ᐃᔑᒋᑫᐎᓇᓐ 7

ᐃᔅᑏᐱᓐ ᑳᑮᐃᔑᑲᑭᑐᒡ

1ᑭᒋᐊᓇᒥᐁᐎᑭᒫᓐ ᑕᔥ ᐅᑮ ᑲᑴᒋᒥᑰᓐ: ᑌᐺᐗᒃ ᐃᓇ ᐃ ᑳᐃᓂᒀ? ᐅᑮᐃᑰᓐ᙮

2 # Gen 12.1. ᒦᔥ ᐃᔅᑏᐱᓐ Stephen ᑳᐃᑭᑐᒡ: ᓂᑎᓇᐌᒫᑲᓇᒃ, ᑫᒋᐊᔭᐋᐎᔦᒃ ᑲᔦ! ᑭᔐᒪᓂᑑ ᑫᒋ ᐃᓀᑖᑯᓯᒡ ᐅᑮᓈᑯᓰᑕᐙᓐ ᑭᑫᑌᔭᐋᒥᓈᐸᓃᓐ ᐁᐸᕒᐊᐋᒪᓐ Abraham ᒣᒀ ᒣᓱᐳᑌᒥᔭᑮᕽ Mesopotamia ᑮᐊᔮᓂᒡ, ᒋᑆ ᐃᔑᑖᓂᒡ ᐆᑌᓈᕽ ᐁᕒᐊᓂᕽ Haran᙮ 3ᒦᔥ ᐅᐅ ᑳᐃᓈᑯᐸᓀᓐ: ᓇᑲᑕᓐ ᐃᐃ ᑭᑕᑮᒻ, ᓇᑲᔥ ᑲᔦ ᑭᑎᓇᐌᒫᑲᓇᒃ ᒋᐃᔖᔭᓐ ᐌᑎ ᐊᑮᕽ ᑳᐐᐙᐸᑕᐃᓈᓐ᙮ 4#Gen 11.31; 12.4. ᒦᑕᔥ ᐃᐃ ᑌᐺ ᑳᑮᓇᑲᑕᕽ ᑳᓬᑎᔭ Chaldea ᐊᑮᓂ ᐁᑮᐊᐎ ᐃᔑ ᑲᐯᔑᒡ ᐌᑎ ᐁᕒᐊᓂᕽ Haran᙮ ᐊᐲ ᑕᔥ ᐁᐸᕒᐊᐋᒻ ᐅᑌᑌᓐ ᑳᓂᐳᓂᒡ, ᑭᔐᒪᓂᑑᓐ ᐅᑮ ᐲᒋᑯᓰᐃᑰᓐ ᐅᐅᒫ ᐊᑮᕽ, ᑮᓇᐙ ᓅᑯᒻ ᑳᑖᓄᑕᒣᒃ᙮ 5#Gen 12.7; 13.15; 15.18; 17.8. ᑳᐐᓐ ᑕᔥ ᑫᑰᓐ ᐅᑮᒦᓂᑯᓰᓐ ᒋᑎᐱᓇᐌᐎᓯᒡ, ᑳᐐᓐ ᐃᑯ ᑲᓇᑫ ᐁᓂ ᑯᑯᓯᑌᒡ ᒋᑕᑯᑳᑕᕽ ᐅᑮᐃᔑ ᒦᓂᑯᓰᓐ᙮ ᐅᑮᐊᔓᑕᒫᑰᓐ ᐃᑕᔥ ᐁᐐᒦᓂᑯᒡ ᒋᑎᐱᓇᐌᐎᓯᒡ, ᐃᐃ ᑲᔦ ᑫᓂ ᐅᐲᐌᓰᒥᒡ, ᐋᓇᐐᓐ ᒪᔑ ᐁᑮᐊᔮᐙᓯᒃ ᐊᐱᓅᒌᔕᓐ᙮ 6#Gen 15.13-14. ᒦᑕᔥ ᐅᐅ ᑳᐃᑯᒡ ᑭᔐᒪᓂᑑᓐ: ᑭᐲᐌᓰᒪᒃ ᓴ ᑕᐲᐎᑌᐎᐗᒃ ᒪᔭᑭᐊᑮᕽ, ᒦᑕᔥ ᐌᑎ ᑫᑕᔑ ᑲᒀᑕᑲᓄᑮᐃᑣ, ᐯᑭᔥ ᒋᑲᒀᑕᑭᐃᑣ ᓃᐙᒃ 400 ᑕᓱᐱᐴᓐ ᒥᓂᒃ᙮ 7ᓂᑲ ᓇᓇᐊᓯᒫᐞ ᑕᔥ ᐯᒫᑎᓯᓂᒡ ᑫᑲᒀᑕᑲᓄᑮᐃᑯᐙᒡ, ᒦᑕᔥ ᒋᓇᑲᑕᒧᐙᒡ ᐃᐃ ᐊᑭ, ᒋᐲᔖᐙᒡ ᐅᐅᒫ ᒋᐱ ᐊᓇᒥᐁᑕᐎᐙᒡ᙮ 8#Gen 17.10-14; 21.2-4; 25.26; 29.31; 35.18. ᒦᑕᔥ ᐃᐃ ᑳᑮ ᒦᓂᑯᒡ ᑭᑭᓇᐙᑕᔕᑫᔓᑰᐎᓐ ᐁᑭᑭᓇᐙᒋᑑᓂᒡ ᐋᓃᓐ ᑳᐃᔑ ᐊᔓᑕᒫᑯᒡ᙮ ᐁᐸᕒᐊᐋᒻ ᑕᔥ ᑮᐊᓂ ᐅᑯᓯᓯ ᐋᐃᓯᑰᓐ Isaac, ᓂᔣᓱᑮᔑᒃ 8 ᑕᔥ ᐁᐃᔑᓭᓂᒃ ᐅᑮᑭᑭᓇᐙᑕᔕᑫᔣᓐ᙮ ᐋᐃᓯᒃ ᑕᔥ ᑮᐊᓂ ᐅᑯᓯᓯ ᒉᑲᐴᓐ Jacob, ᒦᔥ ᐯᔑᑾᓐ ᑳᑑᑕᐙᒡ᙮ ᒉᑲᑉ ᑕᔥ ᑫᐐᓐ ᒦ ᐯᔑᑾᓐ ᑳᑑᑕᐙᒡ ᒥᑖᔑᓃᔑᓐ 12 ᐅᑯᓯᓴᐞ᙮ ᒦᐗᒃ ᐄᑐᒃ ᐃᑭ ᑭᑫᑌᔭᐋᒥᓈᐸᓃᒃ᙮

9 # Gen 37.11; 37.28; 39.2,21. ᒦᐗᒃ ᐃᑕᔥ ᐃᑭ ᑭᑫᑌᔭᐋᒥᓈᐸᓃᒃ ᑳᑮᐊᔮᔐᓂᒫᐙᒡ ᐯᔑᒃ ᐐᒋᑭᐌᔨᐙᓐ ᒎᓴᑉ Joseph ᑳᑮᐃᔑᓂᑳᓱᓂᒡ᙮ ᑮᐃᔑᐊᑖᐙᑫᐗᒃ ᑕᔥ ᐌᑎ ᒋᐃᔑᑎᐯᓂᒥᒥᓐᒡ ᐄᒋᐸᑮᕽ Egypt᙮ ᔖᑰᒡ ᐃᑕᔥ ᒎᓴᑉ ᐅᑮᐐᒌᐎᑰᓐ ᑭᔐᒪᓂᑑᓐ᙮ 10#Gen 41.39-41. ᒦᑕᔥ ᐃᐃ ᑳᑮ ᓈᑕᒫᑯᒡ ᐋᓃᓐ ᑲᑭᓇ ᑳᑮᐃᔑ ᐗᓯᑖᐎᓭᒡ᙮ ᐅᑮᑲᑮᑖᐌᑕᒧᐃᑰᓐ ᐃᑕᔥ ᑲᔦ, ᐁᑮ ᑑᑕᐙᓂᒡ ᑲᔦ ᒋᒥᓍᐸᒥᑯᒡ ᐃᓂ ᐯᕒᐆᓐ Pharaoh ᑳᑮ ᑭᒋᐅᑭᒫᐎᓂᒡ ᐃᐃᒫ ᐄᒋᐸᑮᕽ᙮ ᒦᑕᔥ ᑳᑮᐃᔑᐃᑯᒡ ᒋᑎᐯᑕᕽ ᑲᑭᓇ ᐄᒋᐸᑮᓂ, ᑲᑭᓇ ᑲᔦ ᐅᐙᑳᐃᑲᓂᓂ᙮ 11#Gen 42.1-2. ᒦ ᓴ ᐃ ᑳᑮ ᓅᑌᓭᒃ ᒦᒋᒻ ᒥᓯᐌ ᐄᒋᐸᑮᕽ, ᒥᓯᐌ ᑲᔦ ᑫᓇᓐ ᐊᑮᕽ, ᐐᑫ ᑕᔥ ᑮᑭᒋ ᑲᒀᑕᑲᔥᑲᑌᓈᓂᐗᓐ᙮ ᑭᑫᑌᔭᐋᒥᓈᐸᓃᒃ ᑕᔥ ᑳᐐᓐ ᐃᑯᒋ ᐅᑮᒥᑲᓰᓈᐙ ᒦᒋᒻ᙮ 12ᐊᐲ ᑕᔥ ᒉᑲᑉ ᑳᓅᑕᕽ ᐁᐊᔮᓂᒡ ᐸᑴᔑᑲᓇᓐ ᐄᒋᐸᑮᕽ, ᒦ ᐃ ᑳᑮᐃᔑᓂᔕᐙᒡ ᐅᑯᓯᓴᐞ ᑭᑫᑌᔭᐋᒥᓈᐸᓂᐞ ᒋᐃᔖᓂᒡ᙮ ᒦ ᐃ ᓂᑕᒻ ᐃᐃ ᐁᑮᐃᔖᓂᒡ᙮ 13#Gen 45.1,16. ᒦᓇᐙ ᑕᔥ ᐁᐃᔖᓂᒡ ᒎᓴᑉ ᐅᑮ ᑭᑫᑕᒧᐋᐞ ᐐᒋᑭᐌᔭᐞ ᐐᓐ ᐁᐅᐐᒋᑭᐌᒥᑯᒡ᙮ ᒦᑕᔥ ᐃᐃ ᒎᓴᑉ ᑳᑮ ᑭᑫᓂᒥᑯᒡ ᐯᕒᐆᓐ ᑭᒋᐅᑭᒫᓐ ᐋᑎ ᐌᑕᑳᓀᓯᒡ᙮ 14#Gen 45.9-10,17-18; 46.27. ᒎᓴᑉ ᑕᔥ ᐅᑮᐊᑐᒫᓐ ᐅᑌᑌᓐ ᒉᑲᐴᓐ, ᐃᐃ ᑲᔦ ᑲᑭᓇ ᐅᑎᓇᐌᒫᑲᓇᐞ, ᓃᔣᓯᒥᑕᓇᔑᓈᓈᓐ 75 ᐁᑮ ᑕᔑᓂᒡ᙮ 15#Gen 46.1-7; 49.33. ᒦᑕᔥ ᒉᑲᑉ ᑳᑮᐃᔖᒡ ᐄᒋᐸᑮᕽ᙮ ᒦᔥ ᐌᑎ ᑳᑕᔑ ᐃᔥᒀ ᐱᒫᑎᓯᒡ, ᐃᑭ ᑲᔦ ᑭᑫᑌᔭᐋᒥᓈᐸᓃᒃ᙮ 16#Gen 23.3-16; 33.19; 50.7-13; Josh 24.32. ᐅᐐᔭᐎᐙᓐ ᑕᔥ ᑮᐃᔑᐎᒋᑳᑌᓂᐗᓐ ᐌᑎ ᔐᑲᒻ Shechem ᐊᑮᕽ ᐁᔑ ᐊᔮᓂᑭᓐ ᓇᐃᓂᑏᐎᑲᒥᑰᓐ ᐁᑮᐊᐎ ᓇᐃᓂᑳᑌᓂᑭᓐ᙮ ᒦ ᐄᑐᒃ ᐅᐅ ᐊᑮᓂ ᐁᐸᕒᐊᐋᒻ ᑳᑮᐊᑖᒫᑯᐸᓀᓐ ᐅᑯᓯᓯᒫᐞ ᐌᑌᑌᓂᒡ ᐁᒧᕒᐊᓐ Hamor ᔔᓂᔮᓐ ᐁᑮᐊᑖᐙᑫᑯᐸᓀᓐ᙮

17 # Ex 1.7-8. ᐊᐲ ᑕᔥ ᐋᔕ ᐁᐊᓂ ᐯᔓᓈᑾᓂᓂᒃ ᑭᔐᒪᓂᑑ ᒋᑑᑕᕽ ᑳᑮᐃᔑ ᐊᔓᑕᒪᐙᒡ ᐁᐸᕒᐊᐋᒪᓐ Abraham, ᐐᑫ ᓴ ᐃᔅᕒᐃᔭᓬᐊᒃ Israel ᑮᐊᓂ ᐹᑏᓄᐗᒃ ᐃᐃᒫ ᐄᒋᐸᑮᕽ Egypt᙮ 18ᒦ ᓴ ᐃᐌ ᐊᐲ ᑮᐊᓂ ᐊᔮ ᑯᑕᒃ ᑭᒋᐅᑭᒫ ᐄᒋᐸᑮᕽ ᑳᑮ ᑭᑫᓂᒫᓯᒃ ᒎᓴᐴᓐ Joseph᙮ 19#Ex 1.10-11; 1.22. ᒦᑕᔥ ᐊᐊᐌ ᑳᑮ ᑲᔦᔑᑑᑕᐙᒡ ᑭᐐᒋ ᐅᒌᒫᑲᓂᓈᓃᐞ᙮ ᑳᐐᓐ ᑕᔥ ᑲᔦ ᓭᓯᒃ ᐅᑮ ᑑᑕᐙᓰᐞ ᑭᑫᑌᔭᐋᒥᓈᐸᓃᐞ, ᐁᑮᐃᔑᒋᑫᐋᒡ ᒋᐸᑯᐲ ᐌᐱᓈᓂᒡ ᐅᑑᔥᑲᐱᓅᒌᔑᒥᓂ ᒋᓂᓵᐹᐌᓂᒡ᙮ 20#Ex 2.2. ᒦ ᓴ ᐃ ᐊᐲ ᒨᓯᔅ Moses ᑳᑮᓂᑖᐎᑭᒡ, ᐐᑫ ᑕᔥ ᑮᒥᓄᓈᑯᓯ ᐁᓈᓴᒦᓂᒡ ᑭᔐᒪᓂᑑᓐ᙮ ᓂᓱᑮᓯᔅ 3 ᐃᑕᔥ ᐅᑮ ᑲᓇᐌᓂᒥᑰᐞ ᐅᓃᑭᐃᑰᐞ ᐅᑖᐎᓂᓂᕽ᙮ 21#Ex 2.3-10. ᐊᐲ ᑕᔥ ᑳᓇᑲᓂᓐᒡ ᐊᑾᒌᕽ, ᐅᑮᐅᑖᐱᓂᑰᓐ ᐅᑖᓂᓯᓂ ᐯᕒᐆᓐ Pharaoh ᑭᒋᐅᑭᒫᓐ᙮ ᒦᐗᓐ ᑕᔥ ᐃᓂ ᑳᐅᐱᑭᐃᑯᒡ ᐁᑲᓇᐌᓂᒥᑯᒡ ᐁᑮᐅᑯᓯᓯᒥᑯᒡ᙮ 22ᒨᓯᔅ ᑕᔥ ᒥᓯᐌ ᑮᐃᔑ ᑭᑭᓄᐊᒪᐙ ᐁᔑ ᑲᑮᑖᐌᑕᒥᓂᒡ ᐄᒋᐸᑮᕽ ᐌᒌᓂᒡ᙮ ᑮᐊᓂ ᑎᓄᐎ ᓴ ᐃᓂᓂ ᑳᒪᔥᑲᐎᑮᔗᒡ, ᑳᒪᔥᑲᐎᒋᑫᒡ ᑲᔦ᙮

23 # Ex 2.11-15. ᐊᐲ ᑕᔥ ᓃᒥᑕᓇ 40 ᐁᑕᓱ ᐱᐴᓉᒡ ᑮᐃᓀᑕᒻ ᒋᐊᑕ ᐙᐸᒫᒡ ᐅᐐᒋ ᐅᒌᒫᑲᓇᐞ ᐃᔅᕒᐃᔭᓬᐊᐞ᙮ 24ᐅᑮᐙᐸᒫᓐ ᑕᔥ ᐯᔑᒃ ᐄᒋᐸᑮᕽ ᐌᒌᓂᒡ ᑾᔭᒃ ᐁᑑᑖᑯᓯᓂᒃ᙮ ᒦᑕᔥ ᑳᐃᔑ ᓈᑕᒪᐙᒡ ᐁᑮ ᑎᐸᐃᑫᑕᒪᐙᒡ, ᒦᔥ ᑳᐃᔑ ᓂᓵᒡ ᐃᓂ ᐄᒋᐱᔑᐎᓂᓂᐗᓐ᙮ 25ᒨᓯᔅ ᒫᐐᓐ ᑮᐃᓀᑕᒻ ᒋᑭᑫᑕᒥᓂᒡ ᐅᐐᒋ ᐅᒌᒫᑲᓇᐞ ᑭᔐᒪᓂᑑᓐ ᐁᐐᐋᐸᒋᐃᑯᒡ ᒋᓈᑕᒪᐎᒥᓐᒡ, ᑳᐐᓐ ᑕᔥ ᐅᑮᐅᒋ ᑭᑫᑕᓰᓂ᙮ 26ᐁᐊᓂ ᐙᐸᓂᓂᒃ ᑕᔥ ᐅᑮᐅᑎᓵᐞ ᓃᔑᓐ 2 ᐁᒦᑳᑎᓂᒡ᙮ ᒦᔥ ᑳᐃᔑ ᑭᐱᑎᓈᒡ ᐁᒦᑳᑎᓂᒡ ᐅᐅ ᐁᑮᐃᓈᒡ: ᐋᓃᓐ ᐃᓈ ᐅᓱᓵᒪᑲᒥᒃ, ᑭᑑᐐᒋᑭᐌᑎᒻ ᐄᑐᒃ! ᐌᑯᓀᓐ ᑕᔥ ᐌᒋ ᒦᑳᑎᔦᒃ? ᐅᑮᐃᓈᐞ᙮ 27ᐃᓂᐌᓂᐗᓐ ᑕᔥ ᒪᔮ ᑳᑮᒦᑳᓈᓂᒡ ᐐᒋ ᐱᒫᑎᓰᓂ, ᐃᑯᒋ ᐅᑮᐃᔑ ᑳᒋ ᐌᐱᓂᑰᓐ ᐁᑮᐃᑯᒡ: ᐊᐌᓀᓐ ᑳᐃᔑᐃᒃ ᒋᑎᐯᓂᒥᔮᕽ, ᒋᓈᓈᑲᒋᐃᔮᕽ ᑲᔦ? 28ᑭᐐᓂᔑᔥ ᐃᓇ ᑖᐱᔥᑰ ᑳᑮᐃᔑ ᓂᓴᒡ ᐄᒋᐸᑮᕽ ᐌᒌᒡ ᐱᒌᓈᑯ? ᐅᑮᐃᑰᓐ᙮ 29#Ex 18.3-4. ᒦᑕᔥ ᒨᓯᔅ ᑳᑮ ᑕᐸᓰᒡ ᐅᐅ ᐁᓅᑕᕽ ᐁᐃᓂᓐᒡ᙮ ᒥᑎᔭᓐ Midian ᐊᑮᕽ ᑕᔥ ᑮᐊᐸᐃᐌ, ᒦᐌᑎ ᑳᐃᔑ ᑲᐯᔑᒡ᙮ ᓃᔑᓐ 2 ᐅᑯᓯᓴᐞ ᐌᑎ ᑮᑕᔑ ᓂᑖᐎᑭᐗᐞ᙮

30 # Ex 3.1-10. ᐊᐲ ᑕᔥ ᓃᒥᑕᓇ 40 ᑕᓱ ᐱᐴᓐ ᑳᐃᔑᓭᓂᒃ, ᐁᒐᓬᐊᓐ ᐅᑮᓈᑯᓰᑖᑰᓐ ᒣᑴ ᐱᑯᑯᐹᕽ ᐁᐱᔅᑲᓀᓂᒃ ᐃᐃᒫ ᐱᑾᑕᑲᒥᒃ ᒌᑲᔭᐄ ᓵᐃᓇᐃ Sinai ᑭᒋᐗᒌᕽ᙮ 31ᐊᐲ ᑕᔥ ᒨᓯᔅ ᐁᐙᐸᑕᕽ ᐅᑮ ᒫᒪᑳᑌᑖᓐ ᐃᐃ ᑳᑮᐃᔑᓇᕽ᙮ ᐯᔓ ᑕᔥ ᑮᐊᓂ ᐃᔖ ᐁᐐ ᐙᐸᑕᕽ᙮ ᐅᑮᐅᒋ ᓅᑕᐙᓐ ᑕᔥ ᑳᑎᐯᒋᑫᓂᒡ ᐁᑲᓅᓂᑯᒡ: 32ᓃᓐ ᐅᑭᔐᒪᓂᑑᒥᐙᓐ ᑳᑮᐅᑫᑌᔭᐋᒥᔭᓐ, ᐁᐸᕒᐊᐋᒻ, ᐋᐃᓯᒃ ᑲᔦ, ᐊᐊ ᑕᔥ ᑲᔦ ᒉᑲᑉ᙮ ᒨᓯᔅ ᑕᔥ ᑮᓇᓂᑳᓂᒥᓯ, ᑳᐐᓐ ᑕᔥ ᐊᐗᔑᒣ ᑮᐐᐃᓈᐱᓰ᙮ 33ᒦᑕᔥ ᐅᐅ ᑳᐃᑯᒡ ᑳᑎᐯᒋᑫᓂᒡ: ᑮᑕᑭᓯᓀᓐ! ᐃᐃᒫ ᐅᔕ ᑳᔑ ᓃᐸᐎᔭᓐ, ᐐᑫ ᑭᑌᑖᑾᓐ᙮ 34ᑌᐺ ᓴ ᓂᐙᐸᑕᒧᐙᓐ ᐁᔑ ᑲᒀᑕᑭᐃᑣ ᓂᐱᒫᑎᓰᒪᒃ ᐄᒋᐸᑮᕽ ᑳᐊᔮᐙᒡ, ᓂᓅᑕᐙᒃ ᑲᔦ ᑳᔑ ᒨᑯᓀᐙᒡ᙮ ᒦᑕᔥ ᑳᐱᐅᒋ ᓈᔑᔮᓐ ᐁᐐ ᐱᒫᒋᐊᒀ᙮ ᐊᐤ ᓴ ᐊᐯ, ᑮᓐ ᑕᔥ ᑭᐐᐃᔑᓂᔕᐅᓐ ᒋᐃᔖᔭᓐ ᐄᒋᐸᑮᕽ᙮ 35ᒦ ᓴ ᐗᐊ ᒨᓯᔅ ᑳᑮᐋᓇᐌᓂᒥᑯᒡ ᐃᔅᕒᐃᔭᓬᐊᐞ ᐅᐅ ᐁᑮᐃᑯᑯᐸᓀᓐ: ᐊᐌᓀᓐ ᑮᓐ ᑳᐃᔑᐃᒃ ᒋᑎᐯᓂᒥᔮᕽ, ᒋᓈᓈᑲᒋᐃᔮᕽ ᑲᔦ? ᒦ ᐊᐌ ᑭᔐᒪᓂᑑᓐ ᑳᑮᐃᔑᓂᔕᐅᑯᒡ ᒋᑎᐯᓂᒥᐌᒡ, ᒋᓈᑕᒫᑫᒡ ᑲᔦ ᐁᑮ ᐐᒋᐃᑯᒡ ᐁᒐᓬᐊᓐ ᑳᑮ ᓈᑯᓰᑖᑯᒡ ᐌᑎ ᐱᑯᑯᐹᕽ᙮ 36#Ex 7.3; 14.21; Num 14.33. ᒦ ᓴ ᐊᐌ ᐃᓂᓂ ᑳᑮ ᓵᑭᒋᐎᓈᒡ ᐃᔅᕒᐃᔭᓬᐊᐞ ᐄᒋᐸᑮᕽ᙮ ᑮᒪᒫᑖᐎᒋᑫ, ᑮᒫᒪᑳᒋᒋᑫ ᑲᔦ ᐌᑎ ᐄᒋᐸᑮᕽ, ᑭᒋᒥᔅᑯᑲᒦᕽ ᑕᔥ ᑲᔦ, ᐌᑎ ᑕᔥ ᑲᔦ ᐱᑾᑕᑲᒥᒃ ᓃᒥᑕᓇ 40 ᑕᓱ ᐱᐴᓐ᙮ 37#Deut 8.15,18. ᒦᑕᔥ ᐅᐅ ᒨᓯᔅ ᑳᐃᓈᒡ ᐃᔅᕒᐃᔭᓬᐊᐞ: ᑭᑎᓇᐌᒫᑲᓂᐙᕽ ᑭᑲᐅᒋ ᒦᓂᑯᐙ ᐯᔑᒃ ᑭᔐᒪᓂᑑ ᑫᑲᓅᑕᒫᑯᒡ, ᑖᐱᔥᑰ ᓃᓐ ᑎᓄ, ᑮᐃᓈᑯᐸᓐ᙮ 38#Ex 19.1; 20.17; Deut 5.1-33. ᒦ ᓴ ᐊᐌ ᑳᑮᐐᒌᐙᒡ ᑮᒫᐗᒋᐃᑎᓂᒡ ᐃᔅᕒᐃᔭᓬᐊᐞ ᐱᑾᑕᑲᒥᒃ; ᐁᑮᐐᒌᐙᒡ ᑭᑫᑌᔭᐋᒥᓈᐸᓃᐞ, ᐃᓂ ᑲᔦ ᐁᒐᓬᐊᓐ ᑳᑮ ᑲᓅᓂᑯᒡ ᐌᑎ ᐗᒌᕽ ᓵᐃᓇᐃ Sinai᙮ ᒦᑕᔥ ᐃᐃ ᑳᑮ ᒦᓂᑰᐎᓯᒡ ᑎᐹᒋᒧᐎᓐ ᒨᔕᒃ ᑫᐊᔮᓂᒃ, ᒦᔥ ᐅᐅ ᑳᑮᐱ ᐊᔮᓂᑫ ᒦᓂᑰᔭᕽ᙮

39ᑳᐐᓐ ᑕᔥ ᑭᑫᑌᔭᐋᒥᓈᐸᓃᒃ ᑮᐃᓀᑕᓰᐗᒃ ᒋᓇᐃᑕᐙᐙᒡ, ᒦᑕᔥ ᑳᑮ ᐸᑫ ᐌᐱᔥᑲᐙᐙᒡ ᒨᓯᓲᓐ᙮ ᑌᑾᒡ ᐃᑕᔥ ᐁᑮᒥᓴᐌᑕᒧᐙᒡ ᐄᒋᐸᑮᕽ ᒋᔑ ᑮᐌᐙᐸᓐ᙮ 40#Ex 32.1. ᒦᑕᔥ ᐅᐅ ᑳᑮᐃᓈᐙᒡ ᐁᕒᐊᓅᓐ Aaron: ᐅᔑᑕᒪᐎᔑᓈᒻ ᒪᓂᑑᑳᓇᒃ ᑫᓃᑳᓃᑕᒪᐎᔭᒥᑣ᙮ ᐊᐊᐌ ᐐᓐ ᒨᓯᔅ ᑳᑮ ᓵᑭᒋᐎᔑᔭᒥᓐᒡ ᐄᒋᐸᑮᕽ ᑳᐐᓐ ᓂᑭᑫᓂᒫᓯᐙᓈᓐ ᐋᓃᑎ ᐁᔮᑴᓐ, ᐅᑮᐃᓈᐙᓐ᙮ 41#Ex 32.2-6. ᒦᔥ ᐃᐃ ᐊᐲ ᑳᑮᐅᔑᐋᐙᒡ ᐱᔑᑭᑳᓇᓐ, ᐁᑮ ᐲᑑᐙᒡ ᑫᐸᑭᑎᓈᓱᑕᒪᐙᐙᒡ ᒪᓂᑑᑳᓇᓐ, ᐐᑫ ᑲᔦ ᐁᑮᑭᒋ ᒌᑲᑲᒥᑭᓯᐙᒡ ᐁᑮᑭᒋ ᐃᓀᑕᒧᐙᒡ ᐅᓂᒌᐙᕽ ᑳᑮᐅᒋ ᐅᔑᑑᐙᒡ᙮ 42#Amos 5.25-27. ᑭᔐᒪᓂᑑ ᑕᔥ ᑮᑴᑭᑖ, ᐱᓵᓐ ᐁᑮᐸᑭᑎᓈᒡ ᒋᐊᓇᒥᐁᑕᐙᓂᒡ ᑳᐹᑏᓄᓂᒡ ᐗᓇᑯᔕᐞ ᑮᔑᑯᕽ ᐁᔮᓂᒡ᙮ ᒦᑕᔥ ᒪᔮ ᐁᔑᐲᐃᑳᑌᓂᒃ ᐅᒪᓯᓇᐃᑲᓂᐙ ᑭᔐᒪᓂᑑᓐ ᑳᑲᓅᑕᒪᐙᐙᒡ:

ᑮᓇᐙ ᓴ ᐃᔅᕒᐃᔭᓬᐊᒃ! ᑳᐐᓐ ᐃᓇ ᑭᑮᓂᑖ ᐲᑕᒪᐎᔑᒻ

ᑳᑮᓂᓭᒀ ᐊᔭᐋᐎᔕᒃ ᐁᐸᑭᑎᓈᓱᑕᒪᐎᔦᒃ

ᓃᒥᑕᓇ 40 ᑕᓱ ᐱᐴᓐ ᐌᑎ ᐱᑾᑕᑲᒥᒃ?

43ᑌᑾᒡ ᐄᑐᒃ ᑭᑮᒫᒌᑖᐙᒻ ᒨᓬᐁᒃ#7.43 ᒨᓬᐁᒃ ᑮᐃᔑᓂᑳᓱ ᒪᓂᑑᑳᓐ ᑳᑮ ᐊᓇᒥᐁᑕᐙᐙᒡ ᐋᒪᓐ Amon ᐊᐎᔭᒃ ᑳᑮᐃᔑᓂᑳᓱᐙᒡ ᐊᑳᒥ ᒞᕒᑕᓐ Jordan ᓰᐱ ᐙᐸᓄᕽ ᐃᓇᑫᔭᐄ ᑳᑮ ᐅᒌᐙᒡ᙮ ᐃᑭᐌᓂᐗᒃ ᑳᑮ ᐊᓇᒥᐁᑕᐙᐙᒡ ᒨᓬᐁᒃ ᒪᓂᑑᑳᓇᓐ, ᐃᓈᒋᒫᐗᒃ ᐁᑮ ᓂᓵᐙᒡ ᐅᓃᒑᓂᓯᐙᐞ ᐁᑮ ᐸᑭᑎᓈᓱᑕᒪᐙᐙᒡ ᒪᓂᑑᑳᓇᓐ᙮ ᐅᐸᒀᓀᑲᒥᒃ,

ᑭᒪᓂᑑᑳᓂᐙ ᐗᓇᑯᔑᕽ ᐁᓍᓀᒃ ᐅᕒᐁᐸᓐ ᑳᐃᓀᒃ᙮

ᑭᑮᐅᔑᐋᐙᒃ ᒪᓂᑑᑳᓇᒃ ᑫᐊᓇᒥᐁᑕᐌᒀ,

ᒦᔥ ᑳᐐᐅᒋ ᑑᑕᐎᓇᑰᒃ ᐙᓴ ᐊᐗᓯᓇᑫ ᐹᐱᓬᐊᓐ ᒋᐃᔑᐎᓂᑰᔦᒃ᙮

44 # Ex 25.9,40. ᑭᑫᑌᔭᐋᒥᓈᐸᓃᒃ ᑕᔥ ᑮᐱᒥ ᐊᔮᐙᒡ ᐱᑾᑕᑲᒥᒃ ᐅᑮ ᐱᒥᐎᑑᓈᐙ ᑭᒋ ᐸᒀᓀᑲᒥᑯᓂ ᐁᑮ ᓈᑯᑑᐙᒡ ᐁᐐᒌᐎᑯᐙᒡ ᑭᔐᒪᓂᑑᓐ᙮ ᒪᔮ ᑮᐃᔑᒋᑳᑌᓂ ᑭᔐᒪᓂᑑ ᑳᑮᐃᔑ ᐐᑕᒪᐙᒡ ᒨᓯᓲᓐ ᒋᐃᔑᑑᓂᒡ, ᒪᔮ ᐁᑮᐃᔑᓈᑾᓂᓂᒃ ᐃᐃ ᑳᑮᐃᔑ ᐙᐸᑕᐋᒡ᙮ 45#Josh 3.14-17. ᒦ ᐃᐌᓂ ᐯᔑᑾᓐ ᑭᒋ ᐸᒀᓀᑲᒥᑯᓂ ᑭᑌᑌᔭᐋᒥᓈᐸᓃᒃ ᑳᑮᐋᓂᑫ ᒦᓂᑯᐙᒡ ᑳᑮᐅᑫᑌᔭᐋᒥᐙᒡ᙮ ᒦᑕᔥ ᐃᐃ ᑳᑮ ᐲᑎᑲᑑᐙᒡ ᒣᒀ ᐁᐐᒌᐙᐙᒡ ᒑᔓᐙᓐ Joshua, ᐊᐲ ᑮᒪᑲᒫᐙᒡ ᐅᑖᑮᒥᓂ ᐃᐃᒫ ᑳᑮᐊᔮᓂᒡ ᑳᐯᐸᑳᓉᐙᓇᑭᓯᓂᒡ ᐯᒫᑎᓯᓂᒡ᙮ ᑭᔐᒪᓂᑑᓐ ᓴ ᐅᑮᓵᑭᑖᒪᐙᓂ ᐊᐲ ᑮᓂᐲᑎᑫᔥᑳᐙᒡ ᐃᔅᕒᐃᔭᓬᐊᒃ᙮ ᒦᑕᔥ ᐃᐃᒫ ᑳᐊᔮᓂᒃ ᐃᐃ ᐸᒀᓀᑲᒥᒃ ᐲᓂᔥ ᑮᓂ ᐊᔮᓂᒡ ᑌᐱᑑᓐ David᙮ 46#2 Sam 7.1-16; 1 Chron 17.1-14. ᒦᑕᔥ ᐊᐊ ᑌᐱᑦ ᑳᑮᒥᓍᐸᒥᑯᒡ ᑭᔐᒪᓂᑑᓐ, ᐅᑮ ᑲᑴᒋᒫᓐ ᑲᔦ ᒋᐸᑭᑎᓂᑯᒡ ᒋᐅᔑᑕᒪᐙᒡ ᑭᒋᐊᓇᒥᐁᐎᑲᒥᒃ ᑫᑕᓀᑖᑯᓯᓂᒡ ᐅᑭᔐᒪᓂᑑᒥᓂ ᒉᑲᐴᓐ᙮ 47#1 Kings 6.1-38; 2 Chron 3.1-17. ᔂᓬᐊᒪᓐ Solomon ᑕᔥ ᒪᔮ ᑳᑮᐅᔑᑕᒪᐙᒡ ᑭᒋᐊᓇᒥᐁᐎᑲᒥᒃ᙮ 48ᔖᑰᒡ ᐃᑕᔥ ᒫᐗᒡ ᐁᔥᐯᑖᑯᓯᒡ ᑭᔐᒪᓂᑑ ᑳᐐᓐ ᐊᔮᓰ ᐙᑳᐃᑲᓂᕽ ᐃᓂᓂᐗᓐ ᐌᔑᑑᓂᒡ᙮ ᒦ ᐅᐌ ᑭᔐᒪᓂᑑ ᑫᓅᑕᒫᑯᒡ ᑳᐃᑭᑐᓂᒡ:

49 # Isa 66.1-2. ᑭᒋᑮᔑᒃ ᐅᔕ ᓂᑑᑭᒫᐗᐱᐎᓐ

ᐊᑭ ᑕᔥ ᓂᑕᐱᓯᑌᐱᐎᓐ᙮

ᐌᑯᓀᓐ ᑕᔥ ᐃᓈ ᑎᓄ ᐙᑳᐃᑲᓐ ᑫᐅᔑᑕᒪᐎᔦᑭᐸᓐ?

ᐋᑎ ᑕᔥ ᑫᔑ ᐊᓉᐱᔮᓐ?

50ᑳᐐᓐ ᐃᓇ ᓃᓐ ᓂᓂᒌᕽ ᓂᑮᐅᒋ ᐅᓯᑑᓰᓇᓐ ᐅᓄ ᑲᑭᓇ ᑫᑰᓇᓐ?

ᐃᑭᑐ ᑭᔐᒪᓂᑑ᙮

51 # Isa 63.10. ᐁᑕᑕᐌ ᑮᓇᐙ ᑭᓂᑖ ᔕᔒᐱᑖᒻ, ᐁᐃᔑ ᐊᔮᓯᐌᒃ ᑭᑌᐃᐙᕽ ᒋᐐ ᑌᐺᑕᒣᒃ, ᐁᓅᑕᓯᐌᒃ ᑲᔦ ᑌᐺᐎᓐ᙮ ᐱᔑᔑᒃ ᑭᓇᑳᔥᑲᐎᒫᐙᓐ ᑭᔐᒪᓂᑑ ᐅᑕᒑᑾᓐ, ᐁᐃᔑᒋᑫᔦᒃ ᒪᔮ ᑳᑮᐃᔑᒋᑫᐙᒡ ᑭᑫᑌᔭᐋᒥᐙᐸᓃᒃ᙮ 52ᑯᓂᑫ ᑕᔥ ᑮᐊᔮᑐᑴᓇᓐ ᑭᔐᒪᓂᑑ ᑫᓅᑕᒫᑯᒡ ᑳᑮ ᑲᒀᑕᑭᐋᓯᒀ ᑭᑫᑌᔭᐋᒥᐙᐸᓃᒃ? ᐅᑮᓂᓵᐙᐞ ᐄᑐᒃ ᐃᐃ ᓃᔮᒃ ᑳᑮ ᐐᑕᒫᑫᓂᒡ ᒋᑕᑯᔑᓂᓂᒡ ᑭᔐᒪᓂᑑᓐ ᑫᐲᒋᓂᔕᐙᓂᒡ ᐅᑾᔭᒀᑎᓰᒥᓂ᙮ ᒦᐗᓐ ᐃᓂ ᐅᑾᔭᒀᑎᓰᒪᓐ ᑮᓇᐙ ᑳᑮᒪᒥᔑᐃᒣᒃ, ᒦᔥ ᑳᐃᔑ ᓂᓯᒣᒃ᙮ 53ᑮᓇᐙ ᐄᑐᒃ ᑳᑮ ᒦᓂᑰᔦᒃ ᒨᓯᔅ ᐅᑑᓇᔓᐌᐎᓐ ᐁᒐᓬᐊᒃ ᑳᑮ ᐊᓂᑫ ᒦᑭᐌᐙᒡ, ᑳᐐᓐ ᐃᑕᔥ ᐊᐙᒡ ᑭᑮ ᓇᐃᑕᓰᒻ, ᐅᑮᐃᓈᐞ᙮

ᐃᔅᑏᐱᓐ ᑮᐸᐲᒶᓯᓇᐃᓐᒡ

54ᐊᐲ ᑕᔥ ᐅᓇᔓᐌᐎᓂᓂᐗᒃ ᐁᓅᑕᒧᐙᒡ ᐅᐅ, ᐐᑫ ᑮᓂᔥᑭᒫᐗᒃ, ᐁᑮᒪᑗᑕᒧᐙᒡ ᐐᐱᑎᐙᓐ ᑳᐊᐲᒋ ᓂᔥᑭᒥᑯᐙᒡ᙮ 55ᐃᔅᑏᐱᓐ Stephen ᑕᔥ ᐁᒨᔥᑭᓀᔥᑳᑯᒡ ᑭᔐᒪᓂᑑᓐ ᐅᑕᒑᑯᓂ, ᐃᔥᐱᒥᕽ ᑭᒋᑮᔑᑯᕽ ᑮᐃᔑ ᑭᒋᐙᐱ᙮ ᒦᑕᔥ ᑳᑮᐙᐸᑕᕽ ᑭᔐᒪᓂᑑᓐ ᐅᑭᒋ ᐃᓀᑖᑯᓯᐎᓂᓂ, ᒋᓴᓲᓐ ᑲᔦ ᐁᓃᐸᐎᓂᒡ ᐅᑭᒋᓂᑭᓃᕽ ᐃᓇᑫ ᑭᔐᒪᓂᑑᓐ᙮ 56ᒦᔥ ᐅᐅ ᑳᐃᑭᑐᒡ: ᐃᓇᔥᑫ ᓂᐙᐸᑖᓐ ᑭᒋᑮᔑᒃ ᐁᐹᑭᔥᑳᒃ, ᓂᐙᐸᒥᒫᓐ ᐃᓂᓂ ᐅᑯᓯᓴᓐ ᐁᓃᐸᐎᓂᒡ ᐅᑭᒋᓂᑭᕽ ᐃᓇᑫ ᑭᔐᒪᓂᑑ, ᑮᐃᑭᑐ᙮

57ᑲᑭᓇ ᑕᔥ ᐅᓇᔓᐌᐎᓂᓂᐗᒃ ᑮᔖᑯᐌᐗᒃ, ᐁᑮ ᑭᐱᑌᓂᑎᓱᐙᒡ, ᒦᑕᔥ ᑳᐃᔑ ᒨᑮᑕᐙᐙᒡ᙮ 58ᒦᑕᔥ ᑳᐃᔑ ᓵᑭᒋᐌᐱᓈᐙᒡ ᐃᐃᒫ ᐆᑌᓈᕽ, ᐁᑮᒫᒌ ᐸᐲᒶᓯᓇᐋᐙᒡ᙮ ᐃᑭ ᑕᔥ ᑳᑮ ᑲᑮᓇᐎᔥᑳᒋᒧᐙᒡ#7.58 ᑳᑮ ᑲᑮᓇᐎᔥᑳᒋᒧᐙᒡ: ᑮᐃᓇᑌ ᐅᓇᔓᐌᐎᓐ, ᐊᐲ ᐊᐎᔭ ᐁᐃᓇᔓᐙᓱᒡ ᒋᓂᓯᓐᒡ, ᐃᑭᐌᓂᐗᒃ ᑕᔥ ᑳᑮ ᑎᐹᒋᒫᐙᒡ ᒦᓇ ᑳᑮ ᒪᒥᔑᒫᐙᒡ ᑮᐃᓇᑌ ᐐᓇᐙ ᑕᔥ ᓂᑕᒻ ᒋᐱᒶᓯᓇᐋᐙᒡ ᐊᓯᓃᓐ ᑳᑮ ᐋᐸᒋᐋᐙᒡ ᑳᐱᒶᓯᓇᐋᐙᒡ᙮ ᐅᑮ ᑮᒋᑯᔥᑳᓈᐙᓐ ᐅᑲᔥᑮᑮᐎᓂᐙᓐ ᐁᑮᐃᔑ ᐸᑭᑎᓇᒧᐙᒡ ᐁᔑ ᓯᑌᑳᐸᐎᓂᒡ ᐅᔥᑭᓃᑭᐗᓐ ᔂᓬ Saul ᐁᔑᓂᑳᓱᓂᒡ᙮ 59ᐃᔅᑏᐱᓐ ᑕᔥ ᒣᒀ ᐁᐸᐲᒶᓯᓇᐃᓐᒡ ᐅᑮᐊᓇᒥᐁᑕᐙᓐ ᑳᑎᐯᒋᑫᓂᒡ ᐁᑮᐃᑭᑐᒡ: ᑌᐯᒋᑫᔭᓐ ᒋᓴᔅ, ᐅᑖᐱᓐ ᓂᑕᒑᒃ! 60ᑮᐅᒋᒌᑾᓇᐱ ᑕᔥ ᐁᑮ ᑭᔒᐌᒡ ᐁᑮᐃᑭᑐᒡ: ᑌᐯᒋᑫᔭᓐ, ᑫᑯ ᐊᑭᑕᒪᐙᑫᓐ ᐅᐅ ᒪᒋ ᐃᔑᒋᑫᐎᓐ ᑳᐃᔑᒋᑫᐙᒡ, ᑮᐃᑭᑐ᙮ ᐅᐅ ᑕᔥ ᑳᐃᔥᒀ ᐃᑭᑐᒡ, ᒦ ᐃ ᑳᐃᔑ ᐃᔥᒀ ᐱᒫᑎᓯᒡ᙮

Currently Selected:

ᐃᔑᒋᑫᐎᓇᓐ 7: OJBS

Highlight

Copy