ᒉᓂᓯᔅ 14
14
ᐁᐸᕒᐊᒻ ᑮᓈᑕᒪᐙᒡ ᓬᐋᑕᓐ
1ᐃᐃ ᑕᔥ ᐊᐲ ᐅᑯ ᑭᒋᐅᑭᒫᒃ ᐊᒻᕒᐊᐯᓬ Amraphel ᑭᒋᐅᑭᒫ ᐹᐱᓬᐊᓐ Babylon ᐊᑮᕽ ᐌᒌᒡ, ᐊᕒᐃᔮᒃ Arioch ᑭᒋᐅᑭᒫ ᐌᒌᒡ ᐁᓬᐁᓵᕒ Ellasar ᐊᑮᕽ, ᑮᑕᕒᓬᐁᐅᒪᕒ Chedorlaomer ᑭᒋᐅᑭᒫ ᐌᒌᒡ ᐄᓬᐊᒻ Elam ᐊᑮᕽ, ᐊᐊ ᑲᔦ ᑖᐃᑕᓬ Tidal ᑭᒋᐅᑭᒫ ᐌᒌᒡ ᑯᐃᒻ Goiim 2ᑮᐃᔖᐗᒃ ᐁᐊᑕ ᒦᑳᓈᐙᒡ ᐅᐅ ᑭᒋᐅᑭᒫᐞ ᐲᕒᐊ Bera ᑭᒋᐅᑭᒫᓐ ᔂᑕᒻ Sodom ᐆᑌᓈᕽ ᐌᒌᓂᒡ, ᐱᕒᔕ Birsha ᑭᒋᐅᑭᒫᓐ ᐌᒌᓂᒡ ᑲᒸᕒᐊ Gomorrah ᐆᑌᓈᕽ, ᔖᐃᓇᑉ Shinab ᑭᒋᐅᑭᒫᓐ ᐋᑦᒪ Admah ᐆᑌᓈᕽ ᐌᒌᓂᒡ, ᔐᒦᐸᕒ Shemeber ᑭᒋᐅᑭᒫᓐ ᓰᐴᐃᒻ Zeboiim ᐆᑌᓈᕽ ᐌᒌᓂᒡ, ᑭᒋᐅᑭᒫᓐ ᑲᔦ ᐲᓬᐊ Bela ᐆᑌᓈᕽ ᐌᒌᓂᒡ, ᒦ ᐃᐌ ᔂᕒ Zoar ᑳᐃᒋᑳᑌᓂᒃ᙮ 3ᐅᑯ ᑕᔥ ᓈᓇᓐ ᑭᒋᐅᑭᒫᒃ ᑮᒫᒪᐎᓂᑎᐗᒃ ᐁᑮ ᐐᒌᑎᐙᒡ ᐃᐃᒫ ᐁᔑ ᐸᓴᑎᓈᓂᒃ ᓯᑕᒻ Siddim ᐁᔑᓂᑳᑌᓂᒃ, ᒦ ᓴ ᐃ ᔒᐎᑖᑲᓂᐎ ᓵᑲᐃᑲᓃᕽ᙮ 4ᒥᑖᔑᓃᔓᐱᐴᓐ 12 ᓴ ᐅᑮ ᑌᑕᑯ ᑎᐯᓂᒥᑯᐙᓐ ᐃᓂ ᑭᒋᐅᑭᒫᓐ ᑮᑕᕒᓬᐁᐅᒪᕒ ᑳᐃᔑᓂᑳᓱᓂᒡ᙮ ᒥᑖᔑᓂᓱᐱᐴᓐ 13 ᑕᔥ ᐁᐃᔑᓭᓂᒃ ᒦ ᐃ ᑳᑮ ᒫᒌ ᒦᑳᓈᐙᒡ᙮ 5ᒥᑖᔑᓃᐎᐱᐴᓐ ᑕᔥ ᐁᐃᔑᓭᓂᒃ, ᑭᒋᐅᑭᒫ ᑮᑕᕒᓬᐁᐅᒪᕒ ᑮᐲᔖ ᐁᑮ ᐱ ᐐᒌᐙᒡ ᑳᑮ ᐐᒌᐎᑯᒡ ᐁᑮ ᔖᑰᒋᐋᐙᒡ ᐅᕒᐁᐸᐃᒻ Rephaites ᑳᑎᓄᐎᓂᒡ ᐃᐃᒫ ᐋᔥᑕᕒᐊᑦ ᑳᕒᓀᐃᒥᕽ Ashteroth Karnaim ᑳᐊᔮᓂᒡ, ᑲᔦ ᓲᓯᒻ Zuzim ᑳᑎᓄᐎᓂᒡ ᐃᐃᒫ ᐁᒥᕽ Ham ᑳᐊᔮᓂᒡ, ᑲᔦ ᐁᒥᒻ Emim ᑳᑎᓄᐎᓂᒡ ᔐᐸ ᑫᕒᔭᑌᐃᒥᕽ Shaveh Kiriathaim ᑳᐊᔮᓂᒡ, 6ᐃᐃ ᑲᔦ ᑯᕒᐄ Horites ᑎᓄᐎᔭᐋᒃ ᐃᒫ ᑳᑮ ᐊᔮᓂᒡ ᐄᑕᒻ Edom ᐁᔑ ᐸᐲᑾᑎᓈᓂᒃ ᐁᑮ ᐊᑯᓂᔕᐙᐙᒡ ᐌᑎ ᐁᓬ ᐯᕒᐋᓐ El Paran ᑳᐱ ᐊᑯᓯᕽ ᐃᐃ ᐱᑾᑕᑲᒥᒃ᙮ 7ᑮᐱ ᐊᔐ ᑮᐌᐗᒃ ᐃᑕᔥ ᐁᑮ ᐃᔖᐙᒡ ᐁᓐ ᒥᔥᐸᑦ En Mishpat ᒦ ᐃᐌ ᑫᑌᔥ Kadesh ᑳᐃᒋᑳᑌᓂᒃ᙮ ᒥᓯᐌ ᐃᐃᒫ ᓇᑫ ᐊᑮᕽ ᑮᔖᑰᒋᑣᐗᒃ, ᐁᑮ ᔖᑰᒋᐋᐙᒡ ᐊᒪᓬᐁᑮ Amalekites ᑳᑎᓄᐎᓂᒡ, ᐃᐃ ᑲᔦ ᐁᒧᕒᐄ Amorites ᑳᑎᓄᐎᓂᒡ ᑳᑮ ᐃᔑᑖᓂᒡ ᐃᐃᒫ ᐁᓰᓱᓐ ᑌᒫᕒ Hazezon Tamar᙮
8ᐅᑯ ᑕᔥ ᑭᒋᐅᑭᒫᒃ, ᔂᑕᒻ Sodom ᐅᒋ ᐆᑌᓈᕽ, ᑲᔦ ᑲᒸᕒᐊ Gomorrah ᐆᑌᓈᕽ, ᐋᑦᒪ Admah ᐆᑌᓈᕽ ᑲᔦ ᐌᒌᒡ, ᓰᐴᐃᒻ ᐆᑌᓈᕽ ᑲᔦ, ᐲᓬᐊ Bela ᑲᔦ ᐆᑌᓈᕽ ᐌᒌᒡ, ᒦ ᐃᐌ ᔂᕒ ᑳᐃᒋᑳᑌᒃ, ᐅᑮ ᐲᓈᐙᐞ ᐅᔑᒫᑲᓂᔒᒥᐙᐞ ᐃᐃᒫ ᑳᔑ ᐸᓴᑎᓈᓂᒃ ᓯᑕᒻ Siddim ᐁᔑᓂᑳᑌᓂᒃ, ᐁᐐ ᒦᑳᓈᐙᒡ 9ᐅᐅ ᑭᒋᐅᑭᒫᐞ ᑮᑕᕒᓬᐁᐅᒪᕒᐗᓐ Chedorlaomer ᑳᑭᒋᐅᑭᒫᐎᓂᒡ ᐄᓬᐊᒻ Elam ᐊᑮᕽ, ᐃᐃ ᑲᔦ ᑖᐃᑕᓬᐗᓐ Tidal ᑭᒋᐅᑭᒫᓐ ᐌᒌᓂᒡ ᑯᐃᒻ Goiim, ᐊᒻᕒᐊᐯᓬᐆᓐ Amraphel ᑭᒋᐅᑭᒫᓐ ᐹᐱᓬᐊᓐ Babylon ᐊᑮᕽ ᐌᒌᓂᒡ, ᐊᕒᐃᔮᒃ Arioch ᑲᔦ ᑭᒋᐅᑭᒫᓐ ᐌᒌᓂᒡ ᐁᓬᐁᓵᕒ Ellasar ᐊᑮᕽ, ᓃᐌᐙᓐ ᒋᒦᑳᓈᐙᒡ ᓈᓉᐙᓐ᙮ 10ᐃᐃᒫ ᑕᔥ ᓯᑕᒻ Siddim ᐸᓴᑎᓈᕽ ᐐᑫ ᑮᐹᑏᓇᑎᓅᓐ ᐙᓂᑳᓇᓐ ᑳᑮ ᐅᑎᓂᒥᓐᒡ ᐸᓴᑯᒌ ᒪᑲᑌ ᐱᑮᑳᓇᓐ᙮ ᑭᒋᐅᑭᒫᒃ ᑕᔥ ᐆᑌᓇᐗᓐ ᔂᑕᒻ, ᑲᒸᕒᐊ ᑳᑮ ᐅᒌᐙᒡ, ᐁᒫᒌᐸᐃᐌᐙᒡ ᑮᐲᒋᓭᐗᒃ ᐙᓂᑳᓂᕽ᙮ ᑯᑕᒃ ᐃᑕᔥ ᐐᓐ ᑳᑮ ᔖᐾᐙᒡ ᑮᐊᐸᐃᐌᐗᒃ ᐁᔑ ᐸᐲᑾᑎᓈᓂᒃ᙮ 11ᐃᑭ ᑕᔥ ᓃᐎᓐ ᑭᒋᐅᑭᒫᒃ ᐅᑮ ᐅᑖᐱᓈᓈᐙᓐ ᑲᑭᓇ ᑫᑰᓇᓐ ᑳᑮ ᐊᔮᓂᑭᓐ ᐆᑌᓈᕽ ᔂᑕᒻ, ᑲᒸᕒᐊ ᑲᔦ, ᑲᑭᓇ ᑲᔦ ᒦᒋᒻ ᑮᒪᑲᑗᐗᒃ᙮ ᒦᑕᔥ ᑳᐊᓂᔑ ᒫᒑᐙᒡ᙮ 12ᐅᑮ ᒫᒌᓈᐙᓐ ᑕᔥ ᑲᔦ ᓬᐋᑕᓐ Lot, ᐁᐸᕒᐊᒪᓐ Abram ᐅᑑᔑᒥᓂ, ᑲᑭᓇ ᑲᔦ ᑫᑰᓐ ᑳᑮ ᐊᔮᓂᒡ᙮ ᔂᑕᒻ ᐆᑌᓈᕽ ᐄᑐᒃ ᑮᐃᔑᑖᐗᓐ᙮
13ᐯᔑᒃ ᑕᔥ ᐊᐎᔭᓐ ᑳᑮ ᔖᐾᓂᒡ ᑮᐱ ᑕᑯᔑᓅᓐ ᐁᑮ ᐱ ᐐᑕᒪᐎᓐᒡ ᐁᐸᕒᐊᒻ ᐄᐸᕒᐆ Hebrew#14.13 ᐄᐸᕒᐆ Hebrew: ᒦᐯᔑᑾᓐ ᐊᐊ ᑎᓄ ᐃᓂᓂ ᒎ ᑳᐃᓂᓐᒡ᙮ ᓂᑯᑎᕽ ᑲᔦ ᐃᔅᕒᐃᔭᓬ ᐊᐎᔭ ᐃᔑᓂᑳᒋᑲᓂᐎ ᐄᐸᕒᐆ᙮ ᑳᑮ ᑎᓄᐎᒡ᙮ ᐁᐸᕒᐊᒻ ᑕᔥ ᑮᐊᔨᑖ ᐃᐃᒫ ᐯᔓ ᐁᔑᐊᔮᓂᒡ ᒥᑎᑰᐞ ᑫᑌᑖᑯᓯᓂᒡ ᑳᑮ ᐃᔑ ᑎᐯᑕᒥᓂᒡ ᒪᒻᕒᐃ Mamre ᐁᔑᓂᑳᓱᓂᒡ ᐁᒧᕒᐄ Amorite ᑳᑎᓄᐎᓂᒡ᙮ ᐁᐸᕒᐊᒻ ᑕᔥ ᐅᑮ ᐐᒋᐃᑰᓐ ᒪᒻᕒᐃᐗᓐ, ᐃᓂ ᑲᔦ ᐐᒋᑭᐌᓂ ᐁᔥᑯᓬ Eshcol, ᐁᓇᕒ Aner ᐁᐃᔑᓂᑳᓱᓂᒡ᙮ 14ᐊᐲ ᑕᔥ ᐁᐸᕒᐊᒻ ᐁᓅᑕᕽ ᐅᑎᓇᐌᒫᑲᓇᓐ ᐁᑮ ᒪᑗ ᒫᒌᓂᒥᓐᒡ, ᐅᑮ ᑲᓅᓈᐞ ᓃᔣᒃ ᒥᑖᔑᓂᔣᓱ 318 ᐅᑎᓂᓃᒪᐞ ᑳᑮ ᓇᑲᒌᓂᒡ ᐅᑖᐎᓂᕽ ᑳᑮ ᑕᔑ ᓂᑖᐎᑭᓂᒡ᙮ ᒦᑕᔥ ᑳᑮ ᐃᔑ ᒫᒋᓂᔕᐃᑫᒡ ᐲᓂᔥ ᐌᑎ ᐙᓴ ᑌᓐ Dan ᐊᑭ ᐁᒋᑳᑌᓂᒃ᙮ 15ᐅᑮ ᓀᓈᐎᓈᐞ ᐃᑕᔥ ᐅᑎᓂᓃᒪᐞ, ᐁᑎᐱᑲᓂᓂᒃ ᑕᔥ ᐐᓐ ᐃᑯ ᐅᑎᓂᓃᒪᐞ ᑲᔦ, ᑮᐅᑎᑎᓂᐌᐗᒃ ᐁᑮ ᒦᑳᓱᐙᒡ, ᐁᑮ ᔖᑰᒋᑣᒡ᙮ ᐌᑎ ᑕᔥ ᐙᓴ ᐁᔮᐎᓂᕽ ᐅᐸ Hobah ᐁᒋᑳᑌᓂᒃ ᑮᐌᑎᓄᕽ ᐃᓇᑫ ᑎᒫᔅᑲᔅ Damascus ᐆᑌᓈᕽ ᑮᐃᓈᒧᑮᐗᒃ ᐃᐃ ᑳᑮ ᒦᑳᓈᐙᒡ᙮ 16ᑲᑭᓇ ᑕᔥ ᑫᑰᓇᓐ ᑮᑮᐌ ᒪᑲᑗ ᑳᑮ ᐅᑖᐱᓂᑳᑌᓂᑯᐸᓀᓐ ᐁᑮ ᐱᑮᐌᐎᑑᒡ᙮ ᐅᑮ ᐱᑮᐌᐎᓈᓐ ᑲᔦ ᐅᑎᓇᐌᒫᑲᓇᓐ ᓬᐋᑕᓐ Lot, ᑲᑭᓇ ᑲᔦ ᐅᑕᔭᐄᒥᓂ, ᑲᑭᓇ ᑲᔦ ᐃᑴᐗᐞ, ᐯᒫᑎᓯᓂᒡ ᑲᔦ ᑳᑮ ᒫᒌᒋᑲᓂᐎᓂᑯᐸᓀᓐ᙮
ᒣᓬᑭᓯᑌᑰᓐ ᑮᐃᑯᒡ ᐁᐸᕒᐊᒻ ᑭᔐᒪᓂᑑᓐ ᒋᒥᓄᓭᐃᑯᒡ
17ᐊᐲ ᑕᔥ ᐁᐸᕒᐊᒻ Abram ᑳᐱ ᑕᑯᔑᕽ ᑮᐃᔥᒀ ᔖᑰᒋᐋᒡ ᑮᑕᕒᓬᐁᐅᒪᕒᐗᓐ Chedorlaomer, ᐃᐃ ᑲᔦ ᑭᒋᐅᑭᒫᐞ ᑳᑮ ᐐᒌᐎᑯᓂᒡ, ᑭᒋᐅᑭᒫᓐ ᐆᑌᓈᕽ ᔂᑕᒻ Sodom ᐌᒌᓂᒡ ᐅᑮ ᐱ ᐊᑕ ᓇᑭᔥᑳᑰᓐ ᐃᐃᒫ ᐸᓴᑎᓈᕽ ᔐᐸ Shaveh, ᒦ ᓴ ᐃᐌ ᑭᒋᐅᑭᒫ ᐅᑑᐸᓴᑎᓈᒻ ᑳᐃᒋᑳᑌᓂᒃ᙮ 18#Heb 7.1-10. ᑭᒋᐅᑭᒫᓐ ᑕᔥ ᒣᓬᑭᓯᑌᒃ Melchizedek ᐁᔑᓂᑳᓱᓂᒡ ᐌᒌᓂᒡ ᐆᑌᓈᕽ ᓭᓬᐊᒻ Salem ᐅᑮ ᐲᑕᒫᑰᓐ ᐸᑴᔑᑲᓇᓐ, ᔔᒥᓈᐴᓂ ᑲᔦ᙮ ᑮᑭᒋ ᐊᓇᒥᐁᐎᑭᒫᐎᐗᓐ ᐁᐊᓄᑮᑕᐙᓂᒡ ᑭᔐᒪᓂᑑᓐ ᒫᐗᒡ ᐁᔥᐯᑖᑯᓯᓂᒡ᙮ 19ᐅᑮᐃᑰᓐ ᑕᔥ ᒋᒥᓄᓭᒡ,
ᑕᑲ ᑮᓐ ᐁᐸᕒᐊᒻ ᑭᑭᔐᒪᓂᑑᒻ ᒫᐗᒡ ᐁᔥᐯᑖᑯᓯᒡ
ᑳᐅᔑᑑᒡ ᑮᔑᒃ, ᐊᑭ ᑲᔦ, ᑭᑲ ᒥᓄᓭᐃᒃ!
20ᑕᒦᑴᒋᐌᑖᑯᓯ ᑭᔐᒪᓂᑑ ᒫᐗᒡ ᐁᔥᐯᑖᑯᓯᒡ,
ᐐᓐ ᐄᑐᒃ ᑳᒦᓂᒃ ᒋᔖᑰᒋᐃᒪᒡ ᑳᔒᑫᓂᒥᒀ, ᐅᑮᐃᑰᓐ᙮ ᐁᐸᕒᐊᒻ ᑕᔥ ᐅᑮ ᒦᓈᓐ ᐯᔑᒃ ᒥᑖᓱ#14.20 ᐯᔑᒃ ᒥᑖᓱ: ᒦ ᓴ ᐃᐌ ᑳᐃᒋᑳᑌᒃ ᐊᐎᔭ ᑳᒦᑭᐌᒡ ᐯᔑᒃ ᑫᑰᓐ ᐁᑕᓱ ᒥᑖᓱ ᑫᑰᓐ ᑮᐊᔮᒡ᙮ ᑫᑰᓐ ᑳᑮ ᐊᔮᒡ᙮
21ᑭᒋᐅᑭᒫᓐ ᑕᔥ ᔂᑕᒻ Sodom ᐌᒌᓂᒡ ᐁᐸᕒᐊᒻ ᐅᑮᐃᑰᓐ, ᒦᔑᔑᓐ ᐃᑯ ᐯᒫᑎᓯᐙᒡ, ᑲᓇᐌᑕᓐ ᐃᑕᔥ ᐐᓐ ᐃᓂ ᑫᑰᓇᓐ, ᐅᑮᐃᑰᓐ᙮
22ᐁᐸᕒᐊᒻ ᑕᔥ ᐅᐅ ᐅᑮᐃᓈᓐ ᐃᓂ ᑭᒋᐅᑭᒫᓐ, ᓂᑮ ᐊᔩᒋ ᐊᔓᑕᒪᐙ ᐅᔕ ᑭᔐᒪᓂᑑ ᒫᐗᒡ ᐁᔥᐯᑖᑯᓯᒡ, ᑳᐅᔑᑑᒡ ᑮᔑᒃ, ᐊᑭ ᑲᔦ, 23ᒋᐅᑖᐱᓈᓯᐗᒃ ᑲᔥᑭᒀᒋᑲᓀᔮᑉ, ᑯᒫ ᑲᔦ ᒪᑭᓯᓀᔮᑉ, ᑫᑰᓐ ᓴ ᑯ ᑮᓐ ᑌᐯᑕᒪᓐ, ᑳᐐᓐ ᑕᔥ ᑭᑲ ᑲᔥᑭᑑᓰᓐ ᒌᑭᑐᔭᓐ, ᓃᓐ ᐅᔕ ᓂᑮ ᐌᓅᑎᓰᐋ ᐁᐸᕒᐊᒻ᙮ 24ᑳᐐᓐ ᓃᓐ ᑫᑰᓐ ᓂᐐ ᐅᑖᐱᓇᓰᓐ, ᒦᐁᑕᑯ ᓂᑎᓂᓃᒪᒃ ᑳᑮ ᒦᒋᐙᒡ, ᐃᐃ ᑲᔦ ᑳᑮ ᒫᒪᐎᒋᑫᐙᒡ ᑳᑮ ᐐᒌᐎᐙᒡ᙮ ᒫᓄ ᐁᓇᕒ Aner, ᐁᔥᑯᓬ Eshcol, ᐊᐊ ᑲᔦ ᒪᒻᕒᐃ Mamre ᑕᐅᑖᐱᓇᒫᓱᐗᒃ ᑳᑮ ᐃᔑ ᐐᑑᑳᓱᐙᒡ᙮
Currently Selected:
ᒉᓂᓯᔅ 14: OJBS
Highlight
Share
Copy
Want to have your highlights saved across all your devices? Sign up or sign in
Ojibwe Shorter Bible (Syllabic Script) © 2008 Canadian Bible Society
