SIEMCHILBU 16

Ishmael pien thu

1Tualeh Abram zi Sarai in ta mawngmawng aneipieh tasih a, tualeh ama nu’n Izipt mi khat suohnu in anei a, amin Hagar ahi. 2Tuachi’n Sarai in Abram kungah “Ngavawi, Mangpa’n lah ka ta hinding hing phalpieh talou a, hepitahin ka suohnu vave inlen, ama apat tate ka nei khah leh,” achi hi. Tuachi’n Abram in Sarai thugen asangta hi. 3Tualeh Abram zi Sarai in a suohnu Izipt mi Hagar khu Abram Kanaan gam a kum sawm aten nua in ahing puia, apasal Abram kungah azi dingin apeta hi. 4Tualeh aman Hagar apawl a, ahing gaita hi. Agaita chi akithei bep in apinu asimmawta hi.

5Tuachi’n Sarai in Abram kungah, “Kabawl khielna maw na tungah tu heh, ka suohnu na kawi dingin kahing pie a, agai chi akithei tahin, simmaw in ka umta hi. Mangpa’n nang leh kei kal thu khenta heh,” achi hi.

6Tuachi’n Abram in Sarai kungah, “Ngaivawi, na suohnu pen na khut a um ahi, atung ah na dei bang bangin bawl in,” achi hi, Tualeh Sarai in abawl genthei mama a, tuaziehin ataimang ta hi.

7Tuachi’n Mangpa vansawlsieng in amanu khu gamdai a tuikhuh kungah, Shur zotna lampi tuikhuh kungah amu hi. 8Tualeh Aman, “Hagar, Sarai suohnu aw, hei a kipan a hing pei na hiei? Tualeh heisung zuon ding na hiei?” achi hi. “Amanu’n, kapi Sarai kunga pat a hing taikhie ka hi” achi hi.

9Tuachi’n Mangpa Vansawlsieng in akung ah, “Napi kungah peikia inlen, athu thu in um in,” achi hi. 10Tuachi’n Mangpa Vansawlsieng in a kungah, “Nahah nasuonte sim senglou khop a tamin ka supung ding,” achi hi. 11Tualeh Mangpa Vansawlsieng in a kungah, “Ngaivawi, naupai na hi, tualeh tapa na nei dinga, amin Ishmael na hisah ding hi, Mangpa’n na gentheina azahtah zieh in. 12Ama khu mihinglah ah gamsabiltung bang ahi dinga, miteng dou vanin, mi zousien ama dou va uh, tualeh a unaute umna kung nai ah ateng ding hi,” achi hi.

13Tualeh Hagar in ama houpi Mangpa min dingin, “Nang ang muthei Pasian nahi; chiin aphuo-a aziehpen tanah Pasian ahing mupa mu a hing nalai, hing e, maw? achi hi. 14Tuaziehin Tuikhuh min khu Beer-Lahairoi#Beer: Lahai-roi “Amu leh ahing Tuikhuh” china ahi. Na hing muzing china ahi. aki chita hi, Ngaivawi, tami Kadesh leh Bered kikaal a um ahi.

15 # Gal. 4.22 Tualeh Hagar in Abram tapa khat ahinpieh a, tualeh Hagar in ahin pieh atapa min Abram in Ishmael aphuota hi. 16Tualeh Abram khu Hagar in Abram dinga Ishmael ahinnpieh lai in kum sawmgiet leh guh ahi hi.

Currently Selected:

SIEMCHILBU 16: ZOUBSI

Highlight

Copy