ܙܟ݂ܪܝܐ 12
12
ܡܵܪܝܵܐ ܒܸܬ ܦܲܪܸܩ ܠܝܼܗܘܼܕܵܐ، ܘܠܐܘܿܪܸܫܠܸܡ، ܘܠܒܹܝܬ ܕܵܘܝܼܕ
1ܡܲܫܩܠܵܐ ܕܚܲܒܪܵܐ ܕܡܵܪܝܵܐ ܥܲܠܔ ܝܼܣܪܵܝܹܠܔ. ܒܹܐܡܵܪܵܐ ܝܠܹܗ ܡܵܪܝܵܐ ܡܵܬܚܵܢܵܐ ܕܫܡܲܝܵܐ، ܘܫܲܬܐܸܣܵܢܵܐ ܕܐܲܪܥܵܐ، ܘܓܵܒ݂ܠܵܢܵܐ ܕܪܘܼܚܵܐ ܕܒܲܪܢܵܫܵܐ ܒܓܵܘܹܗ: 2”ܗܵܐ، ܐܵܢܵܐ ܒܸܥܒ݂ܵܕܵܐ ܝܘܸܢ ܠܐܘܿܪܸܫܠܸܡ ܟܵܣܵܐ ܕܪܥܘܼܠܵܐ ܠܟܠܲܝܗܝ ܥܲܡܡܹ̈ܐ ܚܵܕܸܪ̈ܘܵܢܹܐ، ܘܐܘܼܦ ܝܼܗܘܼܕܵܐ ܒܸܬ ܦܵܐܹܫ ܡܗܘܼܨܪܵܐ ܥܲܡ ܐܘܿܪܸܫܠܸܡ. 3ܘܒܸܬ ܗܵܘܝܵܐ، ܒܗ̇ܘ ܝܵܘܡܵܐ ܒܸܬ ܥܵܒ݂ܕܹܢ ܠܐܘܿܪܸܫܠܸܡ ܟܹܐܦܵܐ ܕܟܵܪܬܵܐ ܠܟܠܲܝܗܝ ܥܲܡܡܹ̈ܐ، ܟܠܲܝܗܝ ܛܵܥܢܵܢܘܼ̈ܗ̇ ܣܪܵܛܵܐ ܒܸܬ ܦܵܝܫܝܼ ܣܪܝܼܛܹܐ، ܘܒܸܬ ܦܵܝܫܝܼ ܓ̰ܘܼܡܸܥܹܐ ܕܲܠܩܘܼܒ݂ܠܘܼܗ̇ ܟܠܲܝܗܝ ܐܸܡܘܵܬܹ̈ܐ ܕܐܲܪܥܵܐ. 4ܒܗ̇ܘ ܝܵܘܡܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܒܸܬ ܡܵܚܹܝܢ ܠܟܠܔ ܣܘܼܣܹܐ ܒܥܘܼܓ̰ܵܒܵܐ، ܘܪܵܟܒ݂ܵܢܹܗ ܒܨܪܝܼܚܘܼܬܵܐ، ܐܝܼܢܵܐ ܥܲܠܔ ܒܹܝܬ ܝܼܗܘܼܕܵܐ ܒܸܬ ܦܵܬܚܹܢ ܥܲܝܢܝܼ̈، ܘܟܠܔ ܣܘܼܣܹܐ ܕܥܲܡܡܹ̈ܐ ܒܸܬ ܡܵܚܹܝܢ ܒܣܸܡܝܘܼܬܵܐ. 5ܘܒܸܬ ܐܵܡܪܝܼ ܓܘܼܪ̈ܵܢܹܐ ܕܝܼܗܘܼܕܵܐ ܒܠܸܒܲܝܗܝ، ’ܚܲܝܠܵܐ ܕܝܼܝܼ ܝܢܵܐ ܥܵܡܪ̈ܵܢܹܐ ܕܐܘܿܪܸܫܠܸܡ ܒܡܵܪܝܵܐ ܚܲܝܠܬܵܢܵܐ ܐܲܠܵܗܲܝܗܝ.‘ 6ܒܗ̇ܘ ܝܵܘܡܵܐ ܒܸܬ ܥܵܒ݂ܕܹܢ ܠܓܘܼܪ̈ܵܢܹܐ ܕܝܼܗܘܼܕܵܐ ܐܲܝܟ݂ ܡܲܢܩܵܠܔ ܕܢܘܼܪܵܐ ܓܵܘ ܩܲܝܣܹ̈ܐ، ܘܐܲܝܟ݂ ܡܲܫܥܲܠܵܐ ܕܢܘܼܪܵܐ ܓܵܘ ܓܕܝܼܫܵܐ، ܘܒܸܬ ܐܵܟ݂ܠܝܼ ܥܲܠܔ ܝܲܡܝܼܢܵܐ ܘܥܲܠܔ ܣܸܡܵܠܵܐ ܠܟܠܲܝܗܝ ܥܲܡܡܹ̈ܐ ܚܵܕܸܪ̈ܘܵܢܹܐ، ܘܒܸܬ ܝܵܬܒ݂ܝܼ ܥܵܡܪ̈ܵܢܹܐ ܕܐܘܿܪܸܫܠܸܡ ܡܸܢܕܪܸܫ ܒܕܘܼܟܬܲܝܗܝ، ܓܵܘ ܐܘܿܪܸܫܠܸܡ. 7ܘܒܸܬ ܦܲܪܸܩ ܡܵܪܝܵܐ ܠܡܲܫܟܢܹ̈ܐ ܕܝܼܗܘܼܕܵܐ ܒܩܲܕ݇ܡܵܝܬܵܐ، ܕܠܵܐ ܗܵܘܹܐ ܒܘܼܫ ܓܘܼܪܵܐ ܚܸܩܪܵܐ ܕܒܹܝܬ ܕܵܘܝܼܕ ܘܚܸܩܪܵܐ ܕܥܵܡܪ̈ܵܢܹܐ ܕܐܘܿܪܸܫܠܸܡ ܡ̣ܢ ܕܗ̇ܘ ܕܝܼܗܘܼܕܵܐ. 8ܒܗ̇ܘ ܝܵܘܡܵܐ ܒܸܬ ܥܵܒܹܕ ܣܸܬܵܪܵܐ ܡܵܪܝܵܐ ܚܵܕܸܪ̈ܘܵܢܹܐ ܕܥܵܡܪ̈ܵܢܹܐ ܕܐܘܿܪܸܫܠܸܡ، ܘܒܗ̇ܘ ܝܵܘܡܵܐ ܒܸܬ ܗܵܘܹܐ ܡܚܝܼܠܵܐ ܕܓܵܘܲܝܗܝ ܐܲܝܟ݂ ܕܵܘܝܼܕ، ܘܒܹܝܬ ܕܵܘܝܼܕ ܒܸܬ ܗܵܘܹܐ ܐܲܝܟ݂ ܐܲܠܵܗܵܐ، ܐܲܝܟ݂ ܡܲܠܲܐܟ݂ܵܐ ܕܡܵܪܝܵܐ ܒܹܐܙܵܠܵܐ ܩܵܕ݇ܡܲܝܗܝ. 9ܘܒܸܬ ܗܵܘܝܵܐ ܒܗ̇ܘ ܝܵܘܡܵܐ ܒܸܬ ܒܵܥܹܝܢ ܠܛܲܠܘܼܩܹܐ ܠܟܠܲܝܗܝ ܐܸܡܘܵܬܹ̈ܐ ܕܐܵܬܝܼ ܕܲܠܩܘܼܒ݂ܠܔ ܐܘܿܪܸܫܠܸܡ.
ܫܵܦܲܟ݂ܬܵܐ ܕܪܘܼܚܵܐ ܘܚܝܵܪܬܵܐ ܠܗ̇ܘ ܕܦܝܼܫ ܠܹܗ ܟ̰ܪܝܼܙܵܐ
10ܘܒܸܬ ܫܲܦܟܸܢ ܥܲܠܔ ܒܹܝܬ ܕܵܘܝܼܕ، ܘܥܲܠܔ ܥܵܡܪ̈ܵܢܹܐ ܕܐܘܿܪܸܫܠܸܡ، ܪܘܼܚܵܐ ܕܫܵܦܵܩܲܬ ܘܢܵܘܢܵܝܵܬܹ̈ܐ، ܘܒܸܬ ܚܵܝܪܝܼ ܐܸܠܝܼ، ܠܕܗ̇ܘ ܕܟ̰ܪܝܼܙ ܠܗܘܿܢ، ܘܒܸܬ ܥܵܒ݂ܕܝܼ ܐܸܒ݂ܠܵܐ ܥܲܠܘܼܗܝ ܐܲܝܟ݂ ܐܸܒ݂ܠܵܐ ܕܥܲܠܔ ܝܼܚܝܼܕܵܝܵܐ، ܘܒܸܬ ܒܵܟ݂ܝ ܒܡܲܪܝܼܪܘܼܬܵܐ ܥܲܠܘܼܗܝ، ܐܲܝܟ݂ ܕܒܵܟܹܐ ܐ݇ܢܵܫܵܐ ܒܡܲܪܝܼܪܘܼܬܵܐ ܥܲܠܔ ܒܘܼܟ݂ܪܵܐ. 11ܒܗ̇ܘ ܝܵܘܡܵܐ ܒܸܬ ܗܵܘܹܐ ܐܸܒ݂ܠܵܐ ܓܘܼܪܵܐ ܓܵܘ ܐܘܿܪܸܫܠܸܡ، ܐܲܝܟ݂ ܐܸܒ݂ܠܵܐ ܕܗܕܲܕ ܪܸܡܘܿܢ ܒܕܸܫܬܵܐ ܕܡܲܓ݂ܕܘܿ. 12ܘܒܸܬ ܥܵܒ݂ܕܵܐ ܐܸܒ݂ܠܵܐ ܐܲܪܥܵܐ، ܫܲܪ̈ܒܵܬܹܐ ܫܲܪ̈ܒܵܬܹܐ ܒܢܲܦ̮ܫܲܝܗܝ؛ ܫܲܪܒܬܵܐ ܕܒܹܝܬ ܕܵܘܝܼܕ ܒܢܲܦ̮ܫܘܼܗ̇، ܘܒܲܟ݂ܬܵܬܲܝ̈ܗܝ ܒܢܲܦ̮ܫܲܝܗܝ؛ ܫܲܪܒܬܵܐ ܕܒܹܝܬ ܢܵܬܵܢ ܒܢܲܦ̮ܫܘܼܗ̇، ܘܒܲܟ݂ܬܵܬܲܝ̈ܗܝ ܒܢܲܦ̮ܫܲܝܗܝ؛ ܫܲܪܒܬܵܐ ܕܒܹܝܬ ܠܹܘܝܼ ܒܢܲܦ̮ܫܘܼܗ̇، ܘܒܲܟ݂ܬܵܬܲܝ̈ܗܝ ܒܢܲܦ̮ܫܲܝܗܝ؛ 13ܫܲܪܒܬܵܐ ܕܫܸܡܥܝܼ ܒܢܲܦ̮ܫܘܼܗ̇، ܘܒܲܟ݂ܬܵܬܲܝ̈ܗܝ ܒܢܲܦ̮ܫܲܝܗܝ. 14ܟܠܲܝܗܝ ܫܲܪ̈ܒܵܬܹܐ ܕܝܼܢܵܐ ܫܒ݂ܝܼܩܹܐ، ܫܲܪ̈ܒܵܬܹܐ ܫܲܪ̈ܒܵܬܹܐ ܒܢܲܦ̮ܫܲܝܗܝ، ܘܒܲܟ݂ܬܵܬܲܝ̈ܗܝ ܒܢܲܦ̮ܫܲܝܗܝ.
Currently Selected:
ܙܟ݂ܪܝܐ 12: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
