PAWTDOHNA 21

Suoh te kep dan ding

1“Tuin tamte khu ahi, akung ua na theisah ding vaihawmna dante khu. 2#Siempu. 25.39-46Hebrumi suoh a, nalei leh, kum guhsung na nna asem dinga, kum sagi na ah bangma a tatlou in vaiveng tah a, apawt khiet ding ahi. 3Ama tanga hing lut ahileh amatang main apawt kia maiding ahi, zi nei ahileh azi zong ama toh a pawt khawm ding hi. 4Apuin zi ana guona, tapate ahiei, tanute ahiei, azi in ana neipieh leh azi leh atate a pu a ahi ding ua, amatang a pawt ding ahi. 5Hinanleh a suohpa’n, kichientah a, kapu ka it a, ka zi leh ka tate ka it a, zalen in ka pawt khesih ding achileh; 6Tuachi’n apu in vaihawmte masangah amapa ahing pui ding a, kotlam dong ahiei, kot khuom bul ahiei ah ahing pui dinga, tualeh apu in bil vu nain abil a vu vangpieh dinga; tuachi’n kumtawn in ana asem tading hi.

7Tualeh mi’n atanu suohnumei dinga, a zua leh amanu khu suoh pasalte bangin apawt sih ding hi. 8Apuin azi dingin na khamta henlen, ama nu’n apu sulungkim tasih leh, akitatsah ding ahi, ana solbawl tah ziehin, nam dangte kunga zua kia theina anei sih ding hi. 9Tualeh atapa zi dinga akhampieh ahilehvang atanute abawldan banga abawl ding ahi. 10Aman zidang nei kia nanleh zong, nehletah silleten leh azi ahinate akiemsah tuomlou ding ahi. 11Tualeh tam sil thumte abawlpieh sihleh, sum pelou in zalentah in apawt khethei ding hi.

Kivuoh lia tung tang thu

12 # Siempu. 24.17 Koipou in mi avuoh a, ashi tahleh, tuamipa khu tha teitei ding ahi. 13#Kisim. 35.10-34; Danp. 19.1-13; Josh. 20.1-9Hinanleh min atup mawng hilou, Pasian laitan ahile-vang atailutna ding mun ka hing guot pieh ding hi. 14Hinanlezong mi’n tupna nei a, pilkheltah a zebawl a, a innveng tha atup leh ashi na dingin ka maitam apat na kaipawt ding hi.

15Mi koi zong apa ahiei, anu ahiei vaw pouma, a shi ngeingei ding ahi. 16#Danp. 24.7Tualeh mi koizong mihing gu a zua ahiei, ahisihleh akeplai akhut a akimu leh, tha ngeingei ding ahi.

17 # Siempu. 20.9; Mat. 15.4; Mak. 7.10 Koizong anu ahiei, apa ahiei hamsie lawte khu tha ding ahi. 18Tualeh mi kihau uhenlen khat in khatpen suongtum ahiei ahisihleh khuttum ahiei in su henlen shi lou in lupna ngah in umta leh. 19Hing thou kia theiin, chiengkhut khun a kholai avah thei leh, avawpa a siengding hi: ahun suhbei man alieu ding a, adamsieng sah ding ahi.

20Tualeh mikhat in asuohpa ahiei, asuohnu ahiei, chiengin sat henlen, akhutlum a ashi leh, tuamipa gawt ngeingei ding ahi. 21Hinanlezong ni khat ahiei, ni ni ahiei adam le-vang gawt lou ding ahi, aziehpen ama nei le lam ahi.

22Mite akihau ua, numei nauvop lai asuh khah ua, anau atol leh anualam a sietna bangma in azui sih nahleh; anumeinu Pasal in atunga anget bang banga lieusah ding ahi, hinanleh vaihawmten alep dungzui a lieu sah ding ahi. 23Hinanleh sietna dang mawngmawngin azui khah leh hinna tanga hinna, na pieh ding ahi. 24#Siempu. 24.19,20; Danp. 19.21; Mat. 5.38Mit taanga mit, ha taanga ha, khut taanga khut, keng taanga keng. 25Meia hal tanga mei a hal, liem tanga liem, vuoh tanga vuoh.

26Mikhat in asuohpa ahiei, asuohnu ahiei mit suh pieh in setaleh, amit ziehin ama zalenin apei sah ding ahi. 27Tualeh mi’n asuohpa ahiei, asuohnu ahiei ha asuh kieh sahleh, a ha ziehin ama zalen in apeisah ding hi.

Nei le lam tunga dante

28Bawngtal in Pasal ahiei, numei ahiei, a suhlialeh tua bawngtal khu suonga selia ngeingei ding ahia, asa neh vawtlou ding ahi. Hinanleh bawngtal neipa tung thu asieng ding hi. 29Hinanleh bawngtal khu tumasanglam a zong mi nasu ngai sa, tualeh a pupa kunga zong, na kihil zel ahi a, hinanleh abawngtal a khum nuom lou ziehin Pasal ahiei numei ahiei na sulia taleh, bawngtal suonga selia ding ahia, aneipa zong shisah ding ahi. 30A tung a dangka sum pieh phut ahileh, ahinna tatna dingin akiphut za za apieh ding ahi. 31Mi tapa ahiei tanu ahiei a suh lia leh zong tam vaihawmna dan dungzui a, atunga kibawl ding ahi. 32Bawngtal in suohpa ahiei suohnu ahiei, asuhlia leh bawngtal neipa’n, apu uh kungah dangka shekel sawm thum ape dinga, bawngtalpen suonga selia ding ahi.

33Mi khat in leikhuh vua-kia loua anua sie ahiei, ahisihleh leikhuh tou a, sinlou a akoi zieh a bawngtal ahiei sabiltung ahiei, tua leikhuh sunga akieh leh; 34Tua leikhuh neipa’n ganta man asan ding ahi; ganta neipa sum ape dinga, tuachi’n ganta shisa khu aman atang ding hi. 35Mi khat bawngtal in midang bawngtal asuh liem a ahileh, abawngtal hing nalai pen a zua ding ua, a sum akihawm ding ua, tualeh bawngtal shi pen asa aki-hawm ding uhi. 36Ahisihleh, tua bawngtal in tumalam a zong ganta na su zel zel sa ahi chi akitheidoh a, anei pan akhum utlou ahileh, bawngtal tangin bawngtal ma ape dinga, ashi pen aman atang ding hi.

Currently Selected:

PAWTDOHNA 21: ZOUBSI

Highlight

Copy