Jenesis 36

Henedhow Esaw

1An re ma yw henedhow Esaw, henn yw Edom. 2Esaw a gemmeras y wragedh a'n myrghes a Kanan: Ada, myrgh Elon an Hittyas, hag Oholibama, myrgh Ana, myrgh Sibeon an Hivyas, 3ha Basemath, myrgh Yshmael, hwoer Nebayoth. 4Hag Ada a dhineythis dhe Esaw Elifaz, ha Basemath a dhineythis Reuel. 5Hag Oholibama a dhineythis Yeush ha Yalam ha Koragh. An re ma yw mebyon Esaw a veu genys dhodho yn pow Kanan.

6Hag Esaw a gemmeras y wragedh, ha'y vebyon ha'y vyrghes, ha tus oll y vayni, ha'y jatel, hag oll y vestes hag oll an pyth re gavsa yn pow Kanan; hag yth eth yn-kerdh yn pow arall dhiworth fas y vroder Yakob. 7Rag mar vras o aga fyth ma na yllens triga war-barth, ha na ylli an pow mayth esens ow kodriga ynno aga ferthi drefenn aga chatel. 8Ytho Esaw a drigas yn menydh Seir. Esaw yw Edom.

9An re ma yw henedhow Esaw, tas Edom, yn menydh Seir. 10An re ma yw henwyn mebyon Esaw: Elifaz mab Ada gwreg Esaw; Reuel mab Basemath gwreg Esaw. 11Mebyon Elifaz o Teman, Omar, Sefo, Gatam ha Kenaz. 12Timna o iswreg Elifaz mab Esaw; ha hi a dhineythis Amalek dhe Elifaz. An re ma yw mebyon Ada, gwreg Esaw. 13An re ma yw mebyon Reuel: Nahath, Zeragh, Shamma ha Mizza. An re ma o mebyon Basemath, gwreg Esaw. 14An re ma o mebyon Oholibama, myrgh Ana, myrgh Sibeon, gwreg Esaw. Hi a dhineythis dhe Esaw Yeush, Yalam ha Koragh.

15An re ma yw pennternedh mebyon Esaw. Mebyon Elifaz, kynsa-genys Esaw: penntern Teman, penntern Omar, penntern Sefo, penntern Kenaz, 16penntern Koragh, penntern Gatam, penntern Amalek. An re ma yw pennternedh Elifaz yn pow Edom; mebyon Ada yns i. 17An re ma yw mebyon Reuel mab Esaw: penntern Nahath, penntern Zeragh, penntern Shamma, penntern Mizza. An re ma yw pennternedh Reuel yn pow Edom; mebyon Basemath gwreg Esaw yns i. 18An re ma yw mebyon Oholibama, gwreg Esaw: penntern Yeush, penntern Yalam, penntern Koragh. An re ma yw pennternedh Oholibama, myrgh Ana, gwreg Esaw. 19An re ma yw mebyon Esaw, ha'n re ma yw aga fennsevigyon. Ev yw Edom.

20An re ma yw mebyon Seir an Horyas, trigoryon y'n pow: Lotan, Shobal, Sibeon, Ana. 21Dishon, Eser ha Dishan: an re ma yw pennternedh an Horysi, mebyon Seir yn pow Edom. 22Mebyon Lotan o Hori ha Hemam; ha hwoer Lotan o Timna. 23An re ma yw mebyon Shobal: Alvan, Manahath, Ebal, Shefo hag Onam. 24An re ma yw mebyon Sibeon: Aya hag Ana; ev yw Ana a gavas an fentynyow toemm#36:24 an fentynyow toemm: Ow siwya an Vulgat. Styr an Ebrow yw ansertan. War-lergh hengov yedhowek an styr omma yw mulyon. y'n difeythtir hag ev ow peuri asenes Sibeon y das. 25Ha'n re ma yw fleghes Ana: Dishon hag Oholibama, myrgh Ana. 26An re ma yw mebyon Dishan: Hemdan, Eshban, Ythran ha Keran. 27An re ma yw mebyon Eser: Bilhan ha Zaavan hag Akan. 28An re ma yw mebyon Dishan: Us hag Aran. 29An re ma yw pennternedh an Horysi: penntern Lotan, penntern Shobal, penntern Sibeon, penntern Ana, 30penntern Dishon, penntern Eser, penntern Dishan. An re ma yw pennternedh an Horysi, war-lergh aga fennsevigyon yn pow Seir.

31An re ma yw an vyghternedh a reynyas yn pow Edom kyns myghtern dhe reynya war vebyon Ysrael. 32Bela mab Beor a reynyas yn Edom; ha hanow y sita o Dinhaba. 33Bela a verwis, ha Yobab mab Zeragh dhiworth Bosra a reynyas yn y le. 34Yobab a verwis, ha Husham a bow Teman a reynyas yn y le. 35Husham a verwis, ha Hadad mab Bedad, neb a fethas Midyan yn gwel Moab, a reynyas yn y le; ha hanow y sita o Avith. 36Hadad a verwis, ha Samla dhiworth Masreka a reynyas yn y le. 37Samla a verwis, ha Shaul dhiworth Rehoboth-hannahar a reynyas yn y le. 38Shaul a verwis, ha Baal-hanan mab Akbor a reynyas yn y le. 39Baal-hanan mab Akbor a verwis, ha Hadar a reynyas yn y le; ha hanow y sita o Pau. Hanow y wreg o Mehetabel, myrgh Matred, myrgh Me-zahab.

40An re ma yw henwyn pennternedh Esaw, war-lergh aga theyluyow, war-lergh aga thylleryow, orth aga henwyn: penntern Timna, penntern Alva, penntern Yetheth, 41penntern Oholibama, penntern Ela, penntern Pinon, 42penntern Kenaz, penntern Teman, penntern Mibsar, 43penntern Magdiel, penntern Iram. An re ma yw pennternedh Edom war-lergh aga thrigvaow yn pow aga ferghennogeth. Ev yw Esaw, tas Edom.

Currently Selected:

Jenesis 36: ABK

Highlight

Copy