LUK 3

Baptikya mix Juhan Mwot

(Mat 3.1-12; Mrk 1.1-8; Jhn 1.19-28)

1Athax wanghom Tiberia-e apünkya zangbün aga nguikya tuk changkya; Pontias Pilat a Jehudi ma gowarnor changkya. Herod a Galili apün angkya mix changkya, ilaxle honao Filip-e a Ituria hia Trakoniti chaxwan apün; Laisania a Abelen ma apünkya; 2Üntoxle Annas hia Kaifa hwom a nguakhobu changkya. Ijaponge Zakaria sasün Juhan hato faokha to Zang kax hüi. 3Ijadaile Jordan shua tuitui akhople Juhan-e hwon-anole aham: “Hünzom ochax tokya mongchatlax üntoxle bapti laxlax, ikoxle Zange hünzom ochaxbu thailak faüi!” 4#Isa 40.3-5.Ajepa Isaia lai ma tüikya ningle:

“Faokha to owawa akhongle ngole:

‘Jowanpa hanpakma lom achwonlax;

Chix le angkya lom tangthole zingkox!

5Haxbang pangnu wüi awangüi,

Haxkang haxhua pangnu ajitüi.

Lomtang kwonkexkyabu atangüi;

lom khünkhünduakyabu amüiüi.

6Khünak noke Zang khosün ngünüi!’”

7 # Mat 12.34; 23.33. Khünaknu othom bapti lax angkya hanpakma Juhan hato ngui. Chixe hwom ang thüi: “Hünzom pubu! Zange ahüi angkya sikngün tokya khosünüi le hünzom ang owae thüipu? 8#Jhn 8.33.Hünzome ochax tokya mong chatdaoa le ahoküli mwot mokkox. Üntoxle hünzom khama: ‘Abraham kwom putong changpu’ le akax ang taxsüt ngo. Kue thüipu, Zange idu long tswonlaxle chu Abraham sixli alai ang tsuaküi. 9#Mat 7.19.Pün otsing makhange dak angkya hanpakma wa achwonle thomle; müile chiziak chipuakya pün pangnu wüi dakle anguaküi ilaxle wünkha to awütüi.”

10Khünaknue chix ma atüi: “Jangchang thüiba kwome chempang moküi?”

11Chixe lan: “Owa ma nyipong anyi tüipuix chixe chitüikya mix ang kox angkya oli, üntoxle sax ang ling ang tüikya mixechu ahanhanle saxlax angkya changpu.”

12 # Luk 7.29. Bapti lax ang züizüi süisai mixbu hüi, ilaxle hwome chix ma atüi: “Nwotmix, kwome chempang moküi?”

13Chixe hwom ang thüi: “Othüt ziakaile hünzomechu süi taxsai.”

14Züizüi süpahibuechu chix ma atüi: “Kwom ang büle? Kwome a chempang mok angkya oli?”

Chixe hwom ang thüi: “Zongzukle owawa angkya ngunsyen pale taxlax, chichangba mixkho taxhang. Hünzom ang fakya lyetngun füi mongtex shale ngolax.”

15Khünaknu mongsung chongle hüi, ilaxle Juhan ang Messaiah changdaisi le khosam. 16Ija khoma Juhan-e hwom pangnu ang thüi: “Kue hünzom tima bapti fapu, ikoxle ku thak to akhokya mix hüile ngole, ku a chix chisox sukle fa ang ngaxchu münasu. Chixe hünzom Otsao Chasa hia wün ma baptile faüi. 17Tsaxfa chaple awüt laxle tsaxtsangtsang pangnu pung ma athün angkya hanpakma chix chak ma own twonlaxle tüile; chixe tsaxfa tamchu chimax angkya wünkha to zokle ashunüi.”

18Malili lom tokhange Juhan-e hwom hama hwon-anole mongchat angkya zong adünle Kaxho Müikya apuk. 19#Mat 14.3,4; Mrk 6.17,18.Honao kakonu Herodia apüilaxle chuwüi ochax mwotbu huanuma mokkya khoma Juhan-e wanghompa Herod to sa. 20Ikoxle wanghom Herod-e Juhan kun to hakkyae tamtaikya oma mwot mokkya ang achang.

Jisu Baptikya

(Mat 3.13-17; Mrk 1.9-11)

21Khünaknu pangnu baptikya füima Jisu chuwüi bapti. Chixe jople ngoponge zangding ka dap. 22#Pon 22.2; Mts 2.7; Isa 42.1; Mat 3.17; Mrk 1.11; Luk 9.35.Üntoxle otsangtsa füi osu ningle achang laxle Otsao Chasa chix ma ju. Üntoxle ding to ozing ile lai: “Nang a ku mongtex shakya Ku Sasün. Nang ma ku mongzom müipu.”

Jisu Putong Hwom

(Mat 1.1-17)

23Jisu-e chix mwot owang wang ponge chix zang tsübün nguiünkya. Chix a lükasa, idaile khünaknue chix a Jusep sasün changpule texle atak. Jusep a Heli sasün changkya. 24Heli a Mathat sasün, Mathat a Liwi sasün, Liwi a Melki sasün, Melki a Jannai sasün, Jannai a Jusep sasün, 25Jusep a Matathia sasün, Matathia a Amos sasün, Amos a Nahum sasün, Nahum a Esli sasün, Esli a Naggai sasün, 26Naggai a Mat sasün, Mat a Matathia sasün, Matathia a Semein sasün, Semein a Josek sasün, Josek a Juda sasün, 27Juda a Joana sasün, Joana a Resa sasün, Resa a Zerubbabel sasün, Zerubbabel a Shealtiel sasün, Shealtiel a Neri sasün, 28Neri a Melki sasün, Melki a Adi sasün, Adi a Kosam sasün, Kosam a Elmadam sasün, Elmadam a Ir sasün, 29Ir a Jihusua sasün, Jihusua a Eliazar sasün, Eliazar a Jorim sasün, Jorim a Mathat sasün, Mathat a Liwi sasün, 30Liwi a Simeon sasün, Simeon a Judah sasün, Judah a Jusep sasün, Jusep a Junam sasün, Junam a Eliakim sasün, 31Eliakim a Melea sasün, Melea a Menna sasün, Menna a Matathia sasün, Matathia a Nathan sasün, Nathan a Dawid sasün, 32Dawid a Jesse sasün, Jesse a Obed sasün, Obed a Boaz sasün, Boaz a Salmon sasün, Salmon a Nahshon sasün, 33Nahshon a Amminadab sasün, Amminadab a Admin sasün, Admin a Arni sasün, Arni a Hezron sasün, Hezron a Perez sasün, Perez a Judah sasün, 34Judah a Jakop sasün, Jakop a Isak sasün, Isak a Abraham sasün, Abraham a Terah sasün, Terah a Nahor sasün, 35Nahor a Serug sasün, Serug a Reu sasün, Reu a Peleg sasün, Peleg a Eber sasün, Eber a Shelah sasün, 36Shelah a Kainan sasün, Kainan a Arfakshad sasün, Arfakshad a Shem sasün, Shem a Noa sasün, Noa a Lamek sasün, 37Lamek a Methuselah sasün, Methuselah a Inok sasün, Inok a Jared sasün, Jared a Mahalalel sasün, Mahalalel a Kenan sasün, 38Kenan a Enosh sasün, Enosh a Seth sasün, Seth a Adam sasün, Adam a Zang sasün.

Currently Selected:

LUK 3: WANCBSI

Highlight

Copy