SIEMCHILBU 18

Abraham Pasian lawmpa

(Jn. 3.29; 15.13-15; Jer. 3.9; 15.13-15)

1Tuachi’n Mangpa khu a kungah Mamre gangpi sing lah ah ahing kilah a, ama khu sun nisat laitah in puonbuh Kotkhah bul ah atou a. 2#Heb. 13.2Tuachia dahtoua a et leh ngaivawi, mi thum a kungah a dinga, amu tahin a dawn dingin puonbuh kotbul apat atai a, lei ah abohkhup a. 3Tualeh aman “ka Mangpa aw, na mitmu a deisahna katan leh hepitahin na suohpa hing peisan sin achi hi. 4Tui tawmnou khatbeh hing la uhenlen, na kengte uh sil unlen, singnuoi ah khawldam tadi un. 5Tualeh Tanghou neunou khat beeh la vangin na lungtang uh halsah un; tuazou chiengin pei zel nava uteh. Tua dinga na suoh kunga hing pei na hi ngei ding uhi, achi hi. Tualeh amaun na gen bangin, vabawl in” achi uhi.

6Tuachi’n Abraham khu Sarah kungah puonbuh sungah gangtahin alut pai a, “Tangbuong tena thum te inlen, kintahin meh inlen, Tanghou bawl in,” achi hi. 7Tualeh Abraham Bawnghon lam ah atai a, Bawngnou tuoi hoitah khat ahing la a, asuohpa apie a, tualeh aman manlangin abawl meng meng hi. 8Tuachi’n aman bawngnawi dat leh bawngnawi leh bawngnousa a bawlte ala a, amasang uah aluipieh a, ama pen akung ua singnuoi ah a dinga, amaun aneta uhi.

9Tualeh amaun a kungah, “Na zi Sarah heia um ahiei?” achi ua, tualeh aman, “khunah puonbuh sungah” achi hi.

10 # Rom. 9.9 Tualeh Aman, “Tuhun kia chiengin pellouin na kungah hing pei kia ding ka hi, tualeh ngaivawi, na zi Sarah in tapa anei ding hi” achi hi. Sarah in anualam a puonbuh kot ah anaza hi. 11Tualeh Abraham leh Sarah a upata ua, ateh mama ta ua, numei ngaina khu Sarah tungah akang zouta hi. 12#1 Pet. 3.6Tuaziehin Sarah in, ka teh nuain kipahna ka nei na diei izaw? Ka mangpa zong lah ateh tangal a chiin alungsim in aguh nui hi.

13Tualeh Mangpa’n Abraham kungah “Bang dinga Sarah in kei piteh pi’n ta ka nei tahtah na diei izaw chia nui ahiei? 14#Luk. 1.37Mangpa dingin sil hasataluo aum amah? hun sesa tuhun kia chiengin hing peikia vangin, Sarah in tapa anei ding hi, achi hi.

15Hinanleh Sarah in, azau manin, zuoupi hi nui vawt sing achia, tualeh ama’n hilou e, na nui zen vele” achi hi. 16Tuachi’n mite khummun apat in adingkhie ua, Sodom lam a en ua, tualeh Abraham zong amauh hading in lampi ah amaute azui hi. 17Tualeh Mangpa’n “Ka silbawl tup Abraham kungah ka imding amah? 18Abraham nam thupi leh hattah hing hi ngei ding ahia, tualeh ama ah leitunga nam zousie guolzawl a um ding ahi thuoi a. 19Aziehpen aman anua a, atate leh a innkuonpite thu apeding a, Mangpa’n Abraham tungtanga a thugen a tangtun theina ding in, dihtah leh khentuom neilou a, vaihawm dingin Mangpa lampi zuiva uh chi ka thei hi,” achi hi.

20Tualeh Mangpa’n “Sodom leh Gomorrah kikou akhawh seng ziehin leh a khelna uh akhawh seng seng ziehin. 21Tuin ka peisuh dinga, akikou gin uh ka kunga hing tung bang bangin abawl na uoi mah? Chi ka enkhe dinga, abawl sih u’leh ka vathei mai na ding hi,” achi hi.

22Tuachi’n tua mite khumna kipat in akihei khie ua, Sodom lam azuon ua, hinanleh Abraham pen Mangpa masang ah ading ngitnget nalai hi.

Abraham genpiehpa ahina

23Tualeh Abraham in ahing nai a, a kungah “mi dihtatte zong migiloute toh sumang khawm ding na diei? 24Khopi sungah midihtat sawmnga bang um taleh a sunga midihtat sawmngate ziehin khawi louin na sumang diei? 25Nang talawm in vang khumbang in midihtatte migilou banga aum mawh nading ua, midihtatte migiloute laha thalup sam ding vang nang talawm in bawl va-ia sih vateh maw? Leitung zousie a vaihawmpa’n dihtattah in abawl sih ding amah?” achi hi.

26Tualeh Mangpa’n “Sodom khopi sunga midihtat sawmnga ka mu leh amauh ziehin khopumpi ka khawi ding,” achi hi.

27Tualeh Abraham in a dawnga, “ngaivawi tuin kei leivui leh vutvai leltah in Mangpa kahing houpi thei a. 28Midihtat nga a, sawmnga chinglou, bang hitaleh nga achinlou ziehin khopi pumpi na sumang ding adiei?” achi hi. Tualeh “Sawmli leh nga ka mu leh sumang sihvang,” achi hi.

29Tualeh aman agen zom zel a, “Khunah sawmli bang muin umta leh” achia. Aman, “Sawmli ziehin ka sumang sih ding” achi hi. 30Tualeh aman “Aw Mangpa, lungthah sinlen, hing genkia nalai vang, khunah sawmthum bang muin umta leh,” achi hi. Aman “sawmthum ka mu leh sumang sihvang” achi hi.

31Tualeh Aman, “Ngaivawi, keiman Mangpa ka hing houpi theita a, Sawmni bang muin umta leh,” achi hi. Aman “sawmni ziehin ka sumang sih ding” achi hi. 32Tualeh Aman, “Aw Mangpa lungthah sinlen, khatvei hing genkia nalai vang. Khunah sawm bang muin umta leh” achi hi. Aman “Sawm zieh in zong sumang sihvang” achi hi. 33Tuachi’n Mangpa Abraham toh akihou zawin apeita hi. Abraham zong aumna mun ah akile kiata hi.

Currently Selected:

SIEMCHILBU 18: ZOUBSI

Highlight

Copy