ܙܟ݂ܪܝܐ 10
10
ܡܵܪܝܵܐ ܒܸܬ ܦܲܪܸܩ ܠܝܼܗܘܼܕܵܐ ܘܠܝܼܣܪܵܝܹܠܔ
1ܛܠܘܿܒܘܼܢ ܡ̣ܢ ܡܵܪܝܵܐ ܡܸܛܪܵܐ ܒܙܲܒ݂ܢܵܐ ܠܩܝܼܫܵܝܵܐ، ܡܵܪܝܵܐ ܥܵܒ݂ܕܵܢܵܐ ܕܒܸܪ̈ܩܹܐ، ܘܡܸܛܪܵܐ ܕܩܲܫܩܲܫܬܵܐ ܒܸܬ ܝܲܗ݇ܒܸܠܔ ܐܸܠܵܘܟ݂ܘܿܢ، ܕܗܵܘܹܐ ܠܹܗ ܟܠܔ ܐ݇ܢܵܫܵܐ ܓܸܠܵܐ ܒܚܲܩܠܵܐ. 2ܣܵܒܵܒ ܨܵܢܲܡܹ̈ܐ ܗܘܼܡܙܸܡ ܠܗܘܿܢ ܥܵܘܠܵܐ، ܘܩܵܨܘܿܡܹ̈ܐ ܚܙܹܐ ܠܗܘܿܢ ܕܘܼܓܠܵܐ، ܘܚܸܠܡܹ̈ܐ ܕܘܼܓܠܵܢܹ̈ܐ ܟܹܐ ܗܲܡܙܸܡܝܼ، ܣܪܝܼܩܵܐܝܼܬ ܟܹܐ ܝܵܗ݇ܒ݂ܝܼ ܠܸܒܵܐ، ܒܘܼܬ ܐܵܗܵܐ ܟܘܝܼܟ̃ ܠܗܘܿܢ ܐܲܝܟ݂ ܦܸܣܩܵܐ، ܦܝܼܫ ܠܗܘܿܢ ܡܘܼܠܝܸܨܹܐ، ܣܵܒܵܒ ܠܲܝܬ ܠܗܘܿܢ ܪܵܥܝܵܐ. 3ܥܲܠܔ ܪ̈ܵܥܝܹܐ ܚܝܼܡ ܠܵܗ̇ ܟܲܪܒܝܼ، ܘܥܲܠܔ ܓܘܼܪ̈ܵܢܹܐ ܒܸܬ ܣܲܚܒܸܪܸܢ، ܣܵܒܵܒ ܣܘܼܚܒܸܪܹܗ ܡܵܪܝܵܐ ܚܲܝܠܬܵܢܵܐ ܠܦܸܣܩܹܗ، ܠܒܹܝܬ ܝܼܗܘܼܕܵܐ، ܘܩܲܡ ܥܵܒܹܕ ܠܗܘܿܢ ܐܲܝܟ݂ ܣܘܼܣܹܐ ܕܚܸܩܪܹܗ ܒܦܠܵܫܵܐ. 4ܡ̣ܢ ܒܹܝܬ ܝܼܗܘܼܕܵܐ ܒܸܬ ܦܵܠܹܛ ܟܹܐܦܵܐ ܕܩܘܼܪܢܝܼܬܵܐ، ܡܸܢܹܗ ܣܸܟܬܵܐ، ܡܸܢܹܗ ܩܸܫܬܵܐ ܕܦܠܵܫܵܐ، ܡܸܢܹܗ ܟܠܲܝܗܝ ܫܲܠܝܼܛܹ̈ܐ ܡܸܚܕܵܕܹ̈ܐ. 5ܘܒܸܬ ܗܵܘܝܼ ܐܲܝܟ݂ ܓܲܢ݇ܒܵܪܹ̈ܐ ܕܲܫܕܘܼܫܹܐ ܠܕܸܫܡܸܢܲܝ̈ܗܝ ܒܛܝܼܢܵܐ ܕܥܵܠܘܿܠܵܢܹ̈ܐ ܒܦܠܵܫܵܐ، ܘܒܸܬ ܦܵܠܫܝܼ، ܣܵܒܵܒ ܡܵܪܝܵܐ ܥܲܡܲܝܗܝ ܝܠܹܗ، ܘܒܸܬ ܡܲܢܟܸܦܝܼ ܠܪ̈ܲܟܵܒܹܐ ܕܣܘܼܣܵܘܵܬܹ̈ܐ. 6ܘܒܸܬ ܚܲܠܸܢܸܢ ܠܒܹܝܬ ܝܼܗܘܼܕܵܐ، ܘܠܒܹܝܬ ܝܵܘܣܸܦ ܒܸܬ ܦܲܪܩܸܢ، ܘܒܸܬ ܡܲܕܸܪܸܢܗܘܿܢ، ܣܵܒܵܒ ܪܘܼܚܸܡ ܠܝܼ ܥܲܠܲܝܗܝ، ܘܒܸܬ ܗܵܘܝܼ ܐܲܝܟ݂ ܕܠܵܐ ܪܘܼܦܝܲܝ ܠܝܼ، ܣܵܒܵܒ ܐܵܢܵܐ ܝܘܸܢ ܡܵܪܝܵܐ ܐܲܠܵܗܲܝܗܝ، ܘܒܸܬ ܓ̰ܲܘܸܒܸܢܗܘܿܢ. 7ܘܒܸܬ ܗܵܘܝܼ ܐܲܝܟ݂ ܓܲܢ݇ܒܵܪܵܐ ܐܵܢܝܼ ܕܐܲܦܪܹܝܡ، ܘܒܸܬ ܚܵܕܹܐ ܠܸܒܲܝܗܝ ܐܲܝܟ݂ ܒܚܲܡܪܵܐ، ܘܒܢܘܿܢܲܝ̈ܗܝ ܒܸܬ ܚܵܙܝܼ ܘܒܸܬ ܚܵܕܝܼ، ܘܒܸܬ ܦܵܨܹܚ ܠܸܒܲܝܗܝ ܒܡܵܪܝܵܐ. 8ܒܸܬ ܡܲܫܪܸܩܸܢ ܐܸܠܲܝܗܝ، ܘܒܸܬ ܓ̰ܲܡܥܸܢܗܘܿܢ، ܣܵܒܵܒ ܦܘܼܪܩܲܝ ܠܝܼ، ܘܒܸܬ ܙܵܝܕܝܼ ܐܲܝܟ݂ ܕܙܝܼܕܹ̈ܐ ܝܗ݇ܘܵܘ ܒܩܲܕ݇ܡܵܝܬܵܐ. 9ܘܒܸܬ ܙܵܪܥܹܢܗܘܿܢ ܓܵܘ ܥܲܡܡܹ̈ܐ، ܘܒܕܘܼܟܵܢܹ̈ܐ ܪܸܚܩܵܐ ܒܸܬ ܕܵܟ݂ܪܝܼ ܠܝܼ، ܘܒܸܬ ܦܵܝܫܝܼ ܚܵܝܹ̈ܐ ܥܲܡ ܒܢܘܿܢܲܝ̈ܗܝ، ܘܒܸܬ ܕܵܝܪܝܼ. 10ܘܒܸܬ ܡܲܕܸܪܸܢܗܘܿܢ ܡ̣ܢ ܐܲܪܥܵܐ ܕܡܸܨܪܹܝܢ، ܘܡ̣ܢ ܐܵܬܘܿܪ ܒܸܬ ܓ̰ܲܡܥܸܢܗܘܿܢ، ܘܠܐܲܪܥܵܐ ܕܓܸܠܥܵܕ ܘܕܠܸܒ݂ܢܵܢ ܒܸܬ ܡܲܝܬܹܝܢܗܘܿܢ، ܘܠܹܐ ܡܵܠܝܵܐ ܠܗܘܿܢ ܕܘܼܟܬܵܐ. 11ܘܒܸܬ ܥܵܒܹܪ ܓܵܘ ܝܵܡܵܐ ܕܐܘܼܠܨܵܢܵܐ، ܘܒܸܬ ܡܵܚܹܐ ܠܠܲܦܹ̈ܐ ܕܝܵܡܵܐ، ܘܒܸܬ ܒܵܪܙܝܼ ܟܠܲܝܗܝ ܥܘܼܡܩܹ̈ܐ ܕܢܲܗܪܵܐ ܕܢܝܼܠܘܿܣ، ܘܒܸܬ ܦܵܝܫܵܐ ܡܘܼܟܸܦܬܵܐ ܪܵܡܘܼܬܵܐ ܕܐܵܬܘܿܪ، ܘܩܲܛܝܼܥܵܐ ܕܡܸܨܪܹܝܢ ܒܸܬ ܫܵܡܹܛ. 12ܘܒܸܬ ܚܲܠܸܢܸܢܗܘܿܢ ܒܡܵܪܝܵܐ، ܘܒܫܸܡܹܗ ܒܸܬ ܚܵܕܪܝܼ، ܒܹܐܡܵܪܵܐ ܝܠܹܗ ܡܵܪܝܵܐ.
Currently Selected:
ܙܟ݂ܪܝܐ 10: ABTAB
Highlight
Share
Copy
Want to have your highlights saved across all your devices? Sign up or sign in
Aramaic Bible Translation Assyrian Bible © 2025 Aramaic Bible Translation
