SIEMCHILBU 38

Juda khelna zumhuoi hi

1Tuahun laiin hichi ahing hi a, Juda khu a unaute kung apat apeisuh a amin Hirah kichi Adullam mi khat avabel ta hi. 2Tualeh Juda in tua muna Kanaan mi amin Shuoh kichipa tanu khat amu a, a kitenpi ta hi. 3Tuachi’n amanu’n nau a pai a, tapa a nei a, apa’n amin Er aphuo hi. 4Tualeh agai kia a tapa khat anei kia a, amanu’n amin Onan ahisah hi. 5Tualeh agai kia zel a, tapa khat anei kia a, amin Shelah ahisah hi. Amapa anei lai in, Juda Kezib a um ahi.

6Tualeh Juda in atapa masa Er dingin zi alah pieh a, amanu min Tamar ahi. 7Tualeh Juda tamasa Er khu Mangpa mitmu in agilou a, tuachi’n Mangpa’n athat ta hi. 8Tualeh Juda in Onan kungah, “Na upa zi pawl inlen, kitenpi in, achi hi. Tualeh na upa dingin hahlesuon nei piehin” achi hi. 9Hinanleh Onan in hahlesuon pen ama a ding ahisih chi athei a, tualeh hichi ahing hi a, a upa zi apawl chiengin a upa dinga hahlesuon aum louna dingin leiah akesah zel hi. 10Tualeh tuabanga asil bawl in, Mangpa alungdam sah tasih a, tuaziehin ama zong athat ta hi. 11Tuachi’n Juda in amounu Tamar kungah, “Ka tapa Shelah pichin masang sien na pa inn ah meithai in va umtadi in” achi hi; tua ahisihleh ama zong a ute bangin hing shi khava achi zieh ahi. Tuachi’n, Tamar a pei a apa inn ah atengta hi.

12Tualeh hun hing pei zel in, Juda zi Shuoh tanu ahing shita a, Juda in a-it angaina athen bepin, Timnah khuo a abelam mul heute kungah a lawmpa Adullam mi Hirah toh ahawta uhi. 13Tualeh Tamar kungah “En in, na innpipa a Belam mul heu dingin Timnah khuo ah peitou ding ahi,” chiin ahil ua. 14Tualeh aman ameithai puonte a koikhie a, kikhuna puona kikhuin amel kitheilouna dingin akituom a, tuachiin Timnah khuo lampi a Enaim kotpi lutna lampi gei mun awng khat ah ana touta hi. Aziehpen Shelah zong apiching ahita ngal a, a zi dingin amanu akipsih chi athei hi.

15Juda in amanu amu tahin kizuami hi dingin a ngaituo a, amai akikhu ziehin. 16Tuachi’n lamgei a numeinu kungah akihei a, “Hepitahin hing peivawi, lum khawm vai” achi a, (aman amounu ahilam athei sih hi.) Tuachi’n amanu’n “Nahing luppi man bang na hing pe diei?” achi hi.

17Tualeh aman “Ganhonte lah a kelnou khat hing hah vang” achi hi, tualeh amanu’n “Tuami nang hah masangin ka kep ding kichiemna khat hing pelou ding na mah?” achi hi. 18Tualeh aman, “Na kep ding bang kichiemna kahing pe diei?” achi hi. Amanu’n “Na min namna leh na tau leh na khut a na chieng tawi,” achi hi. Tuachi’n apie a, aluppi a nau avopsah ta hi. 19Tuachi’n amanu ading khie a, apeita hi; tualeh amai khuna puon ahawhkhie a, meithai hina puon asilta hi.

20Tualeh Juda in numeinu a sil kepsahte amu kia theina dingin a lawmpa Adullam mi khut ah kelnou ahah a, hinanleh amanu amu zou tasih hi. 21Tualeh aman “Enaim gawlzing gei a tou a kizuanu heia um atai?” chiin tuamun a mi umte kungah a donga, tualeh amauten “Tamnah kizua koima um ngaisih” achi uhi.

22Tualeh ama khu Juda kungah ahing kilekia a, amanu muzou sing. Tualeh khuna miten zong “Tanah kizua aum ngaisih achi uhi,” achi hi. 23Tuachi’n Juda in “Neiden mai heh, tuachilou invang zala khavai, Ngaivawi, tam kelnou ka hah a, amanu lah vamu zoulou chin a,” achi hi. 24Tualeh ha thum ding nuain, hichi ahing hia, Juda kungah, “Na mounu Tamar akizua hi,” tualeh “Ngai in, zawlta apaita hi chiin ava hilta uhi.’ Tuachi’n Juda in hing puikhie unlen hallup in um heh” achi hi.

25Tualeh ahing puidoh tah un, Tamar in “Tam silte neipa apat ahi nau ka pai chiin a innpipa kungah mi a sawl a,” tualeh amanu mama in “Tam silte, min namnate, taute leh chiengkhutte koi a ahiei? hepitahin enchien un,” achi hi. 26Tuachi’n Juda in ama-a ahi chi atheikhie a, “Kei sangin ama adihtat zaw hi, amanu ka tapa Shelah kunga kapieh lou ziehin” achi hi; tuachiin aluppi ngai nawn tasih hi.

27Tualeh anauvei hun ahing tuntahin hichi ahi a, Ngai vawi, anaubu ah naupeng a um hi. 28Tualeh hichi ahing hi a, anauvei laiin khatpa’n akhut ahing hadoh a, tualeh naudom nu’n akhut ah khausan khat akhi a “Tami ahing pawt masa ahi,” achi hi. 29Tualeh hichi ahing hi a, akhut anualah lut laiin, Ngai vawi, anaupa ahing pawtdohta hi. Tuachi’n naudomnu’n “Bang ding a pawtna ding kibawl na hiei? Tami bawsietna na tungah um heh,” achi a, tuaziehin amin Perez#Perez: (Heb) “Akehdoh” pohkeh china ahi aphuo uhi. 30Anuain a upa, akhut a khausan kikhi pen ahing pawt a, amin Zerah aphuo uhi.

Currently Selected:

SIEMCHILBU 38: ZOUBSI

Highlight

Copy