LATE 99
99
Pasian letna leh a sienthouna
Zatat kawm a phatna,
1 #
Pawt. 25.22
Mangpa’n leeng vai ahawm hi,
mipite chitun uhen,
Ama cherubimte kikaal ah atou hi,
leitung kiling hen.
2Zion ah Mangpa athupi hi;
Namchinte tungah atungnungpen hi.
3Amaun na min thupitah leh chizathuoi phat uhen;
Ama asieng thou hi.
4Lengpa thahatna in thukhenna dih a it hi,
Nangman khentuom neilouna na sudet zel a,
Jakob tate lah ah vaihawmna leh,
dihtatna na bawl zel hi.
5Mangpa i Pasian pahtawi unlen,
akeng ngahna bulah bie un,
Ama asiengthou hi.
6A siempute lah ah Mosi leh Aaron apang ua,
Amin hante lah ah Samuel apanga,
Amauten Mangpa ahan ua,
tuachi’n Aman adawng zel hi.
7 #
Pawt. 33.9
Aman meilum khuom akipat in amauh ahoupi a,
amaun athu theisahte leh,
adanthupiehte azui zel uhi.
8Aw Mangpa ka Pasian uh,
Nang amauh na dawng a,
asilbawlkhelnate uh tungah phuba la zel nanlachin zong,
amaute ngaidampa Pasian na hi hi.
9Mangpa i Pasian khu tawisang unlen,
amuol siengthou ah Ama bie un,
aziehpen Mangpa i Pasian u’khu asiengthou ahi.
Currently Selected:
LATE 99: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
