Hamakaki 2
2
Ala kava neʼmoʼa Hamaka geʼaleʼmo aeno atagaina huno ha paiʼniya gemae
1 #
2 Kin 9:17
Hamakaʼmo hunoʼaeʼmo, Ati vekamoʼmo yafa lafi kegiʼyaleʼmo uno haino maiʼneno kava yagaino neʼmaiya kava huʼna Ala kava neʼmoʼa gemo naha paisiyaʼaeʼmo agava maiguve. Agaemo nagaefeʼmo hosu gemo huʼnane, huno hisigeʼnaeʼmo geʼaleʼmo aeʼna atagaina huʼna ha paisuvafeʼmo, agava maiʼnove, huʼna nagesamo afiʼnove.
2 #
Loa 27:8
Huʼna nagesamo afiteʼna maiʼnogenoʼaeʼmo Ala kava neʼmoʼa geʼnileʼmo aeno atagaina hunoʼaeʼmo ani ge huno naha paiʼniye. Nagaemo aliʼna kavelisugeka alagamuna agegekana huka agegane. Agetekaeʼmo ageʼa alagepa huʼa agesayafeʼmo kalipa mopaleʼmo avoʼmo kae maleʼnisanageno lekana paisiya vekamoʼmo ageno alagepa hutenoʼaeʼmo alinino nagu nagu huno ugiye. 3#Nen 8:17-19; 10:1,14Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.
4 #
Ham 2:5; Lo 1:17; Ga 3:11; 2:6; Mai 22:16 Ago, huʼna, agaiʼaeʼmo amogaga neʼaiya vekamoʼmo fatago auneʼamo oʼaliʼniye. Oʼaliʼniyaʼmonanafa fatago vekamoʼmo agesamo afino fatago huʼniya kavatetiʼmo afaʼa maigiye.
Hosu kavaʼmo nehaya vayaʼmo alagepa huʼa oʼmaigae, huno huʼniya gemae
5Agaemo nofi alagafati aniʼmo netenoʼaeʼmo gemo amagino neʼatale. Agiʼalemo alino asaga huno neʼateya vekamo maiʼniyaʼmofeʼmo noʼafi maisiya kavafeʼmo ohauʼnigeno ataleno umenitata nehunoʼaeʼmo himuʼnamu kavaʼmo nehiye. Nefaliya kavaʼmoʼa magoʼe vayaʼmo alisiyafeʼmo hauʼniya kava huno asole yaʼmo alisiyafeʼmo hauʼnigeno haʼye nehigenoʼaeʼmo aipamoʼmo ha noke. Agaemo asole alu nofi vaya alu nofi vayaʼeʼmo kamemo huteno huno aeno apaka seno yagaino neʼapate.
6Aeno apaka seʼniya vayaʼmogimo huʼa faipa huʼa ategae. Apakaemo kalafefa gefatiʼmo huʼa aliʼa afepi ateteʼapaeʼmo, Vaehae, huʼa, kumayaʼmo aliteno kagemi yaʼaʼe vekamoʼmo hamaleʼniyanageno hanageke yaʼmo aligiye. Na magi afinaʼmo ani kavaʼmo hugiye. Goli yafaʼmo kalipa mopagana huno lusi kana yaʼmo aliʼniye. 7Anonaʼapimo haneʼniya vayaʼmo malage huʼa he tigae. Apaupatiʼmo he netiʼapaeʼmo koli yaʼmo kamigae. Aeʼa kagaseteʼapaeʼmo kagemi yakamo aligae. 8#Aiy 33:1; Yel 50:34-46Kagaemo kamemo huka aeka apaka seteka muki vayaʼai kagemi yaʼapimo aliʼnanaʼmofeʼmo aise logufaʼa vayaʼmogi kagaeʼeʼmo kamemo huteʼa huʼa aeʼa kaga seʼa kagemi yakamo aligae. Kagaemo vaya hapaeka kolaʼapimo aika lakiʼnane. Kagaemo muki mopamo alika hosu huka atege asole taonimo alika hosu huka atege asole alu nofi vaya alu nofi vayaʼmo hapaege huʼnanaʼmofeʼmae.
9 #
Sam 10:3-11
Vaehae, huʼa, afamo anagaʼamo alagepa huʼa maisayafeʼmo haʼye huʼninageno hosu kavaʼmo nehisiya vekamo lusi hanageke yaʼmo aligiye. Agaeteʼmo kage kage kavaʼmo afole aigiye. Nama anagaʼmogimo alagepa huʼa maisayafeʼmo apanoʼmo muga anagaʼamo nekiya kava huno alagepa huno afaʼa maisiyafeʼmo hauʼniya vekamae. Agaemo agaiʼaleʼmo hosu kavaʼmo alagi afole oʼaisiyafeʼmae. 10#Nap 35:30Kagaemo hosu kavaʼmo huʼnanageʼapaeʼmo afamo anagakamo hosu apakimo aliʼnae. Asole vayaʼmo apamagitekaeʼmo kagupi mafaʼneleʼmo hosu kavaʼmo huʼnane. 11#Yas 24:27; Lu 19:40Ani agufa kavaʼmo huʼnanaʼmofeʼmo yafatetiʼmo noʼmo kiʼnana yafaʼmogimo apakemo aiteʼa agoti huʼa katesageno nokamo kiʼnana yosamogiʼeʼmo magoke agufa gemo hugae.
12Vaehae, huʼa, mago vekamoʼmo asole vayaʼmo hapaeteno mago taonimo kiʼniya vekamo lusi hanageke yaʼmo aligiye. Agaeteʼmo kage kage kavaʼmo afole aigiye. Agaemo hosu kavaʼaletiʼmo taoniʼamo alino lokiya vaino ateʼniye. 13#Loa 28:20Ala kava neʼmo asole vayaʼaiteʼmo yagaino neʼapateya vekamoʼmo hunoʼaeʼmo, ani vekamo vayaʼamogi aliʼyaʼmo neʼaliya kavaʼapimo atamoʼmo leno saga ligiye, huno hu maleʼniye. Alu nofi vaya alu nofi vayaʼmogimo hapaise vose huʼa aliʼyaʼmo aliʼnageno alagaʼmo nehapaeyaʼmonanafa afa aliʼyaʼmo neʼaliye. 14#Aiy 6:3; Sak 14:9Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.
15Vayaʼmogimo hapaopaleʼmo neʼmaiya vayaʼmo aniʼmo neteʼa negi nagi huteʼa apagufaʼalagaʼageʼmo maisageʼa apakesayafeʼmo asole aniʼmo neʼapamiya vayaʼmo lusi hanageke yaʼmo aligae. Lapakaemo ani aniʼmo nesayafeʼmo lapauʼnigetapa lapaya mukiki nehae. 16#Mon 14:10Lapakaemo ala lapakitapimo oʼalisageno lapavagage hugiye. Lapakaeʼeʼmo ani kava hutapa negi nagi hisaya aniʼmo netetapaeʼmo lapakufaʼalagaʼageʼmo maigae. Ala kava neʼmoʼa lamaga ayatetiʼmo kapumo alino lapamisigeno lapavagage hisiya kavaʼmoʼa ha le konali yatapileʼmo aino ati kaegaiye. 17Kagaemo Lepani avefiʼmo haneʼniya yahaomo heʼyaika hano huge afela afumo koli yaʼmo apamige hapaeka hano huge huʼnana agufa kavaʼmo kagaetegamo hugae. Kagaemo asole ve aʼnemo hapaege asole taonimo alika hosu huka atege huʼnanaʼmofeʼmo kagaetegamo alagi hosu kavaʼmo afole aigiye.
18 #
Yel 2:28
Naipeletiʼmo aigofe gotiʼapimogimo yosaletiʼmo alo huʼnae. Alo huʼnaya aune yaʼmoʼa haiya kava huno hapa maegaiye. Aigofe gotiʼapimogimo aigofe mono kavaʼmo aliʼa apaya neʼmalae. Na kava higeʼapaeʼmo alo huʼnaya aigofe gotiʼapimogi apake noʼaiya gotiʼapimogifeʼmo laha maegae, huʼa nehae. 19#Aiy 42:17Vaehae, huʼna, yosaletiʼmo alo huʼnaya gotiʼapimogifeʼmo, lapaupati he tiyo, huʼa nehaya vayaʼmo hanageke yaʼmo aligae. Apake noʼaiya yafafeʼmo, kaupati he tiyo. Alino laya malegaiye, huʼa nehaya vayaʼmo hanageke yaʼmo aligae. Ageyo, huʼna, Aune yateʼmo goli yafatetiʼe siluva yafatetiʼeʼmo atafi kaeteʼa faleʼa ati kae maleʼnaya aigofe gotiʼapimogi apavamusaʼmo noʼaiye. 20#Sam 46:10; Sef 1:7Afaʼa maisaya yaʼapimo alagi ohaneʼniyaʼmonanafa Ala kava neʼmo aote mono noʼafiʼmo maiʼniye. Muki ma mopafi vayaʼmogitapamo etapa aulagaleʼmo ge osuta afaʼa maiyo.
Currently Selected:
Hamakaki 2: kyg2013
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
