Sione 17

Ko e Lotu ‘a Si̇̄sū

1Pea hili hono fai ʻe Si̇̄sū ʻa e ngaahi lea ko ʻeni̇́ ki heʻene kau akó, naʻá ne hanga hake ki langi ‘o lotu, ʻo pehē: ‟‘E Tamai, kuo hokosia ʻa e taimi̇́, ke ke fakalāngilangi‘i ho Fohá, kae fakalāngilangi‘i ai foki koe ‘e ho Fohá.

2Hangē foki naʻá ke ‘oange kiate ia ʻa e mafai ke pule ki he kakai kotoa pē, koe‘uhi̇̄ ke ne foaki ʻa e mo‘ui ta‘engatá maʻae kakai kotoa pē kuó ke foaki ange kiate iá. 3Pea ko e mo‘ui ta‘engatá ʻeni: Ko hono ‘ilo‘i koe, ko e ‘Otua mo‘oni pē taha, pea mo Si̇̄sū Kalaisi, ‘a ia naʻá ke fekau mai ki māmani̇́. 4Kuo u fakalāngilangi‘i koe ‘i māmani, he kuo u fakakakato ʻa e fatongia naʻá ke tuku mai ke u fai̇́. 5Pea ko eni, ʻe Tamai, ke ke fakalāngilangiʻi muʻa au, ʻaki ʻa e lāngilangi naʻá ku maʻu, ʻi heʻeku kei ʻiate koe, ‘i he te‘eki ke fakatupu ‘a māmani̇́. 6Kuo u fakahāaʻi ho huafá ki he kakai naʻá ke foaki mai ma‘aku mei māmani̇́. Ko ho kakai kinautolu, ka naʻá ke tuku mai kinautolu ma‘aku, pea kuo nau tauhi ʻeni ki hoʻo folofolá. 7Ko ʻeni kuo mahino kiate kinautolu, ko ‘eku me‘a kotoa pē ko e foaki mei̇́ he ʻAfiona. 8Ko e ngaahi folofola naʻá ke tuku mai kiate au, kuo u ʻange kiate kinautolu foki, pea kuo nau tali ia, pea kuo mahino ai kiate kinautolu ko e mo‘oni̇́ ia, ko koe ia naʻá ke fekau mai aú.

9‘Oku ou hūfia atu ʻakinautolu. ‘Oku ‘ikai te u hūfia ʻa e kakai ‘o e maama ko eni̇́, ka ko e kakai pē naʻá ke foaki mai ma‘akú, he ko ho kakai̇́ kinautolu. 10Pea ko ‘eku me‘a kotoa pē ko ho‘o me‘a, pea ko ho‘o me‘a kotoa pē, ko ‘eku me‘a. Pea kuo u lāngilangi‘ia ‘iate kinautolu. 11Pea ko eni, ‘e ‘ikai te u kei nofo ai pē ‘i māmani. Ka te nau kei nofo ai pē kinautolu ‘i māmani, he te u foki atu au kiate koe. ʻE Tamai Māʻoniʻoni, ke ke malu‘i ange muʻa kinautolu ʻaki ho huafá, ʻa e huafa ko ē naʻá ke foaki mai kiate aú, koe‘uhi̇̄ ke nau taha, ‘o hangē tofu pē ko ‘eta tahá. 12Lolotonga ‘eku nofo mo kinautolú, naʻá ku malu‘i kinautolu ʻaki ʻa e huafa ʻoʻoú naʻá ke foaki mai̇́ kiate aú. Naʻá ku le‘ohi kinautolu, pea na‘e ‘ikai mole ha taha ‘iate kinautolu, tukukehe pē ʻa e tangata na‘e pau ke ‘auhá, koe‘uhi̇̄ ke fakamo‘oni ai ʻa e lau ʻa e Tohitapú. 13Pea ko ʻeni te u ‘alu atu au kiate koe.

Ka ko ‘eku lea ʻaki ʻa e ngaahi me‘a ko ʻeni̇́ lolotonga ʻeku kei ʻi māmani̇́, koe‘uhi̇̄ ke nau maʻu kakato ʻa e fiefia ʻaʻaku ʻiate kinautolu. 14Kuo u tuku kiate kinautolu ʻa hoʻo folofolá, ka na‘e fehi‘a kiate kinautolu ʻa e kakai ‘o e maama ko eni̇́, koe‘uhi̇̄ he ʻoku ʻikai te nau kei ʻo e maama ko eni̇́, ‘o hangē pē foki ʻoku ‘ikai te u kei ʻo māmani ʻe au.

15‘Oku ‘ikai ko ‘eku kolé, ke ke to‘o kinautolu mei māmani, ka ko ‘eku kole atú ke ke malu‘i kinautolu mei he Fili̇́. 16‘Oku ‘ikai kei ‘o e maama ko ʻeni̇́ ʻakinautolu ʻo hangē pē foki ‘oku ‘ikai te u ‘o e maama ko ʻeni̇́ ʻe au.

17Fakatāpui kinautolu ʻaki ʻa e mo‘oni̇́. Ko hoʻo folofolá, ko ia ia ʻa e moʻoní.

18Hangē tofu pē ko ho‘o fekau mai au ke u ha‘u ki māmani̇́, pehē foki ʻeku fekau atu kinautolu ki māmani̇.

19ʻOkú ou fakatāpui au ko e fetongi ʻokinautolu, koeʻuhi̇̄ ke fakatāpui ʻakinautolu foki ʻaki ʻa e moʻoní.

20‘Oku ‘ikai ko ‘eku hūfia pē ‘eku kau ako ko eni̇́, ka ʻoku ou lotu foki maʻa kinautolu kotoa pē te nau tui kiate au, koe‘uhi̇̄ ko ʻenau malangaʻaki aú. 21Koeʻuhi̇̄ pē ke nau taha, ‘o hangē pē ko hoʻo ʻiate au, ʻe Tamai, pea mo ʻeku ʻiate koe ʻe aú, ke pehē foki ʻenau nofomaʻu ʻiate kitauá, kae tui ʻa e kakai ‘o e maama ko eni̇́, ko koe naʻá ke fekau mai aú.

22Pea ko e lāngilangi naʻá ke foaki mai kiate aú, kuo u foaki atu foki kiate kinautolu koeʻuhi̇̄ ke nau taha, ‘o hangē tofu pē ko ‘eta tahá.

23Ko au ʻiate kinautolu pea mo koe ʻiate au koeʻuhi̇̄ kae lava ke mahino ki he kakai ‘o e maama ko eni̇́, ko koe ia naʻá ke fekau mai aú, pea kuo u ʻofaʻi kinautolu, ʻo tatau tofu pē mo ho‘o ‘ofa kiate aú. 24‘E Tamai, ko hoku loto ki he kakai kuó ke foaki mai ma‘akú, ke nau nofo fakataha mo au ‘i he feitu‘u te u ‘i ai aú, koe‘uhi̇̄ ke nau mamata ki hoku lāngilangi̇́, ʻa e lāngilangi naʻá ke foaki mai, ko e meʻa ʻi hoʻo ʻofa kiate au, te‘eki ke fakatupu ‘a māmani̇́.

25ʻE Tamai Māʻoniʻoni, ʻoku ‘ikai ke ʻiloʻi koe ʻe he kakai ‘o e maama ko eni̇́, ka ʻoku ou ʻiloʻi ʻe au koe, pea ʻoku ʻiloʻi ʻekinautolú ni koe, ʻoku nau ʻilo naʻá ke fekau mai au. 26Pea kuo u fakahāaʻi kiate kinautolu ho huafá pea te u kei fakahāaʻi pē kiate kinautolu, koeʻuhi̇̄ ke nofoʻia kinautolu ʻe he ʻofa, naʻá ke ʻofaʻiʻaki aú, koeʻuhi̇̄ ke u nofomaʻu ʻiate kinautolu foki mo au.”

Currently Selected:

Sione 17: TCNT

Highlight

Copy