ܙܟ݂ܪܝܐ 1

ܟ̰ܝܵܕܬܵܐ ܠܸܕܝܵܪܵܐ ܠܟܸܣ ܡܵܪܝܵܐ ܚܲܝܠܬܵܢܵܐ

1ܒܝܲܪܚܵܐ ܕܬܡܵܢܝܵܐ، ܒܫܹܢ݇ܬܵܐ ܕܬܲܪܬܹܝ ܕܕܲܪܝܵܘܵܫ، ܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܙܟܲܪܝܵܐ ܢܒ݂ܝܼܵܐ، ܒܪܘܿܢܵܐ ܕܒܪܲܟ݂ܝܵܐ، ܒܪܘܿܢܵܐ ܕܥܲܕܘܼ، ܒܹܐܡܵܪܵܐ، 2”ܟܪܝܼܒ ܠܹܗ ܡܵܪܝܵܐ ܥܲܠܔ ܒܵܒܵܘܵܬܵܘ̈ܟ݂ܘܿܢ ܟܲܪܒܵܐ ܓܘܼܪܬܵܐ. 3ܘܐ݇ܡܘܿܪ ܐܸܠܲܝܗܝ، ’ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܕܘܼܪܘܼܢ ܠܟܸܣ ܠܝܼ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܒܸܬ ܕܵܝܪܹܢ ܠܟܸܣ ܠܵܘܟ݂ܘܿܢ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ. 4ܠܵܐ ܗܵܘܹܝܬܘܿܢ ܐܲܝܟ݂ ܒܵܒܵܘܵܬܵܘ̈ܟ݂ܘܿܢ ܕܡܘܼܟܪܸܙ ܠܗܘܿܢ ܐܸܠܲܝܗܝ ܢܒ݂ܝܼܹ̈ܐ ܩܲܕ݇ܡܵܝܹ̈ܐ، ܒܹܐܡܵܪܵܐ، ’ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܕܹܐ ܕܘܼܪܘܼܢ ܡ̣ܢ ܐܘܼܪ̈ܚܵܬܵܘܟ݂ܘܿܢ ܒܝܼܫܹ̈ܐ ܘܡ̣ܢ ܥܒ݂ܵܕܵܘ̈ܟ݂ܘܿܢ ܒܝܼܫܹ̈ܐ.“‘ ܐܝܼܢܵܐ ܠܵܐ ܫܡܝܼܥ ܠܗܘܿܢ ܘܠܵܐ ܡܘܼܨܝܸܬ ܠܗܘܿܢ ܐܸܠܝܼ، ܒܹܐܡܵܪܵܐ ܝܠܹܗ ܡܵܪܝܵܐ. 5ܒܵܒܵܘܵܬܵܘ̈ܟ݂ܘܿܢ ܐܲܝܟܵܐ ܝܢܵܐ؟ ܘܢܒ݂ܝܼܹ̈ܐ، ܠܥܵܠܲܡ ܟܹܐ ܚܵܝܝܼ؟ 6ܐܝܼܢܵܐ ܚܲܒܪ̈ܝܼ ܘܩܵܢܘܿܢܝܼ̈ ܕܦܩܝܼܕ ܠܝܼ ܠܪܹ̈ܓܵܘܵܬܝܼ ܢܒ݂ܝܼܹ̈ܐ، ܗܵܐ، ܠܵܐ ܡܛܹܐ ܠܗܘܿܢ ܠܒܵܒܵܘܵܬܵܘ̈ܟ݂ܘܿܢ؟ ܘܕܝܼܪܗܘܿܢ ܘܐ݇ܡܝܼܪܗܘܿܢ، ’ܕܵܐܟ݂ܝܼ ܕܚܫܝܼܒ݂ ܠܹܗ ܡܵܪܝܵܐ ܚܲܝܠܬܵܢܵܐ ܠܸܥܒ݂ܵܕܵܐ ܐܸܠܲܢ، ܐܲܝܟ݂ ܐܘܼܪ̈ܚܵܬܲܢ ܘܐܲܝܟ݂ ܥܒ݂ܵܕܲܢ̈، ܗܲܕܟ݂ܵܐ ܥܒ݂ܝܼܕ ܠܹܗ ܐܸܠܲܢ.‘“‘“

ܚܸܙܘܵܐ ܩܲܕ݇ܡܵܝܵܐ: ܐ݇ܢܵܫܵܐ ܟܸܠܝܵܐ ܒܹܝܠܔ ܐܵܣܹ̈ܐ

7ܒܝܵܘܡܵܐ ܕܥܸܣܪܝܼ ܘܐܲܪܒܥܵܐ ܒܝܲܪܚܵܐ ܕܚܲܕܸܥܣܲܪ، ܕܝܼܠܹܗ ܝܲܪܚܵܐ ܕܫܒܲܛ، ܒܫܹܢ݇ܬܵܐ ܕܬܲܪܬܹܝ ܠܕܲܪܝܵܘܵܫ، ܗܘܹܐ ܠܹܗ ܚܲܒܪܵܐ ܕܡܵܪܝܵܐ ܠܙܟܲܪܝܵܐ ܢܒ݂ܝܼܵܐ ܒܪܘܿܢܵܐ ܕܒܪܲܟ݂ܝܵܐ، ܒܪܘܿܢܵܐ ܕܥܲܕܘܼ، ܒܹܐܡܵܪܵܐ: 8ܚܙܹܐ ܠܝܼ ܒܠܲܝܠܹܐ، ܘܗܵܐ، ܐ݇ܢܵܫܵܐ ܪܟܝܼܒ݂ܵܐ ܥܲܠܔ ܣܘܼܣܹܐ ܣܡܘܿܩܵܐ، ܘܗ̇ܘ ܟܸܠܝܵܐ ܝܗ݇ܘܵܐ ܒܹܝܠܔ ܐܵܣܹ̈ܐ ܕܝܼܗ݇ܘܵܘ ܒܪܵܘܘܿܠܵܐ، ܘܒܵܬ݇ܪܹܗ ܣܘܼܣܵܘܵܬܹ̈ܐ ܣܡܘܿܩܹ̈ܐ ܘܣܘܼܪܚܘܿܢ ܘܚܘܵܪܹ̈ܐ. 9ܘܐ݇ܡܝܼܪܝܼ، ”ܡܘܿܕܝܼ ܝܢܵܐ ܐܲܢܹܐ، ܡܵܪܝܼ؟“ ܘܐ݇ܡܝܼܪܹܗ ܐܸܠܝܼ ܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ”ܐܵܢܵܐ ܒܸܬ ܡܲܚܙܹܝܢܘܼܟ݂ ܡܘܿܕܝܼ ܝܢܵܐ ܐܲܢܹܐ.“ 10ܘܓ̰ܘܼܘܸܒ ܠܹܗ ܐ݇ܢܵܫܵܐ ܕܟܸܠܝܵܐ ܝܗ݇ܘܵܐ ܒܹܝܠܔ ܐܵܣܹ̈ܐ ܘܐ݇ܡܝܼܪܹܗ، ”ܐܲܢܹܐ ܝܢܵܐ ܕܫܘܼܕܸܪܹܗ ܡܵܪܝܵܐ ܠܸܚܕܵܪܵܐ ܒܐܲܪܥܵܐ.“ 11ܘܓ̰ܘܼܘܸܒ ܠܗܘܿܢ ܠܡܲܠܲܐܟ݂ܵܐ ܕܡܵܪܝܵܐ، ܕܟܸܠܝܵܐ ܝܗ݇ܘܵܐ ܒܹܝܠܔ ܐܵܣܹ̈ܐ، ܘܐ݇ܡܝܼܪܗܘܿܢ، ”ܚܕܝܼܪܲܢ ܒܐܲܪܥܵܐ، ܘܗܵܐ، ܟܠܵܗ̇ ܐܲܪܥܵܐ ܝ݇ܬܝܼܒ݂ܬܵܐ ܘܫܠܝܼܬܵܐ.“ 12ܘܓ̰ܘܼܘܸܒ ܠܹܗ ܡܲܠܲܐܟ݂ܵܐ ܕܡܵܪܝܵܐ، ܘܐ݇ܡܝܼܪܹܗ، ”ܡܵܪܝܵܐ ܚܲܝܠܬܵܢܵܐ، ܗܲܠܔ ܐܝܼܡܲܢ ܐܲܢ݇ܬ ܠܹܐ ܪܲܚܡܸܬ ܥܲܠܔ ܐܘܿܪܸܫܠܸܡ ܘܥܲܠܔ ܡܕܝܼܢܵܬܹ̈ܐ ܕܝܼܗܘܼܕܵܐ، ܕܟܪܝܼܒ ܠܘܼܟ݂ ܥܲܠܲܝܗܝ ܐܵܗܵܐ ܫܲܒ݂ܥܝܼ ܫܸܢܹ̈ܐ؟“ 13ܘܓ̰ܘܼܘܸܒ ܠܹܗ ܡܵܪܝܵܐ ܠܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ ܗܹܡܸܙܡܵܢܹ̈ܐ ܛܵܒܹ̈ܐ ܘܗܹܡܸܙܡܵܢܹ̈ܐ ܝܵܗ݇ܒ݂ܵܢܹ̈ܐ ܕܠܸܒܵܐ. 14ܘܐ݇ܡܝܼܪܹܗ ܐܸܠܝܼ ܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ”ܡܲܟܪܸܙ ܘܐ݇ܡܘܿܪ، ’ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܥܒ݂ܝܼܪܝܼ ܒܛܢܵܢܵܐ ܠܐܘܿܪܸܫܠܸܡ ܘܠܨܸܗܝܘܿܢ، ܛܢܵܢܵܐ ܓܘܼܪܵܐ. 15ܘܟܲܪܒܵܐ ܓܘܼܪܬܵܐ ܐܵܢܵܐ ܒܸܟܪܵܒܵܐ ܝܘܸܢ ܥܲܠܔ ܐܸܡܘܵܬܹ̈ܐ ܕܝܼܢܵܐ ܒܫܲܝܢܵܐ، ܣܵܒܵܒ ܐܵܢܵܐ ܟܪܝܼܒ ܠܝܼ ܚܲܕ݇ܟ̰ܵܐ، ܐܝܼܢܵܐ ܐܵܢܝܼ ܡܘܼܙܝܸܕ ܠܗܘܿܢ ܥܲܠܔ ܒܝܼܫܬܵܐ.“ 16ܒܘܼܬ ܐܵܗܵܐ ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ، ”ܕܝܼܪܝܼ ܠܐܘܿܪܸܫܠܸܡ ܠܸܥܒ݂ܵܕܵܐ ܪ̈ܲܚܡܹܐ ܥܲܠܘܼܗ̇، ܘܒܲܝܬܝܼ ܒܸܬ ܦܵܐܹܫ ܒܸܢܝܵܐ ܓܵܘܘܼܗ̇،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܬܵܢܵܦ ܒܸܬ ܦܵܝܫܵܐ ܦܘܼܫܸܛܬܵܐ ܥܲܠܔ ܐܘܿܪܸܫܠܸܡ.“‘ 17ܡܸܢܕܪܸܫ ܡܲܟܪܸܙ ܘܐ݇ܡܘܿܪ، ’ܗܲܕܟ݂ܵܐ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܡܸܢܕܪܸܫ ܒܸܬ ܫܵܦܟ݂ܝܼ ܡܕܝܼܢܵܬܝܼ̈ ܡ̣ܢ ܛܵܒ݂ܵܬܹ̈ܐ، ܘܒܸܬ ܝܲܗ݇ܒܸܠܔ ܠܸܒܵܐ ܡܵܪܝܵܐ ܡܸܢܕܪܸܫ ܠܨܸܗܝܘܿܢ، ܘܓܲܒܹܐ ܡܸܢܕܪܸܫ ܠܐܘܿܪܸܫܠܸܡ.“‘“

ܚܸܙܘܵܐ ܬܪܲܝܵܢܵܐ: ܐܲܪܒܲܥ ܩܲܪ̈݇ܢܵܢܹܐ ܘܐܲܪܒܥܵܐ ܐܘܼܡܵܢܹ̈ܐ

18ܘܡܘܼܪܸܡ ܠܝܼ ܥܲܝܢܝܼ̈ ܘܚܙܹܐ ܠܝܼ، ܘܗܵܐ، ܐܲܪܒܲܥ ܩܲܪ̈݇ܢܵܢܹܐ. 19ܘܐ݇ܡܝܼܪܝܼ ܠܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ”ܡܘܿܕܝܼ ܝܢܵܐ ܐܲܢܹܐ؟“ ܘܐ݇ܡܝܼܪܹܗ ܐܸܠܝܼ، ܐܲܢܹܐ ܝܢܵܐ ܩܲܪ̈݇ܢܵܢܹܐ ܕܒܘܼܪܒܸܙ ܠܗܘܿܢ ܠܝܼܗܘܼܕܵܐ، ܘܠܝܼܣܪܵܝܹܠܔ، ܘܠܐܘܿܪܸܫܠܸܡ.“ 20ܘܡܘܼܚܙܝܼܸܢܹܗ ܡܵܪܝܵܐ ܐܲܪܒܥܵܐ ܐܘܼܡܵܢܹ̈ܐ. 21ܘܐ݇ܡܝܼܪܝܼ، ”ܐܲܢܹܐ ܒܹܐܬܵܝܵܐ ܝܢܵܐ ܡܘܿܕܝܼ ܠܸܥܒ݂ܵܕܵܐ؟“ ܘܐ݇ܡܝܼܪܹܗ، ”ܩܲܪ̈݇ܢܵܢܹܐ ܒܘܼܪܒܸܙ ܠܗܘܿܢ ܠܝܼܗܘܼܕܵܐ ܗܲܠܔ ܕܐ݇ܢܵܫܵܐ ܠܵܐ ܩܘܼܫ̃ܕܸܪܹܗ ܠܡܲܪܘܼܡܹܐ ܪܹܫܹܗ، ܐܝܼܛܵܐ ܐ݇ܬܹܐ ܠܗܘܿܢ ܐܲܢܹܐ ܐܘܼܡܵܢܹ̈ܐ ܠܡܲܙܕܘܼܥܹܐ ܐܸܠܲܝܗܝ، ܠܸܬܒ݂ܵܪܵܐ ܠܩܲܪ̈݇ܢܵܢܹܐ ܕܐܸܡܘܵܬܹ̈ܐ ܕܡܲܪܘܼܡܹܐ ܝܗ݇ܘܵܘ ܙܲܝܢܵܐ ܥܲܠܔ ܐܲܪܥܵܐ ܕܝܼܗܘܼܕܵܐ ܠܒܲܪܒܘܼܙܘܼܗ̇.“

Currently Selected:

ܙܟ݂ܪܝܐ 1: ABTAB

Highlight

Copy