PONGWANG LAIPEX 35

Bethel ma Jakop to Mohiman#35.0: mohiman: Zange amuale fakya (blessing).

1 # Pon 28.11-17. Zang-e Jakop ang thüi: “Kangmomlax, Bethel to paolax ilaxle ikhato ngolax. Ikhato ku ang tö-tsap tuita tanlax. Ku a, nang hüntüi Esau thoto paole azang pongma nang füi apongkya Zang changpu.”

2Ikhoma Jakop-e hwom homkha tamchu hwom füi tüikya khünak pangwüi ang thüi: “Hünzom ma tüikya mixnok baozangbu awütdao üntoxle ma alüile atsaole changlax üntoxle hünzom nyizabu lüilax. 3Ifüima kem pangwüi Bethel to donghax. Ikhato kue Zang ang tö-tsap tuita zaile kox angkya changle. Chix a, ku khosam ma tüipongma ku zangjop to lankya Zang tamchu ku apaopao pangnu khato ku füi ngole hüikya Zang changpu.” 4Ikhoma hwome ma ma atüitüi mixnok baozangbu komkaile Jakop chak to kox, ilaxle hwom na angkya nasaxbu wüi sukle kox; ilaxle ibu pangwüi Jakop-e, Shekem zui ma tüikya Ok pünnu tong ma khomle tox.

5Hwom lomba to ahamle tüipongma, hwom akhople tüikya tingnu pangnu khato wüi, khünaknu hato za angkya ahüi, ikhoma hwom to owaechu achuale chichang. 6Ma khünaknu pangwüi koplaxle Jakop a Luz to ngui. Ijongkha ang anyix a Bethel le nyakle. Ija a Kanan haxtok ma changle. 7Chixe ikhama tö-tsap zailaxle ijakha ang Bethel angkya Zang mün to nyak, chemthüikoxle chix hotüi Esau thoto paole azang pongma, Zang ikhama chix lailai to chix hato ngaile aho. 8Rebika dacha Deborah zile pao. She a Ok pünnu fang ma, Bethel zongma shuathongchi ma akhün. Idaile ikha a “mangsopkya Ok pünnutong”, le nyak.

9Chemtue Jakop Mesopotamia nok tokya chatle chatpuix, Zang chix hato ngai ilaxle chix to mohiman. 10#Pon 32.28.Zang-e chix ang thüi: “Nang mün a Jakop changle, ikoxlechu athax makhange nang mün a Israel le changüi.” Ile Zang-e chix ang Israel le mün kox. 11#Pon 17.4-8.Ilaxle Zang-e chix ang thüi: “Ku a Khüthak Zang changpu. Susa hwom huanuma alailax. Hwom makhange jat-libu tüle laiüi, ilaxle nang a wanghombu putong ang changüi. 12Kue Abraham hia Isak nyi ang koxkya haxtok nang ang koxüi, ilaxle nang tokfüi ma ija haxtok nang sixli hwom ang koxüi.” 13Ifüima Zang-e chix danle tox. 14#Pon 28.18,19.Zang-e chix füi zangwünle changkya khama Jakop-e münwan ang long athün ilaxle ija to grepti-ju hia olip müngae lile atsao. 15Chixe ijakha ang Bethel le nyak.

Rachel Zikya

16Jakop-e hwom kako pangwüi Bethel to dantoxlaxle achex, ilaxle hwom a Efrath alop haxkhakha ma tüipongma, Rachel ang nao ngün angkya otu nguile hüi ilaxle she a tüle nuzaole sikngün. 17Chemtue she nuzaole sikngün ngopuix, ipongma dachae thüi: “Rachel, nang taxza, ija a mama sasün tuita changle.” 18Ikoxle she a zitho lüjao max, ile she zakthomüima ija nao ang she-e Benoni#35.18: benoni: Ija mün Ibri kax ma “ku mongsik-ngünkya nao”, le changle. le mün koxle tox, ikoxlechu hopae chix ang Benjamin#35.18: Benjamin: Ija mün a Ibri kax ma “shomüi nao”, le changle. le mün kox.

19Rachel zikya zuma, she a Efrath lomnu zui ma zu; ijakha ang athaxpongma Bethlehem le nyakle. 20Jakop-e ikhamachu münwan long athün, ijae anyix kople ikha a Rachel zukting changle le ahole. 21Jakop ikha angkya achexle pao üntoxle Edar longhom akailaxle tachi ma chix pom zai.

Jakop Sasün Hwom

(1 Pp 2.1,2)

22 # Pon 49.4. Jakop ikhato ngopongma, sasün Reuben-e chix dacha Bilhah füi chinunchakkaile chang; ija atatlaxle Jakop ang tüle mongtsik.#35.22: Hozang Laitai Tuita ma üntoxle chix ang tüle mongtsik; Ibu kaxhuak Ibri kax ma müntüi.

Jakop ang sasün hwom 12 tüikya. 23Liah sasün hwom a Reuben (Jakop sasün tüichongsa jao), Simeon, Liwi, Judah, Isakar, ilaxle Reuben, hwom bibi. 24Rachel sasün hwom a Jusep hia Benjamin nyi. 25Rachel dacha Bilhah sasün nyi a Dan hia Neptali nyi. 26Liah dacha Zilpah sasün nyi a Gad hia Ashar nyi. Naosom ibibi a Mesopotamia nok to pux-paikyabu.

Isak Zikya

27 # Pon 13.18. Jakop, hopa Isak hato Mamre to pao. Hebron zui angkya ija Mamre a Abraham hia Isak nyi ngwotnui jao changkya. 28Ipongma Isak a zanglao 180 tsünlole ngolaxle 29owüiole azule tix chix zi; ilaxle sasün Esau hia Isak nyie chix mangzu.

Currently Selected:

PONGWANG LAIPEX 35: WANCBSI

Highlight

Copy