THRÜNTAN 36

Esau Tsühsoniusobo

(1 Kiuthsü 1.34-37)

1Ha Esau lünkhe (ju Edom). 2Esaunü Kanan liberübo yihlu: Hitrü Elon tsührübe Ada; Hivrü Zibeon tsührübe, Ana tsührübe Oholibama; 3tüsho Ishmael tsührübe tüsho Nebaioth niurü Basemath. 4Kheakü Adanü Eliphaz, tüsho Basemathnü Reuel, Esau kilim zübejih. 5Tüsho Oholibamanü Jeush, Jaalam, tüsho Kora zübe. Harü ha Kanan lomi ching zübekhi Esau tsührübo lakheah.

6Judüki Esaunü aniube, atsührübo le tsührübebo, tüsho api yamkhün mihtsürübo alala, akamshiwühbo alala tüsho Kanan lomi ching alü thsükhi kukruk alala lubah aniurü Jakob kheaknü lomi püpü lim yü. 7Tümüde arü rukhüh lapü thsüde arü lakhit tode alakheah, tüsho arü hanrü thsüde alakhi lonü arü shiwüh thsungkheak musuhdahde alakheah. 8Jumonü Esaunü (ju Edom) Seir awung lomi ching la.

9Tüsho ha Seir wung ching lakhi Edomrü abuh Esau lünkhe ah. 10Esau tsührübo mung harü ah: Esau niube Ada tsührü Eliphaz, tüsho Esau niube Basemath tsührü Reuel. 11Tüsho Eliphaz tsührübo Teman, Omar, Zepho, Gatam, tüsho Kenaz. 12Esau tsührü Eliphaz hanniube Timnanü api kilim Amalek zübejih. Harübo Esau niube Ada tsührübo. 13Reuel tsührübo harü ah: Nahath, Zera, Shamma, tüsho Mizza. Harübo Esau niube Basemath tsührübo ah. 14Harü Zibeon tsührübe, Ana tsührübe Esau niube Oholibamanü api kilim zübejihkhi tsührübo ah.

15Harü Esau tsührübo akubeatorübo ah. Esau tsührü adüjibuh Eliphaz tsührübo: Teman, Omar, Zepho, Kenaz, 16Kora, Gatam, tüsho Amalek; harübo Edom lomi ching Eliphaz yo akubeatorübo; arübo Ada tsührübo ah. 17Harü Esau tsührü Reuel tsührübo: Nahath, Zera, Shamma, tüsho Mizza; harübo Edom lomi ching Reuel yo akubeatorübo; arübo Esau niube Basemath tsührübo ah. 18Harü Esau niube Oholibama tsührübo: Jeush, Jalam, tüsho Kora; harü Esau niube, Ana tsührü Oholibamanü azübekhi akubeatorübo ah. 19Harü Esau (ju Edom) tsührübo, tüsho arü akubeatorübo.

Seir Tsühsoniusobo

(1 Kiuthsü 1.38-42)

20Harü ha lomi ching larü Horrü Seir tsührübo ah: Lotan, Shobal, Zibeon, Ana, 21Dishon, Ezer, tüsho Dishan; harübo Edom lomi ching Horrü Seir tsührübo akubeatorübo. 22Lotan tsührübo Hori tüsho Heman; tüsho Lotan niurü aliberü Timna lakheah. 23Harü Shobal tsührübo: Alvan, Manahath, Ebal, Shepho, tüsho Onam. 24Harü Zibeon tsührübo: Aia tüsho Ana; habuh Ana hanü sunglo ching abuh Zibeon yo donkibo kümde alachoki kenü atak ngükheah. 25Harü Ana tsührübo: Dishon tüsho tsührübe Oholibama. 26Harü Dishon tsührübo: Hemdan, Eshban, Ithran, tüsho Keran. 27Harü Ezer tsührübo: Bilhan, Zaavan tüsho Akan. 28Harü Dishan tsührübo: Uz tüsho Aran. 29Harü Horrü akubeatorübo: Lotan, Shobal, Zibeon, Ana, 30Dishon, Ezer, tüsho Dishan; harü ha Seir lomi ching arü gukbo ayannü Horrü akubeatorübo ah.

Edom Kiulongthsürübo

(1 Kiuthsü 1.43-54)

31Harü ha Israelrü kurungkheak kiulongthsürü shenü kiulong müthsüchoki, Edom lomi ching kiulongthsürübo ah. 32Beor tsührü Bela Edom kiulongthsüpuh kam. Api kiuto mung Dinhaba lakheah. 33Bela sheabah, tüsho Bozra chingnü Zera tsührü Jobabnü api müthri kiulongthsü. 34Jobab sheabah, tüsho Temanrü lomi chingnü Hushamnü api müthri kiulongthsü. 35Husham sheabah, tüsho Moab lomi chingnü Midiarü kukbuh Beda tsührü Hadadnü api müthri kiulongthsü. Api kiuto mung Avith lakheah. 36Hadad sheabah, tüsho Masreka chingnü Samlanü api müthri kiulongthsü. 37Samla sheabah, tüsho Euphra ayung kheak lakhi Rehoboth chingnü Shaulnü api müthri kiulongthsü. 38Shaul sheabah, tüsho Akbor tsührü Baal-hanannü api müthri kiulongthsü. 39Akbor tsührü Baalhanan sheabah, tüsho Hadarnü api müthri kiulongthsü. Api kiuto mung Pau tüsho aniube mung Me-zahab tsührübe, Matred tsührübe Mehetabel lakheah. 40Harü ha arü gukbo tüsho lapungbo ayannü Esau yo akubeatorü mungbo: Timna, Alva, Jetheth, 41Oholibama, Ela, Pinon, 42Kenaz, Teman, Mibzar, 43Magdiel tüsho Iram. Harü ha arünü müküh-a lukhi lomi ching lakhi ayannü Edom yo akubeatorübo.

Currently Selected:

THRÜNTAN 36: YIMCBSI

Highlight

Copy