᐙᓀᓐ, ᐋᓇᐐᓐ ᓃᓐ ᐁᑌᐺᑕᐎᓯᐌᒃ, ᐁᓂᐌᒃ ᐃᑕᔥ ᑭᑖᑌᐺᑖᒻ ᐃᓂ ᐊᓄᑮᐎᓇᓐ ᑳᑑᑕᒫᓐ, ᒦᔥ ᒋᑫᒋᓈᐁᑕᒣᒃ ᑌᐺ ᐁᑭᑭᔥᑲᐎᒡ ᓂᑌᑌ, ᑲᔦ ᓃᓐ ᐃᑕᔥ ᐁᑭᑭᔥᑲᐗᒃ, ᑮᐃᑭᑐ᙮

39ᒦᓇᐙ ᑕᔥ ᑫᔮᐱ ᐅᑮᑲᑴᑕᑯᓂᑰᐞ; ᐅᑮᐸᓂᓂᑰᐞ ᐃᑕᔥ᙮

40 # John 1.28. ᒋᓴᔅ ᐃᑕᔥ ᒦᓇᐙ ᑮᐃᔖ ᐌᑎ ᐊᑳᒥᕽ ᒞᕒᑕᓇᐎ ᓰᐲᕽ Jordan, ᒞᓇᓐ John ᓂᑕᒻ ᐃᐃᒫ ᑳᑮᐃᔑᓰᑲᐊᑖᑫᓂᒡ᙮ ᒦ ᐃᐌᑎ ᑮᐊᔭᔮ ᒋᓴᔅ᙮ 41ᓃᐱᐗᐞ ᐃᑕᔥ ᐃᒫ ᐅᑮᐱᓈᓯᑳᑰᐞ, ᐅᐅᐌᔥ ᐁᑮᐃᑭᑐᓂᒡ: ᒞᓐ ᑳᐐᓐ ᐐᓐ ᑮᒫᒪᑳᒋᒋᑫᓰ᙮ ᑲᑭᓇ ᑕᔥ ᑫᑰᓐ ᑳᑮᐃᔑᑎᐹᒋᒫᒡ ᐅᓄ ᐃᓂᓂᐗᓐ ᑮᑌᐺ! ᑮᐃᑭᑐᐗᐞ᙮ 42ᓃᐱᐗᐞ ᐃᑕᔥ ᐃᐃᒫ ᐅᑮᐅᒋᑌᐺᔦᓂᒫᐙᓐ ᒋᓴᓲᓐ᙮

Currently Selected:

ᒞᓐ 10: OJBS

Highlight

Copy