THUPILTE 15
15
1Dawnna nem in thangpaina aheimang a,
hamkhau in lungthahna asousah hi.
2Mipil lei in theina dihtah in a zang a,
hinanleh mi mote kam in motna thu asekhie hi.
3Mangpa mit in mun chinteng amu a,
asie leh apha zong a en a,
achiemte hi.
4Kamdam athugen lei khu hinna singkung ahi a,
kamsie in lungsim asusie hi.
5Mi moin apa thuhilna asim maw a,
hinanleh koipou phawhhilna ngaisah mi khu lunggelsiem ahi.
6Midihtat innsungah gou tampi a um a,
hinanleh migilou hausatna pen buoina bep ahi hi.
7Mipil kam in theina ahawmzaha,
hinanleh mi mote lungtangin tuabangin abawl sih hi.
8Mimo kithoina khu Mangpa’n akidah a,
hinanleh midih thungetna pen akipahpi hi.
9Migiloute gamtatna khu Mangpa’n akidaha,
hinanleh dihtatna zui mi khu a it hi.
10Umdan hoi lampi taisante adingin,
bawlhoina khautah apoimo a,
tualeh bawlhoina thuhil mudate pen ashi ding hi.
11Gawtmun leh manthaina khu,
Mangpa mai ah kihongsa in a um a,
tuaziehin mihing tapate lungtang,
bangzata in amuchien sem diei izaw!
12Mi simmaw hat mi in bawlhoina thuhilpa a it sih a,
mipil kungah zong avahaw sih ding hi.
13Lungsim nopna in mai ataisah a,
hinanleh lungsim dana in,
hinna asusie hi.
14Theisiemna nei lungtangin theina asui a,
hinanleh mi mote kam,
motthu in akivah hi.
15Gentheina thuoh mite damsung ni sietna ngen ahi a,
hinanleh lungnopna nei miin pen lungnopna ankuong alui zing hi.
16Gou tampi nei a lungkhampi sangin,
Mangpa giing kawm a gou tawmnoukhat nei ahoi zaw hi.
17Kimudana toh bawngnou thau sa neh sangin,
ki itna toh annteme neh ahoizaw hi.
18Lungthah bai miin kihauna apiengsah a,
lungthah ha miin kihauna asudai hi.
19Mithasete lampi linglah bang ahi a,
midihte lampi pen lamlienpi bang ahi hi.
20Tapa pil in apa akipah sah a,
tapa maw in anu asimmaw hi.
21Sie leh pha khensiemna neilou miin motna khu,
nuom asa a theisiemna nei mi pen dihtah in apei hi.
22Lemguotna tellou in siltup khu chimawna ahi a,
thuhiltu tampi umna ah lawchinna a um hi.
23A kam a dawnna mama in mi akipah sah a,
tualeh ahuntah a thugen hoi hina maizen e.
24Mipil a dingin hinna lampi atou pei a,
nuoilam a hankhuh apat akiheimang theina dingin.
25Mangpa’n mi kiliensah inn asuse dinga,
meithaite gamgi asuhdet pieh ding hi.
26Migiloute ngaituona khu Mangpa a dingin akidahhuoi a,
hinanleh misiengthoute thugen pen akipahpi hi.
27Punna dei a huoiham mi in ama innsung asubuoi a,
hinanleh golguhna homi pen ahing ding hi.
28Midihtat lungtangin dawn dan ding angaituo det det a,
hinanleh migiloute kam in pen silhoilou asekhie hi.
29Mangpa khu migiloute apat gamlapi ah a um a,
hinanleh midihtatte thungetna pen aza hi.
30Mit vahna in lungsim asunuom a,
tualeh thutut hoiin in gute athausah hi.
31Hinna dinga phawh hilna,
ngaikhie bil mipilte lah ah a um den ding hi.
32Koipou thuhilna ngaisahlou in ama hinna asimmaw a,
hinanleh bawlhoina ngaikhe mi in theisiemna amu hi.
33Mangpa giinna in pilna thuhilna ahi a,
tualeh zatat huoina masangah kingiemkhiehna a um masa hi.
Currently Selected:
THUPILTE 15: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
