MALAKI 2
2
Thiampute Vauhilna
1Tu’hin, nang uh thiampute haw, zia thupiak hi nang uh â ding ahi.
2Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi
3La suan leh pâkteu chu vau ing ka tin, la kithoinau gancha êkte ngei chu nanghaw leh la suan la pâkteu maichang ah tât piak in, ka umna mun ah kipat in hun naw mang ding ka hi.
4 #
Kis 3.11-13
Chuleh, Levi kiang ah ka thuthung a um zing theina ding ah, zia thupiak hi ka hun piak la hiu ti hezing ta’n au, sepai honte Lalpa chun a ti ahi.
5 #
Kis 25.12
Ama kiang ah thuthung ka piak chu hinna leh phat theina ahi; tichun, ei jau ah, lau kawm ah lei choihoina ding uh ahi.
6Zilsakna dik chu a kam in a um ah, a lei ah kipat in zuau thu a pawt kha puai. Thutak leh dikna’n ei kitonpi zing ah, gitlona lampi zui mi tam tak a pui dik ta ahi.
7Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.
8Ahi’n, nanghaw chu lampi ah kipat in la pêtmang zo tau a; la thu zilsaknau ah chun mi tam tak la kisui pâisak tau hi; Levi kiang ah thuthung kha la susia zo tau ahi, sepai honte Lalpa chun a ti ahi.
9Ka lampite zui lo ah, la zilsaknau ah doichuam la nei dungzui tak un, mitin lak ah tawden leh musit in hun umsak ding ka hi.
Judah In Thuthung Botsia
10I leng un pa pakhat nei chiat I hipuau em? Pathian khat in ei siam hichiat lo I hiu em? Bang ding ah I pu leh pateu kiang ah thuthung botsia, I suapi chung ah ginum lo tak ah um chiat ziang I hiu em?
11Judah chu ginum lo tak in a la um ta’n, Israelte lak leh Jerusalem ah chun thil ki’dak um tak chu bawl ahi tai; Judah chun gamdangte pathian chanute a kichenpi ziak un, Lalpa‘n a ngainat, a mun thiangtho chu a la subuak tau ahi.
12Sepai honte Lalpa kiang ah zia gual ah thil lân ah, hetpi leh lemguatpi ah pang taphot chule Lalpa‘n Jakob puanbûk ah kipat in paidok mai hen.
13Chuleh, zia hile la bawl belap nalai sêt ui: La khut ua kipat thilpiak a lop tâk lo ziak leh a ngaisak tâk lo ziakin, Lalpa mâichâm chu kâna leh mauna mitthi tui in la luan khumsak zo tau a.
14Nang unla, “Bang ziak ah ei pom lo a diam?” la tiu a. Nang leh la khangdawng lai ji kikâl ah hiatpitu chu Lalpa ahi’n, la koppi leh thuthung siam ah la ji ahi sapi’nle la lepbawl san tai.
15Ama chule Pathian pakhat in a siam hitho lo a hem? A phe leh vo leh a thagau chule Pathian â hitho lo a hem? Ahileh, Pathian pakhat chun bang a hem a dawi? Pathian ngaisak thilpiak ngei chu ahi. Ziaziakchun, ki-enchian unla, kuama’n a khangdawn lai ji chu lepbawl kiu hen.
16 Lalpa, Israelte Pathian chun: Kinol hi ka hua hen, kipawngbawlna puan ah kithuam hile ka hua ahi, sepai honte Lalpa chun a ti ahi. Tichun, kingaitua phau inla, kilepbawl kiu in.
17La kam suakteu chun Lalpa la suthachawl tau a. Nang unla, “Bangti’n em ka hun sukthachawl uh?” la ti nalai un. Nang un, “Thil phalo bawl tapo chu Lalpa mit mu ah pha a hiu ah, a chung un a kipak hi,” la tiu leh, “Dikna Pathian chu khoi ah um ahi tam?” la tiu hin, la suthachawl uh ahi ngal a.
Currently Selected:
MALAKI 2: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
