Luka AMASHIWI YAKULONDOLOLA PALI IYI MBILA
AMASHIWI YAKULONDOLOLA PALI IYI MBILA
Kalemba wa iyi Mbila Nsuma ni Luka, uwali shiŋanga wa mu cipatala (Kolo 4:14). Aendawike na Paulo mukubomba umulimo wakwa Lesa (Imili 16:10-17; 2 Timo 4:11). Alembele iyi Mbila Nsuma kuli Teofili uwali umwina Kristu Umugiriki (Luka 1:3). Amulembele pakulondolola ifyo ubwina Kristu bwatampilwe na Yesu Kristu mu milimo abombele pano calo. Kabili amulembele kalata wakwe uwabubili, “Imilimo ya basole” umo alondolwele ifyo umulimo wa Mbila Nsuma waendele ninshi Yesu Kristu alinina ku mulu.
Muli iyi Mbila Nsuma, Luka atulanga ukuti, Yesu e Mulubushi Lesa alaile abena Israeli, kabili e Mulubushi wine wa bantu bonse. Luka atweba nokuti, Mupashi wa Mfumu aikile pali Yesu pakuti amone “ukubila Imbila Nsuma ku balanda.” Muli iyi Mbila, Luka atulanga ifyo Yesu asakamana abantu abali mu macushi ayalekana lekana. Elyo cimbi naco icimonekesha nganshi muli iyi Mbila, ni nsansa. Eshimonekesha ukucilisha mu cipande cakubalilapo umo alanda palwa kwisa kwakwa Yesu, elyo na ku mpela ilyo alanda palwa kubwelelamo ku mulu.
Elyo kabili Luka alemba ifingi ifyo tushisanga muli Mako na Mateo, ifili nga:
1: Bamalaika baisa pakata Yesu ilyo afyelwe ku Betelemu, baleimba ulwimbo.
2: Bakacema baisa pakata Yesu ilyo afyelwe.
3: Yesu ilyo acili umwaice bamusanga mwi Tempele.
4: Umulumbe wa mwina Samaria musuma.
5: Umulumbe wa mwana waluba.
Muli iyi Mbila yakwa Luka mwena tumonamo nefyo Yesu akonkomesha pakupepa, pali Mupashi Wamushilo, abanakashi ifyo baipeela mukubombela Yesu, elyo na pafyo Lesa abelela uluse umuntu uwalapila.
Imilandu yatantama ifi
Icitendekelo ca Mbila 1:1-4
Ukufyalwa no bwaice bwakwa Yoani Kabatisha na Yesu 1:5—2:52
Ifyo Yoani Kabatisha abombele 3:1-20
Yesu abatishiwa kabili atunkwa na Ciwa 3:21—4:13
Yesu afunda mu Galile 4:14—9:50
Ukufuma ku Galile ukuya ku Yerusalemu 9:51—19:27
Umulungu wa pakulekelesha ku Yerusalemu 19:28—23:56
Yesu ashukuka, amonekela ku basambi, elyo abwelelamo ku mulu 24:1-53
Currently Selected:
Luka AMASHIWI YAKULONDOLOLA PALI IYI MBILA: ILL15
Highlight
Share
Copy
Want to have your highlights saved across all your devices? Sign up or sign in
Bible Society of Zambia