NUMBERS 31
31
Mídiyan dine'é k'éébi'diilyaa áádóó binaalye'é bąąh dahoołdee'
1Áádóó Bóhólníihii éí Mózes yich'į' haadzíi'go ííłní, 2Ízrel dine'é bá Mídiyan dine'é k'éédidíídlííł#Num. 25:17,18. áádóó bik'ijį' índa danik'éí yę́ę aheeskaigóó dííleeł. 3Áko Mózes éí diné yich'į' haadzíi'go ání, Nihitahdóó ła' anaa' biniyé hasht'e'ádadidoołníiłgo bíni' Mídiyan dine'é yich'į' nídahididoobahgo Bóhólníihii yá k'éédeididoodlííł. 4Ízrel dine'é danilíinii t'áá ałtso bitahdę́ę́' t'ááłáhídi mííl ádanéelą́ą'go anaa'góó bidadi'yoołnih. 5Áko Ízrel dine'é t'óó ahayóí daamiilgo bits'ą́ą́dóó t'ááłáhídi míilgo bits'áhaas'nil; t'áá ałtsogo naakits'áadadi míilgo anaa' yiniyé hasht'e'ádadiilyaa. 6Ákohgo Mózes díí anaa'góó diné bida'dziis'nii'; diné t'áá ałtso bitahdę́ę́' t'ááłáhídi mííl ádanéelą́ą'go náá'iiłniihii Eliyéízar biye' Fíniyas éí dadílyingo chodao'íinii áádóó béésh łigaii dilní bee áńdazhdi'niih dooígíí yoojihgo bizh'níłnii'. 7Áko Mídiyan dine'é bich'į' anaa' dahodzisłį́į́'; Bóhólníihii éí Mózes yich'į' yee haadzíi'ii bik'ehgo diné danilínígíí t'áá ałtso nideistseed. 8Mídiyan dine'é aláahgo binanit'a'í danilíinii nideistseed; diné nidabi'diztseedígíí bitahdóó aláahgo naat'áanii nideistseed; éí Íívai, Rííkem, Zer, Her índa Rííba daolyé; Bíyor biye' Béílam#Num. 22—24. ałdó' diltłish yee dayiisxį́. 9Ízrel dine'é éí Mídiyan dine'é asdzání danilíinii t'áá ałtso áádóó ba'áłchíní t'áá bił yisnááh ádayiilaa; bibéégashii áádóó bidibé índa binaalye'éda deisná. 10Bikin hadaas'áhígi kéédahat'į́į́ nít'éé' yę́ęgóó áádóó bikin naazhjaa'ígíí t'áá át'é adeideesk'ą́ą́'. 11Áko Mídiyan dine'é yę́ę dabinaalye'é t'áá át'é áádóó daasnánígíí t'áá ałtso éí diné danilínígíí áádóó da'alį́'ígíí t'áá bił dadzisná. 12Áádóó deisnáanii áádóó yąąh da'ííghą́ą'ii índa dabinaalye'é éí Mózes áádóó náá'iiłniihii Eliyéízar índa Ízrel dine'é dah yinéełii éí Jériko kin haal'áádóó Jórdan tooh ha'naa Mó'ab kéyah dzígaigi dah yinéełgo áadi yaa áłah ádayiilaa.
13Áko Mózes áádóó náá'iiłniihii Eliyéízar índa dah oonéełii binanit'a'í t'áá ałtso éí níbaal haal'á bits'áhwiiní'ą́ądi siláo bidááh jiiskai. 14Ákohgo Mózes éí siláo dah deínéehii binanit'a'í danilíinii éí mííl daníjaa'go índa neeznádiin daníjaa'go yinanit'a'í danilíinii anaa'dę́ę́' ná'nánígíí yich'į' báhóóchįįd. 15Áko Mózes áhodííniid, Asdzáníísh t'áá ałtso áá dah soohsįįd? 16Shą́ą́', Píyor hoolyéedi Béílam bina'nitin bik'ehgo díí asdzání éí Ízrel dine'é danilíinii Bóhólníihii yich'į' doo ákǫ́ǫ́ ádaat'į́į́góó ádayiilaa,#Num. 25:1-9. áko Bóhólníihii bidine'é naałniih bitah níłnii'. 17Áko k'ad áłchíní bitahdóó ashiikéhígíí ałtso nidaałtseed áádóó asdzání éí diné hoł nídabiilkááh nít'é'ígíí ałtso nidahołtseed. 18Nidi at'ééké t'ahdoo diné yeinít'įįhii t'áá ałtso dahinánígíí éí danihíí' doo. 19Áádóó diné ła' soołhínígíí, doodaii' ats'íís daaztsą́ągo bíhidoohnáa'ii éí tsosts'id yiską́ąjį' níbaal haal'á bits'áhwiiní'ą́ądi nihighan doo, áko nihí áádóó yisnááh óołaaígíí biłgo táá' yiłkaah bijį́ áádóó tsosts'id yiłkaah bijį́ diyingo ádadidoołdah. 20Áko danihi'éé' t'áá át'é áádóó akágí bee ádaalyaii t'áá át'é áádóó tł'ízí bighaa' bee ádaalyaii t'áá át'é índa ha'át'íhída tsin bee ádaalyaii t'áá át'é bąąh dahodoołdah.
21Áádóó náá'iiłniihii Eliyéízar éí diné nidaazbaa'dę́ę́' nákaígíí ííłní, Díí bee haz'áanii bik'ehgo hoogáałii Bóhólníihii éí Mózes yich'į' yee haadzíí'; 22óola, béésh łigaii, béésh łitsoii, béésh nitł'izii, béésh kágí, béésh diłhį́įhii, 23índa t'áá ha'át'íhída kǫ' yídaníłdzilii t'éiyá kǫ' biih dadoohniłgo bida'didoodah. Ákót'ée nidi tó t'áá sahdii nideet'áanii bee i'didéehii bik'ídadoołtah. Áádóó t'áá ha'átíhída kǫ' doo yídaníłdzilii éí tó bee i'didéehii biih dadoohnił. 24Áko tsosts'id yiską́ą́ góne' nihi'éé' dadoohgis, áko nihida'deezdee'dóó bik'ijį' níbaal haal'áajį' yah áńdoohkah.
Naalye'é aháá'nil
25Áádóó Bóhólníihii éí Mózes yich'į' haadzíi'go ííłní, 26Ni áádóó náá'iiłniihii Eliyéízar índa dah oonéełgi azhé'é á naazíinii éí daasnánígíí t'áá ałtso diné danilínígíí áádóó da'alį́'ígíí t'áá bił deídóołtah. 27Áko daasnánígíí ahádadoohniłgo nidaazbaa'ígíí éí ałníí'dóó baa dadoohnił áádóó łahjį'ígíí éí dah oonéłígíí baa dadoohnił. 28Nidaazbaa'ii baa dahaas'nilígíí bits'ą́ą́dóó Bóhólníihii bich'į' nályééh nideidiyooleełgo bich'į' daał'á; t'áá ha'át'íhída ashdladi neeznádiin ánéelą́ą'go bits'ą́ą́dóó t'ááłá'ígo ats'ádahidoołtééł: éí bíla' ashdla'ii nilíinii áádóó béégashii áádóó télii índa dibé. 29Díí ła' ałníí'dóó bits'ą́ą́' nídadidoohniłgo náá'iiłniihii Eliyéízar baa dadoohniłgo éí Bóhólníihii yich'į' yił dah nídiilnihgo néidiyoołnih. 30Áádóó łahjį' ałníí'dóó Ízrel dine'é baa dahaas'nilígíí t'áá ha'át'íhída ashdladiin ánéelą́ą'go bits'ą́ą́dóó t'ááłá'ígo ats'ádahidoołtééł: éí bíla' ashdla'ii nilíinii áádóó béégashii áádóó télii áádóó dibé índa da'alį́'ígíí t'áá ał'ąą ádaat'éii éí Líívai dine'é Bóhólníihii biníbaal bii' hodílzinii yaa ádahalyáanii baa dadidooh'ááł. 31Áko Mózes áádóó náá'iiłniihii Eliyéízar, Bóhólníihii éí Mózes yich'į' yee haadzí'ígíí bik'ehgo ádziidzaa.
32Áko nidaazbaa'ii t'áá ha'át'íhída daasnáanii daadziihígíí éí dibé hastą́ądi neeznádiindóó ba'aan tsosts'idiindóó ba'aan ashdladiindi miil ánéelą́ą́', 33béégashii éí tsosts'idiindóó ba'aan naakidi miil ánéelą́ą́', 34télii éí hastą́diindóó ba'aan t'ááłáhídi miil ánéelą́ą́'. 35Ch'ikéí éí t'ahdoo diné yeinít'įįhii tádiindóó ba'aan naakidi miil ánéelą́ą́'. 36T'áá ha'át'íhída daasnáanii ałníí'dóó nidaazbaa'ii baa dahaas'nilígíí éí dibé táadi neeznádiindóó ba'aan tádiindóó ba'aan tsosts'idi mííldóó ba'aan ashdladi neeznádiin ánéelą́ą́', 37áádóó dibé éí Bóhólníihii bich'į' nályéhígíí éí hastą́ądi neeznádiindóó ba'aan tsosts'idiindóó ba'aan ashdla' ánéelą́ą́'. 38Béégashii éí tádiindóó ba'aan hastą́ądi miil ánéelą́ą́', áko Bóhólníihii bich'į' nályéhígíí éí tsosts'idiindóó ba'aan naaki lá. 39Télii éí tádiindi mííldóó ba'aan ashdladi neeznádiin éí bits'ą́ą́dóó Bóhólníihii bich'į' nályéhígíí hastą́diindóó ba'aan t'ááłá'í lá. 40Daho'disnáanii éí hastą́'áadahdi mííl, éí bitahdóó Bóhólníihii bich'į' nályéhígíí éí tádiindóó ba'aan naaki lá. 41Áko Mózes éí Bóhólníihii bich'į' bił dah nídi'diilnihgo nááhániihii nályééh át'éego náá'iiłniihii Eliyéízar yeinínil; Bóhólníihii éí Mózes áyidííniidígíí yik'ehgo ádzaa.
42Áádóó Ízrel dine'é éí siláo nidaazbaa'ígíí deisnánígíí há ałníí'dóó éí Mózes ałts'áyíínil, 43(dah oonéłígíí ałníí'dóó daabíhígíí éí dibé táadi neeznádiindóó ba'aan tádiindóó ba'aan tsosts'idi mííldóó ba'aan ashdladi neeznádiin ánéelą́ą́', 44béégashii éí tádiindóó ba'aan hastą́ądi miil ánéelą́ą́', 45télii éí tádiindi mííldóó ba'aan ashdladi neeznádiin ánéelą́ą́', 46daho'disnáanii éí hastą́'áadahdi miil ázhnéelą́ą́',) 47Ízrel dine'é ałníí'dóó bíí' silį́'ígíí éí daho'disnáanii ashdladiin jiníjaa'go hatahdóó t'áá dajíłá'ígo áádóó da'alį́'ígíí ashdladiin níjaa'go bitahdóó t'áá daałá'ígo éí Mózes ats'áyiiznilgo Líívai dine'é danilíinii Bóhólníihii biníbaal bii' hodílzinii yaa ádahalyánígíí yeinínil. Áko Bóhólníihii éí Mózes áyidííniidígíí yik'ehgo ádzaa.
48Áádóó miilgo siláo dah deínéehii binanit'a'í danilíinii éí daamííl daníjaa'go índa neeznádiin daníjaa'go yindant'áii éí Mózes yaa daaskai. 49Mózes yił dahoolne'go ádaaní, Ná nidaal'a'í niidlíinii nihiyaadóó siláo sinilii bee nihídahólníhígíí dayíilta'go doo ła' bá hályáah da. 50Bóhólníihii bich'į' nááhániihii daniijaa'go diné łah hoditéhee nidayiizhjaa'ii yódí éí óola bee ádaalyaii, béésh da'ahólzha'ii, látsínída, yoostsahda, jaatł'óołda índa yoo'da éí Bóhólníihii binááł bee á k'ééhoodǫǫłii nihii' naazíinii bá náádahidiilnih. 51Áko Mózes áádóó náá'iiłniihii Eliyéízar éí yódí óola bee ádaalyaii deizhjaa'ígíí t'áá ałtso néidiinil. 52Ákohgo miilgo daníjaa'go yindant'áii índa neeznádiin daníjaa'go yindant'áii éí Bóhólníihii bich'į' nááhaaznii'ígíí éí óola t'áá át'é hastą́'áadahdi mííldóó ba'aan tsosts'idi neeznádiindóó ba'aan ashdladiin shékel wolyéii dah hidiidloh.#31:52 Éí dah hidiidlohígíí dį́įdi neeznádiindóó ba'aan náhást'éíts'áadah dah hidiidloh bíighah óolyé. 53(Diné nidaazbaa'ígíí éí naalye'é deisnánígíí ádá ą́ą́deisįįd.) 54Áko Mózes áádóó náá'iiłniihii Eliyéízar éí miilgo siláo daníjaa'go yindant'áii índa neeznádiingo siláo daníjaa'go yindant'áii éí óola nidayiizhjaa'ígíí néidiinilgo níbaal bii' dahozdísinii góne' yah ayííjaa'; éí Bóhólníihii binááł Ízrel dine'é danilíinii bá bee ééhániihii át'ée doo.
Currently Selected:
NUMBERS 31: NVJOB
Highlight
Share
Copy
Want to have your highlights saved across all your devices? Sign up or sign in
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
