SIEMCHILBU 22

Isaak maitam a latna

1 # Heb. 11.17-19 Tualeh tamte nuain tambang ahing ahi a, Pasian in Abraham a ze-et a, a kungah, “Abraham” achia, tualeh aman, “Ngaiin tanah ka um hi” achi hi. 2#2 Khang. 3.1Tualeh Aman, “Tuin na tapa, na tapa tang neisun Isaak na it mama zawpi inlen, Moriah gamah pei inlen, khuna ka hing hil ding taangte lah a khat ah halmang sillat in lan in,” achi hi. 3Tuachi’n Abraham zingmawng matahin athou a, a Sabiltung aguong a, a tangvalte lah a ni azawpi a, a tapa Isaak toh tualeh halmang sillat na ding sing alee a, akipankhie a, Pasian in ahilna mun lamah apeita hi. 4Tuachi’n a ni thum niin Abraham adah a, amun khu gamla piin amu hi. 5Tualeh Abraham in atangvalte kungah, “Sabiltung toh tanah na um unlen, kei leh naupang apam ah va pei va ungin, Pasian va beva ung, tualeh na kung uah hing peikia va-ung” achi hi. 6Tuachi’n Abraham in halmang sillat sing ala a, a tapa Isaak a posah a, tualeh akhut in mei leh temta atawi a, tuachi’n ani un azawhkhawm ta uhi. 7Hinanleh Isak in apa Abraham kungah, “Pa aw!” achia, tualeh aman “Tanah um ing e bawi” achia, tualeh aman a kungah, “Envawi, mei leh sing aum a, hinanleh halmang sillat ding Belamnou heia um ahiei?” achi hi. 8Tualeh Abraham in, “Bawi Pasian in ama ading halmang sillat ding kingaituo naven” achia, tuachiin ani un azawhkhawm ta uhi. 9#Jak. 2.21Tuachi’n Pasian in ahilna mun ava tungta ua, tuanah Abraham in maitam adaw a, a singte achieng khawm a, tualeh atapa Isaak akaan a, maitam a sing tungah asielta hi. 10Tuachi’n Abraham in akhut alaam tou a, atapa thana dingin a temta alata hi. 11Hinanleh Mangpa Van sawlsiengin van apat in ahan a, “Abraham, Abraham” achi a; aman “Tanah um ing e” achi hi. 12Tualeh aman, “Naupang tungah na khut ha sinlen, bangma zong law vawt sin, na tapa tang neisun na itlou ziehin Pasian na giing hi chi tuin ka theita hi” achi hi. 13Tuachi’n Abraham adahtou a, a et leh, ngaivawi, anualam ah Belamtal, Singbawh lah ah aki-a awh ana uma, Abraham in tua belamtal ava man a, atapa taangin halmang sillat in alanta hi. 14Tualeh Abraham in tuamun min dingin Jehovah-Jire#Jehovah-Jire: “Pasian in ngaituo nava” china ahi achita hi. Tuni donga “Mangpa tangah ngaituo ahi ding,” akichi zel bangin. 15Tuachi’n Mangpa Van sawlsiengin van a kipat in Abraham ani veina dingin ahan a, 16#Heb. 6.13,14“Keimaleh keima kilouin ka kichiem hi; Mangpa’n achi, azieh pen tam sillat na bawl ziehin na tapa, na tapa tang neisun zong na it lou ziehin. 17#Heb. 11.12Hing guolzawl ngei ngei vangin, van a aasi za leh Tuipi gei a pieunel za in na hah nasuonte ka pungsah ngei ngei dinga, tualeh nahah nasuonten agalte kulkot a luopieh ding uhi.” 18#Nasep. 3.25Tualeh “Ka thu naman ziehin na hah nasuonte ziehin leitunga nam zousie guolzawl in umva uh,” achi hi. 19Tuachi’n Abraham tangvalte kungah ahing kilekia a, adingdoh ua Beersheba ah apei khawmta ua, Abraham pen Beersheba ah aumta hi. 20Tualeh tamte nua in, “Ngaivawi, Milkah in zong na sanggampa Nahor dingin tate ahin piehta chiin Abraham ahing hil uhi. 21A tapa tapen min Huz ahia, anaupa min Buz ahi. Tualeh Aram pa Kemuel toh. 22Tualeh Kesed, Hazo, Pildash, Jidlaph leh Bethuel zong ahi uhi.” 23Tualeh Bethuel in Rebekah ahing hi. Tam pasal giette Milkah in Abraham sanggampa Nahor dingin ahinpieh hi. 24Tualeh ameinu, amin Reumah in zong Tebah Gaham, Thahash leh Maakah ahing hi.

Currently Selected:

SIEMCHILBU 22: ZOUBSI

Highlight

Copy