ܡܙܡܘܪܐ 11
11
ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ.
1ܒܡܵܪܝܵܐ ܫܩܝܼܠ ܠܝܼ ܓܵܘܣܵܐ،
ܕܐܲܝܟ݂ ܐܵܡܪܝܼܬܘܿܢ ܠܓܵܢܝܼ:
”ܥܪܘܿܩܝ ܠܛܘܼܪܵܟ݂ܝ ܐܲܝܟ݂ ܛܲܝܪܵܐ؟“
2ܒܗ̇ܝ ܕܗܵܐ، ܪ̈ܲܫܝܼܥܹܐ ܒܸܡܬܵܚܵܐ ܝܢܵܐ ܩܸܫܬܵܐ،
ܗܘܼܕܸܪܗܘܿܢ ܓܹܐܪ̈ܵܝܗܝ ܥܲܠ ܡܸܠܬܵܐ،
ܠܪܲܦܘܼܝܹܐ ܒܚܸܫܟܵܐ ܥܲܠ ܬܪ̈ܘܼܨܹܐ ܕܠܸܒܵܐ.
3ܐܝܼܡܲܢ ܕܫܲܬܐܸܣܹ̈ܐ ܦܵܝܫܝܼ ܬܠܝܼܚܹܐ،
ܡܘܼܕܝܼ ܥܵܒܹܕ ܙܲܕܝܼܩܵܐ؟
4ܡܵܪܝܵܐ ܒܗܲܝܟܠܵܐ ܕܩܘܼܕܫܹܗ،
ܡܵܪܝܵܐ ܒܫܡܲܝܵܐ ܟܘܼܪܣܝܹܗ،
ܥܲܝܢܘܼ̈ܗܝ ܟܹܐ ܚܵܙܝܼ، ܛܸܠܦܵܦܘܼ̈ܗܝ ܟܹܐ ܒܵܚܪܝܼ ܠܒܢܲܝ̈ܢܵܫܵܐ.
5ܡܵܪܝܵܐ ܟܹܐ ܒܵܚܹܪ ܠܙܲܕܝܼܩܵܐ،
ܐܝܼܢܵܐ ܠܒܝܼܫܵܐ ܘܠܡܲܚܸܒܵܢܵܐ ܕܛܠܘܼܡܝܵܐ ܟܹܐ ܣܵܢܝܵܐ ܓܵܢܹܗ.
6ܒܸܬ ܡܲܥܪܹܐ ܥܲܠ ܪ̈ܲܫܝܼܥܹܐ ܦܲܚܹ̈ܐ،
ܢܘܼܪܵܐ، ܘܟܸܒܪܝܼܬ، ܘܦܵܘܚܵܐ ܚܲܡܝܼܡܵܐ؛ ܣܵܗܡܵܐ ܕܟܵܣܵܝܗܝ.
7ܒܗ̇ܝ ܕܙܲܕܝܼܩܵܐ ܝܠܹܗ ܡܵܪܝܵܐ، ܟܹܐ ܡܲܚܸܒ ܙܲܕܝܼܩܘܼܬܵܐ،
ܬܪ̈ܘܼܨܹܐ ܒܸܬ ܚܵܙܝܼ ܠܦܵܬܹܗ.
Currently Selected:
ܡܙܡܘܪܐ 11: aii
Highlight
Share
Copy
Want to have your highlights saved across all your devices? Sign up or sign in
© 2014, Aramaic Bible Translation, Inc. All rights reserved.
