NASEPTE 21

Paul Tai-ar ah

1Amautoh ka kikhen nua un, tembaw ah ka tuong ua, tangtahin ka pei ua, Kos ka tung ua, azingniin Rhodes ka tung ua, tuana pat in Patara khuo ka tung uhi. 2Tuanah Phoenicia gam a pei ding Tembaw khat ka mu ua, ka tuong ua, ka peita uhi. 3Saipras tuikuol gam ka galmu tahun, veilam ah ka pel ua, Siria gam zuon in ka pei ua, Tai-ar khuo ka tung uhi, tembaw vante suokhe ding ahizieh un, tua khopi ah ka kum uhi. 4Nuazuite ka suidoh ua, tuanah ni sagi ka taam uhi; amaun hagau theisahnain, Paul kungah Jerusalem ah hawtou sin achi uhi. 5Tua mun a ni sagi ka taam zou un, ka kipandoh ua, ka peina ding uh ka zuonta ua, a unpi un azi leh atate utoh khopi pulam tan ahing ha ua, tuachi’n tuipi gei ah khupdin in thu ka ngen uhi. 6Mangpha ka kihah zou un, koute tembaw ah ka tuong ua, amaute inn langah anua peikiata uhi.

7Tai-ar khuo akipat tembaw in ka pei zel ua, Tolemai khuo ka tung ua, unaute ka nousiet ua, akung uah ni khat ka taam uhi.

Paul Kaisaria ah

8 # Nasep. 6.5; 8.5 Azingni in ka kipandoh ua, Kaisaria ka tung ua, sagite#Decon/upa sagite lah khat ahi. lah a khat, sawltah Philip inn ah ka lut ua, tuanah ama toh ka um uhi. 9Philip in tanu, nungah Siengthou li anei a, amauten guolnei bangin thu agen uhi. 10#Nasep. 11.28Tua khuo a ni tampi ka tam sungun, Judia gam a kipat amin Agabus kichi guolnei khat ahing haw suh hi. 11Ama ka kung uah ahing haw a, Paul kawnggah ala a, akhutte leh akengte akikaan a, “Tam kawnggah neipa, Jerusalem khuo a Judaten tambangin akaan ding ua, Jentelte khut ah ape ding uhi, Hagau Siengthou in achi hi,” achi hi. 12Tam thu ka zah tahun, koute leh tua mun a umten, Paul Jerusalem khuo a hawlou dingin ka hou uhi. 13Tuachi’n Paul in nouten kap a na hing hasietsah uh “Bang na china uh ahiei? Mangpa Jesu min a Jerusalem a kaan a um bep hilouin shi ding nangawn ngap ka hi,” chi’n adawng hi. 14Tuachia hou zou guol ahilou tahin ka tawp ua, “Mangpa thu thu hita heh,” ka chita uhi.

15Tua nite nuain ka kisa ua, Jerusalem ah ka pei touta uhi. 16Kaisaria apat nuazui pawlkhat in zong ahing zui ua, amaun Mnason inn ah ahing zawpi ua, tuanah ka tung uhi. Ama Saipras gam a nuazui masate lah a khat ahi. 17Jerusalem ka tuntah un unauten kipahtah in ang na dawn uhi.

Paul in Juda ngainadan azui

18Azingniin Paul leh kouten Jakob ka vave ua, tuanah hattuom upate zousie zong a um uhi. 19Paul in amaute a nousiet zouin, ama nasepna tungtawn a Jentelte lah a Pasian silbawlte abanban in agen hi. 20Amauten tam thu azah tahun, Pasian apahtawi uhi. Tualeh amauten Paul kungah, “Sanggampa aw, Judate lah a mi tul tampiin agintat taah dan uh na thei hi. Tualeh amaute zousie in dan thu ah phatuom angai mama uhi; 21Hinanleh nang, Jentelte lah a Juda umte zousie kung ah, atate uh teptan lou ding leh tawndante zui lou ding, chiin Mosi dan paidohna ding thu na hil zel hi chi mi kam a kipat in na thu ana thei uhi. 22Bangchi hita ding ahiei le? Na hing tung chi lah aza ngei ding ua, mipi ahing peikhawm ngeingei ding uhi. 23#Kisim. 6.13-21Tuaziehin na kunga ka gen bangun bawlin, kichiemna nei pasal li ka nei uhi. 24Amaute pui inlen, amau’toh kisiensuo inlen, asam heukieuna ding uh sum tuohpieh in, tuachi’n mi zousiein mi kam a na thu azah teng uh, bangmalou ahi chi athei ding ua, nang pen kituptah a dan zuiin na um zaw hi, chi athei ding uhi. 25#Nasep. 15.29Jentel gingtute tungtang thu ah pen, milim biehna sa anehlou ding uh, sisan anehlou ding uh, hehlup sa anehlou ding uh, kingaina thanghuoi lah apat akihepkhiet ding uh, chiloungal sildang atang sih ding uh, chiin ka gen ua, ka gielta uhi, achi uhi.

26Tuachi’n azingni in Paul in tua kichiemna nei mite azawpi a, amaute toh ava kisiensuo a, Pasian biehinn ah alut a, kisiensuona ni bei hun ding leh, amaute chiet a dinga asillat hun ding uh, siempu kungah ava theisah uhi.

Jerusalem a Paul kimatna

27Kisiensuona ni sagi abei ding kuon tahin, Asia gam a Judaten Pasian bieh inna Paul amutahun, mipi zousie achiilsie ua, Paul apum mat ua, 28akikou ua, “Israel mite aw hing panpi un! Tam mipa ahi, munchin a mi zousie kunga Judamite, dan leh tam mun gensie, tuathamlouin aman Greekte tam biehinn huongsungah alutpi a, tam bieh inn siengthou asubua zouta hi,” achi uhi. 29#Nasep. 20.4Aziehpen tumasang laiin khopi sungah Ephesa khomi Trophima Paul toh umkhawm amu ua, Paul in ama bieh inn sunga hing puilut tain agingta uhi.

30Tuachi’n khojangin abuoipita ua, mipite hing taikhawmin Paul aman ua, biehinnpi akipat akaidoh ua, kotpite akha pai uhi. 31Paul that dinga akisah laitah un, Jerusalem khuoa mi zousie abuoijahta uh chi thu galkap lamkai lienpen kungah atung hi. 32Ama’n galkapte leh galkap zahoutu azawpi pai a, akung uah ataisuh a, tuachi’n amauten galkap lienpen leh galkapte amu tahun, Paul avuoh uh atawpta uhi. 33Tuachi’n galkap lienpen ahing pei a Paul aman a, sia khainieng ni a hen ding thu apie a, tualeh aman Paul khu koi ahia, bang ahiei abawl chiin adong hi. 34Mipite lah a pawlkhat thu khat genin akikou ua, midangte lah thudang genin akikou uhi. Tualeh buoi zieh in thutah atheichien theisih a, galkapte giehbuh a, ama peipi dingin galkapte thu apie hi. 35Tualeh Paul kalbi atun tahin, mipite alungthah mama zieh un, galkapten ama apuohthaw uhi. 36Aziehpen mipiten azui ua, “Ama that un,” chiin akikou uhi.

37Galkapten giehbuh sunga Paul lutpi ding a akisah lai un, aman galkapte lamkai lienpen kungah na kungah “Thu khat ka gen thei diei?” achi a, tualeh aman “Greek ham na thei ama?” chiin adong hi. 38Tumasang lai a helna bawl a, mi that pawl, mi tulli val gamdai a puidohpa, Izipt mi hilou na hiei mah?” achi hi. 39Hinanleh Paul in, “Kei Judami, Sillisia gam a Tursas khuo ami ka hi, khopi neu a piengka hisih hi, hing hepi inlen mipite kungah thu hing gen sahin,” achi hi. 40Tuachia phalna apieh tahin, Paul kalbi tungah adinga, mipi lam ngain akhut azap a, amaute asip dide tah un, akung uah Hebru ham in thu agen hi.

Currently Selected:

NASEPTE 21: ZOUBSI

Highlight

Copy