Metiu Levelinga Loklox Axasep
Levelinga Loklox Axasep
Lamaares 58 A.D.
Metiu neni lara atnedi lasangaun mi legepura luvuttadi loklok ka anasa at ne Iesu, lara laasen bok teren ne Levi. Neni laradi loklok ka pilas at lagavaman boro Rom. Melemu ne Iesu ga soxolik ka i la ni ga ravasu ngan laradi loklok ka anasa ren. Metiu ga malagan i na lubuk ti lubungmixin mokmokso ren me Judaia. At laaleng ne Metiu ga malagan na lubuk limixin me Judaia diga doma i do ne Moroa na soxolik ka soso mun laradi naba vot kusu neni ba lok ngan Loorong Silok atdi. At lavapaase Ibru diga so asen i mi la Mesaia (Lanarong), la at lavapaase Grik diga so asen i mi ne Karisito. Luvuttadi amgomgo at limixin me Judaia di goxoklen i do ne Iesu ga vot ngan Lanarong. Metiu ga vara i xusu na lox asuusu i ridi do ne Iesu neni Lanarong tuturun la Loorong Silok at leme Judaia, kuren la neni ga paase mumu ne Iesu ga vot kerepmo, i ngan Loorong Silok. Ne Metiu ga malagan li bok lentaba levelinga boro at Lovoang Kaala migomgo atdi mumu Lanarong at ne Moroa. At na levelinga ga sooxos at lovotpot at Lanarong.
p Lengkot Silok Keneng at na lubuk.
1:1–2:23 Diga visik ne Iesu.
3:1-12 Jon laradi sep susu ga gugu.
3:13–4:11 Satan ga lok tong pen ne Iesu.
4:12–18:35 Iesu gat pas tangtagap la ga vavang to Galili.
19:1–20:34 Iesu gat pas uto Jerusalem.
21:1–25:46 Lempanga salai ne Iesu ga lox i ro Jerusalem.
26:1–27:66 Larangtanga alis la lanmet at ne Iesu.
28:1-20 Iesu ga roo xat basinge lanmet.
Currently Selected:
Metiu Levelinga Loklox Axasep: mmx
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.