LATE 101
101
Hinkhaw siengthou
David phatna la.
1Na khotuona leh vaihawmna dih thu khu la in kasa dinga;
Aw Mangpa Nangma phat in la ka sa ding hi.
2Lampi hoibukim ah piltahin ka um dinga;
Oh! bangchih chiengin ka kungah na hing pei diei?
Ka innsungah lungtang hoibukim puoin ka um ding hi.
3Sil gilou mawngmawng ka mitmu ah ka koi sih dinga,
Lampielte silbawl ka huo a keima ah abeh sih ding hi.
4Lungtang genhain ahing peisan dinga;
gitlouna zong ka theikha sih ding hi.
5Koipou a innveng simtham a gensie pouma ka sumang dinga,
mit sangha leh Lungtanga kisathei pouma ka thuoh thei sih ding hi.
6Gamsunga mi ginumte tungah ka mit atu dinga,
kei toh atengkhawm ding uhi;
Koipou hoibukim a,
ka lampi zuiten ka nna asem ding uhi.
7Milepchie koima ka inn ah ateng sih ding ua,
zuougen hat mi koima ka kungah a um thei sih ding hi.
8Gamsunga migiloute zousie zingmawng tengin ka sumang dinga,
silgilou bawl mi zousie Mangpa khopi apat ka sumang ding hi.
Currently Selected:
LATE 101: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
