ᒉᓂᓯᔅ 23
23
ᓭᕒᐊ ᐊᐲ ᑮᐃᔥᒀᐱᒫᑎᓯᒡ
1ᓭᕒᐊ Sarah ᓴ ᓂᑯᑣᒃ ᓃᔥᑕᓇᔑᓃᔣᓱ 127 ᐁᑕᓱ ᐱᐴᓉᒡ ᒦ ᓴ ᐃ ᑳᑮ ᐃᔥᒀ ᐱᒫᑎᓯᒡ᙮ 2ᐌᑎ ᑕᔥ ᑭᕒᐃᐊᑦ ᐊᕒᐸ Kiriath Arba, ᐄᐸᕒᐊᓐ Hebron ᑲᔦ ᐁᒋᑳᑌᒃ ᑫᓇᓐ Canaan ᐊᑮᕽ ᑮᑕᔑ ᐃᔥᒀ ᐱᒫᑎᓯ᙮ ᐁᐸᕒᐊᐋᒻ Abraham ᓴ ᑮᐃᔖ ᐌᑎ ᐁᑮ ᒪᐎᒫᒡ ᓭᕒᐊᐗᓐ᙮
3ᑮᐸᓯᑸ ᑕᔥ ᐁᑮ ᐅᒋ ᒫᒑᒡ ᐁᔑ ᐱᒥᔑᓂᓂᒡ ᐃᓂ ᐐᐗᓐ ᐁᑮ ᐃᔖᒡ ᐁᔑᐊᔮᓂᒡ ᐁᑦ Heth ᑳᑎᓄᐎᓂᒡ ᐯᒫᑎᓯᓂᒡ᙮ ᒦᔥ ᐅᐅ ᑳᐃᓈᒡ, 4#Heb 11.9,13; Act 7.16. ᓂᐲᐎᑌᐤ ᐄᑐᒃ ᐅᐅᒫ ᐁᐐᒋᑖᒥᓇᑰᒃ᙮ ᑕᑲ ᑭᑲ ᐊᑖᒥᓂᓂᒻ ᐊᑭ ᑫᔑ ᓇᐃᓇᒀ ᑫᐃᔥᒀ ᐱᒫᑎᓯᐙᒡ᙮
5ᒦᔥ ᐅᐅ ᐁᐸᕒᐊᐋᒻ ᑳᐃᑯᒡ ᐁᑦ ᑳᐃᓂᒥᓐᒡ, 6ᓂᑑᑭᒫᒻ, ᑭᓃᑳᓀᑖᑯᔅ ᐄᑐᒃ ᐅᐅᒫ ᐊᑮᕽ᙮ ᐱᓵᓐ ᐃᓴ ᑰᓈᐸᑕᓐ ᒫᐗᒡ ᐌᓂᔑᔑᑭᓐ ᓇᐃᓂᑏᐎᑲᒥᑰᓐ ᑫᔑ ᓇᐃᔑᒪᑣ ᓀᐳᐙᒡ᙮ ᑳᐐᓐ ᓴ ᐊᐎᔭ ᑳᑕᔑᔮᕽ ᑭᑖ ᐊᓉᑖᑰᓰ ᑳᔑ ᓇᐊᓴᑭᑣ ᓀᐳᐙᒡ, ᐐ ᐃᔑ ᓇᐊᓴᒡ ᑳᑮ ᐃᔥᒀ ᐱᒫᑎᓯᒡ ᑭᐐᐤ᙮
7ᒦᔥ ᐁᐸᕒᐊᐋᒻ ᑳᐃᔑ ᐊᓂᒥᑯᑖᒡ ᐁᓈᓴᒦᓂᒡ ᐁᑦ ᑳᑎᓄᐎᓂᒡ ᐃᐃᒫ ᐅᑕᑮᒥᓂᕽ᙮ 8ᒦᔥ ᐅᐅ ᑳᐃᓈᒡ, ᑮᔥᐱᓐ ᓴ ᐃᓀᑕᒣᒃ ᐱᓵᓐ ᒋᓇᐃᔑᒪᒃ ᑳᑮ ᐃᔥᒀ ᐱᒫᑎᓯᒡ, ᑕᑲ ᓴ ᑲᓅᑕᒪᐎᔑᒃ ᒋᐊᐎ ᑲᓅᓀᒃ ᐊᐊ ᐄᐸᕒᐊᓐ Ephron ᐌᑌᑌᒡ ᓲᐋᕒ Zohar ᐁᓂᒥᓐᒡ, 9ᐁᐊᑕᐌᑕᒫᓐ ᒋᐊᑖᒪᒃ ᐃᐃ ᑳᑎᐯᑕᕽ ᐲᑖᐱᒃ ᒫᒃᐱᓬᐊ Machpelah ᐁᔑᓂᑳᑌᒃ ᐁᔮᓂᒃ ᐌᑎ ᐐᑴᔭᐄ ᒥᔕᐗᑲᒥᒃ᙮ ᑲᑴᒋᒥᒃ ᒥᓂᒃ ᐃᑯ ᐁᓇᑭᑕᕽ ᐁᐐ ᒥᓯᐌ ᑎᐸᐊᒪᐗᒃ ᐁᓈᓴᒦᐌᒃ᙮ ᓃᓐ ᐃᑕᔥ ᐁᐐ ᑎᐱᓇᐌᐎᓯᔮᓐ ᐃᐃ ᓇᐃᓂᑏᐎᑲᒥᒃ᙮
10ᐊᐊ ᓴ ᐄᐸᕒᐊᓐ ᐅᑮ ᐐᑕᐱᒫᐞ ᐃᐃ ᑯᑕᒃ ᐁᑦ ᑳᑎᓄᐎᓂᒡ ᐌᑎ ᐆᑌᓈᕽ ᐁᐅᓈᑯᓂᑫᐙᒡ᙮ ᒦᔥ ᐅᐅ ᑳᔑ ᓇᑴᑕᕽ ᐁᐸᕒᐊᐋᒪᓐ ᒋᓅᑖᑯᒡ ᑲᑭᓇ ᐁᑦ ᑳᑎᓄᐎᓂᒡ ᐃᐃᒫ ᐁᔮᓂᒡ᙮ ᒦᔥ ᐅᐅ ᑳᐃᑭᑐᒡ: 11ᓂᑑᑭᒫᒻ, ᑭᑲ ᒦᓂᓐ ᓴ ᑲᑭᓇ ᐃᐃ ᒥᔕᐗᑲᒥᒃ ᐃᐃ ᑲᔦ ᐲᑖᐱᒃ᙮ ᒦ ᓴ ᐱᑯ ᐃ ᐁᒦᓂᓈᓐ ᐁᓈᓴᒦᐙᒡ ᐅᑯ ᑲᑭᓇ ᓂᐱᒫᑎᓰᒪᒃ᙮ ᑭᒦᓂᓐ ᒋᑎᐱᓇᐌᐎᓯᔭᓐ ᑫᔑ ᓇᐃᓇᑣ ᑭᓂᐴᒪᒃ᙮
12ᒦᑕᔥ ᒦᓇᐙ ᐁᐸᕒᐊᐋᒻ ᑳᐃᔑ ᐊᓂᒥᑯᑖᒡ ᐁᓈᓴᒦᓂᒡ ᐃᐃ ᐁᑦ ᑳᑎᓄᐎᓂᒡ᙮ 13ᒦᔥ ᐅᐅ ᑳᐃᓈᒡ ᐄᐸᕒᐊᓅᓐ ᑲᑭᓇ ᐃᐃᒫ ᐁᔮᓂᒡ ᒋᓅᑖᑯᒡ, ᑕᑲ ᐱᓯᑕᐎᔑᒃ᙮ ᓂᑲ ᒥᓯᐌ ᑎᐸᐋᓐ ᐃᓴ ᐁᓇᑭᑌᒃ ᐃᐃ ᒥᔕᐗᑲᒥᒃ᙮ ᐅᑖᐱᓇᓐ ᐅᐅ ᓂᑎᐸᐃᑫᐎᓐ ᐱᓵᓐ ᐃᑕᔥ ᐗᐊ ᒋᓇᐃᔑᒪᒃ ᑳᑮ ᐃᔥᒀ ᐱᒫᑎᓯᒡ᙮
14ᐄᐸᕒᐊᓐ ᓴ ᑕᔥ ᐅᑮᐃᓈᓐ ᐁᐸᕒᐊᐋᒪᓐ, 15ᓂᑑᑭᒫᒻ, ᐱᓯᑕᐎᔑᓐ, ᓃᐙᒃ 400 ᒥᓂᒃ ᐙᐹᐱᑯ ᔔᓂᔮᒃ ᓴ ᐊᐲᑌᑖᑾᓐ ᐃᐃ ᒥᔕᐗᑲᒥᒃ᙮ ᑳᐐᓐ ᒫᐐᓐ ᑫᑰᓐ ᑭᑖ ᐃᓀᑕᓰᒥᓐ᙮ ᐱᓵᓐ ᓇᐃᔑᒻ ᑳᑮ ᐃᔥᒀ ᐱᒫᑎᓯᒡ᙮ 16ᐁᐸᕒᐊᐋᒻ ᓴ ᑮᐃᓀᑕᒻ, ᒦᔥ ᑳᐃᔑ ᑎᐸᐊᒪᐙᒡ ᐃᓂ ᐄᐸᕒᐊᓅᓐ ᑳᑮ ᐃᔑ ᐐᑕᒫᑯᒡ ᒥᓂᒃ ᑳᐃᓇᑭᑌᓂᒃ᙮ ᐁᑦ ᑳᑎᓄᐎᐙᒡ ᐄᑐᒃ ᑮᓅᑕᒧᒃ ᒥᓂᒃ ᑳᐃᓇᑭᑌᓂᒃ᙮ ᓃᐙᒃ 400 ᒥᓂᒃ ᐙᐹᐱᑯ ᔔᓂᔮᓐ ᒥᓂᒃ ᓴ ᑮᐃᔑ ᑎᐸᐃᑫ᙮ ᒦ ᓴ ᐃᐌ ᓇᑫ ᐊᑖᐌᐎᑭᒫᒃ ᑳᐋᐸᒋᑑᐙᒡ ᐃᐃ ᑎᓄ ᑎᐸᐃᑫᐎᓐ᙮
17ᒦ ᓴ ᑕᔥ ᐅᐅ ᓇᑫ ᐁᐸᕒᐊᐋᒻ ᑳᑮ ᐊᓂ ᐅᒋ ᑎᐯᑕᕽ ᐃᐃ ᐊᑮᓂ ᐙᐸᓄᕽ ᐃᓇᑫ ᐁᔮᓂᒃ ᒪᒻᕒᐃ, ᒌᑲᔭᐄ ᐃᓇᑫ ᑳᔑ ᐊᔮᒃ ᒫᒃᐱᓬᐊ Machpelah ᐁᔑᓂᑳᑌᓂᒃ᙮ ᑲᔦ ᓴ ᒥᔕᐗᑲᒥᒃ, ᐃᐃ ᑲᔦ ᐲᑖᐱᒃ ᑮᑕᑯ ᒦᓈᑲᓂᐎ, ᐃᐃ ᑲᔦ ᑲᑭᓇ ᒥᑎᑰᐞ ᑳᑮ ᐸᑕᑭᓱᓂᒡ ᐃᐃᒫ ᐙᑳᔭᐄ᙮ ᒦ ᓴ ᐅᐌᓂ ᐄᐸᕒᐊᓐ Ephron ᑳᑮ ᑎᐯᑕᑭᐸᓐ ᐊᑮᓂ᙮ 18ᒦ ᓴ ᑕᔥ ᑳᑮ ᐃᓇᑭᑕᒥᓂᒡ ᑲᑭᓇ ᐁᑦ ᑳᑎᓄᐎᓂᒡ ᐌᓈᑯᓂᑫᓂᒡ ᐄᓴᓐ ᐁᐸᕒᐊᐋᒻ ᐁᑎᐱᓇᐌᐎᓯᒡ ᐃᐃ ᐊᑮᓂ᙮
19ᒦᑕᔥ ᐁᐸᕒᐊᐋᒻ ᑳᑮ ᐃᔑ ᓇᐃᓈᒡ ᐐᐗᓐ ᓭᕒᐊᐗᓐ Sarah ᐃᐃᒫ ᐲᑖᐱᒃ ᑫᓇᓐ Canaan ᐊᑮᕽ᙮ 20ᐃᐃ ᓴ ᒥᔕᐗᑲᒥᒃ ᑌᐯᑕᒥᓂᐸᓐ ᐃᐃ ᐁᑦ ᑳᑎᓄᐎᓂᒡ, ᐃᐃ ᑲᔦ ᐲᑖᐱᒃ᙮ ᒦᑕᔥ ᐁᐸᕒᐊᐋᒻ ᑮᑎᐱᓇᐌᐎᓯᒡ ᐃᐃ ᐲᑖᐱᒃ ᐁᐐ ᐃᓈᐸᒋᑑᒡ ᓇᐃᓂᑏᐎᑲᒥᒃ᙮
Currently Selected:
ᒉᓂᓯᔅ 23: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
