Sione 14
14
Ko Si̇̄sū ko e Hala ki he Tamaí
1‟‘Oua naʻa hohaʻa homou lotó ki ha meʻa, ka mou tui falala ki he ‘Otuá, pea mou tui pi̇̄kitai foki kiate au. 2‘Oku lahi ʻa e ngaahi nofo‘angá ʻi he fale ‘o ‘eku Tamai̇́. Kapau naʻe ʻikai moʻoni, ʻoku mou pehē te u talaatu, ko ʻeku ʻalu ʻeni ʻo teuteu ha feituʻu ai maʻamoutolu? 3Pea kapau ko ‘eku ‘alu ʻeni ‘o teu ha feituʻu ai maʻamoutolu, te u toe foki mai ‘o ‘ave kimoutolu ke tau nofo fakataha ʻi he feituʻu ʻoku ou ʻi ai̇́. 4Pea ‘oku mou ‘ilo pē ʻa e hala ki he feitu‘u ‘oku ‘ou ‘alu ki ai̇́.”
5Pea pehēange ‘e Tōmasi: ‟‘Eiki, ‘oku ‘ikai te mau ‘ilo ʻa e feituʻu ʻokú ke ʻalu ki ai̇́, pea ‘e anga fēfē ha‘amau ‘ilo ʻa e hala ki ai̇́?”
6Pea folofola ‘a Si̇̄sū kiate ia: ‟Ko au pē ko e hala, mo e mo‘oni, mo e mo‘ui. ‘Oku ‘ikai lava ke ha‘u ha taha ki he Tamai̇́, ‘okapau ‘e ‘ikai fou mai ‘iate au. 7Ka ne mou ‘ilo‘i lelei au, na‘a mou ‘ilo‘i lelei foki ʻa e Tamai̇́. Ka ‘e kamata mei̇́ he taimi̇́ ni, te mou ‘ilo‘i lelei ia, he kuo mou mamata tonu kiate ia.”
8Pea pehēange ‘e Filipe: ‟‘Eiki, fakahā mai muʻa ʻa e Tamai̇́ kiate kimautolu, ka mau toki fiemālie.”
9Pea folofola ʻa Si̇̄sū kiate ia: ‟Ko e talu ʻeni ‘etau nofo mei ‘anefē, Filipe, mo e te‘eki pē ke ke ‘ilo ‘e koe au? Ko ia kuó ne mamata kiate aú, kuó ne mamata tonu ki he Tamai̇́. Ko e hā ʻa e ʻuhinga ho‘o toe pehē: ke u fakahā atu ʻa e Tamai̇́? 10‘Oku ‘ikai koā te ke tui, ‘oku ou ʻi he Tamai̇́, pea ‘oku ʻiate au ʻa e Tamai̇́? Ko e ngaahi lea ʻoku ou fai atú, ‘oku ‘ikai ko e ngaahi lea pē ia ʻaʻaku, ka ko e Tamai̇́ ʻoku nofomaʻu mo au, ‘o ne fai ʻene ngaahi ngāué ‘iate au. 11Tui mai kiate au, he ko aú ʻoku ou ʻi he Tamai̇́ pea ko e Tamai̇́ ʻoku ʻiate au. Peá ka ‘ikai, pea mou tui pē ā koe‘uhi̇̄ ko e ngaahi ngāue‘oku ou fai̇́. 12Ko hono mo‘oni̇́ ʻeni ‘oku ou tala kiate kimoutolú, ka ai ha taha ʻe tui pi̇̄kitai kiate au, te ne fai foki ʻa e ngaahi me‘a ‘oku ou fai ʻe aú. ‘ʻio, ka ko e toko taha ko iā, te ne fai ʻa e ngaahi me‘a ʻoku toe lahi ange ʻi he ngaahi meʻa ko eni̇́, koe‘uhi̇̄ ko ‘eku ʻalu hake ʻeni ki he Tamai̇́. 13Peá ka ai ha ngaahi me‘a te mou kole mai ʻi hoku huafá, te u fai ia foki ‘e au, koe‘uhi̇̄ ke fakalāngilangiʻi ʻa e Tamai̇́ ‘i he Fohá. 14ʻIlonga ha me‘a te mou kole mai ke u fai ʻi hoku huafá, te u fai ia ma‘amoutolu.”
Ko e Foaki ‘o e Laumālié
15‟Kapau ‘oku mou ‘ofa kiate au, pea mou talangofua ki heʻeku ngaahi fekaú. 16Pea te u kole ki he Tamai̇́, pea te ne foaki atu ha mou Tokoniofi ʻe taha, ke ne nofoma‘u mo kimoutolu ʻo taʻengata. 17Ko e Laumālie ‘o e moʻoní, ʻa ia ʻoku ‘ikai lava ke tali ‘e he maama ko eni̇́, he ‘oku ‘ikai lava ke nau mamata kiate ia, pē ke nau ‘iloʻi ia, ka ‘okú ne ʻi homou lotolotongá, pea te ne nofoma‘u ai pē ʻiate kimoutolu.
18He‘ikai te u tuku kimoutolu ke mou liʻekina, ka te u toefoki mai pē kiate kimoutolu. 19Kuo vavé ni pē ʻa e ‘ikai ke toe sio kiate au ʻa e kakai ‘o e maama ko eni̇́, ka te mou sio ai pē kimoutolu kiate au, koeʻuhi̇̄ he ‘oku ou mo‘ui pea te mou moʻui foki ʻakimoutolu. 20‘I he taimi ko iā, te mou toki ʻiloʻi ai, ko au ʻoku ou ʻi heʻeku Tamai̇́, pea ko kimoutolu ʻoku mou ʻiate au, pea ʻoku ou ʻiate kimoutolu ʻe au. 21Ko ia ʻokú ne maʻu ʻeku ngaahi fekaú mo talangofua ki ai̇́, ko e toko taha ia ʻoku ʻofa kiate au. Pea ko ia ʻoku ʻofa kiate aú, ʻe ʻofeina ia ʻe heʻeku Tamai̇́, pea te u ʻofa mo au foki kiate ia, pea te u fakahāaʻi au kiate ia.”
22Pea pehēange ‘e Siutasi (ka na‘e ‘ikai ko Siutasi ‘Isikāliote) ‟ʻEiki, ko e hā hono ‘uhinga ho‘o pehē te ke fakahāmai koe kiate kimautolu, kae ‘ikai ki he kakai ‘o e maama ko ʻeni̇́?”
23Pea tali ‘e Si̇̄sū ʻo ne folofola kiate ia: ‟Ka ‘i ai ha taha ‘e ‘ofa kiate au, te ne talangofua ki he‘eku ngaahi leá, pea ‘e ‘ofeina ia ʻe he‘eku Tamai̇́, pea te ma omi ‘o ngaohi ʻa e toko taha ko iā, ko homa nofoʻanga.
24Ka ko ia ‘oku ‘ikai ke ‘ofa kiate aú, ‘e ‘ikai te ne talangofua ki he‘eku ngaahi leá. Pea ko e akonaki ‘oku mou maʻú, ‘oku ‘ikai ‘a‘aku pē ia, ka ko e ʻomai mei he Tamai̇́.
25Ko e ngaahi meʻá ni, ʻoku ou talaatu kiate kimoutolu lolotonga ‘eku kei ʻiate kimoutolú.
26Ka ko e Tokoniofi̇́, ʻa e Laumālie Māʻoniʻoni̇́, ʻa ia ʻe fekau mai ‘e he Tamai̇́ ʻi hoku hingoá. Ko e Toko Taha ko iā, te ne fakahinohino atu ʻa e me‘a kotoa pē, mo fakamanatu atu ʻa e ngaahi meʻa kotoa pē kuo u leaʻaki kiate kimoutolu.
27Ko e nongá ē ʻoku ou tuku kiate kimoutolu, kau ʻalu. Ko e nonga meiate au ʻoku ou foaki maʻamoutolu. ‘Oku ‘ikai hangē ko e nonga ‘oku ‘atu ‘e māmani̇́, ʻa e nonga ʻoku ou foaki atú. Ko ia, ‘oua te mou manavasiʻi pē te mou lotosiʻi.
28Kuo mou fanongo ki he‘eku talaatu, te u ‘alu ka te u toefoki mai pē kiate kimoutolu. Kapau ʻoku mou ‘ofa kiate au, te mou mātuʻaki fiefia he‘eku ‘alu ki he Tamai̇́, koeʻuhi̇̄ he ʻoku lahi ʻa e Tamai̇́ ʻiate au.
29Pea ʻoku ou talaatu ʻa e meʻá ni kiate kimoutolu, he taimi̇́ ni, kimu‘a pea toki hokomai ia, koe‘uhi̇̄ ʻoka hokosia ia, pea mou tui kiate au.
30ʻOku ‘ikai kei toe lahi ha ngaahi meʻa ke u talanoa ai kiate kimoutolu, he kuo haʻu ʻa e ʻeiki ʻo e maama ko eni̇́, ka ʻe ʻikai haʻane meʻa ʻe lava kiate au.
31Ka koe‘uhi̇̄ ke mahino ki he maama ko ʻeni̇́ ʻa ‘eku ‘ofa ki he Tamai̇́, ko ia, ko e ngaahi meʻa kotoa pē ʻoku tuʻutuʻuni kiate au ʻe he Tamai̇́, ko ia pē te u fai ki ai̇́.
Mou tuʻu ke tau ʻalu atu mei he feituʻu ko eni̇́.”
Currently Selected:
Sione 14: TCNT
Highlight
Share
Copy
Want to have your highlights saved across all your devices? Sign up or sign in
Tongan Contemporary New Testament © Bible Society of the South Pacific, 2011.
